قصص وروايات

رواية اختي باعتني للشيطان (الجزء الخامس)

اسماء تتصل بأختها ثريا ويبدوا انها في حالة من الخوف والغضب الشديدين
اسماء .. الو .. برضوا كدا يا ثريا !! تعملي في اختك كدا ؟!! بس انا المفروض ما استغربش طول عمرك واطية وناقصة وقليلة اصل كمان

ثريا .. ايه في ايه ؟!!
اسماء .. في ايه برضوا !! عاملة نفسك مش عرفة ؟!! بتستهبلي يا ثريا؟!!!
اسماء . انتي يابت بطلي غلط وفهميني ايه الحكاية لأحسن والكعبة اقفل السكة في وشك
اسماء .. بعتيني لمتولي عشان يدبحني يا ثريا !! انا هونت عليكي للدرجه دي ؟!!

ثريا .. يدبحك !! اها .. قصدك يقدمك قربان للجني اللي حارس الكنز
اسماء .. يا لهوي !! يعني انتي كنتي عرفة انه ناوي يدبحني بعد ما يدخل عليا وبرضوا بعتيني ليه ؟!! بعتي اختك للشيطان يا ثريا يا بنت امي وابويا ؟!!

ثريا .. بطلي ولوله يا بت .. انتي نفسك بعتي نفسك ب ٢ مليون جنيه ولا نسيتي الفلوس اللي لهفتيها علي قلبك
اسماء .. انا بعتله عذريتي مش حياتي كلها !!

ثريا .. وهو عايز حياتك كمان عشان كدا دفع ال ٢ مليون جنيه التانيين
اسماء .. قصدك دفعلك انتي مش انا ما الفلوس كلها في عبك دلوقتي وانا مش هلحق اضيع منهم جنيه واحد
ثريا .. متخافيش هطلع منهم مبلغ رحمه ونور علي روحك

اسماء .. يا بنت الكلب .. اتفقتي انتي ومتولي عليا .. انتي جبتي القساوة دي كلها منين ؟!!
ثريا .. من زمن الذئاب اللي احنا عايشين فيه .. ان مكنتيش تبقي ذئب زييهم تتاكلي يا حلوة
اسماء .. وانتوا كلتوني اكمني غلبانه .. منك لله يا ثريا .. ربنا ينتقم منك
ثم تغلق الخط وتقول

اسماء .. هعمل ايه انا دلوقتي ؟!! ايوا ابلغ البوليس ..طب هو نمرة البوليس كام ؟!! يا ويلك وسواد ليلك يا اسماء .. اتصل بهنا صحبتي يمكن تساعدني .. وعندما تحاول الاتصال بهنا الموبيل يفصل شحن فتقول
اسماء .. يادي المصيبة .. الموبيل فصل شحن ومش معايا الشاحن بتاعة .. منك لله يا ثريا يا مجرمة ..
ثريا تتصل ب متولي لتخبره بما حدث

متولي .. الو عايزة ايه يا وش الفقر
ثريا ..انت فين ؟!!
متولي .. انا ع القهوة بلعب طاولة
ثريا .. بتلعب طاولة ؟!! انت مش المفروض عريس ودخلتك انهاردة !! انت مستني ايه ؟!! مخلصتش ليه لدلوقتي ؟!!
متولي .. اخلص ازاي واختك عليها ظروف !!.

ثريا .. ظروف!! ظروف ايه ؟!!
متولي .. الظروف اللي بتيجي لكل واحدة ست .. انتي مش كنتي تقليلي ولا حلو بس تلهفي مني انتي اربع ارانب بحالهم ؟!!
ثريا .. ازاي !! دي لسة مخلصة الدورة من اسبوع ؟!!

متولي .. يعني ايه ؟!! اختك بتضحك عليا ؟!!
ثريا .. اكيد ضحكت عليك عشان لسة مكلماني .. اسماء عرفت اللي ناوي تعملوا معاها يا متولي
متولي .. عرفت !! عرفت منين ؟!!

ثريا .. معرفش .. اسأل نفسك عرفت ازاي اكيد سمعتك وانت بتتكلم مع حد عن الموضوع ده
متولي .. مفيش غير الشيخ سرحان .. اه !! يبقي سمعتني وانا بتكلم مع الشيخ سرحان .. اه يا بنت اللئيمة !!

ثريا .. طب الحق رحلها لأحسن تبلغ البوليس او تقول لحد ونروح كلنا في داهية
متولي .. طب يا اسماء .. انا جايلك وهتندبحي الليلة يعني هتندبحي الليلة.
ويجري متولي مسرعا الي اسماء ليفاجأ بشئ صادم ……؟؟

بواسطة
بقلم الكاتب محمد مالك
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق