قصص وروايات

رواية اختي باعتني للشيطان (الجزء العاشر)

وفي المساء يأتي متولي وسرحان وبصحبتهم ستة رجال اقوياء يبدوا عليهم مظاهر الشر
متولي ينظر الي اسماء وكانه يتوعدها بالسوء وهو حقا ينوي ذلك فقد قرأت ذلك في عينيه وازدادت رعبا بعدما رأت هؤلاء الرجال الستة

متولي .. اهي دي الحلوة اللي انا قلتلكم عليها .. يلا وروني جدعتنكم معاها
رجب ينزعج من هذا المنظر فيعترض
رجب .. عدم لا مؤاخذة هما ناويين تعملوا ايه معاها ؟!!

متولي .. ناوين يعملوا اللي انت معرفتش تعملوا يا فالح
رجب .. متولي باشا البنت دي غلبانه وانا رأيي سيبها تروح لحالها
متولي .. نعم ياروح امك !! ومن امتي الصبيان بيكون ليهم رأي ياض؟!! اركن علي جمب ياض خلي الرجالة تشوف شغلها خلينا نخلص .. حضرت السكين يا شيخ سرحان ؟
سرحان .. السكين جاهزة وحامية كمان .. بس هما ينجزوا الاول

متولي يشاور للرجالة وتقترب الذئاب الستة من اسماء التي بدأت ترتجف بشدة واخذت تنظر الي رجب وكأنها تستغيث بعينيها الدامعتان فهي لا تملك ان تصرخ ففمها مغلق بشريط لاصق ولا تملك ان تقاوم فيداها مقيدتان يا لتلك اللحظة العصيبة وفجأة يثور رجب قائلا بصوت عال اهتزت منه ارجاء المكان

رجب .. لا .. حرام .. حرام اللي هتعملوه ده فيها .. ارجع عن اللي في دماغك ده يا متولي باشا وسيل البنت لحال سبيلها
متولي .. ياض انا مش لسة قايلك اركن علي جمب ؟!!

رجب .. من الاخر كدا محدش هيقربلها الا علي جثتي
متولي .. غالي والطلب رخيص .. وضبوه
فينهال عليه الستة اشخاص فيوسعوه ضربا حتي يسيل دمه علي الارض فتدرك اسماء وقتها انه لا مفر وانهم حتما سينهشونها ثم يذبحونها قربانا للظلم والبهتان ويقترب الذئاب السته من اسماء ويحاولون ان يعتدوا عليها ولكن يحدث شئ عجيب لم يستطع احد منهم ان يفعل معها شيئا .. الجميع يحاول ولكن لم يقدر علي فعل شئ مع ان اسماء مستسلمة تماما ومتولي وسرحان في دهشة رهيبة من هذا المشهد فيقول احدهم

الرجل .. لا مش معقول !! ست رجالة مش قادرين علي حتة بنت ومكتفينها كمان ؟!! البنت دي مش طبيعية !! البنت دي فيها حاجة لله .. سامحيني يا ابلة احنا اسفين والله .. سامحنا يارب .. توبنا اليك يارب ..يلا بينا يابني انت وهو انفد بجلدك .. ثم يفر الجميع هاربا
متولي يقلق ويخاف ثم يبتلع ريقه ويقول هامسا ل سرحان

متولي .. هي ايه الحكاية بالظبط .. البت دي شكلها مخاوية يا عم الشيخ ؟!! انطق قول حاجة
سرحان .. فك البنت دي حالا يا متولي وخليها تمشي فورا
متولي .. ايه ؟؟ طب والكنز هنوصلة ازاي ؟!! انت مش قلت ان الجن حارس الكنز اختارها قربان ؟!!

سرحان .. حارس الكنز غير رأيه والامر صدر الان .. اسماء مش هي القربان
متولي .. امال مين ؟!!
سرحان .. ثريا التوني اخت اسماء هي المطلوبه الان

متولي .. ثريا !! يخرب بيتك .. ملقتش غير دي!! ودي اقدر عليها ازاي ؟!! وايه سبب التغيير من اصلة ؟؟!!!!
الاحداث ازدادت اشتعالا ..

بواسطة
بقلم الكاتب محمد مالك
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق