رواية زهرة والبيت الملعون الجزء الخامس
افراج مشروط عن زهرة بعد ما طلبت من الارواح مخرجش من البيت واسيبه ابدا، وافقت على كل طلباتهم ، واترجيتهم انى هنفذ كل طلباتهم ومش همشي من البيت .
فجأة لقيت نفسي مرمية فى الحمام و جوزى بيدور عليا فى البيت وبره البيت .خرجت من الحمام وانا برتجف وابكى ، اول ما شافنى فؤاد قال وهو متعصب : انتى كنت فين بدور عليكِ وسايبة الواد لوحده على صرخة واحدة !.
كنت بترعش و ببكى مقدرتش ارد عليه لكن جريت واترميت فى حضنه وقعدت ابكى اووووى ،
حس ساعتها ان فى حاجة حصلت معايا غريبة ومش مطمنة !
فؤاد : مالك يا زهرة حصل ايه اتكلمى !!.
كنت ببكى بس وجسمى بيتنفض ، قعدنى على الكرسي وقال : طيب اهدى ….اهدى واحكي مالك في اية ؟!
بعد ما هديت شوية وحسيت انى تحسنت قلت ليه : انا مش همشي من البيت دة رجع الحاجة بسرعة .
عناد الزوج مع زهرة
بص فؤاد وهو مستغرب من كلامى وقال : انتى ال بتقولى كدة !! دا انتى كنتى مستعجلة علشان نسيب البيت بسرعة !
قاطعته بعصبية وقلت : و دلوقت مش عاوزة امشى يا فؤاد ارجوك هنموت لو مشينا من البيت .
فؤاد بص ليا وبنظرة اندهاش قال : اية !
نموت ….نموت ازاى يعنى ،حصل ايه قولى!
حكيت ليه كل حاجة وانا برتجف و عنيا الدموع نازلة منها و بتلف و تدور فى البيت ، خايفة منهم اوووى.
طبعا هو مكنش مصدق كلامى خالص وقال ليا ايه التخريف دة ! حمام ايه ال ينشق. ويتفتح ويخرج منه دخان وياخدك ،اكيد انتى سرحتى فى حاجة او اغمى عليكى وشفتى دة فى حلمك .
مكنتش قادرة احاول اقنعه لانى عارفة دماغه. ورأسه مش هيقتنع ، لكن قلت ليه: خلاص اعتبرنى بخرف انا مش همشي من البيت دة مهما يكون، ابوس ايدك رجع الحاجة تانى من العربية .
طبعا رفض و اتعصب عليا وقال : انا مش لعبة فى ايدك. او تحت امرك، عاوزة امشي. عاوز اقعد !
هنمشي يعنى هنمشي مهما يحصل الحاجة كلها فى العربية ،شكلى ايه قدام الناس !!.
اقولهم مراتى ملهاش مزاج خلاص ؟!
ومسكنى من ايدى. واخدنى بالقوة وانا ابوس فى ايده انه يسيبنى فى البيت، لكن اصر على اننا نمشي ، وركبنا العربية وانا مرعوبه ومشينا.
رحيل ولكن
وفى نص الطريق العربية وقفت . نزل السواق يحاول يصلحها لكن معرفش فيها ايه ، حاول مرة و اتنين وتلاته. ومش عاوزة تشتغل ! حسيت ان في حاجة وانهم هما ال عملوا كدة .
وقتها بصيت لجوزى وقلت : خلى بالك هما ال عملوا كدة ، ضحك وقال هما مين يا مجنونة انتى سيبك من الكلام دة لو العربية مش هتشتغل هخلى العمال يشيلوا الحاجة لحد الشقة احنا قربنا خلاص .علشان اثبت ليكى انك موهومة .
وفعلا العربية وقفت وجوزى قال للعمال يشيلوا الحاجة لحد الشقة وهيدفع ليهم اكتر ، وفعلا اخدوا الحاجة للشقة وسبقتهم انا و فؤاد على الشقة وبعد ما خلصوا كل شيء اخدوا حسابهم و مشيوا .
فرح جوزى اوووى وقال ليا وهو بيضحك وشمتان فيا : اهو الحاجة جت والعربية اتصلحت واحنا نقلنا للشقة. ومفيش حاجة حصلت ،علشان تعرفى ان كل الحصل ده وهم منك انتى.
قصة رعب تانى
سكت وحاولت اصدقه واسأل نفسي هل فعلا انا كنت موهومة. وكل الحصل دة كان وهم منى وانا محدش اخدنى !
بس ازاى والدخان والصوت والضلمة كل دة كان وهم ازاى ! .
المهم رتبنا كل حاجة فى الشقة. وبعدين دخلت اخد حمام علشان انام. لانى فعلا تعبت اوووى فى اليوم دة
دخلت الحمام واخدت حمام سخن وانا بنشف جسمى لقيت جسمى لونه بيتغير ! .
ايه دة مال جسمى فيه ايه ؟!
ابتدى لون جسمى يتغير للاحمر. وبعدين للازرق. خاصة ايدى ورجلى كنت كل شوية امسح في عنيا واقول انا اكيد فى وهم !
لكن اللون زى ما هو ، رحت صارخة وناديت على فؤاد : فؤاد الحقنى. ….بسرعة ارجوك .
جرى عليا فؤاد وفتح باب الحمام وقال: فى ايه….. مالك !!
قلت: بص لون جسمى اتغير ازاى. وبقى ازرق !
بص فؤاد فى ايدى وجسمى لكن كان اللون طبيعى. ومفيش حاجة.
وفعلا اللون بتاعى رجع بسرعة معرفش ازاى !
فؤاد بص و قال : انتى اعصابك تعبانة اوووى على فكرة لازم تهدى وانا هاخدك لدكتور قريب يشوفك .
اقسمت ليه انى كويسة وجسمى كان لونه متغير لكن رفض يصدقنى وقال اصدق عنيا بس وال شايفه .
كملت لبس هدومى وخرجت وانا حزينة على نفسي اووى .
ما بين التشكيك فى الحاجة ال بشوفها وما بين كلام جوزى.
وال بيشوفه و بيتهمنى. انى موهومة. ومريضة. كمان. ولازم اروح لدكتور نفسي .
اتعشينا و دخلت علشان ننام .ونمت. وانا قلقانة وخايفة حاجة تحصل ، وبقول يارب استرها ،ومن كتر التعب نمت نوم عميق لكن شوفت كابوس مرعب وغريب اوووى .
كابوس و واقع مرعب
حلمت ان الاوضة بتاعت الضيوف. ولعت فيها النار. وانا. وجوزى قاعدين بنفطر وقمت بصرخ من النوم. وكاعادة صحى فؤاد وهدانى وحكيت ليه على ال حصل .
قال دة كابوس من التعب وضمنى فى حضنه وقال نامى واطمنى .
بعدها صحيت الصبح جهزت الفطار وصحيت فؤاد من النوم دخل الحمام وبعدين خرج. قعدنا نفطر ولكن فجأة لقينا نار فى اوضة الضيوف ! .
صرخت و قلت نار يا فؤاد الحق النار فى الاوضة .
جرى جوزى. بسرعة وقعد يطفى فى النار وانا كنت بساعده لحد ما الحمد الله قدرنا نسيطر عليها .
بعدها قعدت جسمى كله بيترعش وخايفة. اووى. وقلت لجوزى : شفت نفس الحلم ال شفته حصل حرقوا اوضة الضيوف ،
لكن هو كاعادة قال ملهوش علاقة ابدا دة تلاقيه ماس كهربائى .
او حاجة حصلت لكن مهاش صلة بالارواح والجن. والكلام الفاضى دة وكان مصر على رأيه ولكن تانى يوم حصل شيء غريب جدا !
ماذا حدث. ؟.
تابع
يجب أنت تكون مسجل الدخول لتضيف تعليقاً.