قصص وروايات

رواية احببته و تزوجني أخاه (الجزء السادس)

كمية الالم الكنت بحسها وانا واقعة في السلم لما وصلت الارض غلبني اصرخ😢😢 بس دموعي نازلة وتاني ماحسيت بي شي ..صحيت بعد يومين 💔😢 لقيت مجبصين لي يدي اليمين ورجلي اليمين ..

ولافين لي راسي بشاش 😢😢 ماكان في زول فيي الغرفة ورجلي ماحاسة بيها بس في الم في يدي 😣😣قمت اكورك وابكي جاني صداع فظيع .. جات داخلة الممرضة قالت لي حمدلله علي سلامتك قلت ليها جسمي كله بوجعني وراسي قالت لي ثواني والدكتور يجيك وتاخدي مسكن .. قلت ليها وين بتي ماف زول ؟..

قالت لي كانو  هنا وطلعو علي البيت بس في راجلك . قلت ليها قولي لي يجيب لي بتي . 😢قالت لي بمشي انادي ليك وحمدلله ع السلامة مرة تانية انتي كنتي غايبة يومين ❤ طلعت وجاأء داخل الدكتور قال لي عوافي ❤ هسي كيف قلت لي موجوعة ❤ قال لي وقعتي كيف انتي ..

اتزكرت انو مشاعل لزتني من السلم .. بس قلت ما حااقول ليهم كدا .. بس حسابه معاااي .. قلت لي والله ماعارفة بس شكلوو راسي لفة 😢 انا مالي عندي شنو . قال لي كسر في رجلك و يدك وكان عندك نزيف في الراس بس وقف ❤وايام وتطلعي بالسلامة ..

قلت لي عايزة مسكن الوجع ماقادرة اتحمله ..قال لي حاديك مسكن 💔 بلعته المسكن .. جاء داخل وليد عاين لي .. قال لي حمدلله ع السلامة ❤ما رديت لي .. غمضتا عيوني الدكتور قال ليه سلامة ارديتها مسكن وحينومها .. قال لي طيب هي كيف قال ليه النزيف ما عمل اي سلبيات ..

بس تحافظ لي قدام 😊 قال ليه انشااء الله .. الدكتور طلع .. وليد جاء قعد في الكرسي جنبي ..قال لي وقعتي كيف؟ قبلت عليه قلت لي امثلها ليك يعني ..قال لي ما تستظرفي قصدي وقعتي براك .قالت لي اي .. 😢 قال لي متاكدة قلت لي اي 😕 وتين كيف عايزاها ..

قال لي كانت هنا مع امي وطلعو قبل ما تصحي وهسي راجعين في الطريق نومي شوية عشان الوجع. عشان ترتاحي .. نمتا و صحيت  لقيت خالتو ماجدة و ميادة و وتين 😍😍 قالو لي سلامتك ..عايزة اقوم غلبني .. ماقادرة احرك شي في جسمي 😦 جاني وليد قال لي ارقدي انا بجيبها ليك جاب لي وتين ..

بوستها وسلمت عليها . قلت ليهم حااطلع متين من المستشفي .. قال لي الدكتور قال اسبوعين كدا ..عشان يتابعو حالتك بس .. قلت ليه كتيرة ..💔قال لي بطلي حجة .. قعدو يتونسو معاي لمساأء كدا وليد قال ليهم امشو .انتو انا بقعد معاها .. انا نططت عيوني 😨 قلت لي لا امشو كلكم في ممرضات هنا ..

عاين لي وقال ليهم خلاص ارح البيت ونجي الصباح 😑 طلعو مني .. وانا من الصباح مصدعة وماقادرة اقوم 💔 كوركت عشان تجيني ممرضة ماف زول جاني  .. قعدتا ابكي لما نمت 😦 صحيت علي لمست زول في شعري فتحت عيوني لقيته وليد هو زاتو اتخلع ..

بس ماقادرة اتكلم قعدتا ابكي 😢😣 قالت لي بسم الله .. تعبانة رووقي لو بكيتي حتتعبي اكتر جاء علي وبقي يمسح دموعي رفع السرير شوية وقعد جنبي 😢وبقي يهدي فيني .. قال لي عليك الله ماتبكي حتتعبي غمضي عيونك وانسي الوجع حترتاحي وانا جنبك 😢 عملت زي ما قال نمتا ..

وماحسيت بي شي ..الا الصباح لقيته لسةة قاعد جنبي ونايم .. زحيت منه .. صحي قال لي صباح الخير اصبحتي كيف  ؟ قلت لي الحمدلله قلت لي نادي لي الممرضة ..قال لي عايزة شنو راسك لسة قلت لي ناديها لي بس ..طلع ونادها لي قلت ليها عايزة امشي الحمام .

قالت لي طيب مشت وجاتني راجعة بكرسي متحرك 😢قلت ليها مابقدر امشي براي قالت لي حتعوودي عليه. نادت وليد قالت ليه شيلها وقعدتها في الكرسي .جاء علي انا طوالي غمضتا .شالني وختاني في الكرسي وطلع .. الممرضة كانت معاي .. استمر الحال علي اسبوعين كدا ناس خالتو ماجدة بجوني كل يوم وهي الماسكة وتين ..

ووليد بمشي الصباح وبجي يبيت معاي في اخر يوم المسشفي . جاني وليد قال لي بكرا حتطلعي قلت لي تمام .قلت لي ناس امي بتصلو عليك قال لي بتتصل لي كتير ..

قلت لي اوعا تكون كلمتها قال لي لا ابدا بس الليلة قالت لي الا تتكلم معاك قلت لي خلاص اتصل لي ليها ❤اتصل اتكلم معاها شوية واداني ليها سلمت عليها قالت لي انتي كويسة قلت ليها الحمدلله ..

قالت لي عليك الله في شنو انا قلبي واجعني عليك قلت ليها والله انا كويسة يا امي وبخير قالت لي طيب مبسوطة في بيت راجلك قلت ليها ..اي الحمدلله قالت لي خلاص اعملي ليك رقم طوالي بتصل لي راجلك بقول لي انا برا البيت 😢 قلت ليها طيب .

اها مع السلامة بتصل ليك تاني قالت لي خلاص 😊 خلصت مكالمة كدا باب الغرفة دقة .. وليد قال اتفضل دخلت مشاعل .. 😨

بواسطة
بقلمي انا : sito salah
الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق