قصص واقعية

رواية جسد بلا روح (الجزء الثانى عشر)

  *ملك كانت حاسة بقلق جواها ماكنتش فاهمة سببه ولا ليه بيحصل كدا لكن كل المتأكدا منه ان ف حاجة هتحصل ايه هى ماكنتش عارفة وخافت اوى ع ماهر وفضلت تتصل به لكن هو مابيردش كان وقتها قاعد بيعمل خطة عليها*
ماهر*بيشوفها بتتصل ويقفل الصوت ويعملوا صامت ويبص بأرف*:بطلى زن بقى

وائل:هى برده
ماهر:هو ف غيرها
وائل:انت مش هتخلص الحوار ده بقى مش ملاحظ ان الموضوع طول اوى انتوا داخلين ع سنة ونص اهوه
ماهر:اعمل ايه! ماهى مش مديالى فرصة لاى حاجة وكمان دى حتى مابتركبش معايا العربية وديما الــ اسمها نهى دى معانا ,لزقلانا معظم الوقت ,الحاجة الوحيدة الــ بنكون فيها لوحدنا هى الموبايل وياريت برده بنتكلم براحتنا بنت خالها دى بتنط كل شوية حاجة تأرف

وائل:يعنى ايه يامعلم بعد كل العاملناه ده,, ده احنا كنا هنروح ف داهية وهنتفصل بسببها ,عشان خاطر التمثلية العملناها عشان تعرف توقعها
ماهر:اعمل ايه يعنى يا وائل انا بحاول اهوه ,انت عارف ياض ده انا حتى بحس انها بتخلينى اللمس ايديها بالعافية
وائل:انا مش عارف اشمعنة دى يعنى الــ ان مصمم عليها ما فيه كتير
ماهر:عشان باين عليها انها خام وغلبانة ف نفسها كدا ,يا ابنى ال زى دى لو عملت معايا اى حاجة مش هتنطق ولا تتكلم مش زى سالى

وائل:ما تفكرنيش كنت هتخرب بيتنا! ,ملقتش غير دى وبسببها حاولنا م الكلية خالص هى صحيح ملك عرفت انك حاولت قولتلها السبب يعنى
ماهر:انت اهبل هروح اقولها انى حاولت م كلية تانية عشان كنت عايز اللعب ع بنت وطلع ابوها بلطجى ويعرف ناس ممكن يسوحونى ,اكيد فبركتلها اى سبب انى مرتاحتش فيها او لقيت ميولى للكلية دى اكتر ,اهوه اى حاجة
وائل:طب وبعدين يامعلم هتجيب رجليها ازاى

ماهر:انا بفكر بس شكلها كدا مش هتيجى بمزاجها
وائل*بصله بصدمه*:قصدك ايه هيبقى غصبن عنها!!
ماهر:انت شايف حل غير كدا بقولك بقالى سنة ونص اهوه بحاول اعاملها بحب ورومانسية وحنية عشان خاطر تستسلم مش راضية ,يبقى مفيش غير الاجبار الــ ينفع معاها
وائل:بس دى صعبة اوى يامعلم وفيها قضايا ومحاكم

ماهر:ما انا هو ده البفكر فيه عايز اعرف ازاى اخليها تكون برضاها وف نفس الوقت غصبن عنها
وائل*ضحك بسخرية*:ياراجل هو فيه حاجة زى كدا
ماهر*بصله بخبث*:اكيد فيه ما انت عارفنى هو انا يعنى هغلب
وائل:ايووه ياشقى لما تشغل دماغك ,بس بقولك ايه ابوس ايديك ركز المرة دى انا حاولت معاك الكلية الجديدة عشان اخلص م زن سالى دى وابعد انا كمان عن الشر عشان الكل كان عارف اننا اصحاب فمش ناقصة وجع دماغ اننا كل سنتين نحول م كلية

ماهر:يا ابنى متخافش بقولك هعمل كل الــ انا عايزه وهى ولا هتنطق ولا هتكلم ,سيبها بس عليا هقلبها ف دماغى وصدقنى ع الاجازة الجاية هتكون كل حاجة خلصانة
وائل:ايوووووووه يا ماهر ياجامد
ماهر*بصله بخبث*:ماشى ياملك ,بكرة هتبقى ليا وعندى انا وساعتها مش هخليكى تتحجى بأى حجة تانية ولا هسمحلك بكدا اصلا وهتيجى ف الوقت الــ انا عايزك فيه كمان *وفضل يفكر ازاى يعمل ده وف الوقت ده رحمة تدخل ع ملك تلاقيها بتعيط*

رحمة*جريت عليها*:ف ايه ياملك ايه الحصل؟
ملك:بتصل بماهر مابيردش انا قلقانة عليه اوى يكون حصله حاجة
رحمة*بصتلها*:ايه ياملك ده ,ف واحدة تعيط عشان خاطر كدا ,تلاقيه مرزوع ف اى حته مع اصحابه
ملك:بس م ساعة ما ارتباطنا عمرى ما اتصلت عليه ومردش ع طول كان بيرد عليا وف اى وقت كمان
رحمة:تلاقيه زهق ,ما يا بنتى كلهم كدا تلاقيهم بس ف الاول يعملك فيها الواد الطيب الحنين الكيوت لحد ما يزهق او يمل او يشوف واحدة تانية وبعد كدا يقول باى باى ,يعنى الموضوع كله بيبقى حلاوه روح مش اكتر

ملك:رحمة بجد حرام عليكى انا مش ناقصة بجد انا حاسة انه اكيد جراله حاجة وحشة خصوصا انى م الصبح خايفة وقلقانة ومش فاهمة ليه الاحساس ده اول مرة يحصلى
رحمة*بدأت تقلق ع قلق ملك وحاولت تهديها*:طب اهدى طيب عموما لو مكالمكيش لحد بكرة ابدأى اقلقى بس مادام مجرد ساعات يعنى يبقى خلاص مفيهاش قلق تلاقيه مشغول او اى حاجة تانية متفكريش ف الوحش ياملك فكرى ديما ف الحلو

ملك*بتبص لسما*:يــــــــارب يبقى كويس
رحمة*كانت مستغربة حب ملك الجامد ده لماهر وحست انها قلقت عليها بتعلقها الشديد لى خصوصا ان لسه مفيش اى حاجة بينهم رسمية وفضلت تدعيلها ان ماهر ده يبقى بنى ادم كويس ويقدر حبها فعلا ويعيشوا ف سعادة سوى*
ملك*فضلت قاعدة وساكتة وف الوقت ده تلاقى موبايلها بيرن ولسه هتفرح لقت باباها*:الو يابابا
مجدى:ايوه ياملك ازيك

ملك:الحمدد لله
مجدى*بستغراب*:مالك ياحبيبتى فيكى ايه؟؟
ملك:لا مفيش انت بس عارف الامتحانات قربت ف قلقانة شوية
مجدى:بجد ولا فيه حاجة تانية حد مزعلك
ملك:لا يابابا صدقنى مفيش اى حاجة او اى حد مزعلنى
مجدى:ملك لو ف حاجة عايزة تحكيهالى احكيها مش معنى انك بعيدة عنى انى مسمعكيش او تفتكرى انك ماينفعش تحكيلى الجواكى

ملك:ابدا يابابا والله وصدقنى لو حسيت انى عايزة احكيلك هحكيلك اكيد
مجدى:طيب ,هو ازى ماهر صحيح؟
ملك*اول ما باباها جاب اسمه قلبها دق اوى*:ماهر! ليه قصدى اشمعنة
مجدى:مفيش اصل ده الــ اتعرفت عليه م زمايلك فقولت اسأل
ملك*سكتت شوية*:هو كويس الحمد لله
مجدى:باين عليه شاب محترم وكويس جدا

ملك:اة جـــــــــدا ,قصدى يعنى طبعا هو انا هعرف اى شخص
مجدى:ملك خلى بالك ع نفسك عشان خاطرى وهقولهالك تانى لو ف اى حاجة عايزة تقولهالى قوليها كلمينى ف اى وقت ياملك حتى لو كنت ف شغلى ,واوعى تعملى اى حاجة مش مقتنعة بيها او بأسم الحب او الاعجاب ,انتى فهمانى ياملك
ملك*كانت بتسمع كلام باباها وكانت واثقة انه حس ان ف حاجة مابينهم وماحبتش تدخل ف جدال*:فهماك يابابا ومتقلقشس عليا انا كويسة ومش هعمل حاجة انا مش مقتنعة بيها او غصبن عنى ابدا
مجدى:ربنا يحفظك يا بنتى ويبعد عنك اى حاجة ممكن تضرك ,هقفل انا بقى عشان شغلى ,وهبقى اطمن عليكى تانى
ملك:ماشى يا بابا

رحمة:ف ايه!
ملك:بابا شكله حس البينى وبين ماهر
رحمة:ما ده كويس خليه ييجى يتقدم بقى ونخلص
ملك:بس ده صعب احنا لسه ف تانية
رحمة:لا انتوا ف اخر سنة ف تانية ,وكمان انتى مش قولتى انه هيخطبك ف تاالته ,يعنى مفرقتش كتير
ملك:مش عارفة بقى انا اهم حاجة عندى انى اطمن عليه دلوقتى عشان بجد قلقانة عليه جدا *وكان ساعتها نهى ومحمد بيتكلموا ف الموبايل*

محمد:وحشتينى
نهى:وانت كمان يامحمد وحشتنى اووى
محمد:ها طمنينى عليكى عاملة ايه!
نهى:كويسة الحمد لله قاعدة مستنية على يرجع
محمد*بستغراب*:هو لسه مرجعش
نهى:لا مش هو لسه ف شغله
محمد:انا سألت عليه قالوا انه استأذن يروح بدرى

نهى*بستغراب*:بس هو مجاش؟
محمد:اخوكى ده بقى عجيب والله نفسى اعرف بيروح فين
نهى:والله ولا انا ببقى عارفة حاجة عنه ,ولما بسألوا بيقولى بروح اشترى حاجات وبعمل شغل
محمد:شغل! ,ماشى عموما انا قولت اطمن عليكى
نهى:أنا كويسة طول ما انت كويس يامحمد
محمد:ياسلام ع الكلام الجامد ,طيب هلحق بقى اروح اكمل شغلى عشان لو فضلت معاكى هخسر الشغل ال انا فيه اكيد!

نهى:لا بعد الشر احنا كدا هنتسوح ف الجواز احنا قدمنا مصاريف كتير ,روح يلا
محمد*ضحك*:همك ع الفلوس انتى
نهى:ما ده الهيجبلنا المم م غيره مش هناكل وهنجوع وهنتشرد ف الشوارع
محمد:ليه ياستى كل ده ربنا هو الرزاق
نهى*ابتسمت*:ونعم بالله
محمد:طيب انا لما هخلص هكلمك

نهى:وانا هروح اشوف رحمة وملك بيعملوا ايه *وقفلت معاه وراحت شافت ملك لقيتها حالتها كدا حاولت تطمنها وان مفيش حاجة وحشة ممكن تكون حصلتله ,لكن ف وقتها كان على واقف مع شخص وبيديلوا فلوس*
على:المبلغ الطالبته منى ,هو الموضوع ده هياخد وقت قد ايه!
الشاب:متقلقش مش هياخد كتير وكمان ساعتها هكلمك وهعرفك ان كل حاجة بقت تمام
على:يـــاريت ,انا نفسى كل حاجة تخلص بسرعة اوى

الشاب:احنا هنعمل كل النقدرعليه ,وقريب جدا هكلمك
على:هستنى مكالمتك
الشاب*بيحط الفلوس ف جيبه*:ف اقرب وقت ان شاء الله
*وقعدوا يتكلموا شوية وسلموا ع بعض ومشى على وكان مبسوط اووى ,وحاسس انه اخيرا هيرتاح*وف الوقت ده ملك قاعدة سرحانة*
نهى:ماخلاص بقى يابنتى قولنا هيكلمك ويطمنك عليه
ملك:تفتكرى هيتصل؟

رحمة:اكيد يعنى هى الارض هتنشق وتبلعه
نهى:يالهوى ع كلامك الدبــش *وبصت لملك*:اة ياملك اكيد هيكلمك ,بس باين عليكى بتحبيه اوى
ملك:يانهى ما كل حاجة ع ايديكى وكمان انتى عارفة ماهر قريب منى قد ايه وكمان احنا بقالنا مده طويلة مع بعض مش صغيرة

نهى:ربنا يسعدك ياحبيبتى وتحصلينى كدا *وبصت لرحمة*:وعقبال الـ ف بالى
رحمة:هش يابت م هنا هش ,كفاية عليكى جيتى خدتى اخويا ياختى
نهى:مين ده! انا الجيت اخده لا ياحبيبتى صححى معلوماتك هو الكان هيتجنن عليا ومابينمش الليل بيفكر فيا
رحمة:اة ع يدى وكان ماشى ف الشقة يشد ف شعره ,ليه هيتجوز الموناليزا ياختى
نهى:امشى !ده انا احلى كمان

رحمة:بصى ف المرايا ياماما ,الظاهر ان مرياتكوا كلها مكسورة
نهى:شكلى هقوم اقطع لسانك م لغلوغه
رحمة:ولا تقدرى ,هش هش
ملك*بحزن*:بس بقى ارجوكوا انا مش ناقصة *ولسه هتكلم لقت ماهر بيتصل فرحت اوى ومسكت الموبايل وقامت وقفت*:ماهر!!
ماهر:حبيبه قلبه م جوه

ملك*بضيق:انت فين كل ده انا كنت قلقانة عليك
ماهر:معلش ياحبيبتى اصل ناس قرايبنا جم وماكنتش عارف اتكلم معاكى اسف جدا بجد
ملك*خدت الموبايل ودخلت البلكونة*:مش مبرر ياماهر انا كنت هموت م قلقى عليك
ماهر:بعد الشر عليكى ياحياتى انا ,والله غصبن عنى متزعليش وليكى عليا لما اشوفك هصالحك بالشيكولاتة
ملك:انا مش عايزة حاجة ,بس عايزة تكون بخير ,ماهر انت بقيت كل حاجة ف حياتى وانا بخاف عليك م اى حاجة
ماهر:متقلقليش ياقلبى انا كويس وزى الفل ,وانتى

ملك*ابتسمت*:بقيت دلوقتى كويسة
*وقعدوا يتكلموا وملك كانت مبسوطة اووى انه كويس وبخير ,وبعد شوية خلصوا كلام وخرجت م البلكونة وهى مبسوطة*
رحمة:اطمنتى ياختى ع حبيب القلب
ملك:اة الحمد لله طلع كويس *وفكرت سوية*:اومال انا كنت قلقانة كدا ليه وليه الاحساس الغريب الكان جوايا ده!!
رحمة:ده بس عشان قلبك رهيف يا ام قلب كبير
نهى:سيبك منها يابت اهم حاجة انك اطمنتى عليه

رحمة:اما اشوف اخرتها معاكوا يابتوع الحب ولياليه
نهى*بصتله*:عقبالك ياختى وتبقى معانا ف دايرة الحب ولياليه زينا
رحمة:ده لا ممكن ابدا انا مش هرمى نفسى ف هذه التهلُكة ابـــــــدا
منى*بتنادى ع رحمة م الصالة*:يارحـــــمة قومى اعملى المواعيين
رحمة:اظاهر انى شكلى هرمى نفسى ف التهلُكة دلوقتى

*ملك ونهى ضحكوا اوى ووقفوا هما التلاتة ف المطبخ يتكلموا ويهزروا ,وتعــــــــــدى ايــــام وف يوم تكون ملك ف الشقة لوحدها وتلاقى الباب بيخبط*
ملك*اول ما فتحت شافت على بصتله بأرف وكانت مضايقة*
على*اول ما شافها بصلها جامد*:هو عمو رؤوف لسه مجاش
ملك*بتحرك راسها ب لا*:لسه مجاش
على:اصل محمد ونهى نزله فقولت اجى اقعد معاه شوية

ملك*بجدية وصوت عالى شوية*:وانا بقولك انه لسه مجاش
على:طيب بتزعقى ليه خلاص عرفت
ملك*بصتله وهى مضايقة ولسه هتقفل الباب لقت نسمة بتنده ع على*
نسمة:عــــــلى هى نهى موجودة
على:لا يا نسمة خرجت مع محمد

نسمة:ياخسارة كنت جاية اقعد معاها هى قالتلى ابقى انزل اقعد معاها شوية
على*بصلها بخبث*:طب ما تيجى نستناها انا وانتى جوه
نسمة*لسه هتمسك ايده*:خلاص ماشى ,يــــــــلا

ملك*خرجت بسرعة وبعدت ايديها عنه ومسكت ايد نسمة جامد*:انت واخدها ورايح فين
على*بصلها*:اصلها كانت عايزة تستنى نهى فأنــ ــا قولت *ولسه هيتكلم*:وانتى بتسألى ليه اصلا؟
ملك*بصتله بتحدى*:نسمة هتقعد معايا انا *وقربت م نسمة*:مش انتى كنتى عيزانى اعملك زى الضفيرة دى
نسمة*بأسلوب طفولى*:اة السمبولة

ملك*بأبتسامة*:خلاص تعالى اقعدى معايا انا كمان قاعدة لوحدى ,فهنقعد سوى واعملك التسريحة ال انتى عيزاها ,اتفقنا مــاشى
نسمة*مسكت ايد على*:ماشى! وعلى كمان ييجى معانا
ملك*بزعيق*:لا *وحاولت تهدى شوية*:يانسمة مش هينفع اصل ماحدش جوه وانا لوحدى ومينفعش ولد وبنت يقعدوا لوحدهم ده غلط يانسمة

نسمة*حركت راسها بالموافقة وسابت ايديه ودخلت مع ملك الشقة ,وقبل ما ملك تقفل الباب بصت ع على بستحقار لانها كانت فاهمة هو عايز يعمل ايه! وحمدت ربنا انها قدرت تلحق نسمة ف الوقت المناسب ,واتغاظ على اوى م الملك عاملته ودخل وقفل الباب جامد*
ملك*دخلت نسمة معاها وبدأت تلعب معاها وبعد كدا قاعدت تسرحلها شعرها*:نسمة انا عايزة اقولك حاجة
نسمة:ايه هى!

ملك:بصى ياحبيبتى لما تعرفى ان محدش مع على ف الشقة ما تدخليش عنده
نسمة*بستغراب*:ليه!
ملك*حاولت تبسطهلها*:عشان ماينفعش ان بنت تبقى مع ولد ف مكان واحد لوحدهم يعنى بصى انا اهوه لوحدى ف الشقة لما انتى قولتى ان على ييجى يقعد معانا قولتلك لا عشان انا لوحدى ,وكمان مش اى حاجة هو يقولك عليها تنفذيها يانسمة لوحسيتى ان الحاجة دى غريبة ومش فهمها قوليلوا لا وابعدى عنه ,وتروحى بسرعة تقولى لماما او ليا او لاى حد والكلام ده مش مع على بس مع اى حد ,انا عارفة انك بنت شاطرة وهتفهمى ده ,صح
نسمة*بتحرك راسها بنعم*

ملك*قالت بحزن*:عشان خاطرى خلى بالك ع نفسك ما تعمليش حاجة غصبن عنك واوعى تسكتى ع اى حاجة غريبة تحسى بيها اتكلمى يانسمة واحكى وقولى لمامتك ع اى حاجة حصلت معاكى اى حاجة ,ماتسكتيش ,عشان سُكتك ده هيضرك *والدموع نزلت ع خد ملك واول ما لقت الباب بيتفتح مسحت دموعها بسرعة*
رحمة ومنى*كانوا داخلين نسمة قامت جريت عليهم*

رحمة:ايه ده انتى صحيتى
ملك:اة صحيت وملقتش حد ف الشقة خضتونى والله
رحمة:هو انتى يابنتى ع طول كدا مخضوضة وقلقانة ,احنا قولنا ننزل نجيب حاجات للبيت وبصراحة قولت حرام نصحيكى
نسمة:شوفتوا ملك عملتلى ف شعرى ايه

منى:الله ,حلوه اووى يارحمة ,شكلك زى القمر
نسمة:أنا هخليها تعملهالى ع طول
ملك*بصتلها وابتسمت*:ف اى وقت عايزة تعمليها انا موافقة ,وهعملك تسريحات غيرها كتير بس تنفذى الكلام القولته ليكى ,ماشى يانسمة

*وقعدوا يتكلموا سوى وكانت ملك مبسوطة وهى شايفة نسمة فرحانة واتمنت تكون قدرت توصلها اى حاجة ولو بسيطة فأنها تحاول تتعامل مع على بحذر او اى شخص تانى وتخلى بالها ع نفسها وتبدأ الامتحانات وتنشغل ملك وشوية وتيجى الاجازة*
ماهر:يعنى ايه ياملك مش هعرف اشوفك
ملك:ياماهر صدقنى صعب انى انزل قولتلك كدا قبل كدا
ماهر:انتى ليه محسسانى انك محبوسة هو خالك حابسك

ملك:ايه البتقولوا ده ياماهر لا طبعا ,بس انا معرفش حاجة ف اسكندرية فمعرفش انزل مع نفسى وامشى فيها
ماهر:ما انا معاكى وهعرفك اى حاجة انتى عايزاها
ملك*بتنهيدة*:صعب ياماهر صعب

ماهر*بعصبية*:ف ايه ياملك احنا بقالنا قد ايه مع بعض عمرنا ما خرجنا برة ولا حتى قاعدنا ع كافيه بلاش كافيه ياستى ع البحر يعنى قدام الناس هو انا بقولك هنقعد ف مكان لوحدنا ده حتى العربية ما بترضيش تركبيها معايا
ملك:ماهرانا لوقولت عايزة انزل رحمة هتنزل معايا مش هبقى لوحدى وكمان ما احنا بنتقابل ف الجامعة وكمان انت مستعجل ليه بكرة نتقابل لما نتخطب وننزل لوحدينا براحتنا

ماهر:ملك انتى مش واثقة فيا ,عشان كدا بتقولى كدا وع فكرة انا حاسس انك انتى المش عايزة ده مش خالك ,انتى خايفة منى ياملك صح
ملك*رغم حبها لماهر بس كانت ف بعض الاوقات بتقلق كانت حاسة ان خالد عملها عقدة ف حياتها ماكنتش بتحب ان اى شخص يقرب ناحيتها حتى لما كان بيمسك ايديها كانت بتبعدها كانت بتقلق م الاحساس ده والفكرة دى ,هى اة كانت بتحبه بس برده مش حابه ده وخايفة*

ماهر:مادام سكتى يبقى كلامى صح
ملك*فضلت تعيط*:ماهر انا واثقة فيك جدا بس انا مش هقدر ياماهر مش هقدر مش هقدر
ماهر*لما شافها بدأت تنهار حاول يهدى شوية*:خلاص ياملك اهدى ,متزعليش انا بس كنت حابب اعملك مفجأه عشان خاطر عيد ميلادك قرب ,بس خلاص

ملك*حاولت تهدى شوية ومسحت دموعها*:انا مش عايزة حاجة ف الدنيا غير وجودك معايا ,صدقنى الموضوع بس عايز وقت وبطريقة صح انا مش هعرف اخرج معاك م وراه اهلى لما تيجى البيت ساعتها هنخرج وهنروح وهنيجى براحتنا ,ارجوك ياماهر اتحملنى شوية

ماهر*لنفسه:اكتر م كدا ما انا مستحمل اهوه*:ماشى ياملك ,انا هدخل انام تصبحى ع خير
ملك:وانت م اهله *قفلت معاه وفضلت واقفة وباصه ع البحر ورغم صوته وان فيه اضاءه حواليه لكن بصت جوه لقت ضلمه حست ان دى حياتها رغم الاضواء الحاوليها وبيبقى فيه سعاده ف بعض الاوقات لكن الحزن ديما جواها حاسة انها كدا هتفضل العقدة والضلمة دى جواها ومش هتقدر تتخلص منها طول حياتها وحتى كمان حسدت البحر انه قادرة صوت الامواج عالية وظاهرة لكن هى اوقات كتير مابتقدرش تتكلم او يطلع صوتها وتقول الجواها لاى حد ,وتاخد نفس عميق وتدخل ملك وتحاول تنام وبــــــعد فترة*

نهى:ملك انا عيزاكى ننزل نشترى شوية حاجات
ملك:خلاص ننزل انا وانتى ورحمة
نهى:لا انا وانتى بس
ملك:اشمعنى!
نهى:مفيش رحمة بقى هتقولك تعبانة ومش قادرة ,فهننزل سوى

ملك*ابتسمت*:ماشى *ونزلت هى ونهى وفضلوا يلفوا سوى ورغم كدا نهى ماكنتش بتشترى حاجة ملك استغربت اوى وشوية وجت مكالمة لنهى وقامت قايلة لملك يلا نرجع ورجعوا البيت لقت ملك النور ضلمة خالص استغربت ولسه بتفتح النور لقتهم كلهم واقفين ورحمة ماسكة تورتة وعمالين يغنولها اغنية العيد ميلاد ,اتفجأت اوى وكانت مبسوطة وطافيت الشمعة وقعدت تسلم عليهم بس طبعا جت عند على ومرضيتش تسلم عليه واتحججت بأنها شايلة نسمة*:بجد شكرا جدا والله ,انا اول مرة حد يحتفل بعيد ميلادى كدا

رحمة:اى خدعة! انا صاحبة الفكرة رغم ان احنا هنا زى ما انتى عارفة مش بنهتم بالمواضيع دى اوى بس قولنا نعملك مفجأه المرة دى
ملك:ودى احلى مفجأه وبجد انا مبسوطة بأن كلكم ف حياتى والله ده عندى كفاية
نسمة*اديتلها هدية*:كل سنة وانتى طيبة ياملك
ملك*خدتها منها وحضنتها وباستها*:وانتى طيبة يا نسمة شكرا جدا ياحبيبتى *وفتحت الهدية لقيتها عقد*:الله حلو اوى
نسمة:عملناه انا وماما

ملك*بصت لهاجر*:شكرا جدا
هاجر:عقبال 100 سنة
رؤوف ومنى*جابولها هدية*:فكرنا كتير والله ياملك لقينا مافيش احلى م الهدية دى
ملك*خدتها ولقت ان الهدية عبارة عن برواز عليه صورة مامتها اول ما شافته فرحت اوى وعيونها دمعت وباست راس مامتها ف البرواز ,وبعد كدا حضنت خالها*:دى اجمل واحلى هدية والله بجد
رحمة:أكيد طبعا بس هديتى انا كمان حلوه

ملك*فتحتها لقت ساعة ابتسمت وحضنتها*:حلوه اووى يارحمة ورقيقة كدا
رحمة: رقيقة زيك ياملوكة
نهى ومحمد:احنا بقى اشتراكنا وقولت اجبلك دى
ملك*فتحتها لقت انها اباجورتين ع شكل قلب*
نهى*بتغمزلها*:دى عشان تحطيها ف شقتك انتى والهيختاروا قلبك
ملك*فهمت قصدها وابتسمت وحضنتها*:بجد شكرا اووى

*وبصتلهم كلهم*:هدياكوا كلها عجبتنى اوووووى وجميلة ربنا يخليكوا ليا ومتحرمش منكوا ابدا والله وكل الـ انا عيزاه تفضلوا ف حياتى وبس
على*وهو بيقدملها هديته*:بس ناقص هديتى انتى ماشوفتهاش
ملك*طبعا كان الكل باصص عليها وحاولت تتعامل عادى بس طبعا ملامحها كان باين عليها انها مضايقة وخدتها منه وابتسمت ابتسامة صغيرة*:شكرا

على*بصلها بخبث*:مش هتفتحيها
نهى:أة ياملك يلا افتحيها عايزين نشوف جابلك ايه!
رحمة:يلا بقى ياملك افتحيها
*ملك لقت الكل بيتحايل عليها وكلهم عايزين يعرفوا على جابلها ايه ورغم انها ماكنتش حابة تقبلها بس اضطرت تاخدها منه وبدأت تشيل اللفة الــ عليها ولسه هتفتح علبة الهدية حصلت حاجة ايه هى هنــعرف الحلقة الــجاية….  

بواسطة
الكاتبة فاطمة هشام
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق