قصص وروايات

قصة الشيطانة (كاملة)

بالعربي / انا سلمي ربة منزل متزوجة من ٣٠ سنة وقعدت حوالي ١٥ سنه وربنا مرزقنيش بأطفال المشكلة عندي انا بسبب ضعف في التبويض مخلتش دكتور مرتحتلوش ولا وصفة معملتهاش ومفيش فايدة .

لحد ما ستات جيراني دلوني على رجل اكذب عليكم لو قلت عليه شيخ لا دا ساحر ومشعوذ بس بيقدر يعمل اي حاجة و ينفذ اي طلب مهما كانت صعوبته ودا عن تجربه من الستات اللي راحت له واجبر بخاطرهم المهم رحتله انا وواحدة جارتي كانت ليها مصلحة عنده وقضاها حاجة شبه حاجتي كدا.

بس كانت لمرات ابنها وبصراحة رحتله من ورا جوزي لانه لو كان عرف كان يبهدلني ومش بعيد يطلقني لانه راجل بتاع ربنا وحافظ كتاب الله وعارف ان المراوح عند الناس دي معصية كبيرة اوي بس انا اعمل ايه .. انا هموت واجيب حتة عيل يملي علينا البيت و مقداميش غير الراجل ده ولما رحت عند سيد الفاجر ..

متستغربوش هو اسمه كدا الناس طلعت عليه اللقب ده عشان كان فعلا فاجر ويقدر يعمل اي حاجة ولما قعدت قدامه بصيلي بعنيه الحمراء وكأنها دم أحمر داكن وقالي عايزة تحملي يا سلمي ؟!! انا استغربت عرف منين بس قلت لنفسي دا ساحر واكيد عارف انا جاية ليه ..

قلتله وانا الخوف هيموتني من المنظر اللي انا شايفاه صور بشعة في كل مكان وريحة البخور كانت هتخنقني .. ايوه انا نفسي احمل واخلف زي كل ست .. نفسي في عيل اشيله علي ايدي ويكبر يوم ورا يوم قدامي ويقلي يا ماما ويملي علينا حياتنا انا وابوه ..

راح قالي بصوته الغليظ هتحملي بس في بنت .. انا مسألتش ساعتها اشمعني بنت لان بصراحة كل همي اني احمل وخلاص ولد او بنت متفرقش فقلتله عادي المهم ربنا يرزقني بالخلفة وخلاص .. راح تضحك بصوت عالي وقال خلاص يا سلمى عدي تسع شهور بالكمال والتمام وهتشيلي علي ايديكي بنتك ضلام ..

انا استغربت من الاسم .. ضلام !!! يعني ايه ضلام ؟!! فقالي اسمها ظلام وعلى ايديها عتاب وملام وعذاب كتير وآلام … انا اتخضيت وقلت له يعني ايه مش فاهمة ؟!!

قالي مش لازم تفهمي ما دام لازم تحملي ولاني ست جاهله وتعليمي علي ادي وكمان شوقي ولهفتي علي حتة عيل خلوني ماخدش وأعيد في كلامي فرح مديني ورقة فيها كلام مكتوب وقالي استحمى بيها قبل الجماع بيومين وتعالى كمان شهرين ..

انا اخدت الورقة وعملت اللي قالي عليه بالظبط وبعد شهرين رحت له زي ما قال فقال لي مبروك انتي حامل في شهرين في بنت اسمها نيفين ومفيش في طباعها اتنين بس عشان حملك يثبت..

مطلوب منك طلبين .. انا طرت من الفرحة وقلت له ايه هما الطالبين وانا هنفذ هم علطول .. راح طلب من اعمل اعمل حاجتين استحالة كنت اتوقع انهم يطلبوا مني دول ضد أخلاقي وديني ……
ايه هما الطالبين ؟؟ ويا تري سلمي ينفذهم ولا لا ؟؟

قصة الشيطانة الجزء الثاني

المصدر
متابعات
الوسوم

اترك رد

زر الذهاب إلى الأعلى
إغلاق
إغلاق