قصص واقعية

رواية اختي باعتني للشيطان (الجزء الثالث)

ثريا .. انا هقولك علي كل حاجة يا اسماء عشان ترتاحي .. متولي شغال مع راجل خواجة تاجر اثار كبير اوي والشيخ سرحان اللي بيطلع الاثار قال ل متولي ان في مقبره فراعنه كبيرة اوي في حته الارض بتاعته اللي اشتراها في الصعيد وقال عشان يقدروا يوصلولها ويطلعوا الاثار اللي جواها لازم تحصل دخله لعذراء فوق ارض المقبره دي
اسماء .. ايه التخاريف دي ؟!! وبفرض ان الكلام دا حقيقي انا ايه علاقتي بالموضوع ما عنده البلد مليانه بنات بنوت
ثريا .. مينفعش يا ناصحة

اسماء .. ليه
ثريا .. عشان الجن حارس المقبره عايزك انتي بالتحديد
اسماء .. انا !! واشمعني انا يعني ؟!!
ثريا .. انا ايش عرفني ؟!! متولي اللي قالي كدا .. عشان كدا طلب يتجوزك ودفعلي ٢ مليون جنيه
اسماء .. ٢ مليون جنيه ؟!!

ثريا .. ايوا .. مليون مهر وشبكة .. ومليون تمن الزفت العذرية .. امال انتي فكرة متولي هيدفع الفلوس دي كلها عاشق جمالك ؟!! انتي كلك علي بعضك متسويش الف جنيه في نظره ولو عايزك ببلاش كمان يعملها ومحدش فينا يقدر يتنفس معاه ولا يقله بم .. لكن انتي ضيعتي كل حاجة

اسماء .. خلاص رجعيله فلوسة ويا دار ما دخلك شر
ثريا .. ارجعله فلوسة ازاي . انا مش لسة قايلالك ان دافعة مليون جنيه للمقاول عشان يبنيلي حتة الارض بتاعتي
اسماء .. طب ما في مليون تاني اديهاله
ثريا .. المليون التانية دفعتها جزء من تمن محل الهدوم اللي اشتريته
اسماء .. هو انتي اشتريتي محل هدوم ؟!!

ثريا .. وطي صوتك .. ايوا اشتريت زفت علي دماغك
اسماء .. يا جمالك انتي وهو هو بيدور علي اثار وانتي بتشتري ارض ومحل هدوم وكله علي حساب شرفي ؟!!
ثريا .. هو فين شرفك ده ؟!! ما خلاص ضيعتيه وضيعتينا معاه دا متولي لو عرف هيقتلني انا وانتي .. اعمل ايه بس يا ربي

اسماء .. ولا حاجة .. تخرجي تقوليله دلوقتي يدفع ٢ مليون تاني وكاش كمان
ثريا .. ليه بقي ان شاء الله ؟!!
اسماء .. هو انتي مش بتقولي ان حارس المقبرة اختارني انا بالتحديد
ثريا .. ايوا زي ما قالة الشيخ سرحان

اسماء .. خلاص يعني مينفعش يجيب واحدة غيري
ثريا .. بس الكلام دا يا فالحة لما كنتي بنت بنوت.. دلوقتي انتي متنفعيش ببصلة
اسماء .. ومين قالك اني منفعش ؟!، انا ما زلت بنت بنوت يا ماما
ثريا .. ايه ؟!! طب وال…
اسماء .. حركة مني عشان اعرف ايه حكايتكم بالظبط واديني عرفتها
ثريا .. يا بنت الكلب دا انتي طلعتي لئيمة !!

اسماء .. تربيتك يا ابلة ثريا .. المهم دلوقتي لازم نستغل الفرصة دي لانها مش هتتكرر تاني ومادام كدا كدا الجن اختارني انا عشان المقبرة تتفتح يبقي متولي مش هيسيبني في حالي وهيدخل عليا يعني هيدخل عليا ومادام الدخلة هتم بارادتي او غصب عني يبقي استفاد بالفلوس احسن .. اخرجي قليلي اني عرفت الموضوع واني عايزة نصيبي زيك بالظبط ٢ مليون جنيه مينقصوش مليم يا اما ينسي انه يلمس شعرة مني

ثريا .. ناصحة يا بت زي اختك .. اديني خارجة اقله
وتخرج ثريا لتخبر متولي بطلبات اسماء وبعد شد وجذب يوافق متولي علي دفع المبلغ فليس لديه خيار آخر ويتم الزواج العرفي ويذهب متولي الي قطعة الارض حيث بني فوقها بيت من طابق واحد لكي يُتم دخلته ولكن حدثت كارثة ….

الاحداث اشتعلت والقصة أصبحت شيقة ومثيرة

بواسطة
بقلم الكاتب محمد مالك
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق