قصص واقعية

رواية جسد بلا روح (الجزء الثالث عشر)

  *على قدم لملك الهدية والكل كان عايز يعرف ايه هى ورغم انها مضايقة منه وماكنتش عايزة تتقابلها بس اضطرت عشان محدش م الحواليها يحس بحاجة وقبل ما تفتح العلبة موبايلها رن ولقت رقم باباها وردت عليه*
مجدى:كل سنة وانتى طيبة ياملك

ملك*فرحت اوى*:وانت طيب يابابا انا قولت انك هتنساه
مجدى:ياحبيبتى انا عمرى ما انسى ده احلى يوم ف حياتى لما شيلتك ع ايدى وفرحت بيكى
ملك:ربنا يخليك ليا يابابا
مجدى*خدى صفاء عايزة تكلمك*
ملك*بضيق:ماشى

صفاء*بخبث*:كل سنة وانتى طيبة ياحبيبتى وعقبال مليون سنة
ملك:ان شاء الله
صفاء:عارفة ياملك مين كمان بعتلك سلام معايا وبيقولك كل سنة وانتى طيبة *سكتت شوية*:خــــــــــــــــــــــــالـــد
ملك*اول ما سمعت اسمه اضايقت اوى وبدأ جسمها يترعش شوية*

صفاء:ده وصانى اوصلك سلاموا بنفسى وبيقولك هيييجى قريب وهيجبلك هدية معاه هتعجبك اوى
ملك*كانت الدموع ف عنيها وحست بخوف وكلهم كانوا مشغوليين معادا على كان مركز معاها وف ملامحها*
صفاء:انتى قافلتى ولا ايه ياملك
ملك*بتوتر*:معلش انا هقفل وهبقى اتكلم بعديين *وقفلت ملك معاها وبدأت تهدى شوية وتهدى نبضات قلبها م الخوف اول ما سمعت اسمه وسمعت الكلام القالته صفاء ومصدقتش انها ممكن تقابلوا وتشوفوا تانى خصوصا انها مصدقت انه بعد عنها خالص *ولما الكل شافها خلصت المكالمة قربوا منها*

نهى:يلا ياملك افتحى الهدية
ملك*بصت ع العلبة واول ما فتحتها شافت الكيكة الكان ديما خالد بيجبهلها اتصدمت وبصت ع الحواليها قاعدوا يضحكوا ويتريقوا لكن هى بالنسبة ليها كان شئ تانى وبصت ع على ولقت قصادها انها شايفة خالد ,والدموع نزلت ع خدها واغمى عليها*وتفوء ملك تلاقى نفسها ع السرير*
رحمة:ملك انتى كويسة
رؤوف:خضتينا عليكى ياملك

نهى:ماكناش نعرف ان هدية على م حلاوتها هتخليكى يغمى عليكى م الفرحة
منى:انتى حاسة بأيه ياملك
ملك*بتمسك راسها*:مش عارفة انا فجأه حسيت انى تعبانة وجالى هبوط ومقدرتش حتى انى اقف ع رجلى
هاجر:طب ودلوقتى حاسة بأيه!
ملك:الحمد لله احسن

على*بصلها*:انا لقيت ان دى كانت الكيك البتحبيها وانتى صغيرة فقولت اجبهالك
رحمة:لا والله ياحنين! انت بتتريق فكرها لسه طفلة ياعلى هى بس تفوء كدا وتبقى كويسة وهتتصرف معاك
ملك*بصتله بأرف*:لا انا مش قادرة اعمل حاجة خالص
هاجر:طيب نستأذن احنا بقى ونسيبك تستريحى ,وكل سنة وانتى طيبة

*وبدأوا واحد وراه التانى يخرجوا م الاوضة واخر واحد كان على بصلها ومرضاش يكلمها وخرج وبقت لوحدها بصت جمبها لقت العلبة وفيها الكيكة مسكتها بأيديها جامد*
ملك:ربنا ينتقم منك *وبصت لسما وقالت :ياماما انا عيزاكى اوى جمبى محتاجة حضنك اووى بجد ياريت ترجعى ولو لحظة واحدة بس اخدك ف حضنى والله ما عايزة حاجة بعديها *وفضلت تعيط لحد ما راحت ف النوم*وتعـــــدى فترة وف يوم يكون ماهر قاعد مع وائل ف العربية*

وائل:ايه الورقة دى يامعلم
ماهر*بصلها بخبث*:هخلى ملك تمضى عليها
وائل:ليه!
ماهر:هفهمها ان بيلموا م زمايلنا مبلغ عشان نطلع رحلة وهخليها تمضى ف المكان ده وبعد كدا هكتب ف الورقة اننا متجوزين وهمضى انا كمان
وائل:قصدك جواز عرفى
ماهر:بالظبط كدا
وائل:وهى هتوافق

ماهر:يا ابنى ما ده من وراها ,افهم!!
وائل:لا معلش فهمنى وكمان اصلا ازاى هتخليها تروح معاك ف اى مكان وانتوا عمركوا ما خرجتوا م باب الكلية سوى ,يعنى فرضنا انها هتمضى ع الورقة هتخرجها م باب الجامعة ازاى؟
ماهر:هقـــــــــولك *وبدأ يحكيلوا الخطة الهيعملها ف ملك واتفقوا ع كل حاجة وفعلا دخل م باب الجامعة ولقه ملك قاعدة ف الكافيه*:حبيبتى قاعدة تعمل ايه م غيرى

ملك*بصتله وابتسمت*:مفيش نهى قامت تشوف حاجة وانا قاعدة مستنيها
ماهر:اخيرا لقيتك لوحدك
ملك*بصتله بستغراب*:انا ملاحظة انك الفترة دى عايزنى لوحدى
ماهر:عشان ياملك عايز احس اننا مرتبطين ,مش كل ما نقعد حد ينطلنا ويقعد معانا او نتكلم ف الموبايل حد يرخم علينا

ملك:ياحبيبى بكرة لما نتجوز هنقعد براحتنا ومفيش حد هيرخم علينا او يزعجنا
ماهر*بصدمة*:نعم!! انتى كمان عايزانا لما نتجوز
ملك*ببرائة*:اة ياماهر وكمان ده العادى ,وكمان ايه ده مفيش وحشتينى حتى
ماهر:وحشتينى وبحبك وكل حاجة ,بس قبل كل ده عايز اطلب منك طلب
ملك:ايه هو؟

ماهر*بصلها وطلع ورقة*:انك ياقلبى تمضى ع الورقة دى
ملك*بصتله بستغراب*:ليه!
ماهر:اصل ف رحلة طالعة وقالوا العايز يطلع يمضى هنا ,ايه دى كمان مش موافقة هنطلع كلنا *وقال بضيق*:وهتطلع معانا نهى كمان زى ما تحبى
ملك*ابتسمت*:لا موافقة طبعا *وخدت منه الورقة*
ماهر:امضى ف اخر الورقة

ملك:ليه الورقة فاضية ما امضى ف الاول
ماهر:امضى بقى ياملك متتعبنيش وكمان ده انا لسه هلف ع الدفعة كلها
ملك:حاضر ياحبيبى الـ تشوفوا
ماهر*كان واقف يراقب امضيتها وكان مبسوط وحس انه اخيرا هيوصل لغرضه واول ما خلصت الامضاء خد الورقة بسرعة وحطها ف جيبه*:هى دى ملك حبيبتى
ملك:طيب استنى انا كنت هكتب اسم نهى كمان

ماهر:لا انا هلف ع باقى زمايلنا وهاجى وقت تانى وياستى هبقى انا امضيلها عادى
ملك*بصتله وابتسمت وسكتت ,ومشى ماهر وفكر انه اخيرا قرب ينفذ خطته*
نهى*تيجى تلاقى ملك قاعدة وانه لسه ماشى*:ايه ماهر مشى بسرعة كدا ليه!
ملك:هيمضى الناس ع رحلة بيقول انها طالعة بقولك ايه انا مضيت وهو قالى هيمضي بدالك هنروح
نهى:رحلة! ياسلام وانا مش عندى راجل استأذن منه الاول

ملك:ياستى هنستأذن م كل الرجالة بس ونبى يانهى توافقى انتى عارفة ما بحبش اكون مع ماهر ف مكان لوحدى
نهى:والله ياملك انا بستغربك اوقات بحس انك خايفة منه مش بتحبيه!
ملك*سكتت شوية*:لا انا مش بخاف منه بس انا مابحبش اكون معاه ف اى مكان لوحدينا عشان لسه مافيش حاجة رسمى
نهى:يابنتى انا فهماكى ,رغم ان الــ ف الجامعة كلهم حاسين او شبه عارفيين انا نفسى يخلص ويخطبك بقى عشان تقطعى لسان اى حد ممكن يتكلم

ملك:قريب جدا ان شاء الله *وخلصوا كلام وفضلت تفكر ف كلام نهى ولقت انهم فعلا لزما يتخطبوا قريب خصوصا انها هى كمان بدأت تحس ان معظم ال ف الجامعة حاسيين بحاجة ومش بس هما باباها كمان شاكك وكانت بتدعى اليوم الهييجى وهيتقدملها وبتدعى انهم يكونوا لبعض ,وف الوقت ده*
وائل*بيبص ع الورقة*:يا ابن اللعيبة

ماهر:شوفت بقى بسهولة ازاى ,وطبعا لما اعمل الــ انا عايزه وتيجى تتكلم هقولها اهوه انتى ماضية ع الورقة بنفسك وهقول للكل ان هى كانت موافقة ع كدا واحنا مرتبطين وزمايلنا كلهم عارفيين ده وممكن استغل سكاتها بأنها تجيلى ف الوقت الـ انا عايزه يأما هفضحها ف الجامعة كلها
وائل:ياخربيت دماغك يامعلم جامده بجد
ماهر*وهو بيبص ع الورقة*:قريب جدا هعمل ده ,واعمل حسابك انت هتكون بتراقب الجو عشان نهى دى متخرجش معاها *وتــعدى ايـــام*على يكون واقف ف البلكونة*

نهى:عــــــــلى انت فين ياعلـــى
على:انا هنا يانهى
نهى:ايه ماجتش تقعد معانا ليه!
على:ما انتى عرفانى بحب معظم الوقت اكون قاعد ف هدوء
نهى:على انت كويس انا ملاحظة انك الفترة الفاتت فيك حاجة
على*بيحاول يدارى الجواه*:والله يانهى بفكر ف حاجات كتير وبحاول اعمل اى حاجة نفسى اشتغل شغلانة تانية بدل دى

نهى:ليه بس ما هى معيشانا كويس!
على:عايز اشتغل ف بنك انا ومحمد ده حلمنا انا وهو م زمان مش مجرد شباب قاعديين ع مكتب بتاع استيراد وتصدير
نهى:انا عارفة ان ده حلمكوا وعارفة انكوا اتخرجتوا م كلية تجارة بتقدير كويس جدا عشان تشتغلوا كدا بس انتوا قدمتوا وان شاء الله ربنا هيكرمكوا

على:يــــــــــــــارب ,وكمان بقى بحس ان ملك دى مش طيقانى مش فاهم انا عملها ايه!
نهى*بتضحك*:انا كمان بحس بكدا ,بس عارف والله ملك طيبة جدا وحنينة وبحسها عملة نادرة يعنى انا ورحمة ممكن نكون جامديين عنها ونعرف ناخد حقنة هى بحسها ع بريئة اوى
على:غريبة! رغم ان معايا انا بتكون مستقوية ,اشمعنى انا
نهى:الظاهر بقى انك انت بالنسبة ليها حاجة مختلقة
على:يعنى ايه!

نهى:والله انا كمان مش عارفة بس لو تحب اكلمهالك اكلمها
على:لا متكلمهاش ,اما نشوف اخرتها ايه مع ملك هانم
*وقعدوا يتكلموا سوى ويكون على مستغرب معاملة ملك لى رغم انه عمره ما عملها حاجة يمكن كان بيتعصب عليها شوية بس بسبب معاملتها عمر ماحد عامله كدا بالعكس ,وتعـــــــــــــدى فترة ,وييجى اليوم الهينفذ فيه ماهر خطته*
نهى:ها ياملك خلصتى ولا لسه!

ملك:اة خلاص خلصت
نهى:الله ايه ياعم الجمال ده وحلوه الجيبة دى عليكى اوى
ملك:ايه رأيك اصل ماهر الكان قايلى اللبس جيبة بيغير ياستى م لبس البنطلونات ده
نهى:لا بس شكلك حلو بجد بيها
رحمة:يادى ماهر البتعملى اى حاجة يقولها يابنتى مش شرط اعملى الـ انتى عيزاه
ملك:ما عشان بحبه بعمل اى حاجة هو بيحبها
نهى:سيبك م البت العُقد دى ويلا احنا عشان منتأخرش

ملك*ضحكت*:سلام ياست المعقدة
رحمة*تطلعلهم لسانها*:والله ما انتوا نافعين *ويضحكوا وتخرج ملك يكون رؤوف بيفطر*
رؤوف:ماتقعدوا تفطروا
ملك:عشان نلحق المحاضرة الاولى ياخالو
رؤوف*بصلها*:ماشى ياحبيبتى *ولسه ملك هتخرج م الباب ندهلها*:ملك
ملك:ايوه ياخالو
رؤوف:خلى بالك ع نفسك
ملك*ابتسمت*:حاضر

*وهما ف الطريق*
نهى:صحيح فين الرحلة الـ انتى قولتى عليها دى
ملك:ما ماهر قالى اتلغت عشان الجو مش متظبط الفترة دى
نهى*بستغراب*:جو ايه! وكمان انا سألت زمايلنا قالولى ان ماهر ممضهومش ع حاجة
ملك*بتحاول تقنع نفسها وتقنعها انه عادى*:ياستى تلاقى هو سأل تانى قالولوا مفيش حاجة فمحابش يمرمط نفسه ,وقالى لما هيعملوها تانى هيقولنا ونروح سوى
نهى:ماشى ياختى يلا بينا عشان نلحق المحاضرة

*وفضلوا يتكلموا طول الطريق لحد ما وصلوا الكلية بتاعتهم وبدأت المحاضرة الاولى وماهر مجاش فضلت تتصل عليه ومابيردش ,وبدأت المحاضرة التانية وبرده مجاش*وبدأت ملك تفتكر كل ده وبصت لمهند*
ملك:قلقت عليه اوى كان لتانى مرة يختفى فجأه والمرة دى خوفى عليه كان زايد ماكنتش اعرف وقتها انى كنت لزما اخاف ع نفسى *ولسه ملك هتكمل*
مهند*موبايله يرن ويكون حسين ويستغرب*:معلش ياملك ثوانى
ملك*بصتله وسكتت*

مهند:ايوه ياحسين ,بتقول ايه كانت بتحاول تنتحر ,يعنى لحقوها الحمد لله ,طيب طيب انا جى حالا *وقفل معاه وبصلها*:ملك انا هضطر امشى لان حالة م الحالات بتاعتى كانت بتحاول تنتحر
ملك*اول ما قال كدا بصتله*:ما فيش مشكلة
مهند:هنتقابل اكيد تانى بس المرة الجاية هتجيلى العيادة اتفقنا
ملك*بتحرك راسها بنعم*

*وخرج مهند ورغم انه كان عايز يعرف الحصلها لكن لزما يشوف الحالة بتاعته وراح العيادة لقه اهلها وحاول يطمنهم وقالهم انهم يركزوا معاها اكتر م كدا وبعد ساعات طويلة لقه مهند الفجر بيأذن بص ع ساعته*
مهند:قفل ياحسين انا خلاص مش قادر وعايز اروح
حسين:حاضر يادكتور
مهند*نزل وركب عربيته وروح البيت لقه مامته نايمة بعد ما طمنها ودخل اوضته وشوية ولقه موبايله بيرن ورقم غريب*:الو

ملك:ايوه يادكتور انا ملك
مهند*بقلق*:ايه ياملك انتى كويسة
ملك*بهدوء*:اة بس حبيت اطمن ع الحالة الكانت هتنتحر هى كويسة
مهند:اة الحمد لله هديت وقعدت مع اهلها وفهمتهم اليعملوا ,للاسف كانت شايفة انتحارها ده الافيد
ملك*بتنهيدة*:طيب انا بس حبيت اطمن عليها ,وان شاء الله هاجى ف الميعاد
مهند:ان شاء الله هستناكى

ملك:سلام *وقفلت معاه ,مهند كان مستغرب اهتمامها بالحالة اوى كدا وكان بيعد الايام عشان ييجى اليوم بتاع ملك ,وفعلا توصل للعيادة*
مهند*ابتسم*:ينفع التأخير ده
ملك:انا اسفة بجد!
مهند:هو محدش جه معاكى ولا ايه!
ملك:لا رحمة جت بس قالتلى ادخل انا يعنى عشان متعطلناش
مهند:طيب يلا اتفضلى اقعدى

ملك*قعدت ع الشيزلونج*:هى الحالة الكانت عايزة تنتحر بقت عاملة ايه
مهند:اة الحمد لله حالتها بدأت تستقر شوية ,ملك هو انا ممكن*ولسه هيكمل*
ملك:عايز تعرف ليه مهتمية بالحالة دى صح
مهند:يـــــــاريت
ملك*بحزن*:لانى كنت هنتحر!
مهند*بصدمة*:ده بجد!

ملك*بتحرك راسها بنعم والدموع ف عنيها وبدأت تحكيلوا الحصلها اليوم ده*:بعد ما روحت الكلية ومالقتهوش حاولت اتصل به كتير مرة عن مرة لحد ما رد وكنت وقتها قلقانة واول مرة اتعصب م خوفى عليه وبعد شوية لقيته اتصل بيا*فـــــــلاش بـــــــــاك*
ملك:انت فين ياماهر ما بتردش ليه وماجتش ليه مش احنا متفقين ع كدا
ماهر*بتمثيل*:ملك انا تعبان ومش قادر للكلام ده!
ملك:مال صوتك ف ايه!

ماهر:ممكن تخرجى عشان احكيلك وياريت ماتجبيش حد عشان بجد والله ما قادر لاى مناهدة
ملك*حست ان ف حاجة حصلتله جامدا وفعلا قالت لنهى انها نازلة تجيب حاجة ووقتها كان وائل بيراقب ده م بعيد وبيدى لماهر تحركاتها وانها فعلا جيالوا لوحدها ,ووصلت ملك لقته قاعد جوه العربية*:ايه الحصل
ماهر:هتفضلى تكلمى كدا اركبى
ملك*بتردد*:طب ما تخرج نتكلم

ماهر*بصلها نظرة غضب ملك فهمتها م غير كلام واضطرت انها تركب*
ملك:ف ايه ياحبيبى مالك
ماهر:مخنوق اوى واتخانقت مع بابا
ملك:ليه
ماهر:عشان مش موافق ع موضوعنا

ملك*بصدمة*:بجد ,طب ليه! ايه الحصل!! وليه يعنى عشان ايه!! كان مفروض يشوفنى الاول وبعدين يحكم عليا ليه حكم عليا م بعيد كدا ,ده انا والله بحبك ومستعدة اعمل اى حاجة عشان ارضيك
ماهر*ابتسم*:بجد بتحبينى
ملك:جــدا
ماهر:خلاص تعالى نتجوز عرفى
ملك*اول ما سمعت الجملة دى اتصدمت اوى منه*:ايه ياماهر الـ بتقولوا ده مستحيل طبعا
ماهر:يبقى ما بتحبنيش

ملك:ماهر بطل كلامك ده انت عارف كويس انت ايه بالنسبة ليا بس ما ينفعش اعمل كدا
ماهر*بيمسك ايديها*:بس انا مستعد اعمل اكتر م كدا عشانك
ملك*بتبعد ايديها*:ممكن بقى تخرج ونقعد ف الكافيه شوية
ماهر:طب ع فكرة انا كنت بهزر ,بابا مش موافقيش ولا حاجة انا لسه مافتحتوش ف موضوعنا اصلا ,انا بس حبيت اشوفك ونبقى لوحدينا *وقرب منها ولمس شعرها ملك بعدت عن ايده شوية*

ملك*اتوترت اكتر لانها ماكنتش بتحب الحركة دى*:طب يلا عشان خاطرى نخرج نقعد ف الكافيه*ولسه هتفتح الباب ,ماهر قفل البيبان كلها م زرارعنده بدأت ملك تخاف*:ايه ده ماهر بطل هزار وافتح باب العربية
ماهر*بصلها بخبث وابتسم*:لا لا
ملك*بنرفزة*:ماهر ما بهزرش ,افتح الباب

ماهر*طلع ازازة برفيوم*:مش هفتح غير لما تقبلى الهدية دى منى الاول
ملك*بصت وخدتها*:شكلها حلو ممكن بقى تفتح الباب
ماهر:مش تشمى ريحتها الاول
ملك*بصتله وبعد كدا بصت ع الازازة*:ماشى هشمها وتفتح ع طول
ماهر*بصصلها بخبث*:طبعا ع طــــــــــــــــول

ملك*فتحت الازازة وخدت راشة ع ايديها وبدأت تشمها وشوية ماحستش بأى حاجة وغابت عن الوعى ,ماهر اول ما شاف كدا خدها ف العربية وراح ع الشقة استغل ان مامته وباباه ديما مسافريين*
حارس العمارة:ايه ده ياماهر بيه
ماهر:دى بنت خالتى ,لسه جايبها م المستشفى وواخدة بينج كانت بتعمل عملية جامدا اوى اسندها معايا
حارس العمارة*بحسن نية طلعها معاه*

ماهر*ادالوا فلوس*:وانت خارج اقفل الباب كويس واتأكد انه اتقفل
حارس العمارة:حاضر
ماهر*بص عليها وهى نايمة ع السرير ومش حاسة بأى حاجة حواليها وفضل يبصلها نظرة جريئة وجامدا اوى زى الوحش العايز يفترس صيده وقـــــرب منها وحصلت حاجة ايه هى هنعرف الحلقة الجــاية….  

بواسطة
الكاتبة فاطمة هشام
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق