قصص واقعية

قصة التوأمان كاملة

بالعربي / انا واقعة فى مشكلة كبيرة كنت مخطوبة لابن عمي هو كان ليه اخ توأمة مسافر برة وبقالة سنين مبينزلش بس كان بيود اهلة اتصالات وهو الى شارى الشقة لخطيبى والعفش ومساعدتنا بكل حاجة وقايم بمصاريف امه واخواته البنات كان المفروض نتجوز خلال سنة ونص.

فوجئت بية مرة وحدة اختفى 3 ايام وبعدين ظهر كل حاجة فية مختلفة وطلب منى نبدر الجواز ونخلية اخر الشهر استغربت اوى ازاى منين وليه بس فرحت وانشغلت بالترتيبات س بنص الزحمة والدوشة حسيت ان دة مش خطيبى اه والله مش خطيبى اه انا كنت واخدة عن حب بس حبيته وحسيته وعاشرته دة مش خطيبى بدأت احطة بمواقف واسالة على تفاصيل خاصة بينا .

بقى يرد اجابات محايدة او يتهرب لحد م فهمت انه مش خطيبى اتصلت باخواته زى المجنونة ازاى كدة ازاى دة مش عصام انا واثقه فى حاجة غلط .

ردت هويام اخته الكبيرة مالك يا هدير فى اى انتى اتجننتى ايه اللى بتقوليه دة … بكل بجاحة ردت عليا وقالتلى انتى ملبوسة احنا عارفين كدة من زمان وانا ياما قولت لعصام اخويا بلاش هدير يا عصام بلاش هدير تصرفاتها مش مظبوطة فاكرة من 10 سنين لما كنتى بتقولى بشوف بنت صغيرة قاعدة فى اوضتى بتسرح شعرها قدام المراية وتلعب بعرائس وامك وقتها وديته لدكتور وقالها تهيؤات اطفال متسيبهوش لوحدها.

على فكرة ده كان لبس مش مرض نفسي وكل العيله عارفة كدة ولما واجهت مرات عمى الى هى امك وقلتلها تعالى ناخد هدير لشيخ عشان الموضوع مايكبرش معاها رفضا و قعدت تزعق لى و تهزقنى وقالتلى هتطلعى على بتى سمعة يا هويام احنا مش عاوزين نعرف تانى وقاطعتني لحد ما ماتت الله يرحمها فبلاش تكبرى الموضوع ولمى ليلتك يا هدير واخلصى عصام معرفش متمسك بيكى ليه على فكرة لو مساعدتي نفسك ورحت لشيخ بسرعة حضرى نفسك وعيالك بعد كدة .

مش معنى ان ربنا ساترها لحد دلوقتى تبقى تمام طيب هقولك حاجة فاكرة مرة زمان جيتى جبتي لنا حاجات ولما استغربت وقلت ايه دول يا هدير قولتلى مش انتى اتصلتى يا هويام وقولى هاتيهم . . انا استغربت ومرضتش احرجك وقتها بس انا فعلا وحياة عيالى لا اتصلت ولا حاجة ولحد وقتنا هذا انا مش فاهمة انتى جيتى لية الوووو هدير ..

رحتى فين قفلت هدير السكة بوش هويام وقعدت تعيط وبعدين قالت لنفسها اكيد فى سر هويام كدابة وممكن عوزانى ابعد عن عصام .. عصام
عصام ازاى برضو فى حاجة غلط دة مش عصام
عصام بيحبنى انا متاكدة اكيد مش هيشارك معها بالحوار ده
اعمل اى يا رب
انا هتصل دولي على محمد وسلم عليه وكان باكد عليه ينزل يحضر الفرح واكيد هفهم حاجة من المكالمة .

مبيردش لية ولا يمكن معيش رصيد كفاية
هتصل فايبر كول .
هدير .الو .. محمد ازيك
محمد:- الحمد لله يا هدير قلقتينى خير فى حاجة عندكم بقالك سنة مكلمتنيش من يوم م اتخطبت لعصام
هدير :-لا لا متقلقش كله تمام انا بس بأكد عليك تحضر الفرح بقى بقالنا سنين مش شفناك
محمد:- معلش مش هقدر
هدير :- لية بس كدة
محمد:- المفروض تكونى فهمتى
هدير :- فهمت اى
محمد:- معلش انا فى ايدى شغل هبقى اكلمك سلام ..

اى دة قفل بوشى اى قلة الذوق دى
سمر ندهت عليا هدير هدير تعالى عصام برة
اول ما هدير قالتلى عصام برة خفت معرفش ليه حسيت بقبضة فى قلبى مش عاوزة اطلع اشوفة خايفة اوى
فى دماغى كذا حوار اولا انا شاكة فية ثانيا خايفة تكون هويام حكيتله حاجة .

لبست الاسدال وطلعت
لقيته يدينى ظهره وواقف بالبلكونة بيشرب سجاير
دخلت وقفت جنبه فضل واقف ساكت ومش باصصلى قلتلها ازيك يا عصام .. مردش
كررتها ازيك يا عصام برضه مردش

قلتله تمام وبعدت عنة شوية وبصيت النحية التانية بعد اقل من دقيقة رن جرس الباب مرضتش اتحرك ولا ابص نحية الباب عشان مضطرش ابص ع عصام فضلت مدورة وشى فتحت سمر الباب وقالت
عصام ازيك عامل اى ادخل ادخل باب بالصالون وهدير نايمة هصحيهالك
نعم … عصام مين الى لسة جاى امال دة مين ودورت وشى وببص جمبى . جسمى قشعر وو…..

اي ده اي ده شيطان و قعدت اصوت واصرخ كان واقف قدامي حد انا مش شايفاه ظاهرلي جسم انسان بس من غير دماغ و مرة واحدة اول ما سمر ندهت عليا كل ده اختفى فضلت واقفة شوية مكاني و دموعي نزلت من غير مااحس و لساني تقل مش قادره انطق تاني ولا قادر اصرخ ولا اذكر ربنا مش فاهمه ايه اللي بيحصل.

فضلت سمر اختي تنده عليا و تزعق وتقول ايه دا دي مش في أوضتها حسيت برعشة ف جسمي و برود ف الجو مع اننا بشهر 7 تمالكت اعصابي و دخلت بصلتي سمر مالك يا هدير عرقانه كدا لية ووشك مصفر و مخطوف رن تليفوني طلعت هويام بتتصل سمر قالتلي مش هتردي عليها ولا ايه و جت قربت مني ووشوشتني و قالتلي خلي بالك عصام بالصالون ماتشتمش عشان هي عارفه الحوار و اد ايه انا متغاظة فخافت اشتمها فيسمع عصام هزتلها راسي و دخلت الصالون بابا شافني شكلي غريب قالي اقعدي مع خطيبك .

حلوا مشاكلكوا خلينا نخلص قعدت بعيد عن عصام قرب مني و قالي مالك في ايه لاقيت تليفونه رن طلعت هويام بتتصل عليه قالها خلاص ياهويام انا هتصرف هتصرف ياهويام اقفلي دلوقتي و قفل معاها و قرب قعد جنبي و انا باصة ف الارض خايفه ابصله قالي مالك ياهدير في ايه قولتله مافيش قالي هويام قالتلي كلام مش مفهوم و انك بتقولي أن انا مش عصام مالك لو اعصابك تعبانه ممكن ناجل الفرح شهر كمان المهم ماتبقيش كدا ياهدير و بدأ يطمني فعلا بدأت اهدا و بدأت ابصله عشان احكيله اللي بيحصل معايا اول لما عيني جت ف عينه بدأ يظهر وحمه حمرا كبيره برأسه و عينه اتحولت من اللون الابيض للأحمر و بدأ يدمع دم… .

مره واحده بدا عصام يتغير صوته و يبقي تخين بدأت اخاف و جسمي سخن جامد و حسيت ان فيه طاقة خرجت من جسم عصام و دخلت فى جسمي صدعت جامد ووقعت ع الارض و بدأت اخبط دماغي ف الارض و اصرخ و شايفه عصام جنبي بيقطع ف جلد وشه و جسمه و مره واحده وقف عصام ونزل ع الارض جمبي و قعد يقول كلام غريب ف ودني زي طسم سلم ع ا ل يا سا ع ه حق طسم سم حضور عليت ع ه عده وقت معرفش اد ايه لاقيت نفسي بدأت افوق سامعه اصوات كتير حواليا مش مجمعة بدأت استوعب لاقيت نفسي ف اوضتي ع سريري و اول مافتحت عيني لاقيت هويام اخت عصام .

انتفضت من مكاني و جايه انزل من ع السرير لاقيت عصام قاعد جنبي و مسك ايدي جامد و قعد يقولي اهدي اهدي ماتعمليش ف نفسك كدا ياهدير لو الفرح تعبك اووي كدا ناجله أو نلغيه لاقيت هويام برقت لعصام و هي موطيه رأسها و حسيت كان داير حوار بينهم بس بالنظرات هويام اخدت بالها اني واخده بالي راحت بصالي مرة واحده و عصام مسك ايدي حبيبتي مافيش داعي لتأخير الفرح و لما تبقي ف بيتي هخلي بالي عليكي لسه جايه ارفض لاقيت لساني بيقول موافقه معرفش ازاي راحت هويام مزعرطة ووراها سمر ادبست ف ايه ايه اللي بيحصل خلص الاسبوع و انهارده التلات و الفرح الجمعه عصام أصر يجبلي دكتور يشوف سبب الإغماء.

و الدكتور كتب فيتامين و مقويات 3مرات ف اليوم من التلات للخميس انا مكنتش بصحا تقريبا الدوا كان بينيمني هويام و سمر اهتموا بالتفاصيل بقيت انام واصحا اكول و ادخل الحمام و انام تاني جسمي كان مهدود معنديش طاقة عاوزة انام بس لحد الجمعة الصبح سمر و هويام جم اخدوني للكوافير معرفش مين راح طلب الفستان انا كنت مختاره و حجزاه بس بعد شهر حد راح استعجلهم لاقيت كل حاجه مرتبه لابست الفستان و حطولي ميك اب وانا كنت عايزه انام لدرجه اني نمت و الكوافير بيمكيجني طول الوقت عاوزة انام و لما ركبت العربيه لما عصام جه نمت لحد ما وصلنا مكان الفرح ماجرين فيلا غريبه مرعبه و نورها ضعيف .

عصام قالي معلش دا اللي لحقنا نعمله مالقيناش قاعات بالسرعه دي بصيت له و هزيت راسي معنديش طاقه ع النقاش حاسه طاقتي استلبت جسمي همدان خالص خلص الفرح و روحنا هويام جت معانا و صلاتنا و دخلت معايا الاوضه خدت الفستان عشان ترجعه الصبح و قفلت عليا الاوضه و طلعت الفضول دفعني افتح باب الاوضه و ابص لاقيتها و هي طالعه طلعت ازازه من شنطتها و بترش حاجات تحت السجادة و بعدين دخلت المطبخ و الحمام و طلعت وانا واقفه اراقبها من بعيد و راحت لعصام وشوشته بكلام بصوت واطي انا ما سمعتوش.

و حطت أيدها ع رأسه و فضلت تتمتم بكلام غريب فتحت باب الشقه و مشيت و عصام انتبهلي أن انا شوفتهم رحت قفلت باب الاوضة و جريت اخدت برشام الفيتامينات اللي بينيم عشان خفت منه و جريت ع السرير لاقيته قرب من باب الاوضة عملت نفسى نايمه دخل وقف قدام السرير قلبي بدا يدق جامد قرب مني وانا مرعوبة فضل واقف شوية و بعدين صوته اتغير و قالي هدير لازم اعترف ليكي بحاجة انا عارف انك صاحية و سمعاني مردتش عليه حط ايده ع شعري و يطبطب عليا اول لما ايده تلمسني حسيت بكهرباء بجسمي كله و فقدت السيطرة ع نفسي قالي قومي اقعدي قمت قعدت كرر تاني هدير انا لازم اعترف لك بسر …… 

اعوذ بكلمات الله التامات من شر ما خلق دى اول حاجة قريتها جوايا اول ما عصام قرب منى وفضل يتكلم بالشكل المريب دة …. فضلت اكررها جوايا مسك عصام دماغه وصرخ وطلع يجرى برة دخل الحمام وفضل يرجع ويقول اااه اسكتى كفاية يا هدير بطلى انا مفهمتش فى اى بس الاكيد فى حاجة مش كويسة قمت بمنتهى السذاجة استخبيت جوة الدولاب عشان ميلاقينيش اول ما يرجع..

وبطلت اقرى خفت علية او منة عشان بدأ يقول كلام غريب بصوت عالى سلم طمس عبث ماجور شكد والى مانقل سحب ش ط ا ن ا ل س ا ع ة ح ف حق حق حق حق ويصرخ قلبى اتقبض وحسيت هيغمى عليا بطلت وحطيت ايدى ع بوقى وحاولت اتنفس بصوت واطى طلع عصام من الحمام وبدات خطواته تقرب من اوضة النوم يارب هموت مش مستحملة جسمى ساب خلاص هموت..

دخل عصام وتقريبا وقف قدام الدولاب حس انى جوة ولا عرف منين مش عارفة .. خبط عليا الدولاب وفتح الدال فا انا حطيت ايدى على وشى مد ايدة ومسك ايدى وقالى تعالى مالك خايفة ليه يا هدير انا عصام حبيبك اهدى بس انا هفهمك .. وطلعنى من الدولاب وقالى هدير انا اسف انا هموت خلال شهور عشان كدة قدمت الفرح انا عندى سرطان بالمعدة خلاص درجة متاخرة .

عرفت من 3 اسابيع لما اختفيت ممكن اموت كمان شهر كمان شهرين ست شهور معرفش بس قالولى خلال شهور محبتش اقضى الى فاضلى فى الكيماوى والمستشفيات حبيت اقضية معاكى عارف انك ممكن تكرهينى عشان مقولتلميش قبل الفرح بس انا خفت تبعدى وترفضى….

انا اتصدمت عصام هيموت؟ قلبى وجعنى وانهارت بالعياط عدت الايام من غير طعم وعصام بيعاملنى كويس بس انا خايفة خايفة اتعود على الحياة دى وتتهد فوق دماغى بيوم وليلة ..هويام بالسبوع جت تزورنا وبعدين دخلت هى وعصام اوضة وقفلوا على نفسهم قعدوا حوالى ساعة وانا قاعدة مع سمر وباقى العيلة بالريسبشن بس عينى على الاوضة وبعدين اتحججت وقمت كاني رايحة الحمام وقربت من باب الاوضة سمعت هويام بتقولة اوعى تكون هدير .

حست بحاجة وبعدين سكتت ولقيتها يتفتح الباب وبتبص لى وعنيها بتلمع اتخضيت وجريت كانى كنت بسرقهم القصة حسيت انى خوفت واتكسفت مشوا الكل وعدى اليوم ودخلنا نمنا صحيت بالليل ملقت عصام جمبى على السرير وسمعتى صوت وشوشة من برة قمت من على السرير وطلعت برة اشوفة بيتكلم مع مين بالتليفون فضلت ادور علية ملقتهوش بالشقة وبعدين سمعت صوت جاى من الحمام خبط علية الباب مردش والصوت سكت فتحت الباب لقيت تعبان اسود كبير كبير اووووووى ملفوف فى البانيو والحوض وعلى الارض حجمة ضخم ومرة وحدة هجم براسة عليا رجعت بسرعة بضهرى .

وطلعت اجرى على اوضة النوم ودخلت وقفلت الباب وقعدت اصرخ لقيت الى حضنى من ضهرى اظورت بسرعه ابص اشوف مين ملقتش حد قعدت ادور على نور الاوضة لقيت باب الاوضة اتفتح ودخل عصام فى اى بتصوتى لية قعدا اعيط واصرخ واضرب فية ولقولة ابعد عنى ابعد عنى ابعد عنى قعد يحضنى جامد ويوقلى اهدى فى اى اهدى يا هدير القصة تأليف:- هويام شعيب وبعدين جابلى الدوا وقالى خدية وريحى شوية عشان افهم فى اية مرضتش اخدة ادهونى بالعافية محستش بنفسى ونمت بعد فترة صحيت لقيت نفسى نايمة بالسرير قمت اترعبت فتحت باب الاوضة وطلعت اجرى لقيت عصام وهويام برة هويام بصتلى من فوق لتحت وبصت لعصام وقالتلة هى مراتك اتجنت مالها بتجرى زى المجنونة كدة لية وازاى تطلعلنا بالهدوم دى ورجعت بصتلى وقالتلى يا ماما عيب تطلعى برة اوضتك باللبس دة طالما فى ضيوف افرضى فريد جوزى كان معايا وقامت خدتنى من ايدى ودخلتنى الاوضة وقالتلى احكيلى فى اى .

حكيتلها قعدت تضحك بشكل هستيرى وبعدين سكتت وفضلت باصة ف السقف شوية كتير ومرة وحدة بصتلى اتنفضت من طريقتها وقالتلى بزعيق بقولك اى انا وانتى عارفين انك ملبوسة فبلاش تعملى مستغربة ومستعجبة وتلبسيها لعصام صدقينى لو متلمتيش هخلية يطلقك وشوفى بقى لو اطلقتى بعد اسبوع الناس هتقول عنك اى دة غير انى هتوصى بيكى وهحكى كل اعرفة وهحكى الى قولتية والى ماقولتيهوش اتلمى يا هدير واعدلى نفسك واعدلى كلامك واياكى اسمعك بتتكلمى على عصام تانى وقامت سابتنى ومشت القصة تأليف:- هويام شعيب … انا خفت منها ومبقتش عارفه اعمل اى نزل عصام يوصلها مسكت التليفون وبعت مسدج ع الواتس لمحمد .. .

محمد انت هنا فى حاجات غريبة بتحصل معايا محتاجة مساعدتك هويام بتضايقنى وبابا وسمر مش هيعرفوا يتصرفوا معاه رد عليا محمد هدير لو سمحتى انتى على زمة راجل دلوقتى مينفعش تكلمينى حلى مشاكلك مع زوجك ومع نفسك اتحرجت جدا من ردة وحسيت كانى اتكبست ديما محمد كانت علاقتهم كويسة معايا وكان اقربلى من عصام قبل م عصام يعترف لي بحبة ليا ومن ساعة ما اتخطبنا بطل يكلمنى ودلوقتى بيعاملنى بقلة ذوق .. قعدت اعيط لحد مرحت بسابع نومة .

صحيت على صوت هبد برة قمت مفجوعه و طلعت اجرى اشوف فى اى النور قطع ولقيت الشبابيك والبيبان بتوع الشقة كلهم فضلوا يفتحوا ويقفلو وتبدو فى بعض بصوت عالى وسمعت كل الاطباق بتاعة النيش والكوبايات بتقع على الارض بتتكسر وكل الحلل والمعالق والاطباق الى بالمطبخ بتتكسر والارض تحتى اتملت حشرات حساها بتمشى على رجلى وطالعة على جسمى فعدت اجرى واتخبط فى الحيطان والعفش واصرخ وادور على باب الشقة عشان اطلع مش عارفة الاقية الشقة جديدة ومش حفظت الطريق ازاى فى الضلمة لحظة كل دة سكت لقيتنى فى اوضة النوم و.

هما حوالينا بكل مكان وبيحبوا يظهروا ويعبثوا معانا عشان يثبتوا وجودهم ويقولوا احنا هنا بس هيسمحولنا نقرب منهم لحد معين لا اكتر ولا اقل فلازم تحترموا المسافة الى هما حاطينها بينا وبينهم ومنحاولش نتخطاها ولو بنص الطريق حسيت انهم مش عاوزينك تقربك اكتر يبقى لازم متكملش وترجع عشان لو قربت اكتر هتتاذى بلاش فضولك يعميك عن الحقيقة لولا بشاعتهم مكنش ربنا خلانا منشوفهمش مكنش ربنا حط بينا وبينهم حواجز بالرغم من انهم جزء من يومنا من بيتنا .

ممكن نكون بنتعامل معاهم بنلمسهم بس من غير منكون عارفين اكيد بعدنا عنهم لحكمة ما القصة دى فتحت ابواب لجدل كبير وناس كتير قالو عليها كومنتات غريبة اثناء القرائة زى النور قطع فجأة التليفون مبيهنجش غير لما افتح القصة زى بندور على اسمك ع الفيس مش بنلاقية زى الحروف ملخبطة وبالنسبالى انا قلبى جامد ومش بخاف لانى بينى وبينهم معاهدة انى متخطاش الحدود الى هما حطينهالى يمكن المرادى كنت هكسر المعاهد فحاولوا يمنعونى اكتب لكنى مش هستسلم بس واجبى انبهكم لسة فى فرصة للتراجع لكن بعد قراية السطور الجاية هتصبحوا جزء من حكايتى ومعدش ينفع تهربوا ابواب الهروب كلها هتتقفل مش هيبقى فى غير الاستسلام والسير بالطريق مهما كانت نهايتة ومهما شوفتوا فية ولكن اذا انقطعت اخبارى يوما تذكرونى …

خدت تليفون عصام لما نام وبدات ادور ع الريكوردات لقيته طول الطريق مش عامل غير مكالمة واحدة كانت لاختة هويام اول ما ردت قعد يصرخ فى وشها بطريقة غريبة انا مش قادر اعيش كدة انا تعبان انا مش عينفع اكمل حياتى بشخصية حد وباسم حد انتى مش متخيلة انا حاسس باية مراتى فى حضنى بس هى مفكرة انها مع حد تانى هدير اتجوزت عصام بقلبها ومحمد بجسمها مراتى متخيلانى واحد تانى مراتى بتحبنى ع انى واحد تانى مراتى … راحت صرخت هويام فى وشة ااييييية رجعنا تانى لوجع الدماغ دة مش انت السبب انت الى النار كلت قلبك لما عرفت ان عصام بيفكر ف هدير وبيحبها وعاوز يخطبها ولا انا انت الى نزلت من ايطاليا فى السر تعيطلى عنا ولا انا انت الى جيتلى وكل شر وغل من عصام وقلتلى لو وصلت انى اقتلو هقتلوا .

رد محمد (الى عامل نفسة عصام )عليها وهو معنى انى اتعصب والشيطان يسيطر عليا واقول كدة وقت عصبية انى كنت هعمل كدة انتى السبب على فكرة انتى الشيطان انتى السبب مقولتلك هحاول مع هدير قعدتى تقوليلى الوقت اتاخر الوقت اتاخر اخوك فكر فيها والناس كلها عرفت كنت هتروح تخطفها منة والحل انك تزيحة من طريقك مش كدة يا هويام انتى الى خطتى ورتبتى واستغليتى غضبى وعصبيتى وكرهك لعصام عشان مش بيكلم جوزك ومكنش راضى ع الجوازة دى وانتى السبب انة يقاطغنى ويقاطعك السنين دى كلها عشان انا وقفت معاكى لا واوعى تنسى انك ساومتينى على نص فلوسى وميراثى مقابل انك تجوزينى هدير وتخلصينى من عصام انتى صاحبة فكرة انقلك نص املاكى والنص التانى انقلة باسم عصام واعيش باسمة انا مش قادر يا هويام انا تعبان انا كل حياتى كدب على هدير اصلا شرعا معرفش هى تجوزلى وهى متجوزانى على انى شخص تانى انا مش عارف اعيش حياتى باظت خالص دة غير انى بحس بروح عصام حواليا كل يوم احلم بية بيقتلنى زى ما قتلتة كل يوم انا واصحى مفجوع شايف حد بيزقنى جوة قبل وانا صاحى لسة فيا الروح بحس بالوجع والالم والخيانة فى قلبى كان انا الى حصل فيا كدة مش عصام انا مش هقدر ادخل بيتك تانى ولا اقرب من البلد الى انا قاتل اخويا فيها ودافنة حى انا قايل لهدير انى عندى كنسر وهموت انا بفكر اموت نفسى واخلص انا تعبت تعبت انا هموت وراح قفل.. 

ولقيت هدير رنالة كتير يجى 20 مرة الصراحة انا اتصدمت صدمة عمرى ومبقتش عارفة اعمل اى معقول الى سمعته معقول دة بجد معقول مش وهم زى كل مرة انا مش عارفة اعمل اى كل الى طالع عليا هو فى اى هو اى الى بيحصل فى اى … 

حسيت حد حضنى من ضهرى بس جسمة بارد اوووووى مع اننا بعز الصيف فضل حاضنى جامد وانا واقفة متمسمرة مكانى مش عارفة اتحرك كان جاتلى حالة الجاثوم سامعة وشايفة بس مش قادرة اتحرك بدات اسمع صوت من الشى الى حاضنى بيكرر كلمات مش مفهومة وكل دة بلحظات اختفى وققعت بالارض مقدرتش اقف على رجلى من هول الموقف وفضلت اعيط خفت محمد يحس بحاجة مضمنش يعمل فيا اى دى تصرفات شخص غير سوى دخلت اوضة الاطفال وقعدت اعيط وافكر هعمل اى وهنتقم ازاى من هويام ومحمد وكان الشيطان كان واقف بضهرى وادانى الفكرة والعقاب الى يستحقوة الحيوانات دول ..

مسكت موبايلى وبعت مسدج لمحمد الى المفروض انا عارفة انة مسافرة بدات ابعت رسايل من نوع عامل اى وحشتني وبدات اتصور وابعتله وبنفس الوقت بدات اتجنب عصام ال عايش معايا بالبيت بقيت اقعد ف اوضة وهو يقعد فى اوضة وانا ابعتلة رسايل على خط محمد فيها وحشتنى وكل ما ازود الجرعة محمد يستجيب اكتر لدرجة انة بقى يجى من الشغل ياكل بسرعة ويقولى داخل انام عشان يدينى فرصة اقعد اكلمة ع انة محمد كان حابل يحس انى حياة عانة محمد عوزاه ع انة محمد مش عصام بدأت العلاقات بنا تطور بالرسايل والصبح بقى تقريبا ينزل ميرحش الشغل ويروح فندق او شقة تانية معرفش فين بس بيروح بيت عشان يفتحلى فديو كول .

ونفضل نحب بعض على انى هدير بتحب اخو جوزها محمد وبتخون عصام ولان محمد مش سوى مخدش ف ايدى اسبوه بقيت افتحله فديو كول والبس لبس مغرى واافور معاه بالكلام عشان يثق فيا وانى فعلا حباة هو وكارهه عصام وبخونة مع اخوة ومستنياه يموت بفارغ الصبر بقى يرجع محمد البيت يتجنبنى نهائى وبقيت اعاملة وحش عشان اسبك الحوار فنتخانق وكل واحد يدخل اوضة ونفضل نتكلم انا وهو على اننا محمد اخو جوزى وانا هدير الخاينة مر شهر على الوضع دة لحد م محمد استوى على الاخر رحت قلتة انى مش قادرة اعيش مع عصام انا قلبى وعقلى معاك انا مش عارفة اعمل اى وعصام قرب يموت وانا مستحملاه لحد ما يموت وعوزاك انت عوزاك تاخدنى اعيش معاك اتصرف يا محمد يا امة هموت نفسى قالى هتصرف هتصرف ماتقلقيش قلتله هتعمل اى قالى هتصرف … 

انا مكونتش عارفه ناوى يعمل اى الصراحة خصوصا انى بدات احطلة فى الاكل دوا من الى بيعمل هلاوس زى مكان بيعمل معايا قبل الفرح عشان محسش انة مش عصام وانة محمد عدى اسبوع والوضع زى ما هو لحد ما مرة كنا بنتكلم فديو كول استغربت اى دة انت بمصر قالى اه عصام فين قلتله بالشغل قالى انا جايلك الشقة حالا قلتلة جاى تعمل اى ماينفعش لو عصام جة هتبقى فضيحة فالى مش هيجى وماتقلقيش بدات الخطة تبوظ منى مش عارفة الخطوة الجاية اى .. دخل عليا محمد بطقم غير الى نزل بية الصبح وغير قصة شعرة ومعاه شنطة فيها هدوم قال يعنى لسة جاى من السفر دخل عليا حضنى جامد وقالى مش متخيل ان جة اليوم الى تبقى فية بحضنى فكرت بسرعة وقعدت اعيط واقولة شوفلى حل خدنى معاك هموت نفسى لو مخدتنيش معاك انا مش قادرة ابعد عنك معقول انت جنبى ماتسيبنيش تانى انا فكرت اقتل عصام واقول انة مات بالكانسر ومحدش هيدوى ورايا بقى مهو مريض كانسر او اقتلة واهرب معاك انا عوزاة يموت انت مش متخيل اد اى انا بتمنالة يموت حتى لو هقتلة انا بموت كل مشوفة ويقرب منى انا عوزاك انت ساعدنى يا محمد خلصنى من حياتى السودة والا هقتل نفسى محمد ورحت استسلمتلة ك محمد اخو جوزى لحد متاكد تماما انى خاينة حقيرة عندى استعداد اعمل اى حاجة اقتل عصام اخونة المهم اوصل لقرب محمد وانة اهم حاجة عندى بالدنيا راح اعترف محمد بكل حاااااااجة 

هدير انتى بتحبينى وعرفتى نار الحب ممكن توصلى لاية هدير انا لازم اعترفلك بحاجة … 
انا لما عرفت انك هتتخطبى لعصام جن جنونى وحاولت انتحر ولكنهم انقذونى وادمنت وبقيت اشرب واسكر عشان انساكى مقدرتش نزلت مصر رحت لوهويام وحكيتلها هويام كانت بتكره عصام من زمان لانة مقاطع جوزها واتخانقوا مع بعض زمان دة غير انة عرف خيانة هويام لجوزها وصورها مع عشقها وهددها يا تطلق وتعيش حياة محترمة يا هيبلغ جوزها دة حصل قبل منزل مصر بيومين فلما نزلت مصر ورحتلها منهار وكنت هموت نفسى قدامها ضربت عصفورين بحجر قالتلى هنقتل عصام ونزيحة من طريقنا عشان توصل لهدير وانا ارتاح من تهديدة ليا مشوفتش قدامى مكونتش فى واعي معرفش عملت كدة ازاى هويام استغلت الموقف صح ال3 ايام الى اختفى فيهم عصام كنت بحاول الم اعصابى عشان اظهر فى حياتك تانى ع انى عصام و متحسيش بحاجة ولما لقيناكى بداتى تحسى سرعنا الجواز واديناكى حبوب هلاوس 

قلتلة يعنى محدش يعرف ان عصام مين غيرنا صح كلهم مفكرينك عصام ومحمد كدة كدة مسافر ومش بينزل قالى بالظبط قلتلة طيب وفلوس واملاك محمد قالى هويام ساومتنى على نصها مقابل انها تدفن جثة عصام عندها والنص التانى كتبتة باسم عصام عشان اصرف منة هنا بمصر براحتى قلتله طيب والعمل انا عاوزة اعيش معاك على انك محمد اكيد فى حل قالى خلينا نفكر لحد منلاقى طريقة قلتله انشالله نهرب سوا عدت ايام وانا بعامل محمد بكل حب وكانة عندى بعد ربنا وبعد اسبوع قلتلة انى حامل وفعلا كنت حامل وكان لازم احسم الامر واشوف ابنى او بنتى هيتكتب باسم محمد ولا عصام كفاية حياتى انا باظت واتلخبطت مش عاوزة ابنى او بنتى يعيشوا العك دة وقلت لمحمد ان لازم ترجع الفلوس الى خدتها هويام عشان دى حق ابنى مش حقها قالى هنعمل اى قلتله الصبح هنروحلها ونعرفها انى عرفت ونهددها هنبلغ عن وجود جثة مدفونة فى البيت عندها وانها قتلة اخوها محمد لو متنزلتش عن الفلوس الى خدتها وانها لازم تتنازل ع الفلوس باسمى انا وانت تتنازل عن الفلوس باسمى انا لحد ما اطلق رسمى من عصام قدام الناس او نقول انة مات وندفع كم الف لكذا حد وكلة بيتحل بالفلوس وبعدها نسيب البلد انا وانت واحولك الفلوس ونتجوز على انى هدير وانت محمد وابننا يتسجل ع اسمك محمد اقتنع بالفكرة جدا وتانى يوم رحنا عند هويام ومعانا محامى وبالزعيق والتهديد بالقتل والفضحية ووووو اتنازلتلى عن كل الى خدتة من محمد وتانى يوم محمد اتنازلى عن كل حاجة يملكها بشكل رسمى وبقت كل الفلوس والاملاك قانونيا بتاعتى .

روحت البيت اعصابى تعبانة معرفش اى الى انا بعملة دى واخرتة اى دخلت الحمام وقعدت اعيط عشان محمد مايشوفنيش ظهرتلى روح عصام قرب منى كنت باللحظة دى متاكدة انة عصام مش شبح مش عفريت دى روح عصام البريئة المظلومة دة عصام حبيبى قرب منى وحط ايدة على بطنى وضغط جاااااامد كانة بيقولى اناى شايلة جواكى روح شيطان ابن شيطان وخالتة شيطانة مش بنى ادمين وبعدين بصلى وابتسم كانة بيقولى شكرا خدتى حقى واختفى قعدت اعيط اعيط بصوت غصب عنى محمد سمعنى جة خبط ع الباب وفتح ودخل قالى مالك قلتلة مغص تعبانة اعصابى تعبت لازم كل دة يتحل بسرعة …

الشيطان اتدخل وساعدنى قلت لمحمد احجز تذكرة سفر مستعجل لايطاليا وبكرة هتسافر الصبح وانهاردة هنقول ان عصام مات هتيجى تقعد تتغدى وبنص الاكل هتعمل نفسك موت ساعتها هصوت والم العمارة وهنجيب دكتور هظبطة فلوس يكشف عليك ويطلع يقول البقاء لله مات الكانسر قضى علية وتهرب بالليل الصبح تسافر ايطاليا وانا بالفلوس هطلع تصريح الدفن وكل التفاصيل واسبوع واكون عندك عاوزاك تحضر احلى اوضة للبيبى هناك عوزاها تمشى بنت وتمشى ولد عشان احنا لسه منعرفش وعملتة غسيل مخ كامل … 

فعلا محمد قعد ياكل وبنص الاكل وقع ميت على الترابيزة بس مات بجد لانى حطيتلة سم فى الاكل فعلا وقتلتة واتلمموا الناس والاسعاف والتقرير طلع انة تسمم ادى للوفاة وانة مكنش عندة كانسر طبعا انكرت انى انا الى حطيت السم وبعد ما دوروا علية لقو يواقى للسم فى جراب تليفون عصام خدوة النيابة وفرغو المكالمات الى على الجهاز بتاعة لقوا تسجيل بينة وبين هويام طبعا كنت مسحت كل التسجيلات والتفاصيل الى بينى وبين عصام ملقوش غير تسجيل بين هويام ومحمد بيعترف فية انة قتل عصام هو وهويام وانهم ضاحكين عليا وانه قرر ينتحر ومش مستحمل … 

راحوا قبضوا على هويام ولقوا جثة عصام مدفونة بالبيت عندها فى البلد واتقفلت قضية محمد على انة انتحار 
وبكدة اكون انتقمت لعصام حبيبى من هويام ومحمد …

رحت سقط نفسى لان الطفل الى فى بطنى معرفلوش اب معرف ابن عصام ولا ابن محمد انا متجوزة عصام بس هو ابن محمد وبكدة هيبقى ابن مش شرعى محبتش حياتى تكمل بالعك دة وقررت مغلطش تانى فى حياتى واكيد ربنا هيسامحنى لانى اتضحك عليا وقتلوا حبيبى وجوزونى واحد مش جوزى كانى كنت بعمل حاجة حرام اعصابى تعبت ورحت للدركتور النفسى وبدات جلسات علاج تانى عشان اعرف ارجع اعيش حياتى طبيعية تانى وبعد سنة من العلاج اكتشفت .

ان عمر م الى بيتكسر بيتصلح انا مبقتش هدير الغليانة الطيبة البريئة حياتى كلها اتغيرت انا اتغيرت استحالة اعرف احط راسى على المخدة وانام مرتاحة تانى حياتى بقت كلها كوابيس مش بنام غير بمنوم روح محمد وعصام وهويام حواليا نسيت اقولكم هويام خدت اعدام … معدش فى حاجة المفروض تقلقنى ولا تشيلنى الهم بس السنة ونص الى فاتوا كبرونى 100 سنة بس ديما هفضل خايفة انا قالتلة ايدى متغرقة بالدم الشيطان بقى رفيق دربى وزى ماسيطر عليا مرة هيسيطر عليا 1000 مافيش رجوع الحاجة الوخيدة الى بتصبرني انى ماذتش غير المؤذى شايفة نفسى حققت عدالة السماء فى الارض ودة حق هويام ومحمد القصاص ولكن هل ربنا هيسامحنى هل هقدر انسى واغمض عينى بيوم من غير منوم ولا كوابيس ……. 

عص .. عص… عصام اى دة فى اى 
بصوت مرعب هز جدار البيت وهزني ورجنى من جوة … 
انا محمد الى قتلتينى روحى هتفضل تعذبك لحد ما تموتى بدا يقرب منى الشيطان المرعب الى بيتكلم بصوت محمد محستش بنفسى فضلت ارجع بظهرى ارجع بظهري وانا خايفة ومفجوعه وقعت من البلكونة …. 
دى النهاية العادلة من قتل يقتل ولو بعد حين 
تمت بحمد الله

بواسطة
هويام شعيب
المصدر
متابعات
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

مقالات ذات صلة

اترك رد

زر الذهاب إلى الأعلى
إغلاق
إغلاق