قصص واقعية

رواية جسد بلا روح (الجزء الرابع)

*طبعا ملك كانت لسه صغيرة ومش مستوعبة اى حاجة حصلت او هتحصل واتكلمت مع اصحابها ال ف المدرسة ع كلام باباها وقررت تتكلم معاه بخصوص الموضوع ده*
ملك*قاعدة مستنية باباها وساكتة خالص وباصه ع الارض*
مجدى*جه م برة وقرب ناحيتها*:مالك ياملوكة قاعدة كدا ليه!

ملك*بحزن*:بابا انا خايفة اوى
مجدى*قرب ناحيتها واحتواها بدراعه*:خايفة م ايه ياحبيبتى ف حاجة حصلت
ملك*بتحرك راسها بنعم*:اة صاحباتى قالولى ان طنط هتكون شريرة
مجدى*بعدم استفهام*:طنط مين!
ملك:ماما الجديدة!!
مجدى*بستغراب*:شريرة ليه وازاى؟

ملك:لانها هتضربنى وهتحرقنى بالنار وهتقصلى شعرى الطويل ده وهتخلينى امسح واكنس واعمل كل حاجة ,زى كاتون سندريلا
مجدى*ابتسم*:سندريلا! تفتكرى يعنى انا ممكن اسيبها تعمل معاكى حاجة زى كدا
ملك*بتحرك راسها بالنفى*:لا
مجدى:طيب شوفتى بقى ,وكمان مش انا قولتلك ياحبيبتى ان كل اليهمنى انتى ,انتى بنفسك هتروحى وهتقعدى مع طنط وتقوليلى اذا كنتى موافقة ولا مش موافقة
ملك*ببرائه وتنهيدة*:حاضر

مجدى:يلا بينا بقى نغير هدومنا عشان هنروحلها
ملك:هو النهاردة النهاردة
مجدى:اة ياملوكة النهاردة النهاردة!
*وقام مجدى هو وملك غيروا هدومهم ونزل ركب عربيته وراحوا كافيه كان الوقت ده مستنيينوا حامد وصفاء*
صفاء*كانت متوترة*
حامد:مالك بس يا انسة صفاء
صفاء:اصل انا قلقانة اوى وكمان هو مجاش البيت ليه

حامد:مش لما تحسوا بقبول الاول يدخل البيت وكمان انتى دلوقتى اهلك مش معاكى فمينفعش راجل غريب يدخل البيت ويخرج كدا
صفاء:بس انت قولتلى ان ظروفوا المادية كويسة
حامد:جداا ,ده اعلى منى ف الشغل
صفاء*لسه هتكلم*
حامد:دول جم اهم *وشاورلوا وقربوا ناحيتهم سلموا ع بعض وقاعدوا*
ملك*كانت بصلها وساكتة*

حامد:طيب هنسيبكوا بقى ونروح نشترى حاجة انا وملك
ملك*راحت مع حامد بس وهى ماشية فضلت باصه ع باباها*
مجدى:ازيك
صفاء:الحمد لله*وســاد الصمت*:بس بنتك جميلة اووى ماشاء الله
مجدى*بأبتسامة*:هى دى الطلعت بيها م الدنيا ومعوضانى ع كل حاجة مليش ف الدنيا دى غيرها
صفاء:ربنا يخليهالك

مجدى*سكت شوية وبعد كدا قرر يتكلم*:بصى انا مش بعرف اتكلم ف الامور ال زى دى بس انا كل اليهمنى بنتى لو حصل بينا نصيب تحطيها جوه عنيكى وتخلى بالك منها ,اما انا ف صدقينى عمرى ما هأذيكى او هجرحك حتى بكلمة
صفاء*اتوترت م كلاموا*:والله مش عارفة اقولك ايه!

مجدى:متقوليش حاجة بس روحى وفكرى هتقدرى تشيلى مسئولية اب وبنته ولا لا
صفاء:حضرتك انا شيلت اهلى سنين كتير وكنت بشتغل وبتعب عشانهم انا يعتبر زى ما بيقولوا ضحيت بعمرى عشانهم ,تفتكر بقى مش هقدر اشيل مسئولية بنت وابوها
مجدى*ارتاح لما سمع الكلام ده*

حامد*رجع هو وملك*:ها نروح نلف شوية كمان ولا خلاص
مجدى*ابتسم*:لا خلاص
ملك*كانت قاعدة بعيدة عنها*
صفاء*بصتلها وابتسمت*:بس انتى جميلة اوى ياملوكة
ملك:شكــرا

صفاء*كانت بتحاول تقرب م ملك*:طب بصى انا عايزة انا وانتى نروح نشترى حاجة ممكن تيجى معايا
ملك*بصت لباباها ولما لقيته موافق راحت معاها*
حامد:ها ياصاحبى ايه رأيك
مجدى*بتنهيدة*:شكلها كدا طيبة فعلا وكويسة وتقدر تشيل المسئولية
حامد:مش قولتلك ,خلاص هنروح نقرأ فاتحة الاسبوع الجى اهوه تكونوا اتكلمتوا وعرفتوا بعض اكتر ,وبعديها بأسبوع تكتبوا الكتاب

مجدى:مش شايف ان الموضوع بسرعة اوى
حامد:يا ابنى لزما يبقى بسرعة عشان هى اهلها مش معاها مينفعش تفضل داخل خارج وكمان هى مش هتجيب حاجة للجهاز ماكل حاجة جاهزة ف شقتك
مجدى:ع الاقل اغير الاوضة
حامد:دى حاجة تتكلموا فيها سوى
*ورجعت ملك وماسكة ايد صفاء ومبسوطة اووى*

ملك*جريت ع باباها*:شوفت يابابا ماما الجديدة جابتلى ايه!
مجدى*اتحرج م الكلمة*:اسمها طنط ياملك
ملك:طنط جابتلى حاجات كتير وقالتلى انها هتعملى السمبولة ال ماما كانت بتعملهالى
مجدى*ابتسم*:يعنى انتى مبسوطة
ملك*ببرائة*:اة جدا
مجدى*بص لصفاء*:شكرا جدا

صفاء*بأبتسامة*:ع ايه ,دى زى بنتى
*وفضلوا قاعديدن يتكلموا وتبادلوا ارقام بعض واتفقوا ع كل حاجة,وكان كل يوم يتكلم معاها وتطلب تتكلم مع ملك وتقعد تهزر معاها ,وهى كانت مبسوطة اووى بالاهتمام ده ومجدى كمان بدا يتعلق بيها وبكلمها وحس انها بنى ادمه كويسة هتعرف تراعى بنته وبيته,وف اليوم الكانوا هيروحوا يقرأون الفاتحة*

مجدى:ها ياملك مقولتليش موافقة ان طنط تيجى تقعد معانا هنا ولامش موافقة
ملك*بتحرك راسها بنعم*:اة موافقة انا حبيتها اوى يابابا ,انت عارف انها جاتلى المدرسة وسألت عليا
مجدى*بستغراب*:مقولتليش يعنى
ملك:ما هى قالتلى متقوليش لحد ,وانا مقولتش غير ليك انت بس
مجدى*ضحك*:عندك حق ,ماشى ياستى ادينا هنروح وهتبقى معانا ان شاء الله ع طول
*وخد ملك ونزلوا راحوا لصفاء وكانت كريمة مرات حامد قاعدة مع صفاء*
صفاء:تفتكرى الموضوع هيتم

كريمة:اكيد انتوا مش بقالكوا فترة بتتكلموا واتقابلتوا وانتى حاسة ان الراجل متقبل كل حاجة
صفاء:بصراحة اة بس انا قلقانة اوى مش عارفة ليه
كريمة*ضحكت*:اى بنت بتبقى قلقانة يعنى ان الموضوع مايتمش ان يحصل خلاف بس متقلقيش هتعدى ع خير
صفاء:ان شاء الله
كريمة*بتغمزلها*:ايوه ياعم راجل مقتدر ومعاه فلوس ,وقعتى واقفة
صفاء:ياختى هتنقى خلاص ,مش لما نشوف الهيحصل الاول*وشوية وسمعت صوت الجرس*:شكله جه خلصى بسرعة

حامد*فتح الباب لمجدى وملك*:اتفضل يامجدى
مجدى:معلش اتأخرنا شوية
حامد:ولا اتأخرت ولا حاجة ده ف وقتك
*وشوية وخرجت صفاء ومعاها كريمة وسلموا ع مجدى وقاعدوا شوية*
حامد:طيب ع خيرة الله ,يلا نقرأ الفاتحة
*وقعدوا قرأوا الفاتحة واول ما خلصوا*لقوا الباب بيتفتح ودخل ولد عليهم*
حامد:خالد اتأخرت ليه

خالد:ما انا كنت ف الدرس
مجدى*بستغراب*:هو مين ده!
حامد:سلم عليه يامجدى ده خالد اخوه صفاء
مجدى*ابتسم*:اهلا وسهلا ازيك
خالد*سلم عليه*:كويس

حامد:وسلم ع ملك يا خالد دى م النهاردة هتعتبرها زى اختك بالظبط ما انتوا هتعيشوا تحت سقف واحد
مجدى*اول ما قال الجملة دى معرفش يتكلم*
خالد*بصلها نظرة ماكنتش ملك فهمها خالص ومد ايده عشان يسلم وملك*ببرائة مدت ايديها وسلمت عليه وابتسامتلوا*

صفاء*بصت لخالد*:ده الفاضل ليا م عيلتى وكان بيكبر كل يوم قصاد عينى واهوه دلوقتى ف الاعدادية
ملك*بأسلوب طفولى*:انا كمان لما هخلص الابتدائى هدخل الاعدادى والثانوى والكلية
خالد*بصلها جامد*:وانتى نفسك تدخلى كلية ايه؟
ملك:انا عاوزة ابقى دكتورة *كلهم كانوا باصيين لملك ومبتسمين*
صفاء*ابتسمت*:ان شاء الله ياحبيبتى

كريمة:وان شاء الله خالد يبقى مهندس وعقبال ما تشوفيه عريس ف الكوشة ياصفاء
صفاء*ابتسمت*:يــــــــــارب
مجدى*كان باصص وساكت وماكنش عارف يتكلم او حتى يقول حاجة كان بيتابع كل الحواليه بصمت ,وحاول يمشى اليوم عشان يعدى وبعد شوية مشيوا وكان طول الطريق ساكت*
ملك:بابا انت مش بتكلم ليه!
مجدى*ركز مع ملك*:ايه ياحبيبتى بتقولى ايه!

ملك:بقولك انا مبسوطة عشان هيبقى ف البيت عندنا ناس كتير طنط صفاء واخوها
مجدى*ابتسم*:يعنى انتى مبسوطة
ملك*حركت راسها بنعم*
مجدى:ماشى ايه رأيك بقى اروح اعملك اكلة تاكلى صوابعك وراها
ملك:اععع لا يابابا ناكل م برة احسن
مجدى:حاضر *وراحوا كلوا وروحوا وكان طول اليوم بيفكر ف الموضوع ده وشوية وموبايله رن*:الو ياصفاء
صفاء:ايه يامجدى مكلمتنيش ليه!

مجدى:مفيش بس لسه راجع م برة انا وملك
صفاء:كل ده كنتوا ف الطريق
مجدى:لا كنا بناكل برة *وسكت*
صفاء:مالك يا مجدى فيك ايه!
مجدى:بصراحة اتفجأت بموضوع اخوكى يعنى انتى مكلمتنيش عنه خالص
صفاء:انا كنت فاكرة ان حامد قالك عليه! وكمان ايه الغريب ف موضوع خالد!
مجدى:يعنى شايف انه!!

صفاء:فهمت انت خايف ع بنتك ,بص يامجدى انا قولتلك قبل كدا انى شيلت البيت والمسئولية وبرده ربيت اخويا ,انا اخويا مش كدا ولا عمره هيكون كدا
مجدى:استنى بس انتى اضايقتى ليه! انا بكلم معاكى وكمان الفكرة ان الشقة اوضتين و يعنى *ولسه هيتكلم*
صفاء*بأبتسامة*:اة قصدك انه هيقعد فين نبقى نقفلوا اى اوضة ماتخفش هنحلها
مجدى:يعنى كدا هنأجل كتب الكتاب
صفاء:لا ,ليه يعنى احنا هنكتب الكتاب ووقت ما نخلص ترتيبات الشقة واوضة خالد نبقى نيجى نعيش معاك,مجدى انا مش هقدر اسيب اخويا خصوصا ان الشقة ال احنا فيها ايجار وكدا كدا كان العقد هيخلص ,عايزنى ارمى اخويا ف الشارع

مجدى:ياستى انا مقولتش كدا *وقال بتنهيدة*:انا واثق فيكى وواثق ف اخوكى ,وخلاص كل حاجة هتبقى زى ما هى
صفاء*بأبتسامة انتصار*:وحشتنى
مجدى*ابتسم*:وانتى كمان وحشتينى
*وقاعدوا يتكلموا سوى وتانى يوم اتصل مجدى ع رؤوف*

رؤوف:اهلا بالى نسينا بقى ياراجل مش عيب عليك مش تيجوا حتى تقضوا اجازة الصيف معانا
مجدى:والله غصبن عنى يا رؤوف الشغل مش فيه اجازات الفترة دى واصلا ملك عايز اقولك بتزن عليا كتير وبحاول اتوها
رؤوف:يلا اهم حاجة انتوا كويسين
مجدى:الحمد لله ,بقولك ايه يارؤوف
رؤوف:ايه قول
مجدى:انا قريت فاتحة امبارح ع بنت كويسة جدا
رؤوف*بصدمة*:بتقول ايه ,انت ازاى متقوليش حاجة زى كدا

مجدى:ما هو بصراحة الموضوع جه بسرعة
رؤوف*بضيق*:انا لما كلمتك ف الموضوع ده قولتلى انك مش بتفكر فيه
مجدى:أنا فعلا ماكنتش بفكر فيه بس لقيت انه ماينفعش ملك محتاجة ام تراعيها وتخلى بالها منها انا مش هينفع ابقى موجود معاها ع طول
رؤوف:خلاص جيبهالى هنا
مجدى:انت عايزنى اتحرم م بنتى يارؤوف
رؤوف*بتنهيدة وبيحاول يهدى*:يامجدى افهمنى انا خايف عليها

مجدى*ابتسم*:ماتخفش دى بنت كويسة جدا ومحترمة وطيبة وملك بتحبها وحتى *وسكت ماكنش عارف يكمل بوجود خالد معاهم ولا لا خاف م رد فعل رؤوف او انه يعمل اى حاجة مش محسوبة*
رؤوف:وحتى ايه!
مجدى:حتى ملك مرتاحة جدا معاها ومبسوطة وكل يوم بتتعلق بيها اكتر واكتر
رؤوف*بتنهيدة*:ماشى يامجدى ,عموما مبروك
مجدى*ابتسم*:الله يبارك فيك *وقفل معاه بس حس م المكالمة بقلق وخوف م رد فعل رؤوف اوى*
رؤوف*بعد ما قفل معاه*

منى:يابنتى كلى بقى
رحمة:تؤتؤتؤ ,انا مش عاوزة اكل انا شبعت
منى:طب قومى اغسلى ايديكى *وبعد ما رحمة قامت*:ايه يا رؤوف ايه الحصل!
رؤوف:مجدى هيتجوز
منى:بجد! طب وفيها ايه!
رؤوف:مش عارف ليه مش مطمن للجوازة دى ,محدش هيقدر يخلى بالوا ع ملك غير عليا
منى:وعليا الله يرحمها ,يبقى نسيب البنت كدا ولا نلاقي حد يخلى بالوا منها
رؤوف:والله ما انا عارف بس قلقان بجد

منى:ولا تقلق ولا حاجة سيبها ع الله
رؤوف:ونعم بالله *وف الوقت ده يدخل محمد*
منى:اتأخرت ليه!
محمد:كنت بساعد الناس الهتسكن قصادنا ف شيل حاجتهم
منى:ياخويا شيل نفسك الاول انت قادر
محمد:الله ياماما ماساعدش الناس يعنى
منى:لا ساعد
رحمة:ناس مين انا هروح ابص ف البلكونة *وجريت ع البلكونة لقت بنت واقفة بصوا لبعض وابتسموا*:انتى اسمك ايه

نهى:انا اسمى نهى وانتى
رحمة*بأسلوب طفولى*:انا اسمى رحمة
*وفضلوا يتكلموا مع بعض ,وف الوقت ده الباب يخبط عند مجدى واول ما يفتح يتفاجئ*
صفاء:ايه رأيك ف المفجأه دى
مجدى*بأستغراب*:صفاء انتى مقولتيش انك جاية
صفاء:حبيت اعملهالك مفجأه
مجدى:وانتى عرفتى العنوان منين

صفاء:ماكريمة خدته م حامد وانا خدته منها هتخلينى واقفة كدا كتير
ملك*اول ما شافتها جريت عليها وحضنتها*:طنط انتى جيتى هتعيشى معانا ع طول صح
صفاء*بصت لمجدى بدلع*:لا ياحبيبتى لسه شوية لما بابا يخلص كل حاجة ناقصة ف الشقة ,ها بقى عندكوا اكل ولا اعملكوا انا
مجدى*ابتسم*:ياريــــــــــــــت
ملك:اة اعملى ده بابا بيعمل اكل اعع
صفاء*ضحكت*:اعع لا متقلقيش هعملك اكل حلو اووى
ملك:ماشى اما نشوف

*وفضلت صفاء قاعدة معاهم طول اليوم يتكلموا ويهزروا وتعملهم اكل*
صفاء:ها ايه رأيك ف الاكل
ملك:طعمه حو احلى م بتاع بابا بس برده مش زى بتاع ماما
مجدى:ياحبيبتى كل واحدة وليها طريقتها ف الاكل ودى طريقة طنط
ملك:ماشى *صفاء بصت وسكتت وشوية وقاموا قاعدوا قصاد التى فى وكانت بتعمل شعر ملك*
ملك:لا ياطنط دى ضفيرة عادية انا عايزة السمبولة ال زى ماما كانت بتعملهالى , قولها يابابا
مجدى:ياحبيبتى طنط مابتعرفش تعملها خلاص بقى ماتتعبهاش

صفاء:انا فعلا مش فاهمة الهى عايزاها!!
مجدى:قصدها ضفيرة السنبلة!
صفاء:اةة بس دى صعبة ,بصى ياملوكة هتعلمها وابقى اعملهالك
ملك*بحزن*:ماشى

مجدى*خلاص بقى ماتكشريش كدا عشان عارفة انا هعمل ايه لو كشرتى وقرب منها وفضل يزغزغها وملك كانت بتضحك بصوت عالى وشالها حضنها ولف بيها كانت حاسة وقتها انها طايرة ف السما وغالبا كانت دى اخر لحظة حلوه قضيتها مع باباها!!,صفاء كانت باصه ع لعب مجدى لملك كانت باصة ومبتسمة ليهم لكن جواها كان ف احساس غريب! وبعد يوم طويل تنام ملك ف حضن باباها*:شكرا جدا ياصفاء ع اليوم ده والاكل الحلو ده
صفاء*ابتسمت*:متشكرنيش لانه قريب جدا هتبقى دى حاجة اساسية بعملها لبيتنا ,عارف انا اتعلقت بيك اوى وبوجود ملك رغم اننا بقالنا فترة قليلة عارفين بعض

مجدى:واحنا كمان وملك بشوفها مبسوطة وهى معاكى
صفاء:نفسى اغمض وافتح ونكون مع بعض مش انت كمان نفسك ف كدا
مجدى*سكت شوية*:اة طبعا اة
صفاء:انا عارفة انك يمكن لسه محبتنيش بس انا *وقالت بكسوف*:بحــبك *مجدى لقه نفسه ساكت مش عارف يرد*:انا هقوم بقى واروح عشان خالد مايبقاش ف البيت لوحده

مجدى*حاول يبعد ملك عنه عشان يقوم يوصل صفاء للباب لكن ملك كانت ماسكه فيه جامد وف هدومه*
صفاء*بأحراج*:لا خلاص مفش مشكلة خليك معاها ,ع اتفقنا بقى مع الراجل عشان ييجى يظبط الشقة
مجدى:ان شاء الله
*ومشيت صفاء وبدأ مجدى يظبط الشقة وبعديها كتبوا الكتاب وكانت تيجى صفاء تضيف حاجات وتغير حاجات ف الاوض معادا اوضة ملك وبعد فتــــــــرة*
مجدى*يكون داخل م الباب ومعاه صفاء وخالد وشايل ف ايده الباندا*:ملــوكة
ملك*تجرى عليه وتحضنه*:بـــابـــا

مجدى:شوفتى جبنالك ايه انا وطنط وخالد
ملك*شالت الدبدوب وحضنته*:الله ده شكله حو اووى
خالد*بنظرة خبث*:ميغلاش عليكى ياملك
ملك*سلمت عليه*:شكرا ياخالد
صفاء:وانا مش هتشكرينى
ملك*حضنتها*:شكرا ياطنط

*وبدأت حياه ملك الجديدة الكانت فكراها هتبقى فرح وسعادة لكن كل ده اتحول ف اليوم الجه فيه خالد*
خالد*دخل اوضه ملك وقعد ع السرير بتاعها بص عليها لقاها قاعده بتلعب بالباندا الجابوها ليها*:شوفتى ياملوك انا جبتلك ايه!
ملك*مش بصالوا وباصه ع اللعبة*:ايـــــــه؟
خالد:دى كيكة ال انتى بتحبيها
ملك*بصتله وفرحت وقربت عشان تاخدها منه*
خالد*بعيدها عنها لا اطلعى اقعدى جمبى عشان اكلهالك بنفسى*
ملك*ببرائة طلعت وقعدت جمبه وكان بيأكلها كانت ساعتها مش فاهمة ومش مستوعبة كانت شايفة ان ده حب الاخ لاخته*

خالد*رمه الدبدوب ع الارض وكان بيقرب ايده ويلمس شعرها*:تعرفى ان شعرك حلو اوى
ملك*بصتله ببرائة وابتسامة*:شكــرا *وشوية وندهتلوا صفاء*:طنط بتنده عليك
خالد:سيبك منها
ملك:لا ما ينفعش اتعلمنا ف المدرسة لما الكبير ينده علينا نرد
خالد*بعد عنها وقام م جمبها*:طيب خليكى وانا هروح اشوفها واجى *وراح يشوف صفاء*:ايه يا خـالد يا خــــالد بتندهى م الشارع

صفاء*بزعيق*:ما انت مابتردش ,اعملك ايه يعنى؟
خالد:والله اليشوفك صوتك كدا مايشوفش لما جوزك بيكون موجود
صفاء:ما تقعدتش ترغى كتير مش هتروح الدرس بتاعك
خالد:مش رايح
صفاء:خالد انت ف شهادة يعنى لزما تجيب مجموع عشان تدخل ثانوية عامة ولا مش عايز
خالد:مش فارقة كتير

صفاء:يـــــــــــــــــيي هتفضل تغلبنى معاك كدا كتير *وشوية وسمعت صوت الباب بيتقفل وقرب مجدى منهم*
مجدى:مساء الخير
صفاء*بأبتسامة وهدوء*:مساء النور ياحبيبى
مجدى:ف حاجة ولا ايه؟
صفاء:لا ده انا كنت بتكلم مع خالد ثوانى وهجهز الاكل
مجدى:وانا هدخل اشوف ملك *ودخل شافها لقاها ماسكة الباندا وبتأكلها*:ايه ده ياملك ايه البتعمليه ده؟
ملك:بأكل الباندا يابابا زى ما خــ *ولسه هتكمل*

خالد*دخل الاوضة بسرعة*:صفاء عيزاك ياعمو
مجدى*ابتسم*:هروح اشوفها عايزة ايه *وبص لملك*:اغسلى ايديكى ومتعمليش كدا تانى ياملك
ملك:حاضر
خالد*بص لملك وقال لنفسه:يادى النيلة كنتى هتقوليلوا !*
مجدى*راح لصفاء*:ايه ياحبيبتى عايزة حاجة اساعدك
صفاء:لا بس يلا غير بقى

مجدى*دخل وغير هدوموا ويقعدوا ياكلوا مع بعض وملك متكلمتش ف اى حاجة ,وتعــدى فترة كان كل فترة بيحاول خالد يقرب منها وكانت ديما نظرته ليها غريبة ماكنتش وقتها فهمها ولا فاهمة قصده ايه منها لحد ما ف يوم كانت ملك نايمة وفجأه حصلت حاجة ايه هى هنعرف الحلقة الجــــــــاية….

بواسطة
الكاتبة فاطمة هشام
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق