قصص وروايات

رواية اختي باعتني للشيطان (الجزء السابع عشر)

متولي يعود الي وعيه فيجد حوله رجالة وطبيب وممرضة
متولي .. ايه ؟! انا فين ؟!!
الطبيب .. متقلقش انت هنا في المستشفى

متولي .. في المستشفى !! هي عملت فيا ايه بنت اللذين ؟!! ثم يرفع الغطاء ليطمئن علي اسفله ..
متولي.. الحمد لله انا كويس !! مش انا كويس برضوا ولا انا متهيئلي ؟!! هو انا كويس ياض يا صبحي
صبحي .. انت زي الفل يا باشا
متولي.. ياض بص بعينك واتأكد معايا
صبحي يرفع الغطاء وينظر اسفلة
صبحي .. عليا النعمة انت ميه ميه

متولي.. ياض اتأكد كويس متجاملنيش
صبحي يتعجب.. حاضر !! ثم يدخل يده اسفل الغطاء ويضغط بقوه ومتولي يتألم
متولي .. اه .. يخرب بيتك !! انت ايه اللي عملته ده يا حيوان ؟!!
صبحي .. عشان تطمن ياباشا انك زي الفل
متولي .. خلاص اطمنت يا سيدي .. اها ثم يصفعه بالقلم
صبحي .. ليه كدا بس يا باشا ؟!! مش انت اللي قلتلي اتأكد بذمة !!

متولي .. انا مش علي كدا يا حيوان .. انتوا ازاي يا طور انت وهو حتة بت مفعوصة تغافلكم وتحط السكينة علي رقبتي وتقلي انت مرة
صبحي .. بت مين يا باشا ؟!! احنا مشفناش بنات خالص !! انت اللي فضلت تقول الحقوني هتموتني .. هيدبحوني وفجأة طبيت ساكت ع الارض
متولي .. يعني انتوا مشوفتيش البت وهي عريانه وماسكة سكينة وكمان حطيتها علي رقبتي ؟!!
صبحي .. يا باشا شكلك تقلت في الشرب حبتين فقلب معاك بتهيأت
متولي .. تهيآت !!! غريبة ؟!!

ونعود الي ثريا التي تجلس في شقتها مع الشيخ سرحان ويبدوا انها في حالة من القلق والخوف الشديدين وقد استدعت نجارا ليضع عدة ترابيس علي باب الشقة
النجار .. تمام كدا يا ست الكل ولا نحط ترباس تاني ؟!!
ثريا .. انت حطيت كام ترباس لحد دلوقتي ؟
النجار .. انا ركبت ١٠ ترابيس!!

ثريا .. حط اتنين كمان
سرحان .. ما كفاية كده يا ثريا !! ايه الترابيس دي كلها دا لو بنك مش هيعمل كدا؟!!
ثريا .. انا عايزاك تسكت خالص متتكلمش .. انت السبب في دا كله .. انت مشوفتش منظرها وهي قاعدة قدامي هنا عريانه وعنيها حمرا زي الدم ماسكة سكينة ولما جيت اهرب لقيت الباب اتربس لوحدة .. وكمان مسمعتهاش وهي بتقولي انا هخليكي تتمني الموت ومش هتلاقيه .. اول مرة اشوف اسماء بالمنظر ده !! ياه علي كمية الشر اللي كانت في عينيها وهي بتكلمني .. قلي هي فعلا اتلبست ؟!!
سرحان .. مش عارف !!

ثريا .. يعني ايه مش عارف ؟؟!! امال مخاوي ازاي!! .. اسأل الجن اللي انت مخاويه وهو يقلك
سرحان .. سألت الجني واستخدمت كل امكانيانتي في السحر عشان اعرف ايه اللي حصل بالظبط .. لكن معرفتش اوصل لحاجة .. الجن معندوش امر بالكلام .. دا بينتفض لما بجيب سيرتها
ثريا .. جني وبيتنفض !! امال انا اعمل ايه ؟!! انت مشوفتنيش وانا الدم نازل مني زي ما يكون شلال ؟!! انا مش عرفة هي عملت ايه فيا بالظبط ؟!!

سرحان .. ودناكي المستشفى ومطلعش فيكي حاجة !! .. وبعدين ممكن يكون بيتهيآلك انها جت هنا وكلمتك
ثريا .. انت مبتفهمش يا بني آدم .. بقلك كانت هنا وناويالي ع الشر وانت مش شفت الدم بنفسك
سرحان .. المصيبة اني شفت بعيني الدم اللي كان مغرقك انا فكرتك اتقتلتي!!

ثريا .. والعمل ايه قلي ؟!! مش انت اللي قلت ان اسماء هي اللي طالبها الجن عشان توصل للكنز وبعد كدا رجعت قلتلي ان متولي هو المطلوب دلوقتي وقعدت تزن علي وداني اني اجاريه عشان يتجوزني واخليه يكتبلي كل املاكه وبعد كدا نقتله ونطلع الكنز ونبقي من اصحاب الملايين !! دا لو متولي عرف ان اتفقت معاك عليه هيقطعني حتت ويرميني لكلاب السكك

سرحان .. يعني انا لما قلتلك كدا مش عشان عايز مصلحتك ؟!!
ثريا .. انت ميهمكش غير مصلحتك وبس .. انا مبقتش عرفة انام انا حاسة ان اسماء هنا معايا وسامعة كل كلمة بقلها .. انا مبقتش انام لا ليل ولا نهار يا سرحان .. انا كان مالي بس ومال اللعبة دي اللي انا مش ادها .. خلصني من الكابوس اللي انا عايشة فيه يا سرحان الا وديني اروح اقول لمتولي علي كل حاجة عشان يقتلني واخلص وساعتها مش هيقتلني لوحدي .. فاهم ؟!!

سرحان .. خلاص اسكتي .. انا هخلصك من الكابوس ده في ظرف يومين ولما تشوفي بعنيكي الاثار وهي بتطلع من تحت الارض والملايين بتتفرش قدامك .. هتنسي ساعتها انك شفتي كابوس من أساسه .. مش عايزك تردي علي مخلوق .. فاهمه ؟؟ سلام
وينصرف سرحان وتغلق ثريا الباب خلفة بالترابيس وتضئ جميع انوار المنزل وتظل في حيرة وقلق .. ثم يذهب متولي الي والد بسبوسة ويبدوا عليه الاسي والحزن والرغبة في الانتقام ثم يقول له المشعوذ
المشعوذ .. اتأكدت ؟!!

متولي يهز رأسة بنعم
المشعوذ .. وناوي علي ايه ؟؟
متولي .. هعمل كل اللي هتقول عليه .. بس مش عاوز اموت غدر
المشعوذ .. دا انت مش هتموت وبس .. لا يا متولي انت كمان هتطلع الكنز اللي تحت ارضك .. كنز ولا كنز قارون .. حتي شوف

ثم يكشف له الطالع فيري كنز كبير من الاثار الفرعونية
متولي .. يابوي !! كل دي اثار في بطن ارضي ؟!!
المشعوذ .. صدقت اني علي حق ؟!!واني عايز مصلحتك ؟!!
متولي .. اامرني يا مولانا وانا هنفذ علطول ؟!!

المشعوذ.. اسمع يا متولي وركز معايا .. لو فعلا نفسك تغير النهاية …..
ماذا طلب منه المشعوذ وماذا حدث بعد ذلك تابعوني بالبارت الثامن العشر

بواسطة
بقلم الكاتب محمد مالك
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق