قصص وروايات

رواية اختي باعتني للشيطان (الجزء التاسع)

سرحان .. يخرب بيتك !! امال بس عامل زي ضلفة الباب طول بعرض وانت خرع !!
متولي .. لا وقاعدلي النار كله في المحل عينوا ع النسوان اللي طالعة واللي داخلة .. واللي يشوفوا يقول مقطع السمكة وديلها !! في ايه ياض يا رجب هو انت طلعت بصرة ولا أيه ؟!!

رجب مرتبك .. مش عارف !! هو انا شكلي عيان !!
متولي .. عيان مين بلا نيلة .. والله شكل البت اسماء دي كلامها جد وفعلا في جني اسمه مهموش هو اللي بهدلنا بالشكل ده عشان منوصلش للكنز
سرحان .. قلتلك مفيش جني اسمه مهموش

متولي .. طب تفسر بإيه اللي بيحصل ده؟! .. انا والواد الطور ده مش قادرين نلمس البت !!في سر في الموضوع !! يا عم الشيخ سرحان شوف خُدامك من الجن واعرف ايه الموضوع بالظبط .. انا حاسس اننا بنمثل فيلم النوم في العسل .. يا شماتة الزعيم فينا

سرحان .. هعرف كل حاجة بالليل .. المهم البت دي متتحركش من هنا
متولي .. تتحرك ازاي ؟!! ياض يارجب
رجب .. نعم ياريس
متولي .. تستني هنا مع البت دي .. اوعي تغيب عن عينك ثانية .. فاهم ؟
رجب .. عنيا يا كبير

متولي .. جايز تنفك عقدتك وتقدر تعمل حاجة .. خلينا نخلص من الشغلانه المنيلة دي
رجب .. تمام يا كبير
متولي.. لو في جديد كلمني علطول
رجب .. حاضر
يلا بينا يا عم الشيخ سرحان نشوف مصالحنا اللي وقفت بسبب الهباب ده
وبعد ان ينصرف متولي وسرحان .. اسماء تحاول ان تتحدث ولكن الشريط اللاصق علي فمها يمنعها من الحديث
رجب .. مالك عايزة ايه ؟!؟

رجب يقترب نحوها وبعد تردد ينزع الشريط اللاصق
رجب .. عايزة ايه ؟!!
اسماء .. عايزة اشرب
رجب .. حاضر
رجب يحضر كوب من الماء وبعد ان تشرب اسماء تشكره
اسماء .. شكرا

رجب .. العف
اسماء .. ممكن اسألك سؤال ؟!!
رجب .. معنديش اوامر اتكلم معاكي .. لكن اسألي
اسماء .. انت فعلا مقدرتش؟!!
رجب .. بصراحة .. مرضيتش .. نفسي مطاوعتنيش اعمل فيكي كدا ..
اسماء .. ليه ؟!!

رجب .. معرفش .. اول ما قربت منك وعيني جت في عنيكي وقريت كمية الالم والحزن اللي فيهم صعبتي عليا وافتكرت اختي الله يرحمها لما ٣ معندهمش رحمه خطفوها واغتصبوها وعذبوها كمان لحد ما ماتت وفي الاخر رموها جثة في الشارع .. انا عايز اعرف انتي مين وعايزين يعملوا ليه كدا معاكي ؟!!

اسماء .. انا اسماء التوني اخت ثريا التوني اللي شغالة مع متولي
رجب مندهش .. انتي اخت ثريا التوني ؟!! معقول البراءة والطفولة دي كلها تطلع اخت ثريا منبع الشر والاجرام بذاته
اسماء .. منها لله .. هي اللي عملت فيا كدا
رجب .. طب ليه ؟!!
وتقص عليه اسماء القصة كاملة
رجب .. يا ساتر !! يعني انتي بعد ما كدا .. هيدبحوكي كمان ؟!!

اسماء .. ايوا .. عشان كدا زي ما قلتلك اخترعت قصة الجن دي اللي اسمها مهموش عشان يقلق ويخاف ويحل بعيد عني .. لكن للأسف ورطت نفسي اكتر
رجب .. الناس دي مبتخفش يا استاذة .. دا الخوف نفسه بيخاف يقرب ناحيتهم
اسماء .. طب وبعدين ؟؟! ممكن يجيبوا واحد تاني غيرك ويعمل زي ما هما عايزين ما هو مش كل الناس عندهم شهامة ومروءة زيك

رجب .. ولا قابلين .. اهو نصيبك كدا بقي وابعدي عني كفاية كلام من فضلك انا مش اد الناس دي .. بس حلوة حكاية البرشامة اللي انتي حطتيها لمتولي في الاكل دي خلتيه معرفش يقرب منك .. فكرة برضوا
اسماء .. رجب انت انسان طيب وشهم ساعدني اهرب من ارجوك

رجب .. تهربي ؟؟! يبقي انتي عايزاهم يقتلوني انهاردة .. ابعدي عني يا بنت الناس انا لسة شاب صغير وعايز اعيش حياتي
اسماء .. ما انت لسة بتقول اني صعبت عليك وفكرتك بأختك الله يرحمها اللي خطفوها واغتصبوها وعذبوها لحد ما ماتت وبعد كدا رموها .. انا زيها بالظبط وهيحصل معايا نفس اللي حصل معاها .. انت لو كنت ساعتها تقدر تنقذ اختك من ايدين المجرمين اللي عملوا فيها كدا هل كنت هتتأخر ؟!!

رجب .. انا لو كنت طلتهم ساعتها كنت قطعتهم بسناني
اسماء .. خلاص في ايديك تنقذني انا من اللي هيتعمل فيا .. ارجوك يا رجب اعتبرني اختك
رجب ينظر اليها وبعد تفكير يقترب منها
اسماء .. انت هتعمل ايه ؟!!
رجب يضع الشريط اللاصق علي فمها ويقول

رجب .. بصراحة كلامك بيقطع فيا .. ودا احسن حل عشان متتكلميش تاني .. سامحيني مش هقدر اعملك حاجة انا مش اد شر الناس دي .. نصيبك كدا زي ما هو بالظبط كان نصيب اختي
وفي المساء يحضر سرحان ومتولي ومعهم ستة رجال مكتوفي العضلات وتبدوا علي مظاهرهم علامات الاجرام ليفاجأ الجميع بصدمة شديدة ..

بواسطة
بقلم الكاتب محمد مالك
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق