قصص واقعية

رواية جسد بلا روح (الجزء الحادي والعشرون)

*اخيــرا ملك قدرت تتشجع وتتعامل مع خالد بقوه وحست انها ف مشاعر م ناحيتها لعلى وهو كمان كان حاسس بكدا وقرر انه يعترفلها ,وانه هيعمل ده فعلا ف لحظة رقصتهم سوى بس اتفاجئ ان خالد قرب ناحية ملك عشان يرقص معاها*
خالد*بأبتسامة خبث*:ترقصى معايا؟

ملك*بصتله وكانت مضايقة*:لا رجلى بتوجعنى
خالد*بغيظ*:مفروض تقومى عشان شكلنا ميبقاش وحش
ملك*بصتله وابتسمت*:متخافش مش هخلى الشكل وحش خالص *وقامت بعدت عنه وقربت ناحية باباها*:ممكن ترقص معايا
مجدى*ابتسم اوى*:طبعا ياحبيبتى

خالد*كان باصص ومضايق اوى وعلى كان باصص ومبسوط للملك عملته*
مجدى*ابتسم*:عقبالك ياحبيبتى
ملك*بحزن*:مظنش يابابا
مجدى:ليه بتقولى كدا
ملك *ما رضيتش تقولوا السبب الاصلى*:مش عايزة اسيبك لوحدك
مجدى:ومين قالك انى لوحدى ما انا معايا صفاء

ملك*اول ما سمعت كدا اضايقت*:يعنى مش عايزنى انا وعايزها هى
مجدى:حبيبتى انا مقولتش كدا بس نفسى افرح بيكى بقى عشان خاطرى ياملك نفسى اشوفك عروسة!
ملك*ابتسمت*:ان شاء الله يابابا لما ييجى النصيب *وقعدوا يرقصوا سوى وكانت ملك مبسوطة اووى وحاولت تتجاهل خالد خالص ,وبعــد ساعات خلص الفرح ووصلوا نهى لبيتها وروحوا سوى*

رحمة:اخيرا خلصنا منها *وبصتلها وغمزتلها*:عقبالك بقى يا لوزة
ملك:لا انا قاعدة ع قلبك
رحمة*بتبص لعلى الكان جى ناحيتهم*:ماعتقدش ده
على:ايه مضايقين طبعا تلاتتكم مش موجودة
رحمة:اة والله جدا الثلاثى المرح بقى ثنائى بس هتروح فين جاية جاية *وبصتله*:بس عموما عقبالك اعلول
على*بص لملك*:ان شاء الله

رحمة:يعنى ايه هنفرح قريب
على:بصراحة اة
ملك*اول ما سمعت كدا قلبها دق اوى واضايقت*:انت هتتجوز!! قصدى يعنى مرتبط
على*بيحرك راسه بنعم*:اة
ملك*اضايقت*:مين!
على*بصلها وابتسم*:لزما تعرفى دلوقتى يعنى

ملك:اة ,لا مش لزما بس اكيد هتعرفنى عليها
على:طبعا ,انت مش صاحبى الجدع ولا ايه!
ملك*بصتله واضايقت اوى م كلاموا ومش مصدقة انه بيحب واحدة وهيتجوزها*:صح ,عن اذنكم اشوف بابا *ومشيت ملك*
رحمة:ما تزيدش فيها كدا احسن تصدق
على:قصدك ايه!

رحمة:قصدى انى عارفة ان ملك هى ال ف بالك ,ما تخفش هظبطك بس انت قولى اعمل ايه بالظبط
على*ضحك اوى*:كنت عارف انك هتنقذينى بما ان نهى ما بقتش موجودة
رحمة*بتغمزله*:عيب عليك احنا ف الخدمة
*فضلوا يهزروا سوى ويتكلموا ,ملك وقفت بعيد وبصت عليهم هما الاتنين ولقتهم بيهزروا استغربت اوى وراحت ناحية باباها*:خلاص هتمشى بكرة

مجدى:اة ياحبيبتى ,مش هينفع استنى اكتر م كدا
ملك:هتوحشنى اووى
خالد:مش هيوحشك كتير مش كلها كام شهر وترجعى تنورى بيتك
ملك:افتكرت فعلا انه بعد الامتحانات النهائية هترجع البيت تانى وماكنتش عارفة ازاى هتبقى ف بيت واحد مع خالد
صفاء*بتصنع الحزن*:ده البيت وحش اوى م غيرك ياملك والله

ملك:فعلا هرجع قريب *ولما افتكرت ان على خلاص هيتجوز وف واحدة ف حياته*:ومش هاجى تانى
منى:اخث عليكى ياملك هتنسينا بالسرعة دى مش هتجيلنا
ملك:لا ياطنط قصدى يعنى حتى لو جيت هتبقى زيارة بسيطة مش هقعد معاكوا زى الاول
رؤوف:لا طبعا تيجى وتنورينا ف اى وقت البيت ده هيفضل مفتوحلك طول ما انا عايش وبعد ما اموت
ملك*قربت م خالها وحضنته*:بعد الشر عليك ياخالو ,ربنا يطول ف عمرك

رؤوف:ونفرح بيكى زى نهى ان شاء الله
ملك*بتنهيدة*:ان شاء الله
*وفضلوا قاعديين وخالد مانزلش عينه م عليها وقال انه هيصبر لحد ما تيجى البيت وتبقى فريسة لى ساعتها ,,وفعلا تانى يوم تودع باباها عشان ماشى ووتعـــــدى ايام وف يوم*
نهى:اصحى ياهانم انا جيت

ملك*قامت بسرعة وحضنتها*:نهى جيتى امتى
نهى:امبــارح,ومقدرتش استنى قولت لزما اجى اشوفكم
رحمة:كنا مرتاحيين منك
نهى:انتى بالذات واثقة انى كنت وحشاكى
رحمة*بتحضنها*:فعلا والله *وبعد كدا بصتلها*:ها الجواز حلو
نهى:يعنى احنا لسه بنقول ياهادى فاكيد حلو الله اعلم السنين بقى مخبية ايه!

ملك:ان شاء الله سنينك كلها هتبقى حلوه اوى
نهى:يـــــــارب ,وعقبالكوا انتوا كمان ,ولا نسيت انتوا الاتنين معقديين
ملك*بتضربها بالمخدة*:امشى يانهى م هنا
نهى:خلاص قوموا شوفوا جبتلكوا ايه! بصراحة ف كذا حاجة عجبتنى قولت لزما اجبهالكوا
*وقاموا واتفرجوا ع الحاجات ال نهى جابتها ,وتعـــــــــدى فترة, وف يوم تخرج البلكونة*
ملك:ايه ده انت واقف م بدرى

على:لسه م شوية ,ملك انا حاسس انك بقيتى تهربى منى
ملك:وانا ههرب منك ليه!
على:مش عارف م ساعة ما قوتلتك انى هتجوز قريب وانتى ما بقيتيش زى الاول
ملك*بتنهيدة*:لا ابدا بس قولت انك اكيد مشغول معاها
على:بصراحة جدا وبتفضل ترغى معايا كتير بصدع اوى م كلامها
ملك:ربنا يسعدكوا سوى

على:مش عايزة تشوفيها
ملك*بلهفة*:ياريت هى فين!!
على*ابتسم*:هوريهالك بكرة
ملك*بستغراب*:بجد
على:ايووه واعملى حسابك انتى الهتسوقى العربية! عايز اشوف اتعلمتى ولا لا
ملك*بحزن*:حاضر ,انا هدخل انام عشان بكرة عندى محاضرة
على*ابتسم*:ماشى ,*وقبل ما تدخل ندهلها*:ملك

ملك*بصتله*:نعم
على:خلى بالك ع نفسك
ملك*ابتسمت ابتسامة صغيرة ودخلت حست انها مضايقة ومش مصدقة انه فعلا بيحب واحدة وهيتجوز قريب ما كنتش عارفة ليه حاسسة الاحساس ده بس اتأكدت ان ف مشاعر جواها م ناحيته ,وخافت اووى انها تعيش مجروحة طول عمرها بسببه بس مارضيتش تفكر كتير وحاولت تنام معرفتش وتـــانى يوم تسمع صوت الموبايل*
نهى:قولت اكيد نايمة لزما اصحيكى

ملك:لا انا صاحية م بدرى ,او تقريبا ما نمتش
نهى:ايه ده ياريتنى كنت اتجوزت م بدرى عشان تكونى صاحية كدا ,بس ما نمتيش كويس ليه
ملك*ابتسمت*:عادى بقى مش عارفة ايه السبب بجد
نهى:طب يلا ياختى اجهزى عشان هنتقابل ف الطريق
ملك:حاضر *وقامت ملك وكانت مخنوقة اوى انها اليوم ده هتشوف البيحبها على ,بس حاولت تتماسك وراحت الجامعة مع نهى وكانت طول الوقت سرحانة*

نهى:ف ايه مالك
ملك:مفيش
نهى:لا فيكى حاجة انتى مش طبيعية خالص م ساعة ما قاعدنا ف حاجة حصلت ولا ايه!
ملك:لا بس اصل على قالى هيخلينى اشوف البيحبها!
نهى*بستغراب*:على مين!
ملك:هو احنا نعرف 100 على ,على اخوكى
نهى:بيحب مين! ملك انتى شكلك عشان ما نمتيش كويس فمش مركزة لزما تروحى وتنامى
ملك:هو مقالكيش

نهى:لا مقاليش حاجة معرفش ,ومين دى ان شاء الله البيحبها وهيتجوزها ايه الكلام ده مش فاهمة حاجة ,انتى اكيد كنتى بتحلمى يابنتى
ملك*استغربت اوى انها ماتعرفش ولسه هتكلم*
مها:ازيكوا يابنات ,عاملة ايه ياعروسة
نهى*ابتسمت*:الحمد لله يامها ,وانتى
مها:الحمد لله ,عرفتوا الحصل
نهى:قولى يارويتر ايه الحصل تانى
مها:مش ف ناس طلعوا ع ماهر وضربوا
نهى:ايه ده بجد! ناس مين؟

مها:اكيد اهل البنت الكان بيكلمها دى ,لا وكمان م ساعتها وائل صاحبه اختفى وماحدش يعرف عنه حاجة ومحدش فيهم بقى ييجى
ملك*كانت بتسمع الكلام وفهمت ليه وائل كان خايف اليوم ده اكيد عرف الحصل لماهر ,ولقت نفسها بتشكر ربنا وان خدت حقها منه وقالت يمكن بعد الحصاله ده يبطل يعمل حاجة ف بنات الناس ويحرم يقرب ناحيتهم تانى*
نهى:ديما بتجيبلنا اخبار فظيعة ,عموما احنا مالناش دعوه
مها*بصت لملك*:بس افتكرت ان ملك هتهتم بالموضوع ده

نهى*بصتلها جامد*:ولا ملك ولا انا ,اصلا مش عايزيين نسمع حاجة عن الواد ده تانى ياخد شره ويبعد عننا مش ناقصين وجع دماغ احنا
مها:طيب ,انا همشى بقى *ومشيت مها وفضلت ملك تشكر ربها ان خلصت م البنى ادم ده ع خير وانقذها منه ورجعت تانى تفكر ف حوار على وروحت البيت وقعدت شوية وبعديها كلمها وجهزت ونزلوا*
على:هتعرفى تسوقى ولا هتموتينا
ملك:هجرب!

على:ربنا يستر *وركبوا العربية وفضل يشاورلها ع الطريق التمشى فيه لحد ما وصلت عند جامع كبير*
ملك:هى حبيبتك هنا!
على:بصراحة انا قولت قبل ما اعرفك ع حبيبتى اعرفك ع حبايبى الاول
ملك*بعدم فهم بصتله بستغراب*
على:انزلى بس وانا هقولك

ملك*نزلت م العربية وداخلة مبنى جمب الجامع ,ولقت انه على عامل لباباه ومامته صادقة جارية ع روحهم*
على:عارفة لما كنت بختفى ,كنت باجى هنا اشوف خلصت ولا لا ,كنت حاسس انى لزما اعمل حاجة لاهلى هما دول اول حبايب ليا ال سبونى بدرى فقولت اعملها عشان اريحهم وتفضل كل الناس تدعيلهم ,عارفة ياملك لما باجى هنا برتاح اوى بحس انهم حواليا ,ويوم فرح نهى جيت وقولتلهم انا كدا خلاص خلصت اول جزء م المأمورية بتاعتى وربنا يسهل ف الباقى ,واحسن حاجة انى مطمن ع نهى حتى لو جرالى حاجة انها مع ناس طيبين وزوج محترم اووى ,كل ما بيوحشونى باجى هنا واشوف الناس بتكون مبسوطة وتقرألهم الفاتحة ,بــــــرتاح اووى ساعتها
ملك*الدموع ف عنيها*:ربنا يرحمهم ,يلا نقرألهم الفاتحة *وبعد ما خلصت الفاتحة ,بصتله*:هو انا ممكن اعمل حاجة زى كدا لماما

على*ابتسم*:اكيد طبعا وانا الهعملوا بنفسى كمان وهشرف عليه لحد ما يخلص
ملك*بصتله*:انت غريب اوى
على*بصلها وابتسم*:تانى هتقولى غريب

ملك:بجد ياعلى عارف انا مش قادرة اصدق ان ده انت انا زمان كنت شيفاك حاجة ودلوقتى شايفة حاجة تانية خالص ,مش عارفة ازاى اتحولت الفترة دى كدا وتقريبا حتى نظراتك كنت فهماها غلط يعنى البنى ادم الكنت فكراه بيبصلى نظرة حب طلع بيبصلى نظرة وحشة وانت الكنت فاكرة نظرتك ليا مش كويسة ,طلعت نظرة كويسة اوى
على:انا عرفت الحل ,انتى تعملى نضارة نظر

ملك*ضحكت اوى*:والله ,ماشى ياعلى *وبصتله وقالت*:ربنا يسعدك مع البنت البتحبها
على:اة صحيح مصممة تشوفيها
ملك*بصتله وحركت راسها*:جــــدا
على:قــــــــــريب هتشوفيها

ملك*بتنهيدة*:ماشى *وفضلوا قاعديين شوية ويعديها روحوا وفضلت ملك تفكر ف كل ده وحست قد ايه انه بنى ادم كويس ومحترم ورغم انها مبسوطة انه بيحب لكن لقت نفسها تتمنى لو يكون هو شريك حياتها بس طردت الفكرة دى م دمغها بسرعة عشان عارفة ان قلبه مع واحدة تانية*وف الوقت ده خالد قاعد مع صاحبه عادل*
عادل:ايه يا ابنى كمية الشرب ده ,ارحم نفسك

خالد:هتجنن ياعادل البت كانت عجينى ف ايدى فجأه بقتت تتمرد عليا
عادل:ما تفكك منها بقى ياعم خالد ما ف بنات كتير
خالد:افكنى منها انت عارف انا بقالى كام سنة مستنيها وتقولى ف الاخر سيبنى منها ,ده مستحيل ابدا
عادل:هتعمل ايه يعنى!!
خالد:وحياتك بس ترجع البيت وانا مش هرحمها
عادل:صدقنى بلاش ماتجبش لنفسك المتاعب

خالد:انت عارف انى مايفرقش معايا مش كل السنين دى تبقى ع الفاضى هوصل للــ انا عايزه يعنى هوصل
عادل:انت حر بقى انا حذرتك
*وف الوقت ده صفاء تكون قاعدة مع سليم*
صفاء:كويس انك جيت بدرى قابليهم عشان عايزاك ف موضوع
سليم:موضوع ايه!
صفاء: احنا قريب مش هينفع نتقابل هنا؟

سليم:ليه!
صفاء:ال متتسماش ملك هتيجى هنا قريب وطبعا مش هينفع مقابلتنا تكون هنا ,هو بالنسبة للشلة عادى عشان هى شافتهم قبل كدا
سليم:يييييييييييه هنعمل ايه دلوقتى ,وكمان سما مش هتسبنى فحالى انتى عارفة بهرب منها ازاى!
صفاء:هنتصرف متقلقش ,المهم مين جاى النهاردة م الشلة
سليم:كلهم طبـــــعا
صفاء:طيب هقوم احضر الحاجة بقى قبل ماييجوا

*ودخلت صفاء وشوية وبدأت الشلة تيجى ويقعدوا ويشربوا ويرقصوا كالعادة ومافيش اى حاجة جديدة تحصل وتعــــــــدى شهور وتيجى فترة امتحانات ويكون ملك ونهى بيزاكروا مع بعض وملك لحظت ان نهى كانت ساعات بتكون تعبانة بس ماكنوش مركزين ف تعابها اوى وف اخر يوم امتحان ليهم اول ما يخرجوا م اللجنة نهى يغمى عليها*وابتدت ملك تفتكر كل ده وبصت ع مهند*
ملك:قلقت عليها اوى ساعتها وشالوها ودوها للدكتور ال ف الكلية واكتشفت احلى خبر ,كانت حامل
مهند*ابتسم*:اكيد اتبسطى طبعا

ملك:جــــــدا متتصورش كنت انا ونهى قريبين م بعض قد ايه! وحبتها كأنها اختى بجد كنت مبسوطة ليها ولمحمد وحبهم لبعض هييجى حاجة تقويه اكتر واكتر واكيد احلى حاجة ف الدنيا ان جزء منهم هما الاتنين يلمسوا بأيديهم الاحساس ده لوحده كان مخلينى مبسوطة بيهم جدا *وسكتت شوية*:ع فكرة هى تقريبا ده شهر ولدتها *واول ما خلصت الجملة دى لقت حسين بيبخبط*
حسين:انا اسف يادكتور بس خال المدام عايز يشوفها
مهند:خليه يدخل

رؤوف*داخل وكان مبسوط اوى*:ملك حبيبتى ,انا اسف انى عطلتكوا بس قولت لزما افرح ملك مقدرتش استنى
مهند:اتفضل اتكلم
رؤوف:نهى ,جابت ولد وسمته علـــــــــــــــــى
ملك*اول ما سمعت كدا الدموع نزلت ع خدها وكانت مبسوطة اوى*:ربنا يحميهولها يارب ويحفظه
رؤوف:كانت عايزة تكلمك
ملك*مدت ايديها عشان تمسك الموبايل واول ما ردت*:نهى

نهى*الدموع ف عنيها*:ملك اخيرا سمعت صوتك
ملك:مبروك ياحبيبتى
نهى:كان نفسى تكونى معايا اوى وانتى ال تشليه اول واحدة
ملك*ابتسمت اوى*:اكيد قريب هاجى وانا الهشيلوا
نهى*الدموع نازلة م عنيها*:وحشتينى ياملك جــــدا

ملك*بعياط*:وانتى كمان يانهى ان شاء الله هجيلك , اكيد هقدر اجيلك بأذن الله
رؤوف*بيمسح دموعه*:ملك هاتى الموبايل عشان ده غلط عليكوا انتوا الاتنين!
مهند*كان شايف اللحظة دى وصعبان عليه ملك اوى ,وادالها مناديل*:ملك تقدرى تمشى النهاردة لو تعبانة
ملك*بتمسح دموعها*:لا مش همشى ,انا هكمل
رؤوف:انا هستناكى برة ياحبيبتى

ملك*حركت راسها بنعم*
مهند:تماسكى ياملك انتى قوية
ملك*بتنهيدة*:صح قـــــــوية ,عارف ان هو الكان مصدرها عمره ما انسى اليوم الخوفت فيه انه خلاص هيضيع منى قلقت اوى اوى وخوفت عليه جدا وحسيت انى بعد ما لقيت نفسى انى هرجع اضيع تانى ,وعمرى ما هنسى الموقف ده!
مهند:موقف ايه!

ملك*بدأت تحكيلوا انهم بعد ما عرفوا ان نهى حامل كلهم اتبسطوا وكل البيت كان فرحان بالخبر ده وبعديها بفترة لقت على بيتصل بيها*فــــــلاش بــــــــاك*
على:ملك انزلى حالا عند البحر
ملك*بستغراب*:ليــــــــه
على:معايا حبيبتى وعايز اوريهالك
ملك*بحزن وقلبها دق اوى*:هى معاك دلوقتى
على:اة يلا بسرعة بقى

ملك*بتنهيدة*:حاضر *ولبست وخرجت م الاوضة*:طنط منى انا نازلة اجيب حاجة م تحت
منى:ماشى ياحبيبتى متتأخريش ,واحتمال تقابلى رحمة هى كمان نزلت تشترى حاجات
ملك:ماشى *ونزلت ملك وكانت الدنيا ضلمة شوية وقربت ناحية البحر لقت على واقف معاه واحدة ومش شايفاها م ضهرها استغربت اوى وفضلت تقرب شوية بشوية لحد ما شافتها*
على:ها ايه رأيك ف المفجأه دى
ملك*بصدمة*:رحـــــــــــمة

رحمة*بكسوف ودلع وحطت ايديها ع كتف على*:ايه رأيك ف المفجأه دى
ملك*بزهول*:ازااى ده ,بس انتى قولتى انك مش عايزة *ولسه هتكلم*
رحمة:بصراحة مقدرتش بقى حبى لعلى كان اقوى منى ومنه
ملك*قلبها بيدق اووى*

على*مسك ايد رحمة*:كنت انا البقولها تقول كدا عشان محدش يعرف ونخبى عليكوا ونعملكوا مفجأه
ملك*لسه هتكلم*
نهى*جت م وراها*:وبصراحة انا كمان كنت عارفة ,بس لما قولتيلى مثلت انى مش عارفة حاجة
ملك*بتحاول تمنع دموعها*:انتى كمان عارفة!!
نهى*بتحاول تكتم ضحكها وهى شايفة ملك كدا*:اة بس مقولتيش ايه رأيك ف المفجأه العملوها تفتكرى يطلع يتقدملها دلوقتى ,والله تبقى حركة مجنونة ياعلى

على:اكيد انا عايز ابقى معاها ف اقرب وقت ما صدقت انى لقيتها اصلا
ملك*حست انها مضايقة اوى بس حاولت تتماسك*:اكيد ,مبــــــروك ياعلى ,,مبرووك يارحمة ,انا هطلع بقى عشان متأخرش
*ولسه ملك هتمشى فجأه لقت اضاءه غريبة ونهى ورحمة ماسكيين يافتة مكتوب عليها (بحبك ياملك ,على)
على*ندهلها*:ملك

ملك*بصتله*:نعم
على:بـــــــــــــــــــــــــــحبـــــــــــــك
ملك*اول ما شافت كل ده وسمعت الكلمة دى دموعها نزلت ع خدها وماكنتش مصدقة*
على*قرب ناحيتها*:بصراحة م اول يوم شوفتك فيه وانا حاسس انك هتكونى حاجة اساسية ف حياتى ,مانكرش انى كنت بضايق م معاملتك دى بس كنت ببقى فرحان برده ,ملك انا حبيتك اوى مش عارف ازاى او امتى او ليه ,بس كل ال اعرفه ان على ميقدرش يعيش م غير ملك وملك متقدرش تعيش م غير على وده باين عليكى ,بحــــبك اوى
ملك*ابتسمت وقالت بخجل*:وانا كمــان بحبـــك *ولسه هيحضنه بعض*

رحمة*تقف ف النص*:لا ياحبيبتى انتى وهو بعد الجواز وكمان احنا مش كيس جوافة هنا *وبصتلها *وكمان ايه السهولة ال انتى صدقتيها دى بقى انا اتجوز على
نهى:ومالوا على بقى ياختى؟
رحمة:مالوش اهوه دخل خد البت وانتى خدتى اخويا ,ده كويس انكوا ماعندكوش اخ تالت كنت زمانى ف القايمة!
ملك وعلى *فضلوا باصيين ع الحوار وبيضحكوا وبيبصوا لبعض نظرات حب*رحمة ونهى سبوهم لوحدهم وفضلوا قاعديين ع البحر*

على:مبسوطة ياملك
ملك:اوى انا كنت خاايفة اوى انك ترتبط بواحدة تانية كنت حاسة انك قدرت تحتل قلبى بطريقة غريبة ,على انا اسفة اوى للمعاملة الكنت بعملهالك ,وشكرا جدا انك انقذتنى م البنى ادم الكان هيستغليكى وشكرا انك اديتنى القوه دى واديتنى سلاح اقدر ادافع به عن نفسى انا معاك بجد بحس انى قوية اوى ,عشان خاطرى ما تبعدش عنى ابدا انا م غيرك ولا حاجة

على*بيمسح دموعها*:انتى قــــــوية ياملك وهتفضلى قوية ,وانا ياستى هفضل معاكى ,وف اقرب وقت هنتجوز انا هروح اتقدم لباباكى
ملك*ابتسمت*:يــــــاريت انا عايزة اكون معاك اقرب وقت ممكن ,مش عايزة ارجع البيت ده تانى خالص
على*ابتسم*:هترجعيه ف فترة مؤقته وبعد كدا مافيش اى حد هيقدر ياخدك منى ,انتى سامعة

ملك*ابتسمت وحركت راسها بنعم وكان اليوم ده م اسعد لحظات حياتها حست انها اخيرا لقت البنى ادم العيزاها الهيقدر يحافظ عليها ,وقررت تسافر عشان تمهد لباباها موضوع جوزهم وبعديها على هييجى عشان يتقدم لباباها ,وتروح البيت مفجأه واول ما توصل وتفتح باب الشقة متلاقيش حد تحس انها مرتاحة بكدا جدا ,وتدخل اوضتها وشوية وتخرج وتقعد ع اللاب واول ما تفتحه تلاقى اكونت صفاء مفتوح وف شات بينها وبين شخص مفتوح وتلاقى كلام ! وتقعد وتقرأ الكلام وتشوف صور وتكون مصدومة وشوية وتيجى صفاء م برة*

صفاء*بخضة*:ايه ده بيطلعوا امتى مقولتيش ليه انك جاية
ملك*قامت وقفت وبصتلها*:ايه الارف ده
صفاء*بستغراب*:ارف ايه!
ملك*قربت اللاب منها*:ايه ده
صفاء*بتوتر*:ده ده ,ايه كلام عادى
ملك*بصدمة*:انتى بتسمى كمية الارف ده كلام عادى ,ايه ده انتى ,,انتى ازاى كدا
صفاء:ف ايه هتعمليهم عليا ولا ايه!

ملك:انا بجد مصدومة فيكى انتى مش طبيعية ع فكرة انتى اصلا مستحيل تكونى زينا كدا
صفاء:انتى اتجننتى ولا ايه *ولسه هتمد ايديها عليها ملك مسكت ايديها جامد ولويتها*
ملك:اوعى تكونى فاكرة انى هسمحلك تعملى كدا زى زمان هه فاكرة زمان لما خدى ورم بسببك فاكرة شعرى ده القصتيه بمنتهى القسوه فاكرة كلامك ال ديما كان بيجرح فيا
صفاء*بصدمة*:اى ايدى ياملك سبيها اى

ملك:انتى بنى ادمة مؤرفة ع فكرة ,م النهاردة انتى مش هتعيشى هنا ولا انتى ولا اخوكى
صفاء*برقت بصدمة*:ملك انتى بتقولى ايه!
ملك*وهى بتبعد ايديها*:بقول ال سمعتيه بابا لزما يعرف القذارة بتاعتك دى ولزما تمشى م هنا ال زيك ماينفعش تعيش ف بيت زى ده ,اخرك تترمى ف الشوارع بقذرتك دى *وبصتلها بأرف ومشيت*

صفاء*قاعدت ع الكنبة وكانت مصدومة م طريقة ملك وكلامها وماكنتش مصدقة انها خلاص هتسيب البيت ده بعد ما اتعودت ع العز هتترمى ف الشارع واستغربت اكتر القوه البقت عند ملك وكلامها الجامد ده وقالت لو هى عملت كدا هتنتقم م ملك اشد انتقام وشوية وحصلت حاجة ايه هى هنعرف الحلقة الجـــاية….  

بواسطة
الكاتبة فاطمة هشام
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق