قصص وروايات

رواية احببته و تزوجني أخاه (الجزء الحادي عشر)

لقيت نفسي في النص بينه وبين وتين وهو حاضني وبعاين لي 🙊😨 اتجهجهت ماعرفت اعمل شنو عايزة اقوم .. مسكني قال لي صباح الخير .. قلت لي صباح النور .قال لي شكرا ..قلت لي وااجب ❤ قال لي خلاص تمي واجبك واعملي لي قهوة ..هزيت لي راسي وقمت ..

اتجهزت ونزلت تحت لقيت خالتو ماجدة صاحية قال لي اصبحتي كيف قلت ليها كويسة قالت لي سويو الشاي.تعالي اشربي قلت ليها عايزة اسوي لي وليد قهوة قالت لي سوتها لي مشاعل جاهزة شيليها ليه  .. قلت ليها طيب شلتها وطلعت ..

لقيتها طالعة من غرفتها عاينت ليها وداخلة غرفتي قال لي هند انا اسفة والله كلام شيطان وتعالي نبدا مع بعض صفحة جديدة مارديت ليها دخلت الغرفة لقبته طالعة من الحمام ختيتها لي ..

قال لي بسرعة .قعد يشرب . عاين لي قال لي مش قلت ليك سويها انتي 😒قلت لي لقيتها جاهزة وخالتو قالت لي شيليها شربها وهو طالع باس وتين قال لي البت دي نومه تقيل خلاص 😂 جاء جنبي قال لي تاني سويها انتي قلت لي كيف عرفت انه دي ما انا ..

قال لي قهوتك طعمها غير قال لي عايزة حاجة اجيبها ليك قلت لي لا ✋ طلع  انا حسيت نفسي نعسانة طفيت النور وجيت جنب وتين ونمنا .. بعدها وتين صحت وصحتني .سوكتها ونزلت عشان افطرها .. لقيت ميادة ومشاعل   تحت صبحت عليهم و طوالي دخلت المطبخ حضرت لي وتين فطور .

بعدها قعدت جنبهم قلت ليهم وين خالتو قالو طلعت مع وليد السوق .. ميادة قالت لي طالعين رحلة يومين ماشين المزرعة قلت ليها وين دي قالت لي 3 ساعات من هنا بنمشي كل فترة امي قالت نمشي نغير جو 😍مشاعل قالت حتكون احلا ايام ..

عاينت ليها ومغيوظة منها بس في شنو ماعارفة اول ما كنت شغالة بيها بس هسي بقيت اكرها عديل .. عاملة نفسها بتلعب مع وتين وتشاغل فيها وتين اصلو ابت تضحك ليها😂😂 كيفتني .. قلت لي ميادة ارح نسوي فطور قالت لي جاهز ارح ناكل بس ❤ قلت ليها عارفة نفسي في شنو قالت لي اها ..

قلت ليها كسرة ❤❤ قالت لي كان بتعرفي تعوسي امي عندها صاج هنا واعجني العجين 😂😂 قلت ليها اي بعرف تعال نفطر بي كسر بي ام رقيقة .. قالت لي الويكة تجيبيها من وين قلت ليها في كرتونة مع عفشي ولا فتحتها 😂😂 امي خاته لي فيها ويكة وشطة وسمن 😂😂 ميادة قالت لي الليلة عزيتيني ياااخ ..

قلت ليها عزيت نفسي دي انتي امشي جيبي الحاجات من فوق انا اعجن ❤ يلا جهزت العجين وكبيت خميرة كتيرة عشان يخمر .. وشديت الشوربة عشان افركها .. ميادة جاتني قالت لي كرتونتك لي الكركدي فيها امك دي قايلاك ماشة الخلا 😂😂😂 قلت ليها بلي الكركدي خلاص ..

واديني الويكة .. يلا جهزنا اي شي وانا عوستا و وعملت الويكة 😍😍 كبيتها في كورية .. وجبت اكبر صحن لقيته😂شرفة كعبة ختيت الكسرة وميادة صفت الكركدي بالتلج بارد 😍 طلعنه الصفرة ..مشاعل طلعت فوق ميادة قالت لي امشي اناديها قلت ليها اوووعك تعبانة انا ونفسي فيه ما تقفليني قالت لي ومالي ومالها اصلا قلت ليها نسينا الشطة وجيبي السمن ..

يلا ملحت الكسرة وكبيت سمن بي فوق . وعايزين ناكل دخلو خالتو ووليد شايلين اكياس كتيرة .. قالو لينا يداب بتفطره ميادة قالت ليها تعالي ياامي معانا قالت ليها انا وليد فطرنا 😂قالت ليها فطورنا بي كسرة قالت ليها كسرة شنو جبتوها من وين ..

قالت ليها سوهتها هند بي ام رقيقة 😍✋ وليد قال لينا ام رقيقة عديل كدا جرا الكرسي وقعد وخالتو جات قالت لينا بي سمنتها كمان يااخ انا اكلت اكل ❤❤😍 تقول كنت جيعانة سنين 😂 والعجب وليد كمل الشطة وكل مرة يقول جيبو تاني ..

انا قلت لي خالتو مش فطرتو قالت لي ها دا فطور دا قعدت اضحك .. قمتا قالو لي بدري قلت ليهم الا اكلكم بعد دا قمت دخلت المطبخ وليد جاء وراي قال لي والله جنس اكلة تسلمي لو مافيها تعب ليك كل مرة سويها😂😂 قعد اضحك وانا طالعة من المطبخ قال الله اداني ❤ مشيت قعدتا في الكنبة ونفس مافيني وليد جاء رقد في الكنبة التانية خالتو قالت ليه مش قلت توصلني وراجع قال ليها مابقدر الا انوم شوية قمت كبيت عصير وجبت ليه قال لي مابقدر قلت لي دا كركدي ..

قام علي حيله وشربه قال الليلة عز دي لي بكرا ماداير شي بقيت اضحك فيه جات مشاعل من فوق نازلة وقفت قدامنا قالت لينا انشاء الله دائمة الضحكة 😒 قلت ليها اميين وليد بقي عمل كدا 😨 قالت لي حبيبي كيفك وقعدت جنبه قال ليها بخير  .. قالت لي ليه ما ناديتوني لفطور قلت ليها نسيناك وانتي وقت كنا بنسوي الفطور وين 😒✋ قلت ليهم انا طالعة فوق ارح يا وتين خالتو قالت لي مابتنوم ليك صاحية متاخرة خليها معاي ..

ومشيت انا رقدتا .لقيت مكالمات من مهند رجعت ليه قال لي ازيو قلت ليه تمام قال لي انا جاي بكرا قلت لي لا خلاص خليك قال لي مالك مش قلتي جاية قلت لي اممم ..قعد يضحك قال لي اصلا ما جاي وليد حكي لي ..قال لي لو ما واثق فيه وعارفه راجل وبعرف يصونك من البيت ماكان خليتك مرقتي معاه 😍❤ قلت لي احم احم خلاص 😂😂✋ قال لي وتين كيف قلت لي كويسة ❤ قال لي يلا وراي شغل ..

قفلت منه ورقدت نمت ✋ ما صحيت الا قريب المغرب .. لما استغربت في نفسي قلت بقي جني نوم .. اتوضيت وصليت ونزلت ليهم تحت . كان في خالتو سلمت عليهم وسالتهم من وتين قالو مع ميادة نزلت لصحبتها وساقتها معاها  قالت لي حنتحرك بكرا الصباح بدري قلت ليها طيب مشاعل قالت لينا انا طالعة ..

خالتو قالت ليها مش كلمتي وليد قالت ليها اي قالت لي قومي امشي معاها قلت ليها ماشة وين هي قالت لي ماشة الكوافير قلت ليها لا ما ماشة .. شالت خيمتها وطلعت ..

خالتو قالت لي احسن ليك اتجيهي يابتي قلت ليها ياخالتو انا هسي مبشتنة قالت لي لالا 💔بس جيهة النسوان سمحة قلت ليها انشاء الله قالت لي قومي اولع ليك الدخان عندي رحالة في السطوح قلت ليها لالا ما عايزة قالت لي لا الا بس قلت ليها مرة تانية قالت لي لا الليلة قلت ما اكسر بي خاطرها قلت ليها طيب ساقتني ولعتو لي وقعدتا 😂✋ اها المغرب اذن نزلنا تحت صلينا طلعت الغرفة وقفت قدام المراية قلت انا مبهدلة😭 فكيت شعري وجبت المكوة قعدتا اكوي فيه وسرحته ..

ولبست لي فستان طويل اسود واكمامه طويلة وعملت شوية روج علي كحل من جيت ما اتمكيجتا اظن 😂😂
يلا نزلت ليهم تحت لقيت وليد قاعد وخالتو في المطبخ ..قلت لي مساء الخير ..قال لي مساء الجمال ❤😍 قلت لي ميادة ماجات قال لي وين هي قلت لي قالو طلعت لي صحبتها ومعاها وتين ..

قال لي البيت القدامنا بتجي 😄قال لي وبعدين الليلة في شنو شاامي ريحة سمحة انا خجلتا خجلت السواد 🙈 قلت لي دي خالتو غصبت علي😂😂 قال لي وبرضو غصبت عليك في المكياج والشعر 😍 طوالي قمت قال لي انتي الزول ما يشاغلك قلت لي تلفوني بضرب وطلعت الغرفة قلت يا هند انتي ليه عملتي كدا انتي بتحبي ولا شنو ؟ قلت لا ابدا ولا عمري حااحبه وانا عملته كدا عشان نفسي ما عشان زول وقفت في المراية بعاين انفسي وليد جاء داخل .

حضني من ورا قال لي انتي بدون اي حاجة شايفك جميلة 😍 ومامحتاج تعملي كل دا زحيت منه قلت ليه اعمل العايزه لنفسي انا قال لي لنفسك 😂😂 قال لي طيب احااول اصدقك .. وتاني جاء قرب علي انا قلبي بقي يضرب عديل قلت لي وليد زح قال لي ما يزح مش انتي عملتي كدا عشان تلفتي انتباهي 😍

قلت لي وليد لا قام باسني 💏 زحيت منه ودموعي جات نازلة قلت لي مش قلت ماحتقرب مني الا بي رضاااي ..قال لي وانتي رااضي قلت لي لا قال لي عيني في عينك كدا قلت لي اطلع من هنا 😭💔 جاء مسكني ورفع لي راسي قال لي هند بتحبيني ولا لا /؟؟؟

بواسطة
بقلمي انا : sito salah
الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق