قصص وروايات

صفقة زواج بعد موت زوجي (كاملة)

بعد موت جوزى وبعدها موت بابا اللي مكنش ليا غيره لقيت والدة جوزي الله يرحمه

بالعربي – بعد موت جوزى وبعدها موت بابا اللي مكنش ليا غيره لقيت والدة جوزي الله يرحمه بتقولي انها عايزة تجوزني ابنها الصغير.

هو اكبر مني بسنتين وانا لسة 24 وهي قالت انها مش عاوزة البنت تتربي بعيد قولتلها انا ممكن اعيش معاكوا وبنتي تتربى وسطكم من غير جواز قالت لا لازم تتجوزي مش هتقعدي عمرك كله كده انتي لسة صغيرة حلفت له اني والله مش هتجوز وهعيش لبنتي وبس .

وهي مصرة تجوزني ابنها وهو اصلا بيحب بنت وناوي يتجوزها اتكلمنا مع بعض قالي هما كل اللي خايفين منه انك تتجوزي خلاص خلينا نريحهم نفسيا ونتجوز ويبقى مجرد جواز ع ورق .

وقالي افهم البنت اللي بيحبها الوضع وهو عادي يجهز نفسه ويتجوزها زي ما كان عاوز.اترددت ف الاول انا ليه احبس نفسي الحبسة دي بس انا كنت لوحدي ومحتاجة جدا لسند وعيلة واحد ياخد باله من بنتي.

فضلت انا بالنسباله مرات اخوه وهو اخويا لكن حبيبته دايما كانت بتعمل مشاكل وبتغير وكان يخليني اكلمها عشان ابررها وهي معاها حق تضايق وخاصة انه بيصرف علينا مع اني بشتغل وبرفض دايما انه يديني فلوس وهو بيروح يشتري حاجات كل أسبوع.

ويدي للبنت فلوس ف السر وبعمل معاه خناقات كتير لانه بحاجة لكل قرش عشان جوازه وهو يقول انا بصرف ع بنت اخويا انتي مالكيش دعوة.

كنت بحس بالذنب جدا ناحيته واني معطلة جوازاتهم وبعدين مع الوقت علاقته بيها بدأت تتعقد ولما بسأله عنها يقولي انا مليت منها خليها تغور حاولت اقنعه انه يصالحها وان هي معاها حق مش اهتم بكلامي وبقا يسألني عن علاقتي باخوه الله يرحمه وقالي اخويا كان محظوظ جدا انك ف حياته انتي ضحكتك لوحديها بتدي طاقة ايجابية و تخلي الواحد ينسى كل همومه..

اخدت الكلام انه عادي جدا بس مع الوقت بدات احس انه مش عادي اهتمامه بقا زيادة عن اللزوم نظراته مبقتش زي الاول بس كنت بكدب نفسي لغاية ما اتفاجئت بيه وهو بيقولي

هو احنا ليه مينفعش يبقي جوازنا طبيعي ؟! قولتله طبيعي ازاي يعني قرب مني وقال طبيعي يعني زي اي اتنين متجوزين وبقا يحاول يمسكني أنا زقيته وقلتله ده مش اتفاقنا وبكيت وقلت أنه عاوز يقضي معايا وقت وخلاص جوازة سهلة ليه.

ميستغلش ده قولت كلام غبي وهو قال انا مش عارف دي نظرتك ليا ولا دي نظرتك لنفسك انك مينفعش تحبي واخرك يتقضي معاكي وقت وخلاص..

ومشي ومشوفتش وشه من أسبوع.. انا مكنتش عاوزة ده يحصل احساسي ناحيته انه اخو جوزي متغيرش ازاى ابقى ف حضن واحد مش عارفة اشوفه غير اخويا !!.. الوضع بقى غلط وعاوزة اطلق بس مش هيسيبو لي البنت لأني لوحدي واهله مش هيسمحوا انها تتربي مع ام وحيدة ولا يسمحوا انها تتربى مع راجل غريب !

الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق