قصص واقعية

رواية جسد بلا روح (الجزء الحادي عشر)

  *وتبتدى الخطوبة ويكونوا البنات مشغولين مع نهى وتكون ملك فرحانة اوى لانها اول مرة تعيش ف الاجواء دى ,وف الوقت ده على مابين الناس يشوف شاب داخل القاعة بيدور ع حد فقرب ناحيته*
على:ايوه حضرتك بدور ع حاجة
ماهر*بتردد*:اة لا ,قصدى مش دى خطوبة محمد ونهى

على*حس بحاجة غريبة فطريقته*:اة هى انت تبع مين؟
ماهر*بتردد*:انا تبع العريس
على*بستغراب*:م العيلة يعنى
ماهر:اة
على:بس غريبة!! انا صاحبه وعمرى ماشوفتك انت قريب مين ف العيلة
ماهر*لنفسه:ايه الرغى ده هو تحقيق*:بصراحة انا تبع العروسة

على*بصله بستغراب*:العروسة تكون اختى تبعها ازاى يعنى
ماهر*لنفسه:يادى النيلة وانا اقولوا ايه ده*
ملك*تكون خارجة عشان تظبط الميك اب اول ما تشوفهم واقفين مع بعض تتفاجئ وماهر يشوفها فتقرب ناحيتهم*
ماهر:قوليله ياملك مش انا زميلكوا ف الكلية
ملك*بتحرك راسها بنعم*

على:طب ما كنت تقول م الاول بدل الكلام الغريب ال انت عمال تقولوا ده
ماهر*ابتسم*:معلش بقى يامعلم ,اتلغبطت اصل متوقعتش حد هيسألنى الاسئلة دى كلها
ملك*بصت لعلى*:طيب اتفضل
على*بصلهم هما الاتنين وحس ان ف حاجة مش طبيعية ما بينهم وقال بصوت مسموع*:انا حاسس ان شوفتك قبل كدا

رؤوف:على انت واقف كدا ليه ,مش تيجى تسلم ع عمك مجدى
على*ابتسم*:ازى حضرتك ياعمو
مجدى:الحمد لله يا ابنى
رؤوف:ده مجدى يبقى ابوه ملك
على*اول ما سمع كدا بص لمجدى وسكت*
ملك*كانت ماشية وجمبها ماهر*:انت مقولتليش انك جى

ماهر:حبيت اعملهالك مفجأه وحاولت اتصل بيكى عشان تخرجى برة لكن معرفتش اوصلك ما بترديش
ملك:الموبايل ف الشنطة ومش معايا *وبصتله بحب*:بس بجد دى احلى مفجأه
ماهر*بصلها بحب*:انا اعمل عشانك اى حاجة
ملك*ابتسمت بخجل*:طيب روح بقى اقعد مع زمايلنا ع الترابيزة ,معلش ياحبيبى هكون مشغولة شوية
ماهر*ابتسم*:لا ولا يهمك ياقلبى

*وفضلت ملك واقفة مع نهى ورحمة ويرقصوا وكانوا مبسوطين اوى وعلى ماسبش محمد بس كان ديما باصص معظم الوقت ع ماهر وبيحاول يفتكر شافوا فين واستغرب اكتر م نظراته هو وملك وبدأ يتأكد ان بينهم حاجة!! وشوية وماهر يخرج م القاعة وملك وراه*
ملك:رايح فين؟
ماهر:هروح بقى ياحبيبتى وكمان انتى مشغولة ومش معايا

ملك:ما تخليك شوية كمان
ماهر:مش هقدر ياقلبى والله ,وكمان انتى مش هتيجى بكرة الجامعة لكن انا لزما اروح
ملك*لسه هتكلم لقيت باباها*
مجدى:ايه ياملك ف حاجة
ملك*ابتسمت*:لا يابابا مفيش ده ماهر زميلى
ماهر*ابتسم*:ازيك ياعمو

مجدى:الحمد لله ,وانت
ماهر:بخير الحمد لله ,معلش بقى هستأذن عشان عندى جامعة الصبح
مجدى:اكيد اتفضل
ماهر*سلم عليهم ومشى*
مجدى*بص لملك وحس بحاجة*:بس اشمعنة انتى الخرجتى تسلمى عليه قبل ما يمشى

ملك*بتوتر*:هه اصل يعنى هو زميلنا انا ونهى واكيد نهى مش هتسيب الخطوبة وتخرج تسلم عليه
مجدى*كان شايف ان ف حاجة غريبة ف بنته بس عشان الوقت الهما فيه متكلمش معاها ف حاجة وملك مسكت ف دراعه ودخلوا القاعة سوى ,وبعد ساعات تخلص الخطوبة ويروحوا كلهم البيت ويقعدوا مع بعض*:طيب عن اذنكم هروح انا
ملك*بحزن*:ليه يابابا ما تخليك معانا
مجدى:ياحبيبتى مش هينفع وكمان انا عندى بكرة شغل

رؤوف:مينفعش يامجدى تمشى دلوقتى وكمان الوقت متأخر اوى ,متقلقش ف موضوع الاوض انت ممكن تبات عند على
مجدى:مش حابب بس اضايق حد
على*بصله وابتسم*:ابدا ياعمو والله مفيهاش مضايقة انت تنورنا ف اى وقت وكمان احنا دلوقتى بقينا نسايب مش بس معرفة ولا ايه *وبص لملك*
ملك*بصت لعلى وكانت مضايقة*:بابا عشان خاطرى خليك معانا انا ملحقتش اشبع منك وكمان انا مصدقت انك جيت ,انت وحشنى بجد

مجدى*ابتسم*:خلاص ماشى
ملك*فرحت اوى وفضلت قاعدة جمب باباها وماسكة فيه*وبعد شوية* دخل مجدى وبات مع على ونهى ودخلوا على اوضة باباه ومامته*
على:اتفضل
مجدى:انا اسف يا ابنى لو كنت هسبب ازعاج

على:متقولش كدا ياعمو والله ابدا احنا فرحانين بوجودك معانا جدا
مجدى*ابتسم*:تسلم ياعلى *وعدى اليوم ع الجميع مبسوطين وف فرحة كبيرة وتانى يوم تصحى ملك ع صوت الموبايل*
ماهر:وحشتينى اوى ياملك
ملك*بأبتسامة*:وانت كمان وحشنى

ماهر:ماردتش اصحيكى م بدرى عشان عارف انك ماكنتيش هتقدرى تصحى
ملك:اليوم كان حلو امبارح اوى وتعبنا فيه ,بس اهم حاجة ربنا يسعدهم سوى ويتمملهم ع خير
ماهر:عقبالنا ياقلبى
ملك:يــــــــارب ياحبيبى
ماهر:هو باباكى لسه هنا ولا روح

ملك*بفرحة*:لا موجود بات هنا ,متتصورش مبسوطة قد ايه كان وحشنى بجد وخوفت يمشى امبارح وملحقش اقعد معاه
ماهر:تعرفى انى كنت هقولوا ياعمو انا بحب بنتك وبموت فيها ومقدرش استغنى عنها
ملك:يامجنون اوعى كنت تعمل كدا
ماهر:ليه يعنى انا عايز اقول للدنيا كلها مش باباكى بس

ملك*بكسوف*:انا كمان نفسى الدنيا كلها تعرف بس مش انت قولت لسه شوية عقبال ما تجهز نفسك
ماهر:ده فعلا ياحبيبتى بس وقتها مش هخلى اى حد ياخدك منى انا بقولك اهوه
ملك:ان شاء الله ياحبيبى ,هقوم اشوف بابا بقى
ماهر:ماشى ياحبيبتى

ملك*فاقت شوية وراحت الشقة التانية وخبطت ونهى فتحتلها*:ايه كل ده نوم
نهى:ايه الدوشة دى ع الصبح
ملك:انا طبعا الدوشاكى ,وكمان صباح الكسل هو انتى عشان كنتى عروسة امبارح تبدألنا ف الكسل بقى لا احنا ورانا جامعة وامتحانات وبلاوى كتير فوقى كدا
نهى:ادخلى يارغاية

ملك*ضحكت*:هو بابا فين
نهى:ف الاوضة جوه ,روحيلوا وانا هحضر الفطار
ملك*كانت مبسوطة ومشيت تتسحب براحة عشان تفتح الباب وقبل ما تقرب تفتح سمعت على بيزعق*
على:والله انا مش ضربتك ع ايديكى كل الحصل ده كان بمزاجك ,وانا مليش ذنب اتصرفى انتى بقى ,ياسلام وانتى اى حد يقولك كلمتين تصدقيهم ,وكمان انا اعرف منين انك معاملتيش كدا قبل كدا ,بصى متكلميش هنا تانى انا بقولك اهوه ف الاول كنت بكلمك بالحُسنة دلوقتى خلاص بقى اتحملى الهيحصلك

ملك*كانت بتسمع الكلام ده وم صدمتها حطيت ايديها ع بؤها والدموع ف عنيها وقالت لنفسها:حرام عليك ذنبها ايه تضيعها ربنا ينتقم منك انت وخالد وكل الزيكوا ,ولسه هتمشى لقت على فتح الباب*
على*بصلها بنظرته الجامده*:ايه ده انتى هنا ماكنتش اعرف ان وجود باباكى هيخليكى تجيلنا وتدخلى البيت
ملك*مردتش عليه ولسه هتمشى وقف قصادها*

على*بصلها بنظرة خبث*:ما انتى لو تدينى فرصة اقرب منك هتعرفينى كويس
ملك*بصتله وقالت بجدية*:ابعــد عنــى
على*بصلها وعينه ف عنيها ونظرة كلها تحدى*:ولو ما بعدتش
ملك*لسه هتزقوا لقت باباها بيفتح الباب*
مجدى:ملك انتى هنا

ملك*حضنته وعيطت جامد*:بــــــــابـــــــــــا
مجدى*بستغراب*:مالك ياحبيبتى ف ايه الحصل *وبص لعلى*:ف ايه
على*كان مزهول وماكنش فاهم هو عمل ايه لكل ده!!
*وف الوقت ده رؤوف يكون صاحى م النوم*
رؤوف:صباح الخير يامنى
منى:صباح النور ياحبيبى

رحمة*خارجة م الاوضة*:هو لسه الفطار متحضرش
منى:لا ياست هانم لسه اسفين لسيادتك
محمد: صباح الخير
رحمة:صباح النور ياعريس
مجمد:لسه خطوبة بس ما بقتش عريس
رحمة*بتغمزله*:هتبقى ان شاء الله
رؤوف:هى ملك فين

رحمة:اول ما صحيت جريت ع هناك ع طول عشان باباها
منى:باين عليها متعلقة بي اوى
رؤوف:اكيد مش هو الكان ليها بعد وفاه مامتها وكمان مجدى طيب وحنين مع ملك اوى عشان كدا هى بتحبه جـــدا
منى:طيب هقوم احضر الفطار عشان نفطر كلنا سوى
ملك*قاعدة ف الصاله وحواليها باباها وعلى ونهى*
نهى*ابتسمت*:يالهوى ياملك ما كنتش اعرف انك طفلة ف تصرفاتك كدا

مجدى:ياحبيبتى مين قالك بس انى سافرت انا عمرى ما كنت هسافر مين غير ما اشوفك
ملك*خبيت حقيقة حزنها وبصت لعلى وبعديها بصت لباباها وهى بتمسح دموعها*:خوفت يابابا اوى انك تكون مستعجبل عشان الشغل ,الشغل ديما واخدك منى ,عشان خاطرى خليك معايا
مجدى:أنا عارف انى مقصر معاكى بس كل ده عشانك ياملك صدقينى ,وكمان ما انا معاكى اهوه انتى شوفتينى مشيت يعنى
ملك*بتنهيدة*:ربنا يخليك ليا يابابا
مجدى:ويخليكى ليا ياحبيبتى

رحمة*خبطت ع الباب ونهى فتحتلها*:يلا ماما حضرت الفطار عشان نفطر سوى
نهى:ده انا كنت لسه هحضروا
رحمة:قال يعنى البت شاطرة اوى ف العمايل
نهى:هتنكرى بقى
رحمة:لا انا اقدر هو انا معدتى كانت بتبوظ م شوية

نهى:لعلمك انا هبقى مرات اخوكى وهأكلك بسبب وم غير سبب
رحمة*بتمسك بطنها وقالت بهزار*:اة يابطنى حد يطلبلى الاسعاف مش رقمها 123 برده
*كلهم ضحكوا وقاموا راحوا لبيت رؤوف وقعدوا كلهم سوى وملك حاولت تهدى م السمعته بس برده فضلت تبص لعلى نظرة استحقار وصعبانة عليها البنت الكان بيكلمها بس لقيت ان مش ف ايديها اى حاجة تعملها ,واصرت انها لزما تكشفوا للناس كلها وشوية ونسمة نزلت*
نسمة:الفرح امبارح كان حلو اوى
محمد:عجبك

نسمة:أة
نهى:عقبالك ياحبيبتى
نسمة*وهى بتقرب وتمسك ايد على*:انا لما اكبر هتجوز على
رحمة*ضحكت اوى*:على ! طب مبروك عليك العروسة تتربى ف عزك
على*بصلها*:يـــــاريت يانسمة والله
ملك*بصتله بأرف*:لا يانسمة *الكل بص لملك*:قصدى يعنى انها بكرة لما تكبر هتلاقى الشخص المناسب
منى:يابنتى ده كلام عيال يعنى بكرة لما تكبر هتنسى على اصلا

ملك*لنفسها:ياريت ويبعد عنها خالص وعن حياتها الهيدمرهلها*
نسمة*قربت منها ومسكت شعرها*:انا كان نفسى اوى ف التسريحة دى هى اسمها ايه!
ملك*بأبتسامة*:السنبلة
نسمة*وهى بتنطقها*:السمبولة
ملك*اول ما سمعتها بتقولها زيها*:اة يانسمة السمبولة
نسمة:ممكن تعملهالى

ملك:بس كدا حاضر هعملهالك وهتبقى احلى م بتاعتى كمان
نسمة*وهى بتحضنها*:هييييييييييييييييييه انا بحبك اوى ياملك
ملك:وانا كمان والله بحبك جدا
مجدى*موبايله رن*:ايوه ياصفاء *اول ما نطق اسمها ملك اضايقت وبصتله*:اة قاعديين كلنا مع بعض,شوية كدا, تاخدى تكلميها ,خدى ياملك صفاء عايزة تكلمك

ملك*مسكت الموبايل بتردد*:ازيك ,انا الحمد لله ,اة ان شاء الله ,اكيد البيت وحشنى ,ماشى بابا معاكى اهوه
مجدى*خد وكمل المكالمة*:لا انا شوية وهلبس وهاجى ,حاضر ,سلام
ملك*بحزن*:برده هتمشى يابابا
مجدى:ياحبيبتى لزما عشان شغلى بس اكيد هشوفك تانى ,مش انتى هتجيلنا ف الاجازة ولا هطنشى السنة دى كمان
ملك:لا اكيد هاجى

نهى:امسكى نفسك بقى عشان مش عايزين عياط زى الـ كان م شوية
رؤوف:عياط ايه!
نهى:اصلها خافت ان باباها يكون سافر م غير ما يسلم عليها وعملتلنا مناحة جوه
منى:ربنا يخليكوا لبعض ياحبيبتى
على*ماكنش مصدق ان عياطها كان بالسبب ده حس ان ف حاجة تانية هو مش عارفها او قادر يفهمها بس سكت لحد ما يعرف ايه الحكاية بالظبط*

*وفعلا مشى مجدى ورجعت حياتهم ف البيت زى ما هى وطبيعية جدا وعدى الترم الاول م سنة تانية وابتدوا ف الترم الجديد وكانت ملك ديما قريبة م ماهر اوى وحبها بيكبر جواها كل يوم ,وف يوم نهى ومحمد كانوا قاعديين مع بعض*
رحمة:ياحلاوتكوا! انتوا الاتنين عصافير كنارية ياخواتى
نهى:الله اكبر احسدينا بقى

رحمة:ع ايه ياختى ما انتى عرفانى مش بيهمنى الكلام ده *وشوية وملك خرجت م الاوضة*:اهى النحنوحة التانية جت
نهى:خليكى انتى كدا
ملك:ايه بتكلموا ع ايه!
رحمة:انا بقول انى اجيبلهم شجرة واتنين ليمون ايه رأيك
ملك:حرام عليكى سيبيهم ف حالهم
رحمة:ماشى ما انا دلوقتى الوحشة ,ماشى ماشى
نهى:اومال على فين؟

محمد:مش عارف الواد ده بقى يختفى كتير اوى الفترة دى نفسى اعرف بيروح فين
ملك*لنفسها:اكيد بيحاول يحل العاملوا ,يارب يتكشف قصادهم قريب عشان يشوفوا الطيب والحنين بيعمل ايه ف بنات الناس*
رحمة:ولا انتى شايفة ايه ياملك
ملك:هه بتقولى ايه؟
رحمة:انتى روحتى فين مش معانا خالص كدا
نهى*بتغمزلها*:سبيها بتفكر ف الناسيها

ملك:بطلوا رخامة انا معاكوا بس ماسمعتش بتقولوا ايه
نهى:بتقول ان انتى وعلى ديما مش ع وفاق ,بصراحة انا كمان بحس بكدا
ملك*سكتت شوية*:لا خالص ,انا بس زى ما انتوا بتقولوا انه مش موجود كتير فمش بتعامل معاه كتير بس
محمد:ده انا صاحبه ساعات مبقتش اشوفوا الواد ده بيعمل حاجة م ورانا ياجماعة ولزما نكتشفها
رحمة*نهى*:اة هيا بنا نبحث مع الشرطة! ,هيكون بيعمل ايه يعنى
نهى:بطلوا تقطعوا ف فروة الواد ,انا موجودة برده

رحمة:ياختى يعنى احنا هنخاف ولا هنخاف
*ويقعدوا يهزروا مع بعض وكانت ملك مصرة انها تكشف على قصاد الكل بس ماكنتش عارفة ازاى او تعمل ايه؟*ابتدت ملك تفتكر كل ده وبصت لمهند*
ملك:وف يوم صحيت م نومى كنت حاسة ان ف حاجة غريبة وخوفت اوى معرفش ليه حصلى كدا ف اليوم ده كنت طول اليوم قاعدة قلقانة انا حتى ماكنتش عايزة انزل م البيت بسبب الاحساس ده!!
مهند:ليه ايه الحصل؟

ملك*ابتدت تترعش شوية وحست بوجع ف بطنها ومسكتها*
مهند*بخضة*:ملك مالك ,انتى كويسة حاسة بحاجة؟
ملك*الدموع نازلة م عنيها زى المطر*:الحقنى بطنى كأنها بتتقطع مش قادرة *وقاعدت تتألم جامد وشوية وفقدت الوعى*وفاقت ملك ولقت نفسها ع السرير ومحطوط ليها محاليل*
رحمة*قربت ناحيتها ومسكت ايديها*:ملك انتى كويسة
ملك*بتعب*:الحمد لله

رحمة*بفرحة والدموع ع خدها*:ملك انتى اتكلمتى
رؤوف:الحمد لله ياحبيبتى ع كل شئ حمد الله بسلامتك
ملك*بصتلهم وسكتت*
مهند*بخوف عليها*:قلقتينى عليكى ياملك
ملك:هو ايه الحصل

مهند:فجاه حسيتى بتعب جامد ف بطنك واغمى عليكى
ملك*وهى بتمسك بطنها*
مهند:الدكتور طمنى ع الجنين هو كويس بس قال لزما الراحة التامة الفترة دى انتى خلاص داخلة ع الشهر التالت ولزما تتغذى اكتر ,انا هفضل متابعك ف الموضوع ده انتى بقيتى مهمه جدا بالنسبة لى *وبص لرحمة ورؤوف*:قصدى كحالة

رؤوف*بصله*:شكرا جدا بجد مش عارف اقولك ايه انا لو وعملت ايه مش هقدر اوصلك حقك ,انت تعبت معانا اوى
رحمة*بصت لملك وابتسمت*:الدكتور مرضاش يسيبنا م امبارح ياملك ,الظاهر انك فعلا بقيتى حالة مهمه جدا بالنسبة لى
ملك*بصتله وقالت بتعب*:شكرا
مهند:ياجماعة انتوا مكبريين الموضوع ده واجبى ع فكرة وانا ان شاء الله هتابعها كل يوم لحد ما حليتها تتحسن ,عن اذنكم *ويخرج معاه رؤوف*
رؤوف:بجد الف شكر ليك يادكتور

مهند:اشكر ربنا اولا واخيرا يا استاذ رؤوف ,وان شاء الله هو الهيتمم شفاها ع خير ,بس عايز اطلب م حضرتك طلب ,بلاش تكلموا معاها كتير عشان هى لسه ف البداية ومتتعابش اكتر
رؤوف:متقلقش احنا كل العايزينه انها تبقى بخير وكفاية علينا انها ردت وقالت انها كويسة ,مش عايزين حاجة اكتر م كدا ,الحمد لله ع كل شئ

مهند:طيب عن اذنك ,انا مروح وهاجى اكيد اطمن عليها بكرة *وطول الطريق مهند فضل يفكر ف ملك مش عارف ليه م ساعة ما الحالة دى وصلت لى وهى بالنسبة لى حالة نادرة ومهتم بيها اوى وحاسس انها اقرب لى م اى حالة تانية وكانت صعبانة عليه م الشافته م صغرها بس استغرب اوى ان حياتها الكانت بتحكيلوا عنها كانت كويسة وكلها فرح وسعادة ايه الممكن يكون حصل غير كل ده!!,ويوصل مهند وتكون سلوى نايمة قصاد التى فى*
سلوى:انت جيت يامهند اخيرا

مهند:اة ياماما
سلوى:هى عاملة ايه
مهند:الحمد لله ,قلقت وخوفت عليها اوى ياماما متتصوريش كنا كلنا بندعيلها قد ايه انها تبقى بخير
سلوى*وهى باصه لابنها ومستغربة الاهتمام الزيادة ده*:ربنا يقومها بالسلامة ,بس انت عمرك ما عملتها يامهند وروحت تبات مع حد م الحالات بتوعك ف المستشفى

مهند*سكت شوية*:ياماما ماكنتش قادر اسيبها لوحدها وكمان انتى عارفة ملك بالنسبة ليا مش زى اى حالة!!
سلوى:ايوه بقى انا عايزة اعرف ليه بقى هى كدا
مهند:عشان حالتها مختلفة بالنسبة ليا

سلوى*عايزة توصل ف البيفكر فيه*:يعنى ايه يعنى عمر ما مر عليك حالة زى كدا ابدا طول فترة شغلك
مهند:لا ياماما دى الحالة الوحيدة المختلفة ,ومعلش انا منمتش م امبارح وعايز استريح عشان هصحى اروح العيادة وبعديها هروح اشوفها تصبحى ع خير
سلوى*بصت لابنها وحست انها اول مرة تشوفوا قلقان ع حد م مرضاه كدا واول مرة كمان يبات برة البيت بسبب حد ,حست ان ملك بالنسبة لابنها مش مجرد حالة ,وبدأت تضايق وخافت لو يكون بيفكر فيها كحاجة تانية؟؟*
مهند*م كتر تعب وقلق ع ملك اول ما حط راسه ع المخدة نام ع طول ومفكرش ف اى حاجة ,ويصحى يروح العيادة وبعد ما يخلص الحالات المعاه يروح لملك ويزورها*

رحمة:كلى اخر معلقة دى عشان خاطرى
ملك*بتحرك راسها ب لا*
رحمة:ملك اكلتك ضعيفة اوى والدكتور قال غلط عليكى كدا احنا مش عايزين الحصل م يومين يحصل تانى
ملك*لسه هتكلم ,مهند يدخل*
مهند:السلام عليكم
رؤوف:وعليكم السلام ,اتفضل يادكتور

مهند:ها عاملة ايه النهاردة ياملك
رحمة:مش عايزة تاكل
مهند:احنا مش قولنا ان ده مينفعش ياملك *ومسك المعلقة م ايد رحمة*:لزما تاكلى عشان انتى دلوقتى جواكى روح ,وصدقينى كل حاجة هتبقى بخير ,اطمنى *وبصلها وابتسم*

ملك*بصتله ولقت نفسها بتاكل م ايديه وسكتت*وشوية ويدخل الدكتور ويطمنهم ع حالتها وانها هتروح وفعلا بعديها تروح ملك وكان مهند كل يوم يروح يطمن عليها لكن ماكنوش بيتكلموا ف حاجة وحس الا حد ما ابتدت حالة ملك تتحسن بنسبة صغيرة لكن كان جواها تعب هو ماكنش قادر يستوعبه ,وتعـــــــــدى فتــــــرة ,وف يوم ييجى مهند البيت*

رحمة*بأبتسامة*:اتفضل يادكتور ملك مستنية حضرتك ف اوضتها
مهند*لنفسه:قصدك ف عالمها*:هو استاذ رؤوف فين
رؤوف*خارج م اوضة ملك*:انا موجود يادكتور ازى حضرتك
مهند:الحمد لله ,ممكن بقى اشوف الحالة بتاعتى
رؤوف:طبعا احنا مستنيينك ومعلش بقى مقدرناش نيجى العيادة النهاردة
مهند:مفيش مشكلة اهم حاجة تكون بصحة وسلامة

رحمة:طبعا انا عارفة القهوه المظبوط بتاعتك ,هجبهالك ع طول
مهند*ابتسم*:ياريت عشان الجلسة احتمال تطول شوية*ودخل مهند لقه ملك قاعده وسرحانة وبتسمع اغنية لام كلثوم*ملك*اول ما تشوفوا تقفل الاغنية وتبصله وتسكت*
مهند:انا سايبك بقالى فترة طويلة اهوه م غير جلسات اظن دلوقتى بقيتى احسن واطمنى عليكى
ملك:الحمد لله

مهند:طبعا انا اسف ماكنش ينفع ان اهلك مايعرفوش انك بقيتى تتكلمى بس
ملك*بهدوء*:كان مسيرهم هيعرفوا وكمان انا المقدرتش اسكت وانا شايفة رحمة قلقانة عليا كنت لزما اطمنها
مهند:اهم حاجة عندى انتى كويسة ,وحاسة براحة نفسية
ملك*سكتت شوية*:هو انا الحمدلله كويسة ,بس الراحة دى صعب اوى انى اوصلها
مهند*بحزن*:ان شاء الله هتوصللها ياملك انتى قوية!

ملك*بصتله اول ما قال الجملة دى*:كنت بستغرب اوى لما تتقالى الجملة دى هو ليه انتوا شايفين كدا رغم ان انا طول عمرى شايفة نفسى ضعيفة ,وضعيفة جدا كمان
مهند*ابتسم*:لا ياملك انتى عمرك ما كنتى ضعيفة انتى استحملتى حاجات كتير ,انتى مش ضعيفة ,انتى بتستضعفى نفسك وهى دى مشكلتك ,كنتى لزما تقاومى ده ,ومتستسلميش لضعفك
ملك*الدموع ف عنيها*:بس انا مقدرتش *ولسه هتكلم*

رحمة*خبطت ودخلت القهوه وكان معاها علبة شيكولاتة*:اتفضل يادكتور ,ودى شيكولاتة انا عارفة ان حضرتك الجايبها بس يعنى مش عندنا حاجة نقدمها بمناسبة ان ملك قامت بالسلامة غيرها
مهند*ابتسم*:لا عادى مفيش مشكلة
رحمة:هسيبكوا بقى ولو احتاجتوا اى حاجة انا برة *وخرجت رحمة وملك شافت الشيكولاتة*
ملك*اول ماشافتها اضايقت اوى*
مهند*بصلها بستغراب*:مالك؟

ملك:دى نفس الشيكولاتة ال ماهر كان بيجبهالى ,دى ال فيها البخت
مهند*وهو بيفتحها وبيقرأ الورقة الجواها*:لا تصدق كل ما تراه عيناك *وبص لملك*:فعلا دى فيها حكمة او زى ما بيقولوا بخت ,طب وانتى مضايقة ليه! هو ماهر عمل ايه بالظبط!

*ملك ابتدت تحكيلوا وحست كأنها بتفتكر كل حاجة بتحصلها ,ان اليوم الكانت فيه قلقانة وخايفة ماكنتش فاهمة السبب ولا عارفة ليه وحاولت وقتها تتصل بماهر كتير بس ماكنش بيرد وده قلقها اكتر وخافت يكون حصلتله حاجة لكن وقتها ماهر كان كويس جدا بس كان بيعمل حاجة ايه هى هنعرف الحلقة الجـــاية….  

بواسطة
الكاتبة فاطمة هشام
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق