قصص وروايات

رسالة من مجهول (الفصل الثاني)

كانت واقفه في الشرفه لتتحدث معه بعصبيه
نادين: والله دي مافيش فيها فايده سيبك منها دي عقدتني
يوسف بحب: لا انا عمري ماهسيبها انا بحبها وواجبنا عليكي انك تساعدينا

نادين:اساعد مين انا تعبت منكو يابني كفايه مصاريف دي هتفلسك قبل ماتوافق انها تقبلك اصلا هههههه وهتسافر تشحت هناك
يوسف : ههههه مالكيش فيه مش انتي صاحبتنا استحملينا ثم هي خلاص انا حاسس انها هتوافق انها تقابلني وساعتها هعرفها ان قد ايه بحبها انا عارف سهيله هي من زمان بتحب الهدايه والاهتمام هي رومانسيه مش زيك يافقر
نادين: كده يايوسف انا فقر طب انا زعلانه منك ومش هدخلك في حاجه تاني

يوسف :ههههه خلاص انتي حلوه
نادين: ربنا يخليكو لبعض يارب ويسعدكو واخلص منكو بقي
لتدخل والده يوسف بمرح
سعاد:يوسف ياحبيبي فينك
ليرد يوسف :ايوه ياماما انا في اوضتي
سعاد بفرح: عارف مين كانت بتكلمني دلوقتي

يوسف بأستفهام :مين
سعاد: خالتك ام سهيله بتقول ان بنتها وافقت تشوفك
يوسف بفرح:بجد ياماما
سعاد :بجد ياروح ماما
يوسف:اتفقتو علي معاد ولا لسه

سعاد:الاسبوع الجاي ياحبيبي كلها كام يوم ااسيبك انا بقي تكمل تليفونك
خرجت سعاد من الغرفه بينما يوسف سارح بهيام يفكر بها مهلا ايها العاشق قلبك لايستطيع هذه الدقات السريعه ربما يقتلع
نادين:الو يوسف ياعم الحج رد الله يسامحك ياسهيله جننتي الواد فأغلقت نادين الهاتف اما يوسف فلا يشعر بأحد
نتعرف بقي على يوسف

يوسف صديق الطفوله كانهم مثل الثلاث المرح نادين ويوسف وسهيله شاب وسيم ملامحه مصريه اصيله قمحاوي شعره ناعم طويل البنيه وجسمه رياضي لبسه منسق فهو يهتم بلبسه جيدا ومظهره مهندس مدني سافر الي خارج البلاد مع ابيه واكمل تعليمه وشهاده ثم عاد ليتزوج حب عمره ويأخذ والدته معه ليستقرو سويا في بلد واحده
فلاش باك
يوسف بطريقه طفوليه: سيلا انتي بتحبيني
سهيله: ببرائه مش انت بتحبني وهتجبلي ورد لما اكبر

يوسف:اه والله مش تخافي انا هجبلك ورد واكتبلك شعر بس نتجوز ومش نسيب بعض ماشي
سهيله:ماشي يايوسف بس احنا لسه صغنانين
يوسف:انا بقولك لما نكبر ثم انتي صغننه لاكن انا راجل ياماما انا اكبر منك بسنتين انتي في رابعه ابتدائي انا كبير في اوله اعدادي
عوده

ويمر يومان وتنقطع الرسائل وسهيله علي حيره من امرها
سهيله في الجامعة جالسه تفكر لماذا الرسائل انقطعت
فتأتي اليها نادين بمرح
نادين:قلبي وحشاني
سهيله بحزن:اهلين
نادين بأستفهام مالك يانكد

سهيله بتنهيده:تصدقي مافيش جوابات جتلي بقالي يومين تقريبا من ساعه ما ماما اتكلمت معايا علي العريس مش غريبه دي
نادين: غريبه اه وهتقبلي العريس امتي
سهيله بقله حيله :ماما مصممه كمان يومين كده هيجو
نادين :حلو بردو
سهيله:هو ايه اللي حلو

نادي:بأرتباك ها لالا ياحبيبتي متحطيش في بالك انا مروحه بقي
سهيله بأستفهام :مالك يابنتي فيكي ايه
نادين: لا مافيش ياحبيبتي اصلي متقدملي عريس انهارده ولازم اروح بدري يمكن نتخطب سوي ياقطه الله اعلم سلام بقي

سهيله وهي تضرب كف بكف:البت لسعت انا كمان اقوم اروح بقي
ليمر اليومان بدون جديد وجاء يوم ذهاب يوسف لاسهيله
يتبع

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق