قصص وروايات

رواية اختي باعتني للشيطان (الجزء الرابع عشر)

اسماء تختفي في لحظة وثريا تصرخ وتستغيث ليسمعها الجيران والذين يهموا بنجدتها فيكسروا الباب ليجدوها وسط بركة من الدماء وشبه فاقدة للوعي وتقوم الإسعاف بنقلها الي المستشفى بعد جراحة استمرت ١٠ ساعات متواصلة يخرج الطبيب ليخبر متولي وسرحان اللذان ينتظران بالخارج في غاية القلق بما حدث لها
متولي.. خير يا دكتور .. ثريا مهجتي ايه اللي حصلها بالظبط ؟!!

الطبيب .. انا مش عارف اقول ايه ؟!! مصدوم وفي نفس الوقت محرج اتكلم
متولي .. لا يا باشا متحرجش مننا .. اعتبرنا اخواتك وعدم لا مؤاخذة ثريا دي خطيبتي .. هي ايه الحكاية يا دكتور وقعت قلبي ؟!!
الطبيب .. اعتداء وحشي عليها .. ومن الاخر ربنا يلطف بيها .. هو مين المجرم اللي عمل فيها كدا ؟!! انتوا مسكتوه ؟!!

متولي .. عليا النعمه انا ما فاهم حاجة !! اتكلم علطول يا دكتور وبلاش الغاز .. هو ايه اللي حصل ل ثريا بالظبط ؟!!
الطبيب .. للأسف تم تدمير الجهاز التناسلي ليها بالكامل !!
متولي.. يعني ايه ثريا مش هتعرف تاكل بعد كدا زينا ؟!! يا عيني عليكي يا ثريا يا حبيبتي
سرحان .. فعلا غبي !! بيقلك الجهاز التناسلي مش الهضمي !

متولي .. اها .. يعني مش هتعرف تتنفس طبيعي !! هتقضي عمرها ع التنفس الصناعي ؟!! يا عيني عليكي يا ثريا يا حبيبتي .. كان مخبيلك فين ياختي !!
الطبيب .. لا انت حاجة صعبة فعلا !! المهم هتفضل في العناية المركزة لمدة شهر ع الاقل وممنوع الزيارة اطلاقا بعد ازنكم
متولي.. شهر !! يخرب بيتك .. دا احنا قدامنا اقل من اسبوع .. وبعدين يا سرحان .. ايه العمل ؟!!
سرحان .. الجني غضبان جدا لو منفذناش ودبحنا البت دي خلال اسبوع مش هنعرف نوصل للمقبرة دي حتي لو عملنا ايه ؟!!

متولي .. طب دا بيقلك هتفضل شهر في العناية ؟!!
سرحان .. لو وصلت نخطفها .. فاهم ؟
متولي .. فاهم .. نشفلها صرفة .. سهلة .. بس نفسي اعرق مين ابن الحرام اللي عمل فيها كدا ؟!!
سرحان .. الله اعلم !! بس دا حد متغاظ منها اوي
متولي .. الا قلي .. يعني ايه الجهاز اللي بيقول عليه ده .. هو عندنا كلنا يعني !! ولا عند ثريا بس ؟!!

سرحان .. تعالي وانا اشرحلك يا ابو مخ تخين
وفي المساء يذهب متولي كعادته ليقضي سهرته بأحد الكباريهات وهناك عجبته فتاه جميلة رقيقة خطفت قلبه وعقلة من اول نظرة فاراد التعرف عليها طمعا منه قضاء وقت ممتع معها بمقابل مادي فجلست معه علي طربيزة واحدة
متولي .. ممكن اتعرف بالقمر ؟
بسبوسة .. اسمي بسبوسة
متولي .. الله .. محشية ولا سادة يا بسبوسة ؟!!
بسبوسة .. نعم ؟!!
متولي.. قصدي مرتبطة ولا عازبة ؟
بسبوسة .. لا سينجل
متولي .. اها .. ارملة يعني ؟!!

بسبوسة .. لا لسة مش مرتبطة
متولي .. حلو اوي
بسبوسة .. ايه هو اللي حلو اوي ؟!!
متولي .. حلو ان لسة محدش فكر ياكلك لحد دلوقتي هم
بسبوسة .. ههههه .. دمك خفيف يا …
متولي .. خدامك متولي .. رجل اعمال وصاحب توكيل ملابس حريمي مستوردة ومتزوج وعندي استعداد للخيانة في اي لحظة بسبوسة .. انت جرئ اوي ؟!!

متولي .. وجرآتي هي سر جمالي .. بصراحة انا معجب بيكي ونفسي اكل الصينية كلها
بسبوسة .. صينية ايه ؟!!
متولي .. صينية البسبوسة يا بسبوسة .. هههههه
بسبوسة .. باين عليك مبتضيعش وقت خالص ؟!! طب مش تستني نتعرف علي بعض الاول ؟!!
متولي .. ومالة خد وقتك يا جميل .. براحتك خالص
بسبوسة .. اها .. بس انا ماليش في الشمال .. اللي عايزني يدخل البيت من بابة ويطلبني من ابويا رسمي
متولي .. وماله غالي والطلب رخيص .. مع ان سكتي شمال بس نغيرها عشان خاطرك يا جميل .. هو عدم لا مؤاخذة بابا بيشتغل ايه ؟

بسبوسة .. بابا عراف .. بيطلع اثار وكدا
متولي .. بجد !! يا محاسن الصدف
بسبوسة .. احسن واحد يطلع اثار من تحت الارض .. اصله مخاوي جن سفلي
متولي .. اها .. اوعي يكون اسمه مهند ؟!!
بسبوسة .. ايه ده وانت عرفت منين ؟!!

متولي .. لا انا كنت بهرج
بسبوسة .. فعلا بابا مخاوي مهند .. الجني ده محدش يقدر يخاوية ابدا نمرود ومكار جدا يعتبر امير الجان والكل بيعمله حساب
متولي .. هتقوليلي .. عارف وبتاع نسوان كمان
بسبوسة .. لا مش معقول !! انت عرفت الحاجات دي ازاي ؟!!

متولي .. بقلك ايه انتي متأكدة ان ابوكي مخاوي جني اسمه مهند ؟!!
بسبوسة .. طبعا وياما ساعده انه يطلع اثار من تحت الارض حتي شوف الفيديو ده عشان تصدقني
متولي .. يا لهوي !! كل دي مقابر ابوكي طلعها ؟!!
بسبوسة .. والفضل يرجع ل مهند طبعا
متولي .. بينا دلوقتي علي ابوكي
بسبوسة .. ليه ؟!!

متولي .. عشان اطلب ايدك منه وبالمرة قاصدة في مصلحة .. انتي كنتي فين من زمان يا بسبوسة ؟!! بينا يا قمر
الأحداث ما زالت مشتعلة ومتولي هيقع في فخ كبير .. ايه اللي حصل … ؟؟
تابعوني بالبارت القادم ..

بواسطة
بقلم الكاتب محمد مالك
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق