قصص وروايات

رواية احببته و تزوجني أخاه (الجزء السابع)

مشاعل جاءت داخلة اتفاجاءت انها تجي المستشفي طول الفترة الفاتت ما جاتني سلمت علينا وقالت لي سلامتك قلت ليها الله يسلمك ..ماعملت اي ردة فعل عشان وليد ما يلاحظ 😒بس مغيوظة منها ونفسي اقوم اضربها 😒😣 بس صبرت نفسي وقلت لما ارجع البيت هسي حيل ما عندي وليد قال ليها قلت ليك ماتجي ..

لانو اصلا نحن طالعين قالت ليه كنت في مشوار قريب من المستشفي وقلت اجي ارجع معاكم 😣😒 قال ليها خلاص ساعديها .. وانا اطلع اخلص مع الحسابات قالت لي كويس  وطلع .

انا عاينت ليها قلت ليها مشكلتك معاي شنو 😒 قالت لي ماالمفروض تكوني عايشة 😨 قلت ليها شنو قالت لي وليد دا حقي مسسستحيل اخلي لوحدة زيك 😒 قلت ليها حقي ما حااخلي ووليد دا بلي واشربي مويته .. انا اصلا اتزوجته غصب فهمتي ..

قالت لي كذابة وانتي عايزة قروشهم مروان مات منك قبلتي علي وليد😒 قلت ليها بس خليني اقوم والجبص يتفكي والله الا تسافري من البلد دي 😒قالت لي تهدديني انا قلت ليها اي وانتي تطلعي منو .. لو واثقة في روحك ما كان حاولتي تقتلني كان خليتي يطلقني ..

ويالسمحة بعد عملتك دي حااخلي يطلقك 😒 جاية علي وغضبانة والشر في عيونها .. مع انه كان مسكينة بس اليجي علي ما يلوم الا نفسه 😒✋قربت مني وقالت لي قلتي شنو وعايزة تخنقني وليد جاء داخل .

قال لي قومي عشان تقعدي في الكرسي 😒 قلت ليها زحي مني 😒وليد قال لي مالك ..قلت ليه ماف شي بس ما تقدر تحركني يدي بتوجعني قال ليها خلاص .. انا بحركها ..

جاني وشالني موديني علي الكرسي .. انا قمت حضنتو ولفيت يدي علي رقمته 😂 وقبلته ليها وغمزت ليها 😉 نزلني في الكرسي قال لي انادي ليك الممرضة تغير ليك انا جبت ليك ملابس معاي الصباح ..

كنت بلبس لبس المستشفي .. جاتني الممرضة غيرت لي مع ولبستة عبايتي ولقيته جايب معاها نقاب😒 قلت المتخلف دا الناس في شنو ..طلعت من غير ما البس النقاب 😒 لقيت مشاعل ماف قلت لي خلاص قال لي البسي النقاب قلت لي لا ماعايزة ما جادلني قال لي طيب ساقني بالكرسي وطلعنا ..

قلت لي مشاعل وين قال لي اديها المفتاح تسبقنا علي العربية لما نزلنا تحت كانت راكبة قدام قال ليها مشاعل اركبي ورا نزلت وضربت الباب نهراها قال ليها افتحي الباب شالني وركبني قدام وطبق الكرسي رجعه ورا .. 😂 طول الطريق بتعاين لي بالمراية وتحمر لي 😒 وانا نفس الشي .. بس قلت اغيظها اتونس مع وليد ..

قلت لي حتجيب لي شريحة ؟ قال لي خلاص ونحن في الطريق بوقف اشتري ليك قلت لي تسلم 💓 مالقيت كلام اقوله ليه .. سكتا لانو اصلا ماقادرة اتكلم معاه وجبرت نفسي عشان قدام مشاعل . وقف العربية وقال لينا شوية واجيكم ..مشاعل قالت لي اعملي حسابك مني قلت ليها العايزة تعملي كلو اعملي 😒✋ وماا خايفة منك ودا راجلي زي ماهو راجلك .

😂😂 لما قلت راجلي قلبي لما اتقبض💔 سكت منها قلت في سري ربنا يرحمك يا مروان بالجد كنت صاح لما قلت لي احسن لينا بعيد من اهلي .. ( حبيبي امك اتصلت لي الليلة ❤ لسة هي بتقنع فيك قلت لي اي ياااخ تعال نمشي ليهم زيارة شهر بس ..

قال لي حبيبي والله ما بقدر قال لي البعد بكون سمح ❤ قال لي هسي علاقتك مع امي سمحة لما تكوني معاها تاني حتقولي لي عايزة ارجع😂😂 قلت لي لا بس ..قال لي هند بطلي حركات الشفع دي قلت لي خلاص🙊بس حنمشي زيارة قال لي ربنا يسهل ❤) وليد قال لي هند قلت لي حبيبي ❤ وليد اتخلع وانا زاتي اتخلعت 😨😨 قلت لي قصدي نعم ..

قال لي اتفضلي ولسة ما قادر يستوعب الكلمة😂😂 والله جاني صوت مروان .. مشاعل مدت يدها وقرصتني . قلت اي .قال لي مالك قلت ليه ضربت رجلي قال لي خلي بالك 😣 قلت لازم افرسها يعني لازم بس كلام اني اخلي وليد يطلقها دا هرش بس اصلا وليد وهي ما تهمني 😒 بس تتادب ..

وصلنا البيت كلهم استقبلوني جنب الباب 💓 ومعاهم وتين سلمت عليها 😍 قلت ليها يا حياتي مشتاقة ليك قالت لي وانا تاني ما امشي مني 💔 قلت ليها حاضر تعبتي حبوبة ماجدة قال لي لا 😂😂✋ ميادة قالت لي نورتينا ❤ قلت ليها نورك ..

دخلنا  قعدنا في الجلسة اتونسنا شوية قلت ليهم عايزة اطلع قالو لي طيب قلت لي ميادة تعالي امسكيني .. قالت لي ولا بقدر ليك😂😂 قلت ليها بمشي برجل واحدة 😂😂 قالت لي وليد امسك مرتك دي طلعها جاءعايز يشيلني قلت لي اسندني بس بمشي بقيت بعرج ومااشة ونفسي دا قام وبقيت انط في السلم 💔 ولا اتكلم معاي طوالي شالني 😂 وقفنا قدام باب الغرفة قال لي افتحيها 😂 فتحتها قلت لي خلاص نزلني بواصل نزلني وطلع جاتني ميادة شايلة وتين قلت ليها طلعي لي لبس ..

قالت لي دا لبس شنو 😂😂😂 يوم قال لي وليد اديني ليها عباية انا ضحكت لما فتحت الشنطة ورتبت ليك ملابسك وملابس وتين في الدولاب 😂😂 قلت ليها دي صحبتي شكيتها لي الله قلت ليها تزكري قلت ليك ماشة السوق 😂😂 قالت لي عرفت هسي بكرا بمشي اجيب ليك قلت ليها خلاص في جلباب احمر طويل😂 جيبي لي .. غيرت ورقدت وجات رقدت جنبي وتين ❤ حضنتها ونمت 😍 كنت مشتاقة لنومتها جنبي ❤

عدت ايام بقيت امشي .. براي بدون مساعدة بنزل واطلع .وليد كان اكتر زول تعبان معاي واكتشفت انه حنين شديد وعصبيته و غضبه دا وراه زول تاني خالص .ماحصل زعلني والاقوله يتنفذ يلا عايزين يعملو كرامة ويعزمو اهلهم الهنا الما حضرو العرس عشان يشوفوني وكدا ..

ميادة ومشاعل شغالين من الصباح مساكين وانا ووتين نتفرج وننظر ليهم ميادة تمشي وتجيني تقول لي بختك مرتااحة 😂😂يلا كانو عازمنهم عشااء والوقت خلاص جااء مع المغرب ميادة قالت نسيت الحلا 💔 قلت ليها خلاص بعمله انا امشي اجهزي ..

دخلنا انا ووتين المطبخ بديت افتش الحاجات .. يلا بديت اجهز فيها علمني ليها مروان ❤ كنا بنعملها مع بعض .. جاء داخل وليد قال لي بتعملي في شنو قلت لي حلا قال لي و يدك 💔 قلت لي ما قعد توجعني شديد قال لي اساعدك ..

اتزكرت مروان 💔💔حسيت اني بخونه قدر ما اركز مع وليد 💔 قلت ليه لا بس شيل وتين لي ميادة تلبسها قال لي طيب .. انا خلصت وطلعت عشان البس فتحت الغرفة لقيته هو بلبس وتين 😂😂 وقفت ضحكت قال لي مالك قلت لي ولا شي😂 قال لي وحااسرحها قلت لي ما تلعب لي بي بتي قال لي 😂😂 وكمان بتي ماعارفة بس اتقبلت الموضوع قال لي لو تقدري طلعي لي لبس ..

فتحت الدولاب طلعت ليه جلابية قال لي .. طالع اجهز وانتي اجهزي قلت لي خلاص ..كان فااكي لوتين شعرها 😂😂 مسكتهم ليها اتنين ❤ وفتحت ليها التلفزيون ومشيت اجهز لبس فستان كحلي فيه فصوص بالفضي اكمامه نص❤ طبعا بمشي حفياانة وبعرج 😂 مسكت شعري واحدة وخليته وخاته طرحة في كتفي ونزلنا تحت لقيت في مرا ومعاه بت سلمت عليهم خالتو ماجدة قالت لي ام مشاعل واختها قلت ليهم هلا فيكم ..

غلبني اقعد معاهم قلت اخش المطبخ لميادة اشوفها لو عايزة شي مالقيتها .. وانا طالعة جو داخلين وليد ومعاه رجال ماشين علي المضيفة حقت الرجال شافوني .. وليد دا حمر لي قال ليهم اتفضلو وجاء علي 💔

بواسطة
بقلمي انا : sito salah
الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق