رواية زهرة والبيت الملعون الجزء السابع
اختبار مفاجىء لزهرة بدأ فؤاد يدور على حد يكون تعبان من المس او السحر، فى الوقت دة جت عندنا زيارة بنت خالتى وجوزها ، اتغدينا و قعدنا شوية نحكى عن احوالنا و اشتكت بنت خالتى من صداع مستمر وضيق نفسي وراحت لدكتور و اتنين بس مفيش حاجة .
استغربت من كلامها طيب سبب الصداع ايه ؟!
وهى بتتكلم لقيت حد بيقول فى ودنى دى عندها مس من جن عاشق وهو ال عامل ليها صداع مستمر وانتى تقدرى تساعديها.
لكن طنشت الهاتف دة وقلت دى اكيد وسوسة نفس مش اكتر .
لكن بعد كدة حسيت بحد فعلا بيلمس جسمى و ودنى وبيقول يلا عرفيها واتكلمى مع الجن واحنا معاك هنساعدك.
محاولة ناجحة
اتاكدت انه مش وهم او وسوسة نفسى ليا وابتديت اتشجع واتكلم قلت : على فكرة انتى ال عندك دة بسبب مس من الجن هو سبب الصداع والتعب النفسى ال عندك بسسبه …..بس انا ممكن اعالجك لو تحبى طبعا .
بصت ليا وهى مش مصدقة كل ال بقوله وضحكت وقالت : انتى هتعالجينى ازاى بقا يا ستى الشيخة ههههههه!
قلت نجرب مش هتخسرى حاجة وفعلاً وافقت وقالت اتفضلى يلا.
ابتديت اتكلم و اوجه كلامى للجن ال معاها واقول : انت عاوز منها ايه ؟! تسيبها حالاًد دلوقت فاهم . ضحكت بنت خالتى وقالت بتكلمى مين يا زهرة هههههه. بصراحة حسيت انى بهبل وخلاص وممكن يكون مفيش حاجة .
لكن الهاتف فى ودنى قال استمرى استمرى . كملت وبصيت لعنيها اوووى وقلت اتكلم يلاعاوز منها ايه ؟
وفجأة لقيت شكلها اتغير و وشها احمر اووى ولسانها اتعوج وصرخ الجن ال معاها وقال عاوز ايه منى حرام عليك…؟!
وعد و وعيد
انا اتخضيت واتفاجئت برد الفعل ده معقولة …..معقولة جن بيكلمنى ! صحيح هو فى جسم ولسان بنت خالتى بس كانت تجربة مرعبة . جمدت قلبى وقلت ليه : انت عاوز منها ايه؟.
رد وهو بيصرخ ويقول انتى عرفتى ازاى انى معاها محدش يعرف بوجودى ! لحظتها سمع الصوت دة جوزى وجوز بنت خالتى كانوا قاعدين فى الصالة دخلوا يجروا علينا …. فى ايه وحصل ايه !
قلت : مفيش هى تعبانة وانا هعالجها … استغرب جوزها وبص لشكل مراته لكن سكت لما شاف انى بكلم الجن وبيكلمنى .
قلت للجن : هتسيبها وتخرج دلوقت فاهم .
صرخ وقال مش هسيبها انا بحبها و مش هسيبها ليه … كان بيقصد جوزها طبعاً . قلت هتسيبها والا هخليهم يخرجوك بالعافية .
صرخ وقال مش هسيبها . قلت طيب عاوزه يخرج منها حالاً.طبعا بنت خالتى وجوزها مش فاهمين بكلم مين ،بس جوزى فاهم انى بكلم الجن ال معايا وقرر يساعدنى .
مفيشلحظات ولقيت الجن بيصرخ وبيقول خلاص…..خلاص هخرج خليهم يرحمونى
عرفت انهم سيطروا عليه وفعلاً خرج .
لكن وهو خارج صرخ وقال: مش هسيبك فى حالك هدمرك ، لكن صرخ وخرج .
ورجعت بنت خالتى لحالتها الطبيعية.
كنت مستنية بنت خالتى بعد ما ترجع بيتها هتكون كويسة و لا ايه؟ لكن مر كام يوم وحالتها بقت احسن و بتتحسن للافضل .
و اتعرفت وسط الناس انى بعالج و بقا فى ناس كتير تيجى ليا علشان اعالجها ،
كنت بعرف الحالة ال جاية عندها ايه .
كشف المستور
و فى يوم لقيت رسمة على ايدي ودراعي
على مكان فى البيت دققت فى الرسمة لقيتها فى اوضة النوم بتاعتي .
الحقيقة اضايقت اوووى إحنا كل شوية نحفر. ونلاقى المقبرة بس الكنز يختفى
بالكتاب ال هما عاوزينه.
قعدت وقلت انا مش هحفر تانى انا تعبت وبعدين البيت هيقع بينا و اوضة نومى هتتبهدل و تتكسر ،كدة حرام بجد .
لكن لقيت فجأة. قط اسود ظهر فى اوضتى مشفتهوش قبل كدة ، اتخضيت من شكله ……شكله كان مرعب اوووى.
لقيت القط بيبص ليا اوووى و عنيه …..عنيه فيها غضب ،شكيت فيه بصراحة
لقيته بيكلمنى ويقول: انتى هتحفري زي ما قلنا ليك وشفت الرسمة ، هتحفرى غصب عنك والا هنأذيكم.
مقدرتش انطق لا من فوق ولا من تحت لسانى اتمسك و اتحبس خِرست خالص، بقيت اهز برأسى حاضر ….حاضر .
وفجأة لقيته هجم و نط عليا….صرخت لكن فجأة اختفى كمان ،كان جوزى خارج من الحمام. سمع. صوتى جه يجري. وقال : في اية….مالك؟!.
حكيت ليه كل ال حصل و شاف الرسمة على ايدى
اضايق اوووى وقال: والحل ايه إحنا كدة البيت هيقع ومش هنطول كنز. ولا غيره لانه هيختفى.
كنا متنكدين و محتارين نعمل ايه ما بين خوفنا منهم ومن الاذى بتاعهم وما بين خوفنا على البيت يقع ده غير بهدلة العفش بتاعى لان مل شوية نحفر فى مكان مختلف و الحاجة تختفي .
و بالليل و احنا قاعدين نفكر هنعمل ايه و شايلين الهم ،سمعت اذآن العشاء ….. قمت صليت وطلبت من ربنا انه يصرفهم عنا و يبعدهم عنا .
و بعد ما خلصت صلاة ودعيت ربنا كتير بعدها حضرت العشا اكلنا وشربنا الشاى و دخلت اوضة نومى اجيب حاجة وفجأة .
يا ترى هيحصل ايه ؟!
تابع
يجب أنت تكون مسجل الدخول لتضيف تعليقاً.