قصص واقعية

رواية جسد بلا روح (الجزء الخامس عشر)

*وتقعد ملك تعبانة وحست ان تعبها جه بفايدة عشان ماتروحش الجامعة وتقابل ماهر ماكنتش عارفة ممكن تعمل ايه وقتها وخافت اكتر م انهيارها وان حد يحس بحاجة وبعد فترة بدأ التعب يروح وبدأت تبقى احسن وبعد ما تدخل البلكونة وتخلص كلام مع على تخرج تلاقى رحمة بتفتح الباب*

رحمة:ملك كويس انك قومتى وبدأتى تتحركى *وقربت منها*:بقيتى كويسة
ملك*الدموع نازلة م عنيها*:اة
رحمة:انا حاسة ان ف حاجة انتى مخبياها ف ايه ياملك انتى مش طبيعية خالص؟
ملك:لا انا كويسة بس تعبانة شوية!
رحمة:لا ف حاجة تانية غير التعب احكيلى

ملك*مسحت دموعها وماكنتش عارفة تقولها ايه تقولها انتى صح وهى غلط تقولها انها طلعت هى الجواها عقدة عمرها ما هتنتهى م حياتها لقت نفسها ساكتة ومش قادرة تتكلم*
رحمة*فهمت انها مش قادرة تحكيلها ومرضيتش تتضغط عليها*:طب ع فكرة ف مفجأه جاية ف السكة
ملك*بتعب*:مفجأه ايه!
رحمة:باباكى اتصل وقال انه جى

ملك*بفرحة*:بجـــــــــــــــد
رحمة:اة بعد التعب الـ انتى كنتى فيه ده مقدرش يستنى وقال انه خد اجازة عشان لزما ييجى يشوفك *واول ما خلصت الجملة دى سمعوا صوت الجرس*
ملك*رغم تعابها خرجت بسرعة وفتحت الباب واول ما لقت باباها حضنته وفضلت تعيط وياخدها ويدخلوا جوه*
مجدى*بيطبطب عليها*:بس ياحبيبتى بطلى عياط

ملك:بابا ما تسبنيش خدنى معاك انا عايزة امشـــــى
مجدى*بستغراب*:ف ايه ياملك حصل حاجة؟
منى:الله ف ايه ياحبيبتى هو حد زعلك فينا ولا ايه!!

ملك*بتمسح دموعها وبتحرك راسها بالنفى*:لا بس انا البيت وحشنى وبابا انا حاسة انى عايزة ابقى معاه الفترة دى
مجدى*ابتسم*:انا اصلا كنت جى عشان اخدك ياملك ,المهم طمنينى حبيبتى عاملة ايه دلوقتى
ملك*بتعب وتكوح شوية*:الحمد لله بقيت احسن م الاول ,بس هبقى احسن لو روحت *واول ما ملك قالت كدا لقه الباب بيخبط ورحمة راحت تفتح وطلعت نهى*
نهى:ها ياملك ايه اخبارك دلوقتى!

ملك:الحمد لله
رحمة:ملك هتروح مع باباها يانهى
نهى*بصدمة*:ايه ليـــــه!
مجدى:عايزة ترجع البيت معايا شوية حتى نعتبرها فترة نقاها
نهى:بس ياعمو احنا داخلين ع امتحانات
مجدى:انا عارف تبقى تاخد الكتب وتزاكرهناك وترجع ع الامتحانات
نهى:ماشى خلاص وكمان متقلقيش انا بسجل اسمك ,بضطر والله ياملك ف كل المحاضرات بس عشان عارفة انك تعبانة ربنا يسامحنى بقى

رحمة:لا يابت جدعة هى دى الصحوبية ,طب ما تروحى بدالى يا نهى وتمضيلى حضور زيها
نهى*بطلعلها لسانها*:لا وعارفة لو كنتى مش موجودة وحد كتب اسمك كنت هقول ع طول وهبلغ الدكتورة
رحمة:ماشى ياندلة *وفضلوا يهزروا ,وملك رغم انها شايفة كل ده بس ساكتة وبتبتسم ابتسامات صغيرة وطبعا الكل كان فاهم الهى فيه ده م التعب بس محدش عارف انه كان فعلا بس مش تعب مرضى لا ده تعب نفسى ,وف الوقت ده ماهر ووائل قاعديين ف الشقة*

ماهر*بغيظ*:انا هتجنن هموت واعرف الواد ده طلعلى منين
وائل:اهدى يامعلم مش كدا
ماهر:اهدى ايه ,بقولك دى كانت تحت ايدي ,وكنت هنفذ كل ال ف دماغى جه ده بوظلى الدنيا *ومسك مرايا بص ع الكدمات ال ف وشه*:وايده تقيلة اووووى ,بوظلى وشى
وائل:طب عملت ايه مع البواب؟
ماهر:اديته قرشيين وقولتله ماينطقش ولا يقول حاجة يأما هخرب بيته وهو عارف انى ممكن اعملها
وائل:انت حاولت تكلمها تانى

ماهر:انت ف حاجة ف مخك يا وائل ,اكلمها اقولها ايه سورى انا ماكنش قصدى اعمل فيكى كدا ,ولا ياحبيبتى معلش تعالى نكرر اليوم ده تانى م غير ما الواد ده ييجى وينقذك منى وم الكنت هعملوا فيكى ,هقولها ايه!
وائل:خلاص ياعم ,اصل انا مستغرب ليه مابتجيش مادام كل شئ سليم وكله تمام ليه ماجتش
ماهر:مش عارف بقى ,المهم البت صاحبتها دى عملت حاجة
وائل:لا طبعا هتعمل ايه وكمان متكلمتش ف اى حاجة ولا باين عليها حاجة اصلا بتضحك وبتهزر مع زمايلها البنات ف لغز يامعلم

ماهر:طب ما تقعد مع البنات دى وتسأل عليها ,يكون الواد ده خدها منى وعملها حاجة ده انا اموته فيها ياخدها منى عشان يشبع بيها هو
وائل:تفتكر!! بس لا ياعم مش لدرجة دى
ماهر*بيمسك دماغه*:بص انا مش عايز افكر ف حاجة ولعلنا اى حاجة عايز انسى ال ف وشى ده و الخطة البقالى سنتين برتبها وف الاخر باظت ع ايد واحد زى ده
وائل*ضحك اوى*:تعيش وتاخد غيرها

ماهر:لا ياعم بعد الشر المرة الجاية اكيد هتظبط
وائل:يا ابنى انت محرمتش وكمان انت مش ناوى تسيب الكلية؟
ماهر:لوحسيت بقلق لكن لو ماحستش خلاص احنا ناقصلنا كدا سنة ونص ونتخرج عشان ست بتاعة دى امشى وكمان اكيد هتخاف تقول لحد انا كل خوفى م الواد هو ال ينطق اما اشوف هيعمل ايه سبع البرومبه ده!
وائل:عموما انا بقولك اهوه انا مش هحول ف اى حته عايز اخلص بقى
ماهر*قال والشر ف عينه*:ماشى ياملك يامحظـــــوظة
*وتحضر ملك شنطتها وتدخل رحمة ونهى معاها*

نهى:هتوحشينى ياملك
رحمة:انا بجد مش مصدقة انك ماشية انا اتعودت ع وجودك معايا اوى اى نعم فترة صغيرة بس حاسة انى متعودة ع ده ان حد هادى كدا ينام جمبى
ملك*بأبتسامة صغيرة وتعب*:ان شاء الله هاجى تانى
نهى:طب ما كنتى تستنى ف اجازة نص السنة
ملك:لا خليها دلوقتى احسن وكمان ده شهر وهاجى تانى عشان الامتحانات
نهى*بتحضنها*:هتوحشينى والله

رحمة:هفضل اناقر فيها هى بقى لحد ما تيجى
ملك*بصت وسكتت*
نهى:ملك هو انتى ليه مابقتيش تتكلمى مع ماهر هو ف حاجة حصلت ما بينكم
ملك*اول ما سمعت اسمه اضايقت اوى والدموع ف عنيها*
رحمة:انا بصراحة نفسى اسألك م بدرى السؤال ده بس عمالة اقول انك هتيجى تقوليلى م نفسك وماحبتش اضايقك
ملك*الدموع نازلة م عنيها زى المطر*

رحمة:ملك هو ف حاجة حصلت
نهى:هو عمل حاجة ,خــــــــــــــانك يعنى
ملك*بصتلهم وقالت بحزن*:اة خانى ,اكبر خيانة ف الدنيا عمرى ما توقعت انه ف يوم هيقدر يخونى بالشكل ده
رحمة*حضنتها*:والله انا كنت حاسة ماتزعليش ياملك مافيش حد يستاهل والله ولا هو ولا غيره اصلا كلهم كدا عينيهم زايغة اصلا كلهم بيجروا وراه ال ف دماغهم وبس محدش فيهم عايز حاجة غير كدا كأن الستات مخلوقيين عشان يبقوا ع مزاجهم وتحت امرهم

نهى:هو مش كلهم طبعا بس معظمهم ,ربنا يهديهم او يخدهم كل ال بيفكر بالعقلية دى!
ملك*مقدرتش تقولهم ع الكان عايز يعملوا وسمعت كلام وحمدت ربنا انهم فهموها انها الــ خيانة دى ,مش خيانة ثقة واستغلال بنى ادمه كانت ممكن تضيع ف لحظة*
نهى*طبطبت عليها*:ان شاء الله ربنا هيوعدكك بواحد احسن منه 100 مرة ,اتارينى ما بشوفهوش ف الكلية اكيد بيخاف يوجهك

رحمة:واحد تانى ايه؟ ملك ركزى ف دراستك ونبى دلوقتى وسيبك م الكلام ده والحاجات دى دلوقتى ,احسن ان شاءالله عنه ما جه ,ابقوا سيبونى عليه بس
نهى:هتعملى ايه!
رحمة:ولا اى حاجة هجيب ساطور محترم كدا وهخليه يشوفنى وانا بفصل رقبته م جسمه وهو عايش
نهى*ابتسمت*:ايوه بقى ياشرس ,هو يستاهل اكتر م كدا *وبصت لملك*:اضحكى بقى ياملك خلاص ,ربنا هينتقملك منه ان شاء الله

ملك*بصت لسما وقالت م كل قلبها:يـــــــــــــــــــــارب*وخرجت وكان معاها شنطتها وف الوقت ده منى ورؤوف وهاجر ونسمة قاعديين مع مجدى*:بابا انا خلصت
منى*بحزن*:هتوحشينا ياملك الفترة دى بجد
هاجر:ترجعى لينا بالسلامة
نسمة*حضنتها وبتعيط*:ما تمشيش خليكى هنا ع طول
ملك*بصتلها وابتسمت*:مش هينفع لزما اروح بيتى

نسمة:ما ده بيتك مش انتى عايشة هنا يبقى بيتك او اطلعى اقعدى معايا فوق عندى لعب كتير والله على جيبهوملى
ملك*اول ما سمعت اسمه لقت نفسها بتبص حواليها بتشوفوا موجود ولا لا*
نسمة:ها موافقة؟
ملك:مش هينفع يانسمة بجد ,وصدقينى مش هتأخر كلها فترة صغننة اوى وهرجع تانى ,وكمان لما ارجع هعملك تسريحة احلى م دى كمان *وبتمسح دموعها*:ماشى اتفقنا
نسمة*بتحرك راسها بنعم*

رؤوف*قرب م ملك وحضنها*:خلى بالك ع نفسك ياحبيبتى ,وهنستناكى ,انا بس مسلفك شوية كدا لابوكى وهيرجعك لينا تانى
ملك*بصت لخالها بأبتسامة صغيرة*
مجدى:يلا ياملك *ولسه هيشيل الشنط ,محمد يدخل*
محمد*بستغراب*:ايه ده ف ايه التتار هجموا ع البلد ولا ايه!
نهى*بحزن*:ده ملك مروحة

محمد:ليه كدا!! انتى زهقتى مننا ولا ايه!
مجدى:لا يامحمد هى بس هاخدها ترجع البيت شوية وقبل الامتحانات هتيجى تانى
محمد*بص لنهى*:طيب ياختى هترجع تانى اهيه ,ترجعيلنا بالسلامة ياملك هنستناكى تنورينا م تانى
ملك:الله يسلمك
رؤوف:يلا شيل الشنطة بقى حطها ف العربية
محمد:ادينى بقيت شيال كمان
مجدى:لا مفيش داعى
محمد:لا ياعمو انا بهزر ,اتفضلوا

ملك*نزلت مع باباها وبصت البلكونة لقيتهم كلهم واقفين وبيعملولها باى ,عملتلهم باى وركبت العربية واول ما مشيت كان على جى وبيركن عربيته ملك شافته ف المرايا وهو بيخرج م العربية وفضلت باصه عليه لحد ما بدأ يختفى م ع المرايا*
على*بستغراب*:ايه ده هو مين الماشى
محمد:دى ملك روحت
على*بصدمة*:ايه! روحت لــــــــــيه!! ايه الحصل

محمد:مافيش باباها جه خدها تقعد معاه فترة لحد الامتحانات بتاعتها وكمان عشان هى تعبانة فقال تغير جو
على*فضل واقف وباصص ناحية العربية ال هى اختفت نهائى وكان مضايق اوى*
محمد*وهو بيشاورلوا*:ايه يا ابنى هتفضل واقف كدا يلا اطلع
على:لا خلاص انا رايح مشوار كدا
محمد*بستغراب*:اومال انت كنت جى ليه!

على*ماكنش عارف ايه الجابوا بس حس انه عايز ييجى يشوف ملك ,وماكنش متوقع انه هييجى يلاقيها مشيت استغرب م احساسه ده وسكت*
محمد:لا ده انت كدا تمام اوى ,روح ياعلى شوف انت رايح فين لما ترجع نبقى نتكلم
على*بحزن*:ماشى ,سلام *وركب عربيته وراح المشوار بتاعه ,وبعد ساعات توصل ملك البيت واول ما تدخله تحس كأنها سنين بعيدة عنه مش مجرد سنتين كان جواها مزيج م الفرح والحزن م الخوف والاطمئنان كانت ديما بتحس الاحساس ده ,ع رغم م انها عاشت فيه طفولة سعيدة لكن اتحولت لتعيسة بعد وجود صفاء وخالد ,وكانت اكتر حاجة وحشاها هى عالمها حست انها رجعت لاوضتها عشان تضيف عليها كمان جزء م الحزن والتعب للحصل معاها ف موضوع ماهر*

صفاء*اول ما شافتها كانت مضايقة اوى بس مابينتش ده وراحت تحضنها بحب مزيف*:ملك حبيبتى نورتى والله وحشانى
ملك*بحزن*:وانتى كمان
صفاء:ايه ده وشك مالو خاسس كدا ليه هما ماكنوش بيأكلوكى ولا ايه!
ملك*بصتلها بضيق*:بالعكس كانوا بيأكلونى ,بس حب وده كنت كل ال انا محتجاه
صفاء*بتريقة*:ايه ده السايكو بدأ يشتغل معاكى اهوه الدراسة بدأت تعمل معاكى شغل وتخليكى تقولى كلام جامد
مجدى:ملك تعبانة ياصفاء شوية ,عايزك تخلى بالك عليها بقى انتى زى ماماتها

صفاء*بخبث*:زى ليه!! انا بعتبرها بنتى فعلا وهى كمان شيفانى ماماتها *وبصتلها بتبريق*:ولا ايه!!
ملك*حركت راسها بنعم وقالت بتعب*:عن اذنكوا انا داخلة انام!! عشان تعبانة اوى
*وبدأت ملك تمشى عشان تدخل ع اوضتها بس قبل ماتدخلها بصت ع اوضة خالد وقلبها دق جامد وحست انها خايفة وكأنه هيخرج م الاوضة فجأه ويبصلها الابتسامة بتاعته ويقرب ويلمس شعرها بطريقة بشعة ال كانت طول طفولتها بتكرهها ,وتلاقى نفسها بتفتح باب اوضتها بسرعة وتدخل وتقفل الباب وراها وتقف وراه الباب وتبص ع كل تفاصيل ف الاوضة وتحس انها وحشاها وخصوصا سريرها الشال جميع تعبها وحزنها وترمى نفسها عليه كأنها بتغرق جواه وتبدأ ف نوبة العياط وتحس انها بتشكيلوا عن الجواها*وم كتر تعابها تنام ملك وشوية وتلاقى حد جمبها ملك تقوم بخضة وفزع*

مجدى:ايه ياحبيبتى ف ايه ده انا
ملك*بحزن ورعشة وتحضنه*:بابا خضتنى
مجدى:ايه ياحبيبتى ده مالك خايفة م ايه!
ملك*تحضنه جامد وتعيط*:حلم قصدى كابوس بابا عشان خاطرى خليك معايا ماتسبنيش انا خايفة اوى
مجدى*خدها ف حضنه جامد وقعد يتطبطب عليها*:ياحبيبتى ما تخفيش انا جمبك مافيش اى حاجة ممكن تضرك متقلقيش
ملك:ياريت يابابا ياريت
مجدى:اهدى ياحبيبتى انا جمبك ومش هقوم

ملك:عشان خاطرى يابابا ماتقومش خليك جمبى لحد ما اصحى
مجدى*باسها م راسها وابتسم*:انا جمبك ومش هقوم غير لما تصحى ونعمل الفطار سوى كمان
ملك*لقت نفسها مطمنة ونامت نوم عميق كانت لاول مرة تحس احساس براحة ف نومها ده وكانت ماسكة جامد ف باباها عشان مايقومش م جمبها ,وييجى الصبح*
صفاء*تكون بصة عليهم وباصه ع ملك مخصوص بحقد انها قدرت تاخد مجدى منها وحست ان وجودها م البداية بدأ يضايقها ومش هتقدر تاخد حريتها وشوية وخرجت وبعديها*

ملك* تقلق ملك وتبص تلاقى ان لسه باباها نايم جمبها وواخدها ف حضنه تبتسم*
مجدى*يبدأ يفوء*:صباح الخير ياملوكة
ملك*بأبتسامة صغيرة*:صباح النور يابابا
مجدى:نمتى كويسة
ملك:اووى يابابا بقالى كتير ما نمتش براحة كدا كان وحشنى حضنك
مجدى:بصراحة وانتى كمان كنتى وحشانى اووى عشان كدا لقيت نفسى بتسحب بليل واجيلك ,انا كنت عارف طبعا انك غالية عندى وانى هتعب ف بُعدك بس صدقينى لما نمت امبارح جمبك بقيت حاسس انى مش عايزك تسافرى وتفضلى معايا

ملك:ان شاء الله يابابا ,مسيرى ارجع وهقعد معاك طول العمر
مجدى:لا ترجعى وبعد كدا هتروحى بيت جوزك ,شكلى كدا لزما اتعود ع غيابك
ملك*اول ما جبلها سيرة الجواز اضايقت*:لا انا هفضل جمبك ومعاك مش هتجوز انا
مجدى:متقوليش كدا ان شاء الله هفرح بيكى وبعيالك ومتقلقيش هتبقى جمبى برده مش هسيبك
ملك*لسه هتكلم وتقول لباباها انها رافضة موضوع الجواز ده نهائى*
صفاء*تسمع صوتهم وتدخل وجواها غل*:ايه هتفضلوا نايمين طول اليوم ولا ايه!
ملك*تبصلها وتكون مضايقة*

مجدى:ما تتصوريش ياصفاء النوم جمب ملك مريح ازاى
صفاء:بجد قصدك تقول ان النوم جمبى مش مريح!!
مجدى:لا ياحبيبتى مقولتش كدا بس النوم جمب ملك شئ تانى خالص
صفاء*بصتلها بضيق بس حاولت تباين عكس ده*:طب يلا بطلوا كسل عشان هحضر الفطار
ملك:لآ بابا قال هنحضروا سوى
صفاء:ليه مش بقى يعجبك فطارى

مجدى*ابتسم*:لا انا قولتلها هنحضروا سوى وكمان انتى مش قولتى عندك مشوار النهاردة روحيه ياحبيبتى واحنا هنحضر الفطار
صفاء:ماشى هروح اللبس *وسابتهم وهى مضايقة ومخنوقة اوى بوجود ملك وكانت عيزاها تمشى ف اسرع وقت*
مجدى وملك*قاموا وعملوا الفطار سوى وكان مجدى بيحاول يعمل حركات بالاكل عشان يضحكها زى ما كان بيعمل وهى صغيرة ,وملك لقت نفسها ناسية كل حاجة وحابة اللحظة العايشاها مع بابها دى وبس ,وحضروا الفطار وبدأوا ياكلوا وكان مجدى بيأكلها*:خلصى ع طبق انتى قايمة م تعب ولزما تتغذىى كويس
ملك*بتاكل*:حاضر يابابا *وبعد شوية*

مجدى:اومال ازى ماهر صحيح
ملك*اول ما بابا جابلها سيرته بدأت ايديها تترعش راعشة بسيطة ووقفت عن الاكل*
مجدى*بصلها بستغراب*:ملك
ملك*بتحاول تمسك دموعها*:ايوه يابابا
مجدى:بقولك ماهر عامل ايه!
ملك*بضيق*:معرفش
مجدى:لأيه مش بتكلموا

ملك*بتحرك راسها بالنفى*:لا ومعرفش عنه اى حاجة وبقالنا فترة متكلمناش ومش هنتكلم تانى
مجدى*بستغراب*:ليه ف حاجة حصلت
ملك:لا يابابا بس احنا عادى يعنى مبقناش نتعامل زى الاول
مجدى:انتى ف حاجة مخبياها عنى ,انتوا كان بينكوا حاجة
ملك*بصت لباباها وسكتت شوية*:لا يابابا احنا عمرنا ماكان بينا حاجة كل البينا كان صداقة وكمان يعنى هو اى زميل ليا اكلمه يبقى بينا حاجة

مجدى:مش عارف ياملك كنت حاسس حاجة تانية م اول ما قبلته كلامكوا سوى نظرتك لى كان ف حاجة مختلفة
ملك*بتنهيدة*:بابا صدقنى مفيش حاجة لو فيه كنت هقولك وكمان هو اشتغل عشان كدا بقولك انى مش بشوفوا وعرفش عنه حاجة
مجدى:اتمنى ده ياملك ,لو ف اى حاجة قوليلى ماتخبيش عليا ,وانا مبسوط فعلا ان مفيش حاجة بينكوا لو كنتى صارحتينى كنت هقعد معاه ع فكرة ما انا كنت لزما اعرف اصله ,بس ما كنش هينفع اعمل الخطوه دى غير لما اتأكد منك ,بكررها تانى ياملك لو ف بينكوا حاجة قولى وانا عمرى ما هعمل اى رد فعل مش هيعجبك ,انا هعمل اى حاجة عشان مصلحتك

ملك*بتمسك ايديه ودموعها تنزل ع خدها*:صدقنى مفيش اى حاجة ,بابا انا مبسوطة انى معاك دلوقتى ومش عايزة افتكر اى حاجة تانية غير كدا ,هه عشان خاطرى يابابا وصدقنى لو كان ف اى حاجة كنت هحكيلك بس مافيش
مجدى*بيمسح دموعها ويبتسم*:طب يلا ياست البنات كلى بقى عشان تقومى تختاريلى طقم كدا ع ذوقك
ملك*ابتسمت*:زى ما ماما كانت بتختارلك
مجدى*كأنه بيفتكر مراته وشايفها قصاده*:تعرفى انى بحب اختيارك اوى بحس ان فيكوا انتوا الاتنين م بعض ف كل حاجة حتى ف الذوق انتى شبها اوى ياملك

ملك*قالت بحزن*:ربنا يرحمها *وقعدوا يكملوا فطار وبعد الفطار قاموا واختارت ملك لباباها طقم وتكون مبسوطة اوى ولاول مرة تحس بأرتياح اوى كدا وحست ان وجود باباها خلاها تبدأ تتحسن بسرعة رغم ان برده كان جواها احساس بالانكسار مش قادرة تخلص منه او ينتهى بس كان كفاية عليها لحظتها وفرحتها واحساسها بأنها لسه طفلة باباها المدللة ,وتعـــــــدى ايام وف يوم يكونوا رحمة ونهى وعلى ومحمد قاعديين سوى*
رحمة:والله وحشتنى انا مش عارفة البت دى نسيتنا ازاى كدا كانت عاملة حس للبيت كدا ,ومابنتكلمش زى الاول خالص

نهى:لابس بتكلمنى انا ع طول *بطلع لسانها*
رحمة:ده عشان تطمن ياختى ع الدراسة بتاعتها
محمد:ليه هى مش بتكلمك
رحمة:بتكلمنى بس مش كتير
نهى:بس الحمد لله صوتها بقى احسن م الاول بحس ان وجود باباها خلى حالتها تتحسن
على*بدأ يتكلم*:هى متعلقة به اوى وده باين عليها

رحمة:فعلا انتوا عارفيين وهى صغيرة وييجوا هنا كانت كل 5 دقايق تيجى لعمتو تقولها اتصلى ب بابا عشان وحشنى
نهى*ابتسمت*:ربنا يخليهولها
رحمة:يــــــــــــــــــارب ,بس برده وحشانى
محمد:خلاص كلها اسبوعيين بالكتير وهتلاقيها جاية ,وهيبدأ بقى الثلاثى المرح م جديد ياعم على ويجننونا
على*كان سرحان وبيفكر ف ملك وحس انه عايز يشوفها ماكنش فاهم ليه بس حاسس انه نفسه يطمن عليها ويعرف عاملة ايه؟*

محمد:لا والله انت فيك حاجة ,واد ده انت لو بتحب مش هيحصل فيك كدا
على:ياعم انا معاك اهوه
محمد:معايا فين ده انت ف عالم تانى خالص
على:لا خالص انا معاكوا اهوه
نهى:طب ما تيجوا نروحلها
محمد:انتى مجنونة يانهى ,نروح فين احنا عمرنا ما روحنا القاهرة دى وكمان انتى ناسية ان الامتحانات قربت
نهى:ده يوم يعنى ونرجع

رحمة:مش عارفة صعب اوى بصراحة ورانا مذاكرة كتير
نهى:انا غلطانة انى بقترح اصلا عليكوا حاجة
محمد:اة وفريه ياحبيبتى اقترحاتك دى
على*سكت شوية*:بقولكوا ايه انا رايح مشوار وجى تانى

*كلهم بصولوا بستغراب وكانوا حاسيين ان ف حاجة غريبة بتحصل ! وف الوقت ده تكون ملك قاعدة بتتفرج ع التى فى وشوية وتلاقى صفاء بتدخل م باب الشقة معاها ناس شكلهم غريب كدا فضلت باصة ومش فاهمة مين دول وجايين ليه!! وصفاء بصتلها وحصلت حاجة ايه هى هنعرف الحلقة الجــاية….  

بواسطة
الكاتبة فاطمة هشام
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق