قصص وروايات

رواية اختي باعتني للشيطان (الجزء الخامس عشر)

بسبوسة تأخذ متولي وتذهب به الي مكان مرعب جدا رسومات وماسكات وجوه مرعبة على الحوائط وفي كل مكان .. كثافة دخان البخور تملأ أرجاء المكان .. متولي يصاب بالذعر والخوف الشديد
متولي .. ايه المكان اللي جايبني فيه ده يا بسبوسة ؟!! دا مرعب اوي بتفكرني بفيلم يانا يا خالتي .. اوعي في الاخر ابوكي يطلع الخالة نوسة ؟!!

بسبوسة .. اهو حاجة شبه كدا .. ادخل وانت تتعرف عليه بنفسك .. ادخل يا متولي متخفش
متولي يدخل الي الحجرة فيجد رجل عجوز ذو لحية كثيفة بيضاء وشعر ابيض كثيف وحواجب بيضاء كثيفة ثم يقول له ..
المشعوذ .. تعالي يا متولي يا ابن نبويه الدلالة
متولي يتعجب .. دا عارف اسم امي كمان !! باين عليه سرة باتع ؟!!

ثم يدنو منه بخوف وحذر ويجلس بجوارة
متولي .. مساء الفل يا سيدنا
المشعوذ .. مساء الهلاك والدمار اللي مستنينك يا متولي
متولي .. هلاك ودمار !! ليه البداية الغم دي يا مولانا ؟!! دا احنا لسة بنقول يا هادي
المشعوذ .. دا اللي مكتوب في الطالع بتاعك يا متولي وبالخط العريض
متولي .. ايه هو اللي مكتوب بالخط العريض عدم لامؤاخذة ؟!!

المشعوذ .. مكتوب هتموت بعد نقطتين .. جايز ساعتين او يومين او اسبوعين او شهرين او جايز سنتين
متولي يرتبك ويبتلع ريقه .. مين دا اللي هيموت يا عم الحج ؟!!
المشعوذ .. انت يا متولي ومش دا المقصود لأن الموت علينا فرض ومفروض
متولي .. امال انت تقصد ايه ؟!!
المشعوذ.. اقصد نهاية السوء اللي هتكون نهايتك يا مسكين
متولي .. ايه ؟!!

المشعوذ .. انت وقعت وسط اتنين ملاعين
متولي .. مين ده اللي ناويلي ع السوء يا مولانا ؟!! انطق قوام
المشعوذ .. ثريا وسرحان ..
متولي .. ايه ؟!! مش معقول انت اكيد بتخرف او باين عليك دجال
المشعوذ .. اسمع للأخر وبلاش تلاكيك .. حياتك في خطر والامر في ايديك
متولي .. من فضلك يا عم الشيخ اتكلم علطول انا اعصابي مش ناقصة
المشعوذ .. ثريا ومتولي ناوين ع الغدر بمجرد ما هيطلع الكنز هينتهي الامر
متولي .. امر مين ؟!!

المشعوذ .. امرك انت يا مسكين
متولي .. انا !! دا انا اقتلهم واشرب من دمهم الاتنين .. بس ازاي مع بعض متفقين وسرحان قال ان ثريا هي اللي هتكون قربان
المشعوذ .. انت القربان يا غلبان وفي ايدي انا لوحدي انجيك
متولي .. بس انا مش قادر اصدق دا لسة كان معايا في المستشفي وبيقولي اننا لو وصلت نخطف ثريا عشان باقي اقل من اسبوع ولو مدبحناش ثريا عمرنا ما هنوصل للكنز ابدا .. الجني حارس المقبرة قاله كدا
المشعوذ .. هههههه .. ملعوب كبير يا متولي والدليل ثريا في دلوقتي في البيت حتي شوف كدا .. ثم يكشف له الطالع
متولي .. دي قاعدة مع سرحان !!! دي المفروض في العناية المركزة !!

المشعوذ .. انت مش عايز تصدق ليه؟!! .. روح وشوف بعنيك عشان تتأكد .. وبعد ما تتأكد ارجعلي عشان لسة مشوارك طويل .. روح يا متولي.. روح يا غلبان
متولي عاضب بشدة ويذهب مسرعا الي المستشفي حيث ترقد ثريا ليفاجأ بصدمة
تابعوني فالاحداث تزداد تشويقا ومتعة

بواسطة
بقلم الكاتب محمد مالك
الوسوم

اترك رد

زر الذهاب إلى الأعلى
إغلاق
إغلاق