قصة مراهقة على المسنجر الجزء الثالث

بالعربي / مصطفي: حاجة ايه 
نرمين: بص يا مصطفي انا هقولك بس اوعدني 

مصطفي: اوعدك بايه انا مش فاهم حاجه 
نرمين: بصراحة أنا اتعرفت على واحد في الفيس بوك 
مصطفي: ها وبعدين 
نرمين: لا خلاص مفيش 
مصطفي: هو ايه الي مفيش 

نرمين: أصلي خايفه 
مصطفي: طب بصي انا دلوقتي علي الكافيه مع اخوكي الرخم أول ما أروح البيت هكلمك ماشي 
نرمين: خلاص ماشي 
دي كانت المكالمه بيني وبين مصطفي خطيبي
شويه ولقيت الزفت هشام بعت رساله على المسنجر 
هشام: وحشتيني 

طب ردي 
يعني مش عايزه تردي 
ماشي يا جزمه انا هعلمك الأدب 
نرمين: أولا انا مش جزمه انا بنت ناس ومحترمه 
ثانيا احترم نفسك احسنلك 

هشام: يعني مش خايفه 
نرمين: بص يا هشام انا النهارده جالي عريس وتخطبت ارجوك متتكلمش معايا تاني 
هشام: بس انا عايزك 
نرمين: يووووه انت ما بتفهمش 
هشام: طب وليه الغلط ده 

نرمين: من الآخر أنت عايز ايه 
هشام: عايز ابوسك وحضنك ونلعب عريس وعروسه 
نرمين: انت قليل الأدب وسافل عمري ما كنت اتصور انك تطلع كده 
هشام: هشوفك أمتي يا حبي

نرمين: مش هتشوفني وامسح المحادثة وأنا هعملك حظر دلوقتي انا كرهت الفيس بوك بسببك 
هشام: عارفه انا دلوقتي بعمل إيه 
نرمين: مش عايزه اعرف 

هشام: انا فاتح صفحة اخوكي حازم وعمال اعمل اعجاب وتعليقات بس انا خايف وانا بعلق تطلع صوره كده ولا كده 
نرمين: انت لا يمكن تكون بني ادم انت اكيد حيوان 
هشام: طب وليه الغلط ده يا بنت الناس انتي مش خايفه اتجنن وفضحك على الفيس بوك 
وانا بكتب الرسالة رن مصطفي 
نرمين: الو 
مصطفي: انتي لسه صاحيه 

نرمين؛ اه صاحيه 
مصطفي: لو دايقتك ممكن اكلمك وقت تاني 
نرمين: لا مفيش مدايقه ولا حاجه 
مصطفي: يعني اخد راحتي 
نرمين: خد راحتك يا درش 

مصطفي: الله حلوه اوي يا درش دي قوليها تاني 
انا بكل كسوف خلاص بقي 
مصطفي: عشان خاطري اسمعها كمان مره 
نرمين: يادرش 
الو 

انت روحت فين 
مصطفي: بضحكه ههههههههههه نمت 
نرمين: نمت طب تصبح على خير 
مصطفي: استني انا بضحك معاكي قوليلي بقي
نرمين: اقولك ايه 

مصطفي: قوليلي انتي مخبي ايه علي حازم وخالتي 
بعد ما مصطفي فتح الموضوع وانا متردده اقوله خايفه يزعل ويقول لحازم وساعتها هبقي جنيت على نفسي اصل حازم علي قد حنيته معايا وطيبة قلبه بس عصبي جدا ومش بيخاف من اي حد ممكن يروح لهشام يموته ويموتني معاه 

مصطفي: ايه يا بنت قلبي انتي روحت فين 
نرمين: ها معاك يعني هكون روحت فين 
مصطفي: انا بكلمك من الصبح وانتي مش بتردي عليا لدرجة الناس الي جنبنا صحية على صوتي 
نرمين: ههههههههههه مش لدرجه دي 
مصطفي ؛ بجد سرحتي في ايه 

نرمين: مش هقولك ههههههههههه 
مصطفي: كنت عايز اقولك شوية حاجات قبل الفرح 
نرمين: فرح ايه يا عم انت انا هكمل تعليمي
مصطفي ” بس انا اتقفت مع حازم الخطوبه الخميس الجاي وهلبسك الدبله وبعد الخطوبه بشهرين هنعمل الفرح وبنسبة للتعليم مين قال مش هتكملي تعليم 
نرمين: يعني موافق اكمل تعليم بعد الجواز 
مصطفي: اكيد موافق وانا هرفض لي 

نرمين : الحمد لله طمنتني 
مصطفي ” ها نرجع لموضوعنا 
نرمين: موضوع ايه 
مصطفي ” بصي يا نرمين علشان نقدر نكمل مع بعض لازم اعرف عنك كل حاجه وانتي كمان لازم تعرفي عني كل حاجه 
نرمين: كل حاجه ذي ايه 

مصطفي: يعني بتحب ايه بتكره ايه حياتي قبل منك كان شكلها ايه حبيت قبل منك ولا انا اول حب حاجات ذي كده 
نرمين: بصراحة أنا خايفه 
مصطفي: خايفه من ايه متخفيش صدقيني الي هسمعه منك ربنا بس هو اللي يعرفه مستحيل اقوله لحد مهما كان محدش هيعرف الي بنا غير ربنا بس 
” بصراحة كلام مصطفي طمني وخلاني اعترف وقوله على الزفت هشام 
نرمين: بصراحة يا هشام انا حبيت واحد قبلك اتعرفت عليه في الفيس بوك 
مصطفي: ولسه بتحبي 

نرمين ” احب مين ده طلع حيوان حرام تقول عليه إنسان 
مصطفي ” نرمين صدقيني لو فعلا بتحبي انا ممكن اساعدكم وخليكم تتجوزو ولكان على حازم ملكيش دعوه انا هعرف اقنعه ده صاحبي وانا اعرفو أكتر منك
نرمين: صدقني يا مصطفي انا بكرهو لدرجة إني بتمنالو الموت في كل لحظه 
مصطفي: ياساتر لي كده 

نرمين: السافل كان بيلعب ويتسلي بيا وانا من خيبتي وطيبة قلبي صدقته لدرجة أنو طلب صورتي ف بعتلو صورتي وهو دلوقتي بيهددني انو هيفضحني لو ما قبلتوش وانا مش عارفة اعمل ايه 
مصطفي: هو طلع من النوع ده خلاص متشغليش بالك انتي بالموضوع ده
نرمين: أنت هتعمل ايه 
مصطفي: بزعل ملكيش دعوه 

نرمين: يعني أنت مش زعلان من الي حصل مني 
مصطفي؛ مش زعلان علشان إنتي لسه صغيره 
نرمين: طب أنت اكيد هتقول لحازم وهو يضربني صح
مصطفي: هههههههههههه لا متخفيش 
نرمين ” بتضحك وانا بتمني الأرض تنشق وتبلعني 

مصطفي ” بضحك على براءة الاطفال الي موجوده فى قلبك💖
نرمين: عارف يا مصطفي انت ربنا بعتك ليا من السما انا انا 
مصطفي: انتي ايه 
نرمين: انا بحبك 
مصطفي: يخرب بيت ام كده 

نرمين: ايه مالك 
مصطفي: حاسس اني طاير في السما 
نرمين: بس بقي علشان انا مش عارفه قولتها إذاي 
مصطفي: طب أنا عايز اسمعها تاني
نرمين ” بس يامصطفي مش هقدر اقولها تاني

مصطفي: مفيش حاجه في الدنيا تزعلك اضحكي وخلي بالك من نفسك عارفه يانرمين 
نرمين: إيه 
مصطفي: لسه متخلقش اللي يفكر يزعلك والولا ده اسمه ايه 
نرمين: الزفت هشام 

مصطفي: طيب أنا هقفل وهفتح الفيس وبعتلك طلب صداقه انتي إسمك إيه علي الفيس 
نرمين: الوجع حياة المخلصين هتلاقي صورة ولد حاضن بنت وصورة الغلاف بنت نايمه علي ايد حبيبها وحواليهم قلوب 
مصطفي: خلاص ماشي يلا سلام 
نرمين: سلام 

شويه وفتحت الفيس لقيت مصطفي الدنجوان أرسل طلب صداقه قبلت الطلب وفتحت المسنجر 
مصطفي: إيه الصفحه دي 
نرمين: مالها 
مصطفي: كلها حزن بصراحة أنا كنت خلاص قربت اعيط ههههههههههه 
نرمين: يارخم هههههههههههه 
مصطفي ” انا رخم طب مخاصمك 
نرمين: مقدرش على زعلك انت عسل 
مصطفي: عسل بس 

نرمين: وسكر 
مصطفي: وايه كمان 
نرمين: بس بقي يامصطفي بكسف 
مصطفي: طب خلاص يلا ابعتي اسم صفحة الولا ده 
هو من الأصدقاء عندك 

نرمين: لا هو كان بعتلي طلبات مراسله علشان اخويا حازم بيدخل على صفحتي ويشوف اذا كان عليها أولاد ولا لا انا اتعرفت عليه في جروب عالم حواء وبعد التعليقات قال ممكن اكلمك خاص قولتلو اخويا مانع اني اكلم شباب ف قالي ممكن اكلمك طلبات مراسله اخوكي مش هيعرف بصراحة أنا معجب بطريقة كلامك وحابب اتعرف عليكي اكتر انا قولت موافقه بس بشرط متعلقش على صفحتي الشخصية علشان اخويا مراقبها قالي خلاص ماشي 
مصطفي: خلاص اوك أدخلي صفحته الشخصية وعملي نسخ الرابط 
نرمين: حاضر