قصص وروايات

رواية احببته و تزوجني أخاه (الجزء الرابع عشر)

💔قلت يارربي دبرني هسي اعمل شنو انا ..💔تلفوني ضرب لقيته مهند قال لي اطلعي برا محمد دا راجيك قلت لي خلاص ..

نزلت شلت وتين وطلعت لقيت عربية واقفة جنب البيت قلت لي انت محمد قال لي اي .. سلمت عليه اديته وتين ومشيت جبت الشنط من جوا ماف زول شافني لما طلعتا❤اها اتحركنا قلت لي حااسافر قال لي لا عندي شقة حتقعدي فيها لما مهند يجي قلت اي انا عايزة اسافر السودان بس ارح اي محل دهب ابيع دهبي وتعمل لي الاجراءت قال لي هسي ارح معاي وبكرا نشوف اليحصل ..

وصلنا الشقة نزلت معاه دخلنا قال لي اقفلي علي نفسك الباب واي حاجة تحتاجيها اتصلي لي مهند يكلمني قلت اي مشكور ما قصرت 💕وطلع قفلت الباب دخلت وتين .. حسيت بي نفسي دا انكتم و مضايقة شديد دخلت رقدت جنب وتين وانا كانه الحصل دا حلم وحاصحي منه 💔رقدتا نمت صحيت بي صوت تلفوني لقيت الساعة 2ص وكمية من المكالمات 💔اكتر زول ولي قلت دا عايز بي شنو وبتصل كل مرة ..

قلت اقفل تلفوني لكن مهند حيتصل لي فيه 💔رميته قلت خلي يتصل بس ورقدت نمت ..اصلا قلبي من كترت الصدامات ماافارقة معاي شي 😭صحينا الصباح اتسوكنا مشيت المطبخ قلت اشوف لينا شي ..لقيت التلاجة مليانة حاجات حيي ما قصر عملت فطور لانه كنت جيعانة 😂يلا بعدها شلت تلفوني واتصلت لي مهند رد لي حكيت ليه انه في شقة وكدا .

قال لي خلاص انا جايك ما تطلعي من البيت الا اجي قلت لي طيب قلتلي امي كيف قال لي كويسة ما كلمتها قال لي وهي من امس بتقول لي اتصل لي علي هند ..ارجعي ليها لكن خليك عادية 💔قلت لي طيب .قفلت منه واتصلت ليها سلمت علي وشاكلتني قالت لي بقيتي كعبة من عرستي بقيتي جافية قلت ليها والله ما كدا مشغوليات بس 💔قالت لي وتين كيف قلت ليها كويسة انتي كيف قالت لي تمام بس فقداك قلت ليها وانا زاتي مشتاقة ليك شديد وقعدتا ابكي قالت لي هسي مالك انتي ..

قلت ليها ماف شي دا الشوق وقعدتا اضحك قلت ليها مش قلتي لي عرسي عرسي اها عرستا💔 قالت لي بركة عايزة تقعدي بلا عرس هسي تخاوي وتين تجيبي ليها اخو ولا اختك ❤قلت ليها انشاء الله قالت لي وليد كيف قلت ليها كويس قالت لي واهلو بعاملوك كيف ؟؟ قالت ليها طيبين والله قلت ليها يلا وتين صحت برجع ليك تاني 💔قفلت منها وقعدتا ابكي ..

وليد اتصل لي قلت ارد ليه عندي كلام وااجعني رديت ليه قال لي وين انتي ودا شنو البتعملي فيه دا وقعد يكورك قلت لي ما يخصك بي وانا رديت عشان اقول ليك امشي اعمل تحليل شوف نفسك راجل ولا لا 😒 قال لي راجل غصبا عنك قلت ليه امشي شوف نفسك ..

وبتقدر تلد ولا لا وامشي لي دكتور غير المشيت ليه المرة الفاتت😒 وتاني ما تتصل اي ورسل لي ورقتي لي مهند بالله وقفلت فيه .. بعد المكالمة حسيت بي نفسي ارتحت شوية .. فتحت لي وتين التلفزيون وقعد تتفرج .. وانا راقدة معها .. رجع لي مهند قال لي ما لقيت طريقة اجيك لكن صحبي عمل ليك اجراءتك وحتسافري بكرا❤قلت ليه بالجد ..

قال لي بجيك الساعة 2 ص خليك جاهزة قلت لي طيب .. فرحت انه حاارجع بس زعلي اكتر لانه حاافرق وليد بيني وبين نفسي قلت هو ماغلطان هي سممت ليه افكاره وخلته يفكر كدا تاني رجعت قلت لو كان بحبني زي ماقال كان وثق فيني وعرف انه ما بعمل حاجات زي دي ..

تاني قلت انا اصلا بفكر فيه ليه ..بحبه ؟ اي بحبه بس ما حانسي العمله … عدا اليوم وانا اليوم كله بفكر فيه .. وهو كل مرة يتصل مااشتغلت بيه جاءنا صاحب مهند ودانا المطار❤ورحلتنا اتحركت في مطار الخرطوم لقيت مهند مستنيني ❤من شفت جريت عليه وقعدتا ابكي قال لي ولا تشيلي هم حقك برجع ليك والله مااخلي بس تعالي ..

ماوداني البيت قعدنا في مطعم قال لي احكي الحصل كلو حكيت ليه انه اصلا دي مرته مشاعل وما خليت شي .. قال لي طيب ليه حق يعمل كدا يا هند وانا لو كنت محله حااعمل كدا انتي عارفة يعني شنو انك تكون عقيم ويجو يقولو ليك مرتك حامل !! ..

قال لي كنت ناوي ليه والله لكن بعد ماسمعت منك حسيت انه تصرفه كاراجل عادي قلت لي يامهند ضربني قال لي حارة ياهند قلت بي عليك الله خلينا المهم حااطلق .. قال لي انتي عارفة انا اتصلت ليه  وقال لي بين اي زوجين في مشاكل وحتتحلا ولما قلت ليه هند ما حكت لي شي احكي لي انت ..

قال لي دي حاجة خاصة بينا وحتتصلح وقفل الموضوع انا كنت عايز اسمع منه عشان مااحكم عليه ساي❤وبعد كلامك دا نظرتي مااتغيرت اتجاه .. ❤قلت لي يا مهند يعني انت معاه قال لي مع الحق هسي ارح البيت وقولي لي امي جيت زيارة ماتحكي ليها مشينا البيت اول من دخلنا امي اتفاجات شديد ..

وجاءت حضنتني وقعدت تبكي قالت لي امس لي ماقلتي لي جاية قلت ليها مفاجاءة😂❤ قالت لي حمدلله ع السلامة وشالت وتين تسلم عليها ..وقعدت تسالني وين وليد قلت ليها عنده شغل ما قدر يجي قالت لي كيف يخليك تجي براك قلت ليها ههه شي ماجاءتني ..

قالت لي خشي ارتااحي من التعب ..يلا سقت وتين .ونحن ماشين سمعتها قالت لي مهند ماتدس علي متشاكلة مع راجلها؟ قال ليها ابدا يا امي قالت اشتاقت ليك وبقت تتجنن علي وليد وهو ماعنده طريقة يجي عشان كدا جاات براها قالت لي الله يكذب الشينة ومشت علي المطبخ جابت لينا عصير شربت وبقت تتونس معاي قالت لي علاقتك كيف مع وليد قلت ليها كويسة قالت لي ربنا يهدي سرك ويسعدك قلت ليها اميين يااخ بالجد قلب الام بحس قلت ليها امي انا حامل يااخ فرحت فرح ولا ربع فرحها لما كلمتها اني حامل بي وتين لقيت امي بتحب وليد جدا 😂😂 عدا اسبوعين عاادي ماعندي اي خبر من وليد يوم قاعدة من الصباح جاني مهند قال لي في زول دايرك ومدا لي تلفونه قلت ليه منو ؟؟ قال لي انتي ردي بس  مسكت منه التلفون قلت الو ..

ردا لي وليد قال لي هند عليك الله اسمعيني هند والله العظيم انا ندماان وما كان اعملي كدا بس الشيطان غشاني ومشاعل كذبت علي 💔انا عرفت اي شي 😭عليك الله سامحيني  لس انا قعدتا ابكي هو زاتو سمعته زي ببكي قال لي نحن ما عندنا ذنب في البحصل دا ودي كلها العااايب عشان نطلق وانتي عارفة دي مشاعل كان تكلميني ..

قلت لي انت ماسالتني انت جيت اتهمتني طوالي😭😭قال لي حقك علي انا اسف قال لي مشاعل اخدت جزاها عليك الله انتي سامحيني .. قلت لي صعب 💔  بس طلقني قال لي انتي عارفة طلاق مااف وانا قلت ليك الكلام دا زمان قبل اعرف انك ام ولدي اصلا😍طوالي اديت التلفون لي مهند قال لي خيرر طيب .. بالسلامة ..

قال لي ياهند انتي مرته عايزة تخرب عليكم وانتي عارفة كدا وبعد دا خليتها تفوز حكمي عقلك ومشي مني مع اني حنية وما بعرف ازعل من زول بس وليد زعلني شديد😭 انا قعدتا في بيتنا وليد مرة مرة يتصل لي وبحنسني كتير 😭بس انا في موقفي
في مرة اتصل لي قال لي هند ليه عايزة ولدنا يتربا بلا ابو مدام ابوه عايش وليه عايزة تحرميني من وتين بعد ما لقيتها لي يا هند قلت لي انت الجبته لنفسك قال لي معقولة قلبك ما سامحني قلت لي كرهتك ..

قال لي البحب ما بكره .قلت اي منو القال ليك بحبك اصلا .. قال لي ماضروري تقوليها انا حسيت بيها قلت لي ياااحساس انت قعد يضحك 😂 تاني بقينا نتكلم عادي وهو ما قال لي ارجعي السعودية بس بطمن علي وبتكلم معاي عاادي يوميا .. انا قلبي لان❤ ونسيت الموضوع بس عايزه هو اليقول لي ارجعي بس اصلا ماقال لي ارجعي بس متواصلين عادي ومرات اتزهج فيه الحمل متعبني ..

عدت التسعة شهور وجاء اليوم الحامشي فيه المستشفي يلا راقدة في الغرفة بتاعة المستشفي بس الباب فتح اشوف ليك وليد 😨 سلم علي امي ومهند وجاني سلم علي عادي تقول هسي كنت معاه😒 يلا ناس امي مرقو جاء الدكتور كشف علي وقال لي في وجع قلت لي بسيط قال لي خلاص برجع ليك بعد ساعتين وطلع وليد طوالي قام جاء حضني 😍وباسني في راسي قال لي اسف وربي تاني العمر كله ما ازعلك ولو لفيت الدنيا كلها ما بلقي زيك انا بحبك وعايز اطلب يدك من اول وجديد والاختيار راجع ليك اها رايك شنو بس انا كوركتا شغال يقول لي في شنو قلت لي امي نااادي امي ..

امي جات داخلة قلت ليها خلاص طوالي نادو الدكتور جاء قال لسة دي البداية انا ساعتين اتوجع واكورك ووليد دا يرجف من الخوف كل مرة ينادي الدكتور ويقول لي امي ارح نوديها مستشفي تاني .  ويهرج في الممرضات يااخ عاش معاي كل اللحظات والخوف الشفته في عيونه اكد لي انه هو بحبني ❤ خلاص عايزين يسوقوني لي العملية قال لي هند ..ردك شنو قبل ما تلدي لانه حنبدا حيااة جديدة .. قال لي بتحبيني وعايزاني هزيت ليه راسي ناس امي كانو في ..

ومهند دا يغمز لي قلت لي اي ❤ قال لي خلاص امشي ونتفااهم في اي دي دخلت الغرفة وبعد تعب جانا يزن😍❤ طلعوني الغرفة وانا المخدر ماشي يفك مني جاء وليد قال لي حمدلله ع سلامة ويتربا وسطنا❤ غمضتا لي عيوني قال لي كيف هسي انتي قلت لي كويسة وامي تزغردت 😂 طلعونا في نفس اليوم المساء لما رجعنا البيت لقينا مليان .. والناس تحمدالله السلامة وتبارك وليد طوالي مشي جاب خرفان ضبحهم .. اسبوع مالاقية طريقة اتكلم فيها مع وليد من كترت الناس الا يوم السماية جاني قال لي نسمي منو قلت لي يزن ❤قال لي حلو وتين ويزن ..

وتين كما قصة براها مع البيبي عاجبها عجب❤وتقول العب بيه قايلة لعب دا تعبااانة فيه 9 شهور ياماما قعد اقول ليها😂😂 خلص الاربعين وليد جاني قال لي بعد دا نمشي بيتنا قلت لي السعودية ما برجع قال لي لا انا اشتريت بيت هنا وكمان جنب ناس امك قلت لي بالجد وحنقعد هنا علي طول قال لي اي قلت لي شغلك قال لي الفترة الفاتت نقلته كله هنا ❤يااخ فرحت فرح قلت طيب و خالته ؟؟ قال لي سافرو مع ابوي وقاعدين مع بعض وميادة مع راجلها وزعلانة منك انك ماجيتي العرس قلت لي عارف كان الظروف قال لي ازمة ومرت الحمدلله ..

امي رحلتني بيتي الجديد كان حلووو برا في جنينة مليانة العاب😂😂 وجوة فيه 3 غرف وهول ومطبخ وحمام وفيه طابق تاني نفس الشي نحن مقفلنه وقاعدين تحت مسكت البيت براي ومع يزن ووتين الحالة كان صعبة بتصل لي وليد يجيني عشان امسكهم لي وانا اشتغل😂😂وحياتنا كانت اكتر من حلوة انا وليد نتنااقش ونتشاكل بس بنحلها وما بتطلع من بيتنا .. ❤

يوم قال لي هند من متين بتحبيني قلت لي ماعارفة فجاءة لقيت نفسي متعلقة بيك قال لي وكنتي بتعاندي مالك قلت لي من عمايلك قلت لي مشاعل عملت ليها شنو وانت عرفت كيف .. قل لي يوم قلتي لي امشي حلل مشيت لدكتور وقال لي انت كويس مافيك اي شي ولا كنت عقيم ولا شي ..مشيت واجهت مشاعل وحكت لي بكل شي ..

طلقتها وقلت ليها حرمانة علي لي يوم الدين وديتها بيت اهلها وحكيت ليهم بعمايلها .. ومن اليوم داك ماعندي خبر عنها بس سمعت انه زي الجنت واهلها بقو حابسنها.. يااخ قال لي انتي عارفة انه الشقو الكنتي قاعدة فيها في السعودية حقتي😂وانه دا صحبي انا ماصاحب مهند وانه لما مهند سالني حكيت ليه وقلت ليه مدام عايزة تجي بسفرها ..

وخليته يقول ليك كدا وتقعدي هناك وتسافر وطول الرحلة كان عندي صحبي سافر معاكم لما وصلك لي مهند قلت لي في عز زعلك مني بتهتم بي قال في حاجة جواي كان متاكدة انه هند الحبيتها ما بتعمل كدا ❤ حضنته وقلت لي ربنا يخليك لي سند ❤وراحة وامان ❤قال لي ويخليك لي صحبة واخت وام و مدام 😂قعدتا اضحك .. كنا مع بعض حلوين وبالذات لما نطلع ومعانا وتين و يزن .. ❤

النهــاية ❤

بواسطة
بقلمي انا : sito salah
الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق