قصص واقعية

رواية اختي باعتني للشيطان (الجزء الرابع)

وتتزوج اسماء متولي بورقة عرفي وبمناسبة ذلك يقوم بأصطحابها الي احد الفنادق الكبري لتناول عشاء فاخر وبعد قضاء سهرة ممتعه يسافران معا الي منزله المقام فوق قطعة الارض التي يوجد بباطنها المقبرة الفرعونية ويصل متولي الي المنزل

متولي .. خشي برجلك اليمين يا عروسة
اسماء تدخل الي المنزل فتصاب بالرعب فتجد اثار دماء منتشرة في كل مكان وعلي اثاث المنزل وتشم رائحة كريهة جدا لا تطيقها
اسماء .. ايه الدم ده يا متولي ؟!!

متولي .. لا متخافيش .. دا دم الحاجات اللي كنا بندبحها زي ما قال الشيخ سرحان عشان نعرف مكان المقبرة وياريته جه بفايدة
اسماء .. طب مخلتش حد ينضف البيت ليه قبل ما نيجي ؟!! وبعدين ايه الريحة الوحشة دي ؟!!

متولي .. دي ريحة الحاجات اللي اندبحت زي الكلب الاسود الغطيس ده اللي في اخر الطرقة
اسماء تلمح الكلب فتصاب بالدهشة والخوف
اسماء .. يا ساتر .. وانت ازاي سايب الحاجات دي جوة البيت يا متولي !! انت مش عارف ان دخلتك انهاردة منضفتش البيت ليه ؟!!

متولي .. لا الشيخ سرحان قال كل حاجة تفضل زي ما هي ..
اسماء .. يعني ايه ؟!! انا هعيش وسط العفانه دي ؟!! لا يمكن طبعا
متولي .. معلش يا حبيبتي هي كلها ليلة .. تتم دخلتنا علي خير وبعدين هنقضي شهر العسل بتاعنا في فرنسا
اسماء .. صحيح يا متولي هتسفرني فرنسا ؟!!

متولي .. طبعا يا روحي .. هسفرك فرنسا وهفسحك فسحة عمرك ما تحملي بيها .. روحي بقي عشان تاخدي دش .. عشان ورانا شغل جامد اوي
اسماء .. عنيا يا ميتو
متولي .. تسلم عنيكي
ثم ينظر لها نظرة غدر اثناء توجهها الي غرفة النوم وبعد ان تأخذ اسماء الشاور تخرج من الحمام لتسمع متولي يحادث الشيخ سرحان الدجال تليفونيا

متولي .. يا عم فهمت والله .. عارف بعد الدخلة علطول ادبحها من رقبتها .. طب هو لازم الدبح ده !! مينفعش اقتلها وخلاص ؟!! اها .. لازم دم كتير !! فهمت .. حاضر هصفيلك دمها في الطشط .. خلاص يا عم الشيخ فهمت والله .. اسلخهالك بالمرة عشان ترتاح ؟!!

اسماء .. يدبحني من رقبتي !! يابن الكلب انت عاملي كمين بقي ؟!! وثريا ..معقول ثريا اختي تكون عرفة باللي ناوي يعمله فيا ؟!! يا بنت الكلب يا واطية بعتيني للشيطان ده عشان الفلوس .. طب انا هعمل ايه دلوقتي ؟!!
متولي .. خلاص يا عم الشيخ سرحان .. اقفل بقي خليني اشوف اللي ورايا .. دا انت رغاي اوي !! .. اخلص وارنلك سلام .. ثم يلمح اسماء تقف امام المرأة في غرفة النوم تمشط شعرها فيقول

متولي .. دي العروسة خلصت الحمام بتاعها وبتتزوق كمان .. يلا استعني ع الشقا بالله
ثم يدخل متولي الي غرفة النوم ونلاحظ الارتباك والخوف علي اسماء التي تلمح الغدر في عين متولي
متولي .. ايه الحلاوة دي قمر .. والله ما خسارة الاربع ارانب اللي ادفعوا فيكي ؟؟! بس انتي احلي من اختك بكتير .. انتي كنتي غايبة عني فين من زمان يا سمسم ؟!! ثم يحاول تقبيلها
اسماء .. حاسب .. انت هتعمل ايه ؟!!

متولي .. هبوسك يابت .. مالك اتنفضتي ليه كدا زي ما اكون هدبحك ؟!!
اسماء تحسس علي رقبتها .. تدبحني ؟!!
متولي .. تعالي متخافيش ولا تحبي ندخل في الموضوع علطول وبلاش المقدمات دي ؟!! اسماء .. مش هينفع يا متولي
متولي .. ايه هو اللي مش هينفع يا بت ؟!!

اسماء .. مش هينفع تعمل حاجة خالص انهاردة
متولي .. وليه بقي ان شاء الله انا جاهز وزي الفل
اسماء .. انا اللي مش جاهزة .. عندي ظرف طارئ
متولي .. اها .. ودا وقته ده يعني ؟!!

اسماء .. وانا مالي .. اهي جت فجأة
متولي .. اوعي يا بت تكوني بتشتغليني .. عليا الطلاق ادبحك
اسماء .. ارجوك بلاش كلمة ادبحك دي بتقشعر جسمي
متولي .. ايه الليلة النحس دي بس ياربي !! يلا كل تأخيرة وفيها خيرة نصبر كام يوم كمان مفيهاش حاجة .. استأذن انا بقي

اسماء .. رايح فين؟!!
متولي .. اروح لمراتي بقي ام عيالي هقعد اعمل ايه ؟!!
اسماء .. وهتسيبني لوحدي وسط الحاجات دي ؟!

متولي .. امال هسيبك فين يعني ؟!! انتي هتقعدي هنا متتحركيش لحد ما تتم الدخلة النحس دي .. التلاجة عندك مليانه اكل .. سلام يا وش الفقر .. حبكت دلوقتي يعني ؟!! جاتك القرف انتي واختك
ثم يتركها وينصرف ويغلق الباب من الخارج بالمفتاح .. ثم تهرول اسماء تحاول الهرب من المنزل ولكن تجد جميع الشبابيك عليها حديد متين مثبت بقوة ولا يوجد منفذ للهرب

اسماء .. اه يا اين اللئيمة .. دا انت مظبط كل حاجة وناويلي شكلك من فترة !! دا ايه العمل بس ياربي .. منك لله يا ثريا يا اختي …
ايه اللي حصل وأسماء هتتصرف ازاي تابعوني بالبارت الخامس

بواسطة
بقلم الكاتب محمد مالك

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق