قصص وروايات

رواية كبرياء الحب (كاملة)

فكيت الطرحه ومسحت دموعي
ودخلت الحمام اخدت دوش ع سريع
طلعت ولبست بجامه بكم وبنطلوون ودخلت تحت للحاف وتغطيت منيح…بعد ٥ دقايق فات احمد على الغرفه
اخد بيجامه وطلع نام برا ع الكنبايه …

فقت الصبح على زغريط بره وصوت امي ..
دخلت بسرعه الحمام وغيرت تيابي ولبست قميص العروس وحطيت شوية مكياج وطلعت…
امي :بسم الله مشاءالله قمر يا امي تعالي ابووسك الف مبرووك حبيبتي .
غنى : الله يبارك فيكي امي
احمد :رح انزل شوي ع سوبرماركت خدو راحتكم
امي :الله معك حبيبي

طلع احمد من البيت وخفت كتير لانو كنت عارفه انو امي ما رح تتركني بحالي ورح تبلش اسئله
امي : شو طمنيني امي كيف كانت ليلتك
غنى : منيحه امي الحمدالله
امي :شو يعني مشي الحال
غنى : اي امي الحمدالله

امي : الحمدالله شفتي كيف يا امي والله ابن عمك مافي منه صحيح عمك ومرتعمك عقاارب بس والله اولاد عمك ما في متلهم وجوزك اولهم ..
غنى : امي انا وفقت على الجيزه كرمال ابي وانتي بتعرفي انو احمد ما بحبني ولا انا بحبو واحنا لتنين انجبرنا على هالجيزه كرمال ابي وعمي يصطلحو وترجع شركاتهم مع بعض مو هيك امي …

امي : يا بنتي لما لرجال بتحكي النسوان بتنفذ واحنا ما النا حكم ..هيك نصيبك امي …ديري بالك ع جوزك وما تخليه يحتاج شي ما بدنا مشاكل مع ابوكي الله يرضا عليكي ..
حكت هالكلمتين وودعتني وراحت ..وانا قعدت وصرت ابكي على حظي اتجوزت بالغصب ابن عمي كرمال العادات والتقاليد كرمال النفوذ والمصاري … فات احمد وكان جايب معو اغراض كتير فات ع المطبخ وصار يحط الاغراض بالتلاجه ..

غنى :بدك مساعده
احمد :لا شكرا ما بدي غلبك
غنى : لامافي غلبه رح اعمل فطور انا
احمد :……
عملت فطور وقعدنا نفطر انا وياه مع بعض ما حكينا اي كلمه بس كنت مبسوطه وانا باكل جمبو …خلصنا فطورنا وقمت اجلي وازبط البيت ..سمعت صوت احمد بينادي..

تركت كل اشي ورحت
احمد :ممكن تعمليلي فنجان قهوه وتيجي مشان نحكي
غنى :حاضر
رحت عملت القهوه وايديا عما يرجفوو ما بعرف ليش
غليت القهوه وفارت على الغاز ورجعت عملت وحده جديده
ورحت كان قاعد و ايديه على عيونه بس شافني عدل حالو ..
احمد :يسلمو ايديكي

غنى :وايديك
احمد :خلينا نحكي شوي هلاء انا بعرف انو نحنا نغصبنا على الجيزه وانو انا وانتي ما كنا موفقين صح
غنى :اي صح
احمد :بس هلاء انتي مرتي وحامله اسمي ولازم تصوني اسمي واسمك ..رح نتفق انا ويااكي اتفاق

رح نعيش انا وياكي تحت سقف واحد على الحلوه والمره وعد اني ما هينيك ولا اجرحك رح تكوني ست البيت ورح خليكي تكملي جامعتك ووعد اني ما رح ألمسك رح نعيش بنمثل انو متزوجين وبعد ٦شهور سنه بنتطلق مشان ماحدا يجيب بسمعتك بأي كلمه ..وهالاتفاق بينا ماحدا لازم يعرف فيه حتى اهلي واهلك رح نمثل انو مبسوطين….رح اتركك تفكري هلاء وبعد ما فيق من نوم بتعطيني رايك …

فكرت كتير بكلام احمد ما بعرف ليش كنت حاسه اني الطرف لضعيف المكسور الي لازم يقبل باي اشي حتى بعد ما نتطلق انا الي رح اخسر الكل رح يحكي عني مطلقه….
بكيت كتير وانا عم فكر وافق ولا ارفض بس ما كان في مجال للرفض لانو انا الست انا الجانب لضعيف بالموضوع ..

دق باب بيتي قمت بسرعه مسحت دموعي وتكحلت وفتحت الباب كانت مرتعمي امو لاحمد
ام احمد : شو كنتي بدك ٥ ساعات لتفتحي الباب
غنى :اهلين مرتعمو …انا كنت بس
احمد:اهلين امي
ام احمد : اهلين حبيبي كان نفسي زغرطلك وقلك مبرووك بس شو بدنا نعمل الله يسامحو ابوك …

اجا احمد جمبي ولفني وحط ايدو على خصري وقال لامو
احمد : زغرطلي امي وباركلي غنى ما في منها وانا مبسوط كتير ….
انصدمت مرتعمي واطلعت فيني من فوق لتحت …
ام احمد : برافو ست غنى عرفتي تضحكي عليه بسهوله فكرتك مغصوبه عالجيزه بس الظاهر انتي وامك الي مخططين للموضوع مشان توقعوا ابني …
تركتهم ودخلت غرفتي وغرقت في دموعي ..

كنت سامعه كل الاهانات وكل الكلام بس ما كنت قادره احكي ولا كلمه وكان احمد يدافع عني ويحكيلها انا بحبها ومافي منها… بقيت مرتعمي شي ربع ساعه تغلط وتنق عليه وعلى امي واحمد يدافع وانا غرقانه بدموعي ..
بعد ٥ دقايق … فتحت احمد الباب ودخل معو صينية اكل فيها اكل عرسان وحلوياات ….كان اشي بشهي كتير
احمد : يلا غنى رح اعتبرك عروسه واخدمك انا اليوم شو رايك .
غنى:…….

احمد :ليش عم تبكي
غني :…..
احمد: انا اسف والله امي طيبه بس هي كان نفسها تفرح فيه و…
غنى :وانا ما كان نفسي افرح يعني اصلا انا الخسارنه الوحيده من كل هالجيزه ….

احمد :طيب اسف خلص حقك عليه اسف على كل كلمه سمعتيها من امي انا دفعت عنك والله لانك انت ما دخلك..
مسحلي دموعي بايديه وطلع فيني نظره كلها حنان ومسك المعلقه وطعميني لقمه بتمي ..حسيت قلبي بيرتعش عيونو حلوين ايدو حنونه جسمي بيرتعش ….تغدينا انا وياه وسئلني عن الاتفاق اذا موافقه اولاء حكتلو اني موافقه واتفقنا على كل اشي وكيف نتعامل وكل واحد يخبر تاني شو بصير معو واتفقنا نعيش مع بعض اصدقاء وبس

اول اسبوع كان احمد ماخد اجازه وما بروح ع شغلو كنت طول الوقت فوق في بيتي كانت علاقتي باحمد منيحه كتير نفكر سوا ونتغدا نتفرج ع تلفزيون مع سوا نحكي سوا واخر الليل كل واحد منا ينام بغرفه ما كنا نشوف حدا ابدا …..اول اسبوع كان حلو مافي مشاكل وكنت حاسه بامان ومشاعر متلخبطه ….

صحيت من نومي لقيت احمد طالع ع شغلو وكاتبلي ورقه ع تلاجه…. انا طلعت بكير وما رضيت فيقك ديري بالك ع حالك ولو صار معك شي كلميني ..استغربت من محتوى رساله فطرت وضبيت بيتي ونزلت عند مرتعمي ….دقيت الباب فتحلي سلفي لصغير سالتو وين مرتعمي خبرني انها لساتها نايمه دخلت المطبخ وحطيت القهوه ع نار مافي دقيقه كانت مرتعمي بوشي …

ام احمد :شو عم تعملي شو حاطتي بالقهوه شو بدك تسحريني متل ما سحرتي ابني ولك فشرتي انتي وامك بتفكريني مابعرف انو ابني مسحور ولك انا الي بعرف انقلعي من بيتي ما تدخليه ابدا
غنى :والله العظيم ما حطيت شي اقسم بالله انتي فاهمه غلط انا قلت بعمل قهوه بتكوني صحيتي وبنشربها سوا …

المصدر
محمد السبكي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى