قصص واقعية

رواية جسد بلا روح (الجزء التاسع)

*وراحت ملك عشان تكلم ماهر وتشكره ع العاملة وف نفس الوقت وائل كان باصص عليهم وتراقب تحركاتهم وكانت اول مرة تتعامل مع ولد عن قرب اوى كدا بس حبيت تتجرأ ولو شوية*
ملك*قربت ناحية البينج بتاعه*:اتفضل الجاكيت بتاعك
ماهر*خده منها*:شكرا جدا

ملك*بصتله لقت وشه فيه دم*:انا اسفة
ماهر*بصلها وابتسملها*:ع ايه اى حد مكانى كان هيعمل كدا وانتى زميلتى ولزما كنت ادافع عنك
ملك:بس ماكنتش احب ان ده يحصلك
ماهر:عادى مافيش مشكلة ,وعموما متقلقيش انا ماحبتش اجيب سيرتك ف اى حاجة وقولت انها واحدة زميلتى معرفهاش
ملك:ما احنا فعلا ما نعرفش بعض

ماهر*سكت شوية وبعد كدا بصلها*:بصراحة انتى المتعرفنيش لكن انا م الترم الاول وانا عارفك ومتابعك
ملك*اول ما سمعت كدا اتصدمت*
ماهر*بنظرة حب*:ملك صدقينى انا مش عايز منك اى حاجة انا بس كنت بحب اشوفك وبحب اتابعك ماكنتش عارف ليه الاحساس الجوايا ده بس كنت لما بشوفك مبسوطة وبتضحكى كنت بفرح فكرت كتيراكلمك بس ماكنتش بتحصل مناسبة وخوفت لو ف مرة كلمتك تفتكرى انى عايز منك حاجة وتشكى ف حاجة ,بس انا عايز اقولك ع حاجة طول ما انتى هنا*وبص لاوائل بأرف*:مش هسمح لآى واحد يقولك ولوكلمة واحدة تضايقك

ملك*كانت بتسمع كلاموا ومش عارفة ترد لكن كل الكانت حاسة به احساس حلو وكانت لاول مرة تشوف واحد باصصلها نظرة حب مش نظرة خبث او نظرة وحشة لقت قلبها بيدق ومكسوفة م كلاموا وكان اول واحد تطمن لى*
ماهر*بأبتسامة*:انا حبيت اقولك كدا عشان تطمنى لكن انا والله مش عايز منك حاجة ومش هطلب منك اى حاجة ,ومش هقولك خلى بالك ع نفسك عشان انا هخلى بالى عليكى كويس اوى

ملك*بصتله وابتسمت*:شكرا *ومشيت بسرعة راحت لنهى وكانت وقتها متلغبطة ومكسوفة اوى ,وخدت نهى م ايديها ومشيوا وحكتلها ع كل حاجة قالهالها*
نهى:عيب عليكى مش بقولك كان باين خالص مفيش واحد يعمل كدا م فراغ
ملك:نهى انا خايفة اوى ومترددة وحاسة انى متلغبطة ومش فاهمة اى حاجة
نهى*ابتسمتلها وغمزت*:اهدى يابنتى ,ده عادى يعنى بعد الكلام الجامد التقالك ده ايوه ياعم بقى ليكى معجبين
ملك:يالهوى ع هزارك

نهى:طب خلاص هتكلم بجد بصى ياستى هو مادام بيحبك هيبان كل حاجة وكمان اكيد هيطلب ايديكى م عمو رؤوف ,ايوه ياعم هتتخطبى م قابلينا كلنا
ملك:ياسلام انتى ليه محسسانى انى وافقت اصلا
نهى:يابنتى باين خالص ف عنيكى انتى ما شوفتيش شكلك وانتى بتكلمى عنه كان ازاى
ملك*بصتلها*:بصراحة يانهى انا مش فاهمة ليه الاحساس ده ,بس بجد ده اول بنى ادم اشوفوا بيبصلى بنظرة حلوه نظره حباها ومحتجاها ,مش نظرة كرهها وخايفة منها

نهى*بأستغراب*:نظرة ايه!
ملك*بتحاول تتوه عشان ماكنتش عايزة تفتكر حاجة عن اللحظات بتاعت زمان*:نهى مش وقته انا بجد مش عارفة ايه ده
نهى:ده اسمه حب م اول نظرة عادى بيحصل يابنتى انك تلاقى مشاعر متجها لشخص كدا ,بصى ياملك انا واثقة انك دلوقتى مش بتحبيه يمكن اعجابتى بالحركة ال هو عملاها وبكلاموا وبالنسبة ليكى انه هيرو بقى ,لكــن هتتأكدى م مشاعرك دى بعدين لما يبين تصرفاته م خلال افعالوا بجد متقلقيش احنا كلنا جمبك ومعاكى وياستى كل حاجة مسيرها تظهر وتبان ,ويلا بقى نروح كفاية اننا ضيعنا المحاضرة الاخيرة بسبب سى ماهر

*وروحت ملك مع نهى وطول الطريق عمالة تفكر ف كلام ماهر وكانت مبسوطة اوى ومرتحالوا بس ف نفس الوقت كانت خايفة ومترددة انه يطلع مش قد الثقة ال ممكن تدهالوا فقررت انها تسيب الموضوع زى ما هو لحد ما تشوف اخرتها*
نهى:بقولك ايه انا هدخل اغير واجيلكوا

ملك:ماشى هنستناكى *وطلعت المفاتيح واول ما فتحت باب الشقة شافت على قاعد مع بنت صغيرة وبيأكلها حاجة حلوه وبيلمس شعرها وباصصلها ومركز معاها اوى ,اول ما هى شافت كدا فضلت تتخيل اللحظات الكانت فيها مع خالد وخافت اوى ولقت نفسها بتتحرك بسرعة وقربت ناحيته وقالت بزعيق*:انت بتعمل ايه!!
على*بصلها واتصدم اول ما شافها*:مـ ـ ــافيش انا قاعد اللعب مع نسمة
ملك*وهى بتشد ايد نسمة وبتوقفها جمبها*:والله بتلعب معاها ,يا اخى حرام عليك ليه كدا
*وشوية ولقت منى وهاجر خارجيين م المطبخ*
منى:ف ايه يا ملك

ملك:الاستاذ كان مقعد البنت جمبه وعمال يلعبها وقال ايه بيأكلها!
نسمة*بصت لملك وقالت بأسلوب طفولى*:انتى مين ياطنط انا اول مرة اشوفك ,مين دى ياعمو على
هاجر*بصتلها*:طب وفيها ايه على متعود انه ع طول بيقعد مع نسمة ويأكلها ويلعبها
ملك*بصت لهاجر اول ما قالت كدا ولقت نفسها مش عارفة تتكلم او تواجه بأى حاجة لان مافيش دليل معاها*:بــ ــس
منى:انتى شكلك جاية تعبانة م الكلية وكمان مش تسلمى ع مدام هاجر
ملك*حاولت تهدى شوية وبعديها سلمت ع هاجر وابتسمت*:ازى حضرتك
هاجر:ازيك ياملك منى عمالة تكلمنى عليكى م الصبح ماشاء الله عليكى زى القمر
ملك:شكرا

نسمة*بصتلها*:انتى ملك على كان بيكلمنى عنك م شوية
ملك*اول ما سمعت انه كان بيجيب سيرتها معاها اضايقت اوى وبصتله بأرف*
محمد*خرج م الاوضة*:يلا يامعلم انا جهزت
على*بصله*:ع طول متأخر كدا
محمد:مش انت ياخويا السبب نزلت تجيب حاجة حلوه ل نسمة وقعدت تلعب معاها
ملك*قالت لنفسها:اة عامل حنين اوى انا خلاص شوفتك وكشافتك بس اصبر عليا امسك عليك دليل انا مش هخليك تشوه طفولتها زى ما خالد شوه طفولتى ابــدا ,وف الوقت ال هى سرحانة فيه تكون رحمة جت وواقفة قصادها*
رحمة:ايه يابنتى روحتى فين

ملك*بصتلها*:هه انا معاكى اهوه ,انتى جيتى امتى
رحمة:لسه جاية *وسلمت ع هاجر*:وحشانا والله اتأخرتى كدا ليه
هاجر:ما انتى عارفة زيارة القرايب بقى
نسمة*وهى بتحضن رحمة*:وحشتينى يارحمة
رحمة:وانتى كمان ياحبيبتى والله ,ها اتبسطى ف الاجازة
نسمة*بتحرك راسها ب لا*:لا انا كنت حابة هنا اكتر
رحمة:خلاص يا ستى اديكى معانا اهوه ومش هتسبينا تانى

ملك*ماكنتش مركزة ف كل ده بس مركزة اكتر ف ال شافته والخلاها بعد ما كانت حاولت تنسى موضوع خالد رجعت تانى تفتكره ,ودخلت الاوضة ووقفت ف البلكونة وفضلت سرحانة شوية ودخلت رحمة*
رحمة:ايه يانتى ف ايه ,ايه الحصل
ملك*بصتلها ماكنتش عارفة هتقولهالها ازاى*:اصل اول ما دخلت م الشقة لقيت ال اسمه على ده قاعد مع نسمة وبيأكلها و..
رحمة*بصتلها بستغراب*:وايــــــه!

ملك*خدت نفس عميق وهديت شوية*:هى مين مدام هاجر دى ونسمة مين دول
رحمة:دول جرانا الفوقينا ,جوزها مسافر السعودية وبيرجع كل فترة وهى اوقات بتروح تقعد مع اهلها وترجع تانى ونسمة بقى زى العسل بنت شاطرة ومؤدبة ودمها زى الشربات هتحبيها اوى وواثقة انها هتحبك
ملك*فضلت بتسمعها وساكتة*

رحمة:انا عارفة انك مستغربة حياتنا هنا ,يابنتى احنا هنا كل العمارة عرفنها وهما عرفنا احنا اجتماعيين وخالك كمان بيحب كل الناس والناس بتحبوا فمتتفجأيش هتلاقينا قرايبين م كل جيرانا
ملك*مضايقة*:ماشى
رحمة: ف ايه مالك ياملك
ملك:بصى بقى بصراحة انا عايزة اقولك ع حاجة *ولسه هتكلم تلاقى نهى جت ودخلت عليهم البلكونة*
نهى:قفشتكوا بتكلموا ف ايه م غيرى

رحمة:ياختى لسه متكلمناش كانت لسه هتنطق اهيه
نهى:أخث عليكى ياملك سبينى انا اقول
رحمة:تقولى ايه ما تنجزوا انتوا الاتنين
نهى*حكت لرحمة كل الحصل*:شوفتى بقى بنت عمتك طلعت مش سهلة م اول سنة وقعت واحد اهوه وخليته يتخانق مع الدفعة بسببها اومال ع اخر السنة بقى
رحمة:انا م رأيى تطنشة وملهاش دعوه به
نهى:تصدقى انا غلطانة انى قولتلك

رحمة:يابنتى ده وجع دماغ ملك بلا حب بلا كلام فارغ انتى ركزى ف دراستك وبس اهم حاجة دلوقتى
نهى:يابنتى ليه الاحباط ده ملك متسمعيش كلامها صدقينى احلى حاجة ف الدنيا دى الحب والمشاعر
رحمة:حب ايه ومشاعر كله كدب ياحبيبتى وف الاخر بيحصل مشاكل وخناقات وساعات كتير بتوصل للطلاق والخيانة ده لو اتجوزها اصلا ولو متجوزهاش برده بيخونها ويسيبها تتعذب ف حياتها
نهى:يالهوى ع التشائم يابنتى مش شرط ادى لنفسك فرصة

رحمة:لا محدش يستحق ياخد فرصة انتى نسيتى الحاجات الكنا بنسمعها زمان عن بنات اصحابنا وبنات نعرفهم ,ملك صدقينى ما تستسلميش
نهى:لا استسلمى جربى ياملك
رحمة*بعيند*:لا
نهى*بعيند اكتر*:اة
رحمة:لا بقولك
نهى:وانا بقولك اة
ملك*بتحط ايديها ع ودنها*:بــــــــــــــــــــــــــــــــــاااااااس ,خلاص مش عايزة اسمع حاجة ,انا مش فارق معايا حاجة دلوقتى غير حاجة واحدة

نهى ورحمة:ايه هى!
ملك*سكتت شوية*:انكوا تبطلوا زن ,بصوا انا سيبها ماشية زى ما تيجى تيجى
رحمة:عموما براحتك انا نصحتك وال انتى عايزة تعمليه اعمليه!
ملك:طيب ممكن بقى يلا نقعد نتكلم ف اى حاجة تانية غير الحوارات دى
*وقعدوا يتكلموا ويهزروا سوى وحاولت ملك متفكرش ف الحصل ف موضوع على وبدأت تروح الكلية ويكون بينها وبين ماهر نظرات وبس محاولش م ساعتها يكلمها تانى وكانت ملك حاسة انها مترددة و نفسها جدا تتكلم معاه وف نفس الوقت خايفة تقرب منه وم تعاملاته*لحد ما ف يوم يغيب وميجيش وتبدا ملك تستغرب لعدم جوده*
نهى:عمالة تبصى ع ايه مجاش

ملك:ليه بقى
نهى*ضحكت*:وانا اعرف منين هو انا كنت معاه
ملك:انا مش قصدى حاجة بس مستغربة يعنى عدم وجوده ده
نهى:يمكن تعبان
ملك:بقالوا اسبوعين تعبان انا خايفة يكون حصله حاجة
نهى:ياسلام! ال يشوف كدا يقول البت كانت بتقعد تتكلم وتطمن عليه كل يوم
ملك:لا مش قصدى بس يعنى هو زميلى وكمان كفاية الحركة العملها معايا ,يعنى م الاخر شيفاه بنى ادم كويس
نهى:والله ,ماشى يا ام بنى ادم كويس لمى حاجتك عشان نروح انا جوعت
ملك:ع طول جعانة كدا

نهى:يلا بقى عايزة اكل ما انتى حتى ف البريك مش بتنزلينا الكافتيريا يامفترية
ملك:طيب خلاص خلاص هتفضحينا
*وتروح ملك وطول الطريق تكون بتفكر فيه واول ما يوصلوا يكون على نازل ويقابلهم*
نهى:رايح فين
على:مشوار كدا
نهى:هتتأخر
على:احتمال كلوا انتوا *وينزل بسرعة*
نهى:غريبة ايه المشوار ده المستعجل فيه اوى!!

ملك*ما تهتمش عشان ماتكنش حابة تعرف حاجة عنه او تهتم بأى حاجة تخصه ,وتطلع تقعد مع منى*:اساعدك ف حاجة ياطنط
منى:لا ياحبيبتى تسلمى ,انا خلاص قربت اخلص
ملك:هى رحمة اتأخرت كدا ليه!
منى:ونبى يابنتى ما اعرف تلاقى محاضرتها بقى
ملك*تكون ساعتها قاعدة وتسرح شعرها وتعمله ضفيرة*
منى*بصتلها وابتسمت*:م صغرك وانتى بتحبيها

ملك*ابتسمتلها*:جدا عشان ماما ديما كانت بتعملهالى بس ماما كانت بتعملها نوع تانى السنبلة فكرة ياطنط
منى:فاكرة طبعا ,طب وانتى مابتسرحهوش كدا ليه!
ملك:مش بعرف اعملها لنفسى وكمان مهما حاولت بحس ان طريقة ماما بتكون احلى
منى:هى صفاء مرات باباكى ماكنتش بتعملهالك
ملك*اول ما تيجى سيرتها تضايق وتقول بحزن*:لا ماكنتش بتعرف تعملها
منى:صحيح ياملك انا كنت عايزة اسألك سؤال
ملك:اسألى ياطنط

منى:هى كانتت عاملة معاكى ايه؟ انا والله يابنتى ما بدخل ف خصوصياتك بس عايزة اطمن عليكى مش اكتر
ملك*بتنهيدة*:والله ياطنط كنا عايشيين انا اهم حاجة عندى ان بابا كان مبسوط ومرتاح معاها *وسكتت شوية*:وهى كويسة *وقالت وبدأ عليها انها مضايقة اكتر*:واخوها كمان
منى*بستغراب*:اخو مين!
ملك:اخو طنط صفاء *وقالت اسمه ببطء*:خــ ــالــ ــ د
منى:خالد مين؟ هى عندها اخوات ولاد

ملك:اة ياطنط اخوها كان عايش معانا م ساعة ما هى اتجوزت بابا *وف الوقت ده يكون رؤوف بيفتح الباب*
رؤوف:السلام عليكم
منى وملك:وعليكم السلام ورحمة الله وبركاته
ملك*بأبتسامة*:حمد الله بالسلامة ياخالو
رؤوف:الله يسلمك ياحبيبتى ,لسه مخلصتوش اكل ولا ايه!
منى:خلاص بخلص ,بس كنت بدردش مع ملك شوية ,هو صحيح انت تعرف ان اخوه صفاء ده كان عايش معاهم
رؤوف*بستغراب*:اخوه صفاء مين!

منى:ملك بتقول اسمه خالد
رؤوف*قعد قصادها*:خالد مين!
ملك*كانت مش فاهمة ليه متفاجئين*:ده يبقى اخوه طنط صفاء وم ساعة ما اتجوزت بابا وهو عايش معانا ولسه مسافر برة بقالوا مدة
رؤوف*بصدمة*:انتى بتقولى ايه ياملك!
ملك:خالو انت مستغرب ليه!
رؤوف*بعصبية*:عشان ابوكى مقالش حاجة زى كدا نفسى اعرف ليه خبى عليا هه ليه
ملك*بصت لخالها واستغربت انه بيزعقلها*

منى:هى مالها بس يارؤوف بتزعق ليه دلوقتى
رؤزف*حاول يهدى وطلع موبايله واتصل به*:الو يامجدى
مجدى:الو يارؤوف ازيك
رؤوف:انتوا كان قاعد واحد معاكوا اسمه خالد ويبقى اخو صفاء
مجدى*سكت*
رؤوف:انت ازاى متقوليش يامجدى حاجة زى كدا
مجدى*لنفسه اهوه ده الكنت خايف منه يعنى بقالى سنين بحاول ابعدها عن خالها ومتكلمهوش عشان متقولوش حاجة لكن دلوقتى خلاص مفيش مفر*

رؤوف:انت مابتردش ليه
مجدى:اهدى بس يارؤوف ماجتش مناسبة وكمان ده اخوه صفاء الصغير كنت عايزنى ارميه ف الشارع يعنى
رؤوف:اومال تدخل بيتك واحد غريب ماتعرفش اصله ولا فصله
مجدى:ما انا عارف اخته ومتجوزها وكمان ملك عمرها ما اشتكت وقالت انه مش كويس او بيعاملها وحش ولا حتى صفاء بالعكس كانت ديما صفاء بتعملها زى بنتها وهو بيعملها زى اخته ,يعنى مفيش اى حاجة م ال ف دماغك دى واهى عندك اسألها

رؤوف*هدى شوية*:بس كنت لزما اعرف يامجدى
مجدى:ياسيدى حقك عليا ,وكمان ما هى ملك اهيه معاك دلوقتى وهو كدا كدا سافر برة البلد يعنى مبقاش موجود فيها اصلا
رؤوف:ماشى يامجدى
مجدى:خلاص بقى يارؤوف ,فكها يا اخى ,المهم ملك عاملة ايه
رؤوف*وهو بيبص لملك*:كويسة تكلمها
مجدى:هكلمها بعد ما اخلص شغل ,خلى بالك عليها وسلملى ع كل العندك وهكلمكوا مرة تانية ,سلام *وقفل معاه وحمد ربنا انها عدت ع خير وعرف يحل الموضوع*

رؤوف*بص لملك وابتسم*:انا اسف ياحبيبتى بس انا ماكنتش اعرف موضوع خالد ده عشان كدا انفعالت لو اعرف ان ف واحد غريب عايش معاكوا ف البيت ماكنتش اسمح بكدا ابدا وكنت اكيد هطلب منه انك تيجى هنا
ملك*بصت لخالها*:طب ما حضرتك بتخلى على ده داخل وخارج ف البيت هنا

رؤوف:على بيدخل وبيخرج واحنا موجوديين عمره ما دخل البيت وحد فينا مش موجود ومعظم الوقت هو ومحمد مع بعض ,ونهى هى الكانت ديما تيجى تبات لكن هو طبعا عمره مابات عندنا حتى لما كانت نهى بتيجى تبات كنت بخلى محمد ينام عندهم عشان برده خاطر نهى ,متقلقيش يابنتى انا فاهم وعارف اهل بيتى بيحصل معاهم ايه بالظبط
ملك*قالت لنفسها:ياريت ياخالو بابا كان زيك بس للاسف عمره ما عرف اهل بيته بيحصل فيهم ايه ولا حتى حس*
رؤوف:خلاص بقى ما تزعليش هجبلك حاجة حوه
ملك*ابتسمت*:انا مش زعلانة منك ياخالو وعندك حق ف كل ال انت عاملته ده
رحمة*جت م برة*:ايه ده متجمعين كدا ليه ف مصيبة

منى:اة انتى كنتى فين يامصيبة كل ده
رحمة:كان عندى سيكشن ياماما فتأخرت شوية ,ايه فاتنى حاجة
رؤوف:فاتك كتير يلا ادخلى غيرى عشان تاكلى *وبص لمنى*:ولا لسه ع الاكل
منى:لا حالا اهوه
*ودخلت رحمة غيرت هدومها وقعدوا ياكلوا كلهم سوى ,وبعد كل الحصل ده كانت ملك برده جاى فبالها ماهر مش قادرة تتخيل او تصدق هو ليه مبقاش ييجى وقلقت عليه اوى لحد ما راحت الكلية ودخلت مدرجها وشوية ولقيته جى وابتدا بينهم النظرات وبعديها لقيته خرج شوية وخرجت بصت عليه لقيته راح الكافتيريا*
ملك:يلا هننزل

نهى:فين
ملك:الكافتيريا مش انتى عايزة تشربى حاجة
نهى:انتى سُخنة ولا ايه!! ده م ساعة ما بدأنا دراسة وانتى مابتتحركيش م المدرج
ملك:يلا بقى ونبى *ونزلت ملك وقعدت تدور حاوليها لقيته اختفى اضايقت اوى وشوية ولقته جى وخد كرسى وقعد معاهم ع التربيزة ملك اتخضت م العاملوا بس كانت مبسوطة*
ماهر:لقيتك بدورى عليا قولت اجيلك بنفسى
ملك*بصت لنهى*:هوانا كنت بدور عليه؟؟
نهى:اة
ملك*ضربتها ف رجليها*

نهى:لا
ملك:اهوه شوفت
ماهر*ابتسم*:عموما انا كنت بدور عليكى
نهى:طيب هقوم اجيب حاجة اشربها وهجبلكوا معاايا
ملك*اول ما قامت نهى فضلت باصه عليها وكانت عنيها بتترجاها انها متقومش وتسيبها ف موقف زى ده*
ماهر:ممكن تركزى معايا
ملك*بصتله بكسوف*:ايون
ماهر:وحشتينى
ملك*اول ما سمعت الكلمة دى اتحرجت اوى*:هو انت ماكنتش بتيجى ليه
ماهر*ابتسم بحب*:هعتبرها دى معناها وانت كمان وحشتنى ,بصراحة كان عندى شوية مشاكل فماكنتش قادر اعمل حاجة او حتى اخرج

ملك:مشاكل ايه! قصدى يعنى ربنا يحللك مشاكلك
ماهر:هى مشاكل كتير بس انتى ياملك اكبر مشكلة ,بصى انا حاولت والله ابعد عنك ومفكرش فيكى بس مش عارف غصبن عنى حاجة شدانى ليكى اوى مش قادر ابطل تفكير فيكى بصى انا عارف انك ممكن تفتكرينى بلعب وبتسلى وانك سمعتى ان ف ولاد كتير ف الجامعات بيقولوا كدا واكتر م كدا بس صدقينى انا بجد مش عارف ايه الشدنى ليكى وف نفس الوقت مش قادر اقولك نرتبط عشان مش عايز ده وانك تفهمى غلط صدقينى ياملك انا كل العايزه تفضلى قدامى كدا ومعايا ع طول حتى لو مفيش حاجة بينا بس واثق انى مش هقدر اخبى مشاعرى م ناحيتك مهما حاولت ,ملك انــــا بحــــــــــــــــــبك

ملك*اول ما سمعت الكلمة دى قلبها دق اووى وخدودها احمرت وكانت متوترة وقلقانة*
ماهر*ابتسم*:شكلك حلو اوى وانتى متوترة كدا ,بصى انا مش عايز منك حاجة غير انك تحسى بالمشاعر الجوايا دى م نحيتك وصدقينى الدنيا بس تمشى معايا كدا شوية وهروح اخطبك ع طول,انا حاسس انك مكتوبة ع اسمى وانا كمان مكتوب ليكى ان شاء الله ممكن بقى تدينا فرصة

ملك*بصتله وسكتت واول ما جت نهى قامت بسرعة*:ماهر انا مش عارفة اقولك ايه
ماهر:فكرى ياملك وانا هستناكى اكيد وبس كل العايزك تعرفيه ان انتى البنت الوحيدة الحسيت معاها كدا ومش كلام دى حقيقة وبكرة السنين تثبتلك كلامى ده

*اول ما نهى قربت م ملك خدتها م ايديها ومشيوا وحكتلها القالوا طبعا هى كانت متوترة ومكسوفة وفرحانة كان اول بنى ادم تحس معاه بالامان والراحة النفسية دى بس برده خافت ان فرحتها ماتكملش وفضلت تفكر هتعمل ايه توافق ع طلبه ده ولا تحاول تبطل تفكير فيه وتتحكم ف مشاعرها وف الوقت ده حصلت حاجة ايه هى هنعرف الحلقة الجـــاية….

بواسطة
الكاتبة فاطمة هشام
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق