رواية زهرة والبيت الملعون الجزء الثامن
بعد ما طلبوا الجن والارواح ان احفر فى البيت تانى والمرة دى اوضة نومى ، رفضت وخرج عليا قط واتكلم معايا و هددنى لو ما سمعت الكلام هيدمرنى ويدمر بيتى ، قررت ان اقرب من ربنا و صليت العشا و دعيت ربنا انه يصرفهم عنى و اشوف حل.
بعدها خرج جوزى علشان يشترى حاجات للبيت وقعدت انا وابنى حاطة ايدى على خدي مش عارفة هنتصرف فى موضوع الحفر ده ايه لان كدة مش هنخلص منه كل شوية هيطلبوا الحفر .
وانا قاعدة سرحانة فجأة لقيت ست قدامى لابسة ابيض فى ابيض و شها جميل كدة وسمح وبتبتسم ابتسامة جميلة تطمن انا شفتها
اتخضيت اووى ايه ده مين دى !
قلت ليها : انتى مين ودخلتى هنا ازاى ؟!
بصت ليا بابتسامة لطيفة وقالت : متخافيش يا زهرة انا حد عاوز الخير ليكى وهحميكى انت وبيتك ان شاء الله
استغربت من كلامها وخوفى اختفى شوية عن الاول لكن قلت ليها: طيب انتى مين ودخلتى هنا ازاى ؟
ردت عليا بهدوء: انا من الجن الصالح وانا و عشيرتى كنا سبب اختفاء الكنز والكتاب من المقبرة ال تحت البيت هنا .
بصيت ليها بدهشة شديدة جدا وقلت : ايه انتى السبب طيب ليه؟!
قربت مني بهدوء وقالت : لان الناس ال طلبت الكنز اشرار والجن ال بيطلب منك الكتاب اشر منهم وعاوزين يسببوا الاذى للناس .
الكتاب دة فيه لعنة كبيرة جدا لو وقعت فى ايد الشر كل الناس حالها هيتغير للاسواء وهيحصل مشاكل كتير جدا لانه من لعنات ابليس من زمن قديم جدا علشان كدة كان لازم نخفيه كل شوية وننقله من مكانه من الاشرار ال بيكلموك كل شوية.
حماية زهرة فى البيت الملعون
بصيت ليها وبحلقت فيها وقلت : طيب اعمل بيهددونى وكل شوية يقولوا هندمرك انتى وابنك وجوزك وبيتك …. اعمل اية ؟!
بصت ليا بثقة وقالت : متخافيش احنا معاك باذن الله محدش هيقدر يقرب منكم ابدا .
قالت كدة واستغربت من كلامها اووى وقلت : انتى ازاى من الجن وبتقولى باذن الله وان شاء الله !
ضحكت اوووى وقالت: الجن زى الانس بالظبط فيهم المسلم والمسيحى واليهودى وكلمة الله لا تاذى الا الكافر والعاصى لله.
وبعدين متخافيش من شيء مفيش حد اقوى من ربنا . خليكى دايما معاه هو اكبر من اي شىء . كلامها بصراحة ريحنى اوووى بس خفت من الجن الشرير ينفذ تهديده .
حست هى من شكلي انى خايفة ومش مطمنة علشان كدة قالت :انا هكون معاك ليل نهار ولو حد قرب منك اسالينى ومتسمعيش كلامي تانى بس لازم انتى تساعدينى بنفسك على كدة .
بصيت ليها باستغراب اووى وقلت : انا ….! انا اساعدك ازاى؟
ردت : ايوة لازم تصلي على طول وتكونى على وضوء و عليكى بالاذكار بتاعت الصباح والمساء كل دة هيخليهم ميقدروش يوصلوا ليكى ابدا.
فكرت فى كلامها كويس لقيته كلام جميل ومنطقى جدا لكن قلت اجرب واشوف ايه ال هيحص . ولسه هكلمها سمعت صوت الباب بيتفتح ولقيت جوزى رجع من بره .
بصيت عليها لقيتها اختفت مرة واحدة . قعدت ابص عليها فى كل مكان فى الاوضة لكن ملقتش حد ودخل فؤاد عليا وانا ببص هنا وهناك كأن حاجة ضايعة منى .
تجربة ناجحة
فؤاد بص ليا وقال : مالك فى ايه ؟
حكيت ليه كل ال حصل وال قالت عليه الجنية . فرح اوووى لكن كان فرح بخوف وحذر شديد . وقال طيب نجرب لو الموضوع نجح يبقى نستمر لو فشل نعمل المطلوب منا.
مرت الليلة و كل شيء مر بسلام وهدوء رغم خوفى وقلقي لكن الامور مشيت كويس جدا . فرحت اووى ان الجن الشرير مجاش
يهدد او يطلب مننا نحفر تانى فى البيت .
ومر يوم ورا يوم ومفيش حاجة بتهددنا ابداً كنا فرحانين اوووى وفى يوم كنت قاعدة وجوزى فى الشغل لقيت الباب بيخبط عليا
فتحت الباب لقيت تلات ستات منهم واحدة جارتى .
مساعدة مرة اخرى
استقبلتهم ورحبت بيهم وبعد شوية بصت ليا جارتى وقالت: بصي يا زهرة دى مرات ابن عمى وتعبانة اووى وراحت لدكتور وعشرة وقالوا مفهاش حاجة وانا قلت ليهم عليك انك هتعرفى عندها ايه وتعالجيها .
الحقيقة اتصدمت من كلامها ومكنتش متوقعة خاصة ان من وقت ما قدرت ابعد الجن الشرير المؤذى وانا مبقتش أعالج الحالات دى او اعرف حتى فيها !.
بصيت ليها وقلت : اسفة يا حببتي والله انا بطلت الموضوع دة لانى تعبت جدا منه. بصوا كلهم ليا وبصوا لبعض ومستغربين بعدها لقيت الست التعبانة بتقول : ارجوك عالجينى وشوفى عندى ايه وهديكى الفلوس ال تطلبيها .
رديت عليها : مش موضوع فلوس انا مش باخد فلوس من حد علشان اخد منك . لقيت جارتى زعلت وقالت : طيب علشان خاطرى انا مش معقولة تصغرينى كدة قدامهم .
لقيت الست الجنية حضرت ومن غير ما حد يشوفها اشارت ليا انها هتساعدنى . بصراحة كنت مترددة لكن علشان جارتى متزعلش مني لانها كويسة جدا معايا وافقت .
قلت ليهم حاضر علشان مزعلش جارتى وحببتى دى وفعلا جت الجنية وعرفتنى ان الست دى مسحورة بسحر المرض وعرفتنى كمان ان السحر عن طريق الشرب وفى حد شربها سحر.
حاولت طبعا تعرف هو مين لكن انا معرفش وقلت : انا معرفش لكن احنا ال يهمنا ننهى السحر ونبطله مش نعرف مين ال عمله
قلت ليها لازم تواظبى على الصلاة والقرأن وزيت الزيتون وبعد كام يوم هتخفى .
وفعلا نفذت المطلوب ال قلته ليها ورجعت السحر من بطنها وبقت كويسة جدا ولقيتها كلمت كل الناس وعرفتهم انى بعالج كويس جدا و لقيت الناس بتيجى ليا كل يوم ومقدرتش ارد حد.
ومرت الايام وبقيت معروفة اووى وسط الناس لدرجة كل يوم تيجى حالة واتنين وتلاتة وربنا يوفقنا فى علاجهم الحمد الله ومرت سنتين على الكلام دة وانا عايشة فى امان والجن الشرير مقدرش يقرب لينا تانى.
وفى يوم من الايام حصل شيء غريب .
ياترى حصل ايه ؟
تابع
يجب أنت تكون مسجل الدخول لتضيف تعليقاً.