قصص واقعية

رواية جسد بلا روح (الجزء الخامس)

* وطبعا ملك ببرائتها ماكنتش عارفة نية خالد وكانت بتتعامل معاه عادى حتى ماكنتش فاهمة نظراته ليها وف يوم تكون نايمة وتقلق ملك وتلاقى خالد قاعد جمبها ع السرير وبيلمس شعرها*
ملك*بستغراب*:خالد انت هنا ليه!

خالد*ابتسم بخبث*:انا هنا عشان كنت عايز اصحيكى تقعدى معايا شوية
ملك*بأسلوب طفولى*:مش هينفع انا عندى مدرسة الصبح
خالد:طب وفيها ايه يعنى لما تغيبى م المدرسة
ملك:لا انا عندى امتحان الميس هتعملهولنا عشان تعرف مستوانا

خالد:سيبك ما الامتحانات بتكرر كتير وكمان اهم حاجة امتحانات اخر السنة ,وكمان ده انا حتى جايبلك فيلم كارتون جديد وكنت عايز نتفرج عليه سوى
ملك*ابتسمت وابتدت تفوء*:بجــد ,خلاص يلا نتفرج
خالد*بصلها بخبث*:يلا بينا *وشغل فيلم الكارتون وقعد جمبها وبين اللحظة والتانية يبصلها وقرب منها وطلع م جيبه كيكة*:ها عجبك الفيلم
ملك:اة ده حو اووى
خالد:وشوفتى جبتلك ايه كمان!

ملك*فرحت وخدتها منه*:شكرا ياخالد
خالد:شكرا كدا حاف ,مش لما بابا بيجبلك حاجة بتحضنيه وتبوسيه ,وانا اخوكى صح
ملك*ببرائة*:صح *وقربت ناحيته وحضنته وباسته م خده*
خالد*فضل قاعد جمبها طول الفيلم وهى ماكنتش مركزة معاه ومشغولة اكتر ف الفيلم وكانت فاكرة انه اى حاجة بيعملهلها كحب اخ لاخته ,وشوية وبدأت ملك يغلبها النوم ماكنتش قادرة تفتح عيونها وراحت ف النوم ونامت ع الكنبة*

خالد*كان بيبص عليها وع شكلها وقرب منها وبيلمس شعرها ,وشوية وسمع صوت*
صفاء*تكون بتتاوب وخرجت للصالة اول ما شافها اتعدل*:ايه ده ايه المصحيك لحد دلوقتى *وبصت لقت ملك نايمة*:وايه ال نيم ملك هنا؟
خالد:اصل كنا بنتفرج ع فيلم كارتون سوى
صفاء:فيلم كارتون ايه! البت عندها مدرسة بكرة الصبح *وقربت ناحيتها ولسه هتصحيها*
خالد:لا حرام سبيها نايمة انا هشيلها انيمها ف اوضتها

صفاء*بصت لاخوها*:طيب يلا
خالد*شالها وحطها ع السرير وفضل مقرب ناحيتها*
صفاء*وقفت ع الباب*:ما تيلا ياخالد عشان تنام انت كمان
خالد:طيب طيب *وقبل ما يخرج بص لملك نفس نظرته الجريئة والخبيثةوخرج دخل ع اوضته,ملك نايمة زى الملاك وماكنتش حاسة بحاجة لحد الصبح*

صفاء:اصحى ياملك يـــلا الباص بتاعك وصل
ملك:لا مش قادرة اصحى
صفاء:ماينفعش كدا ياملك لزما تروحى المدرسة
ملك:لا انا تعبانة عايزة انام
صفاء:خلاص براحتك *وسابتها وخرجت ,وتعــــــــدى ايـــام وتيجى ف يوم ملك ومعاها ورقة فيها التقييم بتاعها وطبعا كانت درجاتها وحشة وجابت 0 ف المادة الغابت فيها ,روحت وهى زعلانة وبتعيط ,صفاء اول ما شافتها كدا*:مالك ياملك ايه الحصل

ملك:التقييم بتاع الشهر معايا ودرجاتى فيها وحشة واليوم الغبت فيه جبت ف المادة صفر
صفاء:طب مفيش مشكلة تتعوض المرة الجاية *وف الوقت ده يكون مجدى خارج م الاوضة*
مجدى*بستغراب*:مالك ياملك؟
صفاء:اصلها جابت درجات وحشة ف الامتحان
مجدى*بصدمة*:درجات وحشة ازاى ملك شاطرة ف دراستها ورينى الورقة *وشاف الورقة واتصدم اكتر لما لاقه صفر*:صفــــر ياملك صــــفر

ملك*بأسلوب طفولى*:اصــ ــ ـــل يابابا
مجدى*بزعيق*:بابا ايه! وايه الدرجات دى انتى عمرك ما جبتى درجات زى دى
ملك*بتعيط*:عشان ماما كانت بتقعد معايا تزاكرلى لكن انا دلوقتى محدش معايا
مجدى*بصلها وقالها بشدة*:ملك ماما خلاص ماتت انتى لزما تعتمدى ع نفسك وكمان ما انتى عندك مستر او ميس تفهمى منهم وتسأليهم اومال بتروحى المدرسة ليه؟

ملك*كانت اول مرة تسمع باباها بيقول كدا واول مرة كان يزعقلها بالطريقة دى ولقت نفسها بتجرى وبتدخل ع اوضتها ونامت ع سريرها وفضلت تعيط جامد وقالت*:انتى فين ياماما تعالى خدينى م هنا *وبصت ع السما*:شوفتى ياماما ,,بابا بيزعقلى جامد اووى
صفاء*كانت قاعدة تهدى ف مجدى*:هدى نفسك ياحبيبى مش كدا
مجدى:اهدى ايه ملك عمرها ماكانت بتجيب درجات زى دى

صفاء: بص انا كنت خايفة تلومنى بس بصراحة انت عارف انا المناهج الجديدة دى مابفهمش فيها اوى وكمان هى ف مواد بتاخدها بالانجليزى
مجدى:انا عارف ده كويس ,وكمان ف مادة جايبة فيها صفر انا هتجنن ازاى صفر يعنى محلتش ف الورقة حاجة خالص
صفاء*خافت تقولوا فيلومها فعلا او تحصل مشكلة كبيرة بينهم*:يمكن المادة دى مش مستوعباها او صعبة عليها
مجدى:انا لزما اروح المدرسة وافهم كل حاجة

صفاء*بتوتر*:لا لا خليك انت ف شغلك وانا هروح المدرسة وهفهم كل حاجة واكيد هيطلع زى ما قولتلك المادة دى صعبة عليها شوية
مجدى:ملك لزما تتعاقب ع العاملته ده ,انا خايف تبقى دى بداية للفشل لمستقبلها
صفاء:بصراحة يامجدى انا مابحبش اعاقبها او اعمل اى حاجة يعنى عشان انت متضايقش
مجدى:لا طبعا انا عمرى ما اضايق انك تعقبيها عشان خاطر مصلحتها دى حاجة هتفرحنى وهى كمان هتفرح بكرة لما تكبر وتفهم ده

صفاء:ماشى بس اهدى انت ياحبيبى
مجدى*بخنقة*:انا نازل رايح الشغل
صفاء:مع السلامة *ووصلته لحد الباب وبعديها رجعت دخلت ع اخوها النايم وقالت بزعيق*:طبعا نايم ولا دارى بأى حاجة
خالد*بيبدأ يفوء*:ف حد يصحى حد بزعيق كدا
صفاء:اة لما تكون هتخرب ع اختك بيتها اصحيك كدا واكتر م كدا
خالد:اخرب عليكى ! ف ايه مش فاهم حاجة

صفاء:ملك جابت درجات زى الزفت عشان معظم الوقت سيادتك قاعد معاها وشاغلها عن مزاكرتها,والزاد وغطى انكوا تسهروا لحد الصبح ومتروحش الامتحان ,لولا انى طمنت مجدى وقولتله هروح انا اسأل كان زمانه هيروح يسأل ويعرف انها جايبة صفر عشان خاطر مرحتش اليوم ده اصلا
خالد*بأستفزاز*:طب وانا مالى
صفاء*بنرفزة*:مالك!!,خالد عايز تقعد مع ملك وتلعب وضيع وقت يبقى ف الاجازة متشغلهاش عن دراستها انا دلوقتى بكلمك بكل هدوء وبعد كدا مش عارف ممكن يحصل ايه؟

خالد*بصلها*:صوتك العالى ده كدا هدوء ,اقفلى النور والباب وسبينى انام ياصفاء
صفاء*بغضب*:ماشى ياخالد *ودخلت الاوضة لقت ملك بتعيط*
ملك*بصتلها ببرائة*:بابا زعقلى ياطنط صفاء ,شوفتى
صفاء*بصتلها جامد وقالت بعصبية*:عشان انتى غلطانة ,ودرجاتك دى ماينفعش تحصل او تكرر وعقابا ليكى انا هعمل حاجة تخليكى متكرريش ده ابدا

ملك*بستغراب*:هتعملى ايه ياطنط؟
صفاء*طلعت المقص وقربته ناحيه شعر ملك ومسكت جزء م الضفيرة الكانت عملاها وقصته*
ملك*ساعتها كانت مصدومة ومش مستوعبة وحست كأنها بتقطع جزء مهم منها كانت بتحب شعرها اوى ومامتها كانت ديما مهتمية به وبتسرحهولها واول ما شافت جزء م شعرها ع الارض فضلت تصرخ وتعيط جامد*:لا ياطنط لا ليــــــــــــــــــــــه كدا ليـــــــــــــــــــه ,شعـــــــــــــــــــــرى انا عايزة شعــــــــــــــــــــــــــرى *وجريت ملك ومسكت الجزء ال ع الارض وحاولت تركبه ف شعرها وتعيط وتصرخ جامد*

صفاء*بزعيق*:بس اخرسى ,اياكى تعملى كدا تانى ولا انك تغيبى و متروحيش مدرستك انا بقولك اهوه هتشوفى منى وش تانى خالص انتى فاهمة يابت *وخرجت صفاء وقفلت الباب*
ملك*فضلت تعيط جامد وتصرخ بحرقة وكانت حاسة انها مصدومة ف كل البيحصل ده وشالت شعرها وخدته ف حضنها وم كتر العياط راحت ف النوم*
مجدى*رجع بليل وكان معاه حاجة حلوه لملك*:مساء الخير
صفاء:مساء النور ياحبيبى

مجدى*بص حواليه*:اومال ملك فين
صفاء:نامـــــــت
مجدى*بحزن*:انا هدخل اصالحها
صفاء*بستغراب*:تصالحها؟
مجدى:بصراحة انا اول مرة اكلم ملك كدا وازعقلها جامد ,يمكن ضغط الشغل اثر عليا لما فكرت حسيت انى كنت ممكن اكلمها بهدوء اكتر م كدا

صفاء*بغيظ*:تقوم مصالحها لو عملت كدا هى مش هتتعلم حاجة وكمان هتفضل تجيب درجات وحشة ,بص يوم كدا ولا اتنين وكلمها عشان تحس انها غلطانة
مجدى:مش هقدر ياصفاء ,انا عمرى ما زعلتها جامد كدا
صفاء:خلاص براحتك لما ترجع تجيب درجات وحشة متتكلمش بقى
مجدى*حس انه بدأ يقتنع بكلامها بس دخل وقرب م اوضتها وفتح الباب وبص عليها اتصدم لما شاف شعرها القصير خرج بسرعة لصفاء*:ايه ده شعر ملك ايه الحصالوا

صفاء:انا قصتهولها
مجدى*بصدمة*:ايــــــــــه؟؟
صفاء:ما انت قولتلى عاقبيها وانا طبعا ماكنتش اقدر امد ايدى عليها واضربهاا وكنت عارفة لو حرمتها م حاجة انت ممكن تجبهلها فملقتش قدامى غير ده
مجدى*اضايق*:بس ملك بتحب شعرها ,ازاى ياصفاء تعملى كدا ازاى

صفاء*بدأت تحس ان ده هييسبب مشكلة بينهم بدأت تدلع عليه وتقرب ناحيته*:ياحبيبى والله انا لقيت دى الحاجة الوحيدة الهتخاف منها وبسببها مش هتكرر ده تانى ,وكمان هو يعنى مش هيطول سنة ولا اتنين وهيرجع زى الاول ويمكن احسن انا اسمع ان الواحدة لزما تقص شعرها كل فترة عشان يبقى احسن
مجدى*اضايق م الحصل وف نفس الوقت ماكنش عارف ياخد موقف خصوصا انه فعلا هو الطلب منها انها تتعاقب ,وعــــــدى اليوم وتانى يوم تصحى ملك وتكون مضايقة اوى*

خالد*دخل عليها الاوضة لقاها بتعيط*:ايه ده مالك
ملك*الدموع نازلة ع خدها*:طنط صفاء قصتلى شعرى
خالد*قرب ناحيتها ولمس شعرها*:طب وفيها ايه تعرفى انه كدا حلو برده
ملك*بأسلوب طفولى*:لا انا عايزة شعرى زى الاول انا مش حابة ده انا مليش دعوه
صفاء*تيجى تقف ع الباب وتمثل عليها*:ملك حبيبتى متزعليش منى انا عملت كدا عشان مصلحتك وكمان عشان تتشطرى ف الدراسة

ملك*فضلت بصالها والدموع نازلة من عنيها زى المطر*
مجدى*قرب ناحية الباب واول ما ملك شافته جريت عليه وحضنته*
ملك:بابا الحق شعرى طنط قصتهولى
مجدى*كان مضايق م شكلها كدا*:ملك انتى غلطى وكنتى لزما تتعاقبى
ملك*حضنته وفضلت تعيط*:بس انا عايزة شعرى يابابا يكون طويل زى الاول

مجدى*لقه نفسه ضعف قصاد دموعها ومسحهلها*:حبيبتى بكرة هيطول وهيبقى احسن م الاول ماتزعليش ,بس برده لزما تتجدعنى ف الدراسة
صفاء*قربت ناحيتها ولسه هتلمسها ملك بعدت جسمها عن ايديها,اتحرجت اوى وقالتلها*:متزعليش ياملوكة انا بعملك كدا عشان تبقى شاطرة
ملك*مرضيتش تبصلها وفضلت تعيط*

مجدى:خلاص ياملك بقى طنط صفاء عملت كدا عشان بتحبك وعيزاكى تبقى احسن
صفاء:وايه رأيك ياستى اول ما يطول هعملك السنبلة ال انتى عايزاها
ملك*بحزن*:شكرا
صفاء:طب يلا بقى هنفضل واقفين يلا عشان ناكل ولا انتوا مش جعانين!
*وقعدوا كلوا وطبعا ملك م طيبتها وحنيتها بدأت تنسى الحصل وتتعامل عادى مع صفاء وخالد طبعا كان كالعادة مبطلش اسلوبه معاها بس حاول يبعد عنها ف فترة دراستها عشان متحصلش اى مشكلة تانى ,وف يوم كانت ملك قاعدة تلعب بالالعاب بتاعتها ,خالدفضل يبص عليها ولسه هيروحلها تخرج صفاء م المطبخ*
صفاء:انت لسه منزلتش

خالد:مكسل مش عايز اروح
صفاء:خالد امتحانات اخر السنة قربت
خالد:متقلقيش هنجح
صفاء:ازاى بقى وانت مبتفتحش كتاب
خالد*ابتسم بسخرية*:الغش طبعا والبراشيم انا ليا غيرهم يعنى
صفاء:ولو اتقفشت يافالح
خالد:فال الله ولا فالك ,ياستى متقلقيش كله بيعدى
ملك*كانت سمعاهم*:هو يعنى ايه براشيم

خالد*ابتسملها بخبث*:دى حاجة كدا خاصة بالامتحانات ياملك ,ايه مسمعتيش عنها ف المدرسة
ملك:كنت بسمع لكن ماكنتش فهمها ,هو انا ممكن اعمل البراشيم دى
خالد:اة طبعا هعلمك
صفاء*برقتله*:تعلمها ايه! خالد احنا مش ناقصين طب انت واد وفاهم واستاذ ف الموضوع ده ,لكن هى زى ما انت شايف عيلة ساذجة مش ناقصة وجع دماغ وكمان لو مجدى عرف هيتخرب بيتى
خالد*بصلها*:بتخافى انتى ان مجدى يعرف اى حاجة

صفاء:اة طبعا اخاف عشان البيت ال انت عايش فيه ده وواكل وشارب ونايم هتتحرم منه ,وقصر بقى ومطولش ف الكلام عشان الحيطان ليها ودان انت فاهم *وبصت ع ملك*
خالد*ضحك جامد*:اة فاهم ,حيطان ممكن تفضحنا ف ثانية
صفاء*ضحكت هى كمان*:ايون بالظبط كدا ,ونشحت ف الشوارع بعدها

*ملك كانت وقتها سامعة الكلام وماكنتش فاهمة قصدهم ولا حتى فاهمة نيتهم كانت كل البتعملوا انها بتتعامل معاهم ببرائة وحسن نية ,وتعــــــــدى سنيـــــــــن ع حياه ملك وكانت كل يوم بتكبر والا حد ما بدأت تستوعب الحواليها واول حاجة فهمتها حركات خالد كانت ف الاول بتستسلم انها تقعد معاه لكن لما كبرت بدأت تخاف منه وم وجوده بدأت تحس ان فيه حاجة غلط ف حركاته ونظراته واسلوبه معاها خصوصا نظرته كانت بتخوفها اوى كانت احيانا بتموتها م الرعب وخصوصا لما كان يبصلها م فوق لتحت كانت بتحس ان نفسها الوقت ده تختفى وان محدش يبصلها النظرة دى ,بدأت تكبر ملك وبدل ما كانت تقعد تلعب بالعابها بدأت تهتم بالافلام والمسلسلات والاغانى وحطت لعبها ف صندوق وقفلت عليهم وكأنها كانت بتقفل ع طفولة متهنتش بيها ,بس رغم ان حاجات كتير اتغيرت ف شخصيتها لكن ف حاجة مهمة متغيرتش فيهاــــــــــــ وبدأت ملك تفتكر كل ده وبصت لمهند وكملت*

ملك*الدموع نازلة م عينيها زى المطر*:الضــــــــــعف الحاجة الوحيــــــدة المتغيرتش فيا انى ضعيفة ومستسلمة للامر الواقع وجبانة ,فضلت ساكتة ع اى حاجة بتحصل او بشوفها او بسمعها ماكنتش بعرف اواجه اويمكن كنت شايفة انه صعب اواجه ,وتعودت ع ده وع حياتى وللاسف شيلت نتيجة ده *وبصت لمهند*:تعرف ان اكتر مكان كنت برتاح فيه ومبسوطة فيه ف حياتى اتحول بين يوم وليله اكتر مكان بخاف منه ومش مطمنالوا وعايزة اهرب منه ,بس ماكنش ينفع كنت ههرب اروح فين ولمين ,وحبى لبابا كان برده مكتفنى مش قادرة اسيبه او ابعد عنه ,لما بدأت اكبر واستوعب كل ده بقيت اقفل الباب بالمفتاح لا ومش بس كدا بحط كرسى كمان واره الباب تخيل,تخيل كنت حاطة الكرسى عشان لو الباب اتفتح احس انه دخل عليا
مهند:بس ليه سكتى ليه مقولتيش لباباكى ليه مقولتيش لصفاء!!

ملك:ما انا قولتلك جبانة,كنت خايفة اقول حاجة زى كدا ومنكرش انى برده كنت مكسوفة انى اقول لبابا ان البنى ادم ال انت محتويه ف بيتك بيبص لبنتك نظرات بشعة ,وخوفت انى اقولها تفتكرنى بتهمه انا ماكنش معايا اى دليل ,وفوق كدا ماكنتش حاسة انى مرتاحة انى اقدر احكيلها ماكنتش حنينة عليا كنت وانا صغيرة بصدق ده لكن لما كبرت بدأت احس بعكس كدا وان حنيتها دى مزيفة مش حقيقية بس سكت عشان كنت شايفة ان بابا مرتاح ومبسوط ف حياته معاها
مهند:كنتى مفتقدة الجو الاســــــــرى وقتها

ملك:جـــــــدا وللاسف ماكنتش هى دى الحياة الاسرية الكنت بتخيلها بابا اصلا كان بييجى م الشغل يادوب ياكل وينام ,كان بيشتغل كتير عشان طبعا يقدر يجيب اغراضها والحاجات النفسها فيها ويصرف ع اخوها وبرده انه يأمنلى مستقبلى ,بس تعرف كان بيجيلى اوقات نفسى احضنه واقوله انا عيزاك انت مش عايزة الفلوس متسبنيش ف البيت لوحدى خلينى معاك ,بس برده ماكنتش بقدر اقول ولا كلمة م الكلام الجوايا ,كنت كل حاجة بقولها لنفسى وبس,وكانت بالنسبة ليا اوضتى هى العالم بتاعى وحياتى كلها معظم وقتى كانت جوه الاوضة مش براها كنت بخاف اشوفه او نتقابل حتى لو ف الصالة كنت بحاول اتجنبه وانا واثقة ان هو كان حاسس بده وكان بيضايق م ده جدا انه ازاى مش قادر يعمل ال هو عايزه

مهند:بس انتى برده كنتى لزما تقولى لصفاء ع الاقل هى ست وهتفهم ده كويس
ملك*سكتت شوية كأنها كانت بتفتكر حاجة وبدأ جسمها يترعش*
مهند*قرب ناحيتها*:ملك اهدى ارجوكى ,اجيبلك ماية
ملك*حركت راسها بنعم وقام مهند وجابلها ماية مسحت دموعها ومسكت الكوباية وبدأت تشرب ولسه هتكلم موبايل مهند رن*
مهند*بص لقه مامته بتتصل*:طيب هسيبك ثوانى بس تهدى كدا وهدخل البلكونة وراجعلك تانى
ملك*بصتله وسكتت*

مهند:الو ياماما
سلوى*بضيق:انت فين يامهند
مهند:ياماما ما انا قولتلك معايا حالة
سلوى:الناس قاعدين م بدرى
مهند:معلش ياماما اعتذرلهم
سلوى:مش هينفع يامهند لزما تيجى انا بقولك اهوه
مهند:حاضر ياماما حاضر ,نص ساعة بالظبط وهاجى ,نص ساعة
سلوى*بتنهيدة*:ماشى يامهند سلام *وقفلت معاه وقفل مهند وخد نفس عميق ودخل يكمل كلاموا مع ملك*
مهند:ها بقيتى احسن

ملك*حركت راسها بنعم*:الحمد لله
مهند:قوليلى بقى ايه الحصل وليه مقولتلهاش
ملك:انا فعلا فكرت ف ال انت قولته وقولت انها ست وهتحس بالكلام ده ويمكن انا فاهمة غلط وانها ممكن هتقف جمبى انا مش جمبه هو وقررت ف يوم انى هقولها و هجبهلها بطريقة غير مباشرة يعنى هحاول اوصلها الموضوع بطريقة كويسة*فـــلاش بـــــــــاك
ملك*كانت بتاخد شاور وتكون خارجة م الحمام واول ما تفتح الباب تلاقى خالد واقف قصاده*
خالد*بصلها بنظرته الجريئة*:معقول ف قمر بالشكل ده
ملك*مبصتلوش وسكتت وحاولت تعدى وقف قصادها*

خالد:ينفع كدا افضل مستنيكى كل ده
ملك:اسفة اتأخرت
خالد*ابتسم بخبث*:لا ولا يهمك ,انا استناكى هنا العمر كله
ملك*باصه ع الارض وبتتحاول تتجنب تبصله ومردتش عليه*
خالد*نزل راسه وبصلها*:انتى مش عايزة تبصيلى ولا ايه انتى مكسوفة ده انا زى اخوكى
ملك*اضايقت م الكلمة دى اوى*:لا مفيش بس عايزة ادخل اوضتى
خالد*بعد شوية ولسه ملك هتمشى مسكها م دراعها*:طب ما تيجى معايا
ملك*اول ما قال الكلمة دى اتصدمت وبصتله*

خالد*بيشاور ع دقنه*:ده انا هحلق دقنى ما تخليكى واقفة معايا ايه ماوحشكيش انك تكونى معايا
ملك*بضيق*:لا ,لا مش هينفع
خالد*بنظرة خبث*:ليه ما انتى لما كنتى صغيرة كنتى بتقفى معايا وبخليكى تحلقيلى دقنى كمان فاكرة
ملك*تفتكر اللحظة دى وتضايق قد ايه انه كان بيتعمد يجرح طفولتها*:اديك قولت كنت صغيرة انا دلوقتى خلاص كبرت

خالد*بيقرب منها وبيلمس شعرها ,وبنظرة كلها شغف*:فعلا كبرتى وحلويتى وبقيتى..*ولسه هيكمل*
ملك*كانت خايفة اووى خصوصا انه كان بيحاول يقرب منها وهى تبعد لدرجة انها بصت وراها لقت الحيطة وبرد فعل سريع سحبت ايديها وبعدت عنه ولسه هتدخل اوضتها سمعت باب الشقة بيتقفل وصفاء داخلة تعيط جامد*اول ما شافوا كدا خرجوا هما الاتنين*
خالد*قرب ناحية اخته*:ف ايه ياصفاء ف حاجة حصلت
ملك*بخضة*:هو بابا جرالوا حاجة!!

صفاء*بتعيط ومبتردش*
ملك:ارجوكى ياطنط قوليلى ف حاجة حصلت لبابا
صفاء*بصتلها وقالت بزعيق*:هو ده كل الهمك ابوكى ,لا ياست السنيورة ابوكى بخير وصحته زى البومب لكن انــا *وقعدت تعيط*:انا مش هخلف نهائى
خالد*بصلها بستغراب*:مش هتخلفى!!
صفاء:اة مش هخلف بعد سنين العلاج دى الدكتور قالى انى صعب احمل بعد السنين دى كلها مش هعرف اجيب طفل يقولى ياماما

ملك*لما لقت حالتها كدا صعبت عليها اوى وقربت ناحيتها وطبطبت عليها*:متزعليش ياطنط ,ان شاء الله ربنا هيعوضك بشئ كويس
صفاء*بصتلها جامد وقامت وقفت وضربتها 4 اقلام وره بعض لدرجة ان ملك ماكنتش قادرة تصدق الحصل ده واتفجأت*:اوعى اسمعك تقولى طنط تانى ايه مستخسرة فيا تقوليلى ياماما مش انا الشايله همك وغمك بقالى 6سنين ,مستخسرة فيا الكلمة دى فلحالى بس اى حاجة كنت اعملها مش زى ماما مش زى ماما ,انا بقولك اهوه م النهاردة هتقوليلى ياماما احسن والله لاخليكى تشوفى المر معايا ,رغم انك كدا كدا هتشوفيه
ملك*ماكنتش قادرة تصدق الكلام البتسمعوا منها ده وجريت بسرعة ع اوضتها او زى ماكانت بتسميه عالمها وفضلت تعيط جامد بقت حاسة انه سريرها اكتر حاجة بيقدر يتحملها هو الحزن والدموع والخوف وبـــــس*
خالد:ايه يابنتى ما تهدى

صفاء*بصتله وبرقت*:ايه خايف ع السنيورة
خالد*بعدم اهتمام بالحصل*:انا ولا خايف عليها ولا حاجة بس يعنى انتى مكبرة الموضوع
صفاء:مكبرة الموضوع ياخالد ,بقولك مش هبقى ام خالص طول حياتى
خالد:طب ما ده كويس اهوه تعيشى حياتك براحتك بدون مسئولية وخلفة وعيال ,وتعيشى سنك كمان بالزمة هتجيبى عيل تشيلى همه ليه دلعى نفسك كدا روحى الكوافير براحتك اخرجى اتفسحى عيشى حياتك
صفاء*لقت نفسها مرتاحة للكلام الخالد قالوا وسكتت*
خالد:يلا انا نازل

صفاء:هتتأخر
خالد:ع حسب
*وف الوقت ده ملك ف اوضتها وبتعيط وحست انها لزما تحكى لباباها ع كل الحصل ده ونزل خالد عشان يقابل شلة اصحابوا الضايعين ويقعدوا يشربوا زى كل يوم كان بياخد الفلوس م اخته عشان يصرفها ع الشرب وشوية وحصلت حاجة ايه هى هنعرف الحلقة الجـــاية….

بواسطة
الكاتبة فاطمة هشام
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق