قصص وروايات

رواية تزوجت اختي (الجزء السادس عشر)

كان الجميع مستيقظ عدا ندي
الجده:بت يابدويه
بدويه:ايوه ياست هانم

الجده:روحي صحي ستك ندي.وبالفعل صحيت ندي وكنت ترتدي بجامه ستان نص كم لونها نبيتي وتاركه شعرها مفرود وكانت تنزل علي الدرك بكل مرح وسرور بشقوتها بطفولتها
الجده: واه واه واه ايه ده يابنيتي نازله بجميص النوم ياك ادبيتي .وكان في نفس الوقت مصطفي واضع يده علي وجه ويقول في سره ضاعت تربيه امي هيقولو عليها متربتش دلوقتي وكان مبتسما

ندي:صباح الخير ياجدو صباح الخير تيتا صباحو يافوفي
مصطفي:وهو يتمني ان تنشق الارض كمان فوفي دي حلوت اوي
الجد:صباح النور ياعروستنا نورتي دارك
ندي:شكرا ياجدو
الجده:مارتيش عليا يابنيتي كيف نزله اكده
ندي:مالو لبسي ياتيتا

الجد:ام محمود سيبي البنيه علي راحتها ومافيش حد غريب هنحبس حرياتها ياك
الجده:بس ياحج وهدان هيجي اهنيه يشوف خلجتها دي يجول ايه البت ماشيه علي حل شعرها
مصطفي:علشان اقطعله لسانه خالص مافيش احسن من تربيه ندي وادبها واخلقها ولو اتكلم كلمه هدفنه مكانه
الجد:انا عايز البت علي رحتها دي كلها كام يوم وهتمشي ومحدش ليه دعوه

مصطفي:بصوت منخفض ايه اللي انتي لبساه ده ياست هانم
ندي:عادي يامصطفي زي مابلبس في البيت
مصطفي:ابن عمك وهدان اكيد هيجي معاه ماينفعش يشوفك كده يله روحي البسي حاجه محترمه وياريت طرحه احنا في الصعيد
ندي:بتزمر يوه انا عايزه اروح لماما وامشي من هنا بس

مصطفي:هما جايين لحد عندك اتفضلي بقي البسي حاجه
ندي:حاضر
الجد:في ايه مصطفي مالها ندي
مصطفي:هتطلع تغير ياجدي ابن وهدان جي ومينفعش يشوفها كده غلط وعيب
الجد:ونعمه التربيه ياولدي

وهدان:صباح الخير ياعمي صحيح الكلام اللي سمعته ده
الجد:كلام ايه ياوهدان
وهدان:بنيه محمود عايشه وانت كنت تعرف بنت المصرويه عايشه وبتتربي في بيت راجل غريب ﻻ نعرف هو مين وﻻ بيعمل ايه في البنيه ازاي صعيدي وسايب عارك في بيت راجل غريب ﻻ من بلدنا وﻻ عيلتنا فهمني ياعمي وبعد السنين دي كلها راجعه تتجوز البحراوي وايه جابهم اهنيه جاين يصلحو غلطتهم علي جفانا ﻻ دنا اقتلها واغسل عارها وادفنها مكانها

الجد:ايه الحديت الماسخ ده ياواد اللي جي تجولهولي وف وشي ﻻ خجلان وﻻ مختشي بنتنا اشرف من الشرف والراجل حضره الضابط مصطفي جاي يرفع راسنا ويتجوزها وسط عيلتها تقول عليه الحديت ده (نزلت ندي خائفه وقفت بجوار مصطفي) وهدان:طبعا خايفه كنتي فاكره الموضوع بالساهل تغلطي غلطتك وتيجي انتي وهو تضربونا علي جفانا ﻻ

ندي:غلطه ايه اللي بتقول عليها حاضرتك دي وعار ايه اللي جبته انا هو انا اعرف حضرتك قبا كده اساسا مصطفي شاور لها بالسكوت فسكتت
وهدان:اخرسي يابنيه هو ده اللي علمهولك المصاروه قله الادب وجله الحياه وكاد ان يمسكها ليضربها فاسرع مصطفي ماسكا يده بقوه وانزلها بعنف وقال

مصطفي:انت فاكر نفسك مين انت ايه اساسا عمال تغلط في تربيتنا وتتهمنا بابشع التهم وكمان تتجرء وعايز تضربها ﻻ اصحي لنفسك وفوق انت ماتعرفنيش اناممكن اخفي بيك الارض انا ساكت بس علشان الحج وعم حسان ندي دي كانت امانه عندنا ربنا يعلم كنا بنعملها ازاي كنا بنحميها من امثالك بطل شغل اللف والحوارات دي عليا عشان انا فاهمك كويس بيعدي عليا اشكالك كتير في القسم

وهدان:انت بتشبهني بالمجرمين
مصطفي:دول احسن منك علي الاقل بيسرقو ويقتلو علشان يكلو انت بقي عملت كل ده ليه
وهدان بقلق:عملت ايه
مصطفي:قتلت ابن عمك .فساد الصمت وسط زهول الجميع

انت فاكرني مش عارف انك اللي فكيت فرامل العربيه ﻻﻻ اخس عليك مبقاش ظابط حتي انا فتحت الملف تاني علي مسؤليتي الشخصيه ومن تحرياتي والبصمات اللي لقوها قبل كده شكيت فيك اتفقت مع عم حسان انه يخليك تبصم علي ورقه كده في وسط اورقكو وطبقت البصمات وانت بقي كده عرفت الباقي.
الجد:انت اللي قتلت ولدي وحرمتني منه

وهدان:وانت اللي عملت كده لما كتبت كل حاجه ليه
الجد:ده ورثه حجه شجايه انت ملجش دخل واصل
مصطفي:خلاص ياجدي اللي فات مات وعده علي القضيه خلاص محدش هيقدر يفتحها
وهدان:ولما انا عارف انها مش هتتفتح بتتكلم في الموضوع ليه وﻻ عشان تغطي علي العار اللي جبته
مصطفي:بنتوكم صاغ سليم انا ملمستهاش

وهدان؛ بصدمه ليه مش اتجوزتو
مصطفي:علي الورق بس محبتش اعمل كده علشان افرح جدها بيها وعلشان اوطي راسك
وهدان:وانا ايه يثبتلي كلامك
مصطفي:اللي انت عايزه
وهدان :الدايه هي اللي تشوفها

ندي خائفه ونظرت لمصطفي فقال ماتخفيش محدش هيلمسك
وهدان:امال نعرف منين صدقك
مصطفي:اوﻻ انت مالكش حق تتكلم و لا ليك حق عندي انا هوريلكم المنديل غير كده هاخدمراتي وامشي واعلي مافي خيلك اركبه

الجد:عداك العيب ياولدي
ندي:انا موافقه بس بشرط هنا تتجوز جلال
مصطفي:ندي واحنا مالنا
ندي:بيحبو بعض يامصطفي حرام
وهدان:مالجتش غيرك يمشي كلامو عليا انا مش موافق

مصطفي:ﻻ ما انت ملكش راي اصلا انت وراك مشوار تاني انا نسيت انت اتقبض علي رجلتك واتمسكو بالسلاح واعترفو عليك مبروك الاعدام ياوهدان.واتو رجال الشرطه وتم القبض عليه

يتبع

بواسطة
بقلم أسماء النمر
الوسوم

أبو إسلام الخطيب

مهتم بالشأن العربي ويتم ترجمة المقالت من وجهة نظر الغرب الي اللغة العربية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق