رواية جسد بلا روح (الجزء السادس عشر)
*تستقر حياه ملك الا حد ما وحست براحة شوية لما بعدت عن جامعتها وعن سيرة ماهر وكانت مبسوطة بأهتمام باباها ووجوده معاها معظم الوقت وكانت حاسة انها بقالها كتير ماخدتش حريتها فالبيت بعدم وجود خالد وومطمنة جدا وتكون قاعدة تتفرج ع التيلفزيون وشوية وتلاقى صفاء داخلة ومعاها رجالة وستات كتير*
صفاء*اول ما تشوفها قاعدة*:ايه ده انتى صحيتى امتى
ملك*بصتلهم وبعد كدا بصتلها بستغراب*:م بدرى ,هما مين دول
صفاء:دول اصحابى ف النادى كل فترة بييجوا يسهروا عندى *وشاورتلهم عشان يدخلوا*:اتفضلوا ياجماعة *ودخلوا وقاعده وبدأوا يتحركوا ف المكان*
ملك*فضلت باصة بستغراب*
صفاء:هتفضلى باصه كدا كتير روحى هاتى اى حاجة للناس
فتحى:انتى عارفة ال احنا عايزينه ياصفاء *وغمزلها*
صفاء*ضحكت اوى*:عندى ومحضراه بس عيناها ف المكان السرى بتاعى انت عارف العيون بقى
مروه:اة ما احنا عارفيين ,بس يلا بقى عشان السهرة لسه ف اولها
ملك*كانت باصه ومش فاهمة الكلام والالغاز البيقولوها*
صفاء*بصتلها جامد*:ما تيلا انتى واقفة كدا ليه اتحركى
ملك*دخلت المطبخ وبدأت تجيبلهم حاجة ساقعة يشربوها*
سما:مين دى ياصفاء دى مش باين عليها شغالة
صفاء:لا دى ملك بنت جوزى ,جت تقضى يومين كدا وهترجع تانى لدراستها
سليم*وهو بيبص عليها*:لا بس ماكناش نعرف انها حلوه اووى كدا ما تجبيها تقعد معانا
سما*بتضربه ف كتفه*:واضح انى مش مالية عينك
سليم:لا مقصدش انا بقول بس بدل ما تحس بوحدة تقعد معانا نونسها ولا ايه!
صفاء*بتكلم عنها بأرف*:لا دى مش زينا خالص عيلة كئيبة كدا ,فككوا منها ,هروح انا اجبلكوا ال انتوا عايزينه ولو حد جه افتحوا الباب ع طول
ملك*كانت ف المطبخ وماسمعتش حاجة م الكلام ده وكانت كل شوية تسمع صوت جرس وناس تدخل وخرجت بحاجة ساقعة*
مروه*ضحكت اوى بسخرية*:ده ايه ده ياحبيبتى
ملك*ببرائة*:حاجة ساقعة
فتحى:طب ومش علموكى ف المدرسة ياشاطرة انك لما تجيبى حاجة ساقعة تجيبى حاجة تحدق معاها
ملك*بصتله بضيق وبتحرك راسها ب النفى*:لا يعنى ايه اجيب حاجة تحدق ,عايز شيبسى يعنى
*كلهم ضحكوا اوى ع كلامها وهى ماكنتش فاهمة ليه بيضحكوا وفعلا كانت بتكلمهم بحسن نية*
صفاء*خارجة ومعاها ازايز فيها خمور*:خدى الحاجات دى ف التلاجة احنا هنشرب حاجة تانية
سليم*وهو بياخد الازايز منها*:ايووووووه هو ده
ملك*اول ما شافت كدا اتصدمت*:انتى بتشربى ده؟ ,ايه ده ازاى و..وبابـــا *ولسه هتكلم*
صفاء*بصتلها وبرقتلها جامد ومسكتها م درعهاا وبعدوا عن الناس*:بصى بقى مجدى مش جاى النهاردة فأصحابى هيفضلوا قاعديين معايا هنقضى سهرة حلوه كدا وبعديين هيمشوا
ملك*بصتلها بصدمه*:طب وليه بتشربى حاجة زى كدا هو بابا عارف ان الانواع دى هنا ف البيت
صفاء:لا طبعا *وقامت حاولت تهدى صوتها*:ده بس ياملك تفريحى كدا ,وكمان انا مابشربش ده هما البيشربوا بـــس
ملك:بس ده مينفعش ومفروض الازايز دى تترمى برة
صفاء*بزعيق*:لا بقولك ايه انتى مش جاية هنا عشان تبوظى حياتى الكنت عيشاها قولتلك خلاص احنا بنشرب تفريحى مش كل يوم وكمان لو عايزة ابوكى يعيش ف عكننة ونكد قوليلوا يبقى انتى السبب
ملك:بـــــــــــــــــــــس
صفاء:مش عايزة اسمع ولا كلمة احنا عايزين نقضى يوم حلو كدا مش عايزة تسمعى صوت تدخلى اوضتك وتقفلى ع نفسك *وبصتلها بأرف*:واظن انتى متعودة ع كدا م زمان ولا نسيتى
ملك*اول ما قالتلها كدا اضايقت اوى وصفاء سابتها ومشيت وحست ملك انها مخنوقة وخرجت تقف ف البلكونة ماكنتش مصدقة ال بتشوفوا ده ,وفضلت محتارة تعمل ايه وصعبان عليها باباها ال مش عارف ان مراته بتشرب مع اصحابها وعايشة حياتها ومضايقة اوى وشوية وسمعت صوت*
وليد*باصص عليها*:متستغربيش يعنى انتى ليه مكبرة الموضوع
ملك*اتخضت وبصت جمبها لقت شاب قاعد ع كرسى*
وليد:انتى بصالى ليه كدا اة بكلمك انتى ! ايه يعنى لما نشرب طب لعلمك بقى الشرب ده مفيد جدا ,عارفة المرارة والحرقة ال فيه دى بتخليكى تحسى ان الدنيا دى ولا حاجة وان ف حاجة تانية مُــرة اكتر م الحياه دى
ملك*بصتله بضيق وحست انها استفزت بكلاموا*:ده مبرر تافه اوى ع فكرة ,وبيضيع البنى ادم؟
وليد*ابتسم بسخرية*:طب ما احنا كدا كدا ضايعيين ,انا ضايع وانتى ضايعة وكل البرة دول ضايعيين وكل الناس ال ف الشوارع والبيوت وف اى مكان ضــــــــايعين
ملك*حست انه شارب حاجة ومارضتش تدخل معاه ف جدال ولسه هتمشى*
وليد:انتى كمان هتسبينى وتمشى ده كله عشان دخلت السجن! وبقيت بالنسبة للكل مسجون خلاص
ملك*وقفت وبصتله بستغراب*
وليد:اة الكل بقى يستعر منى ده كله عشان اتحبست عشان راجل عجوز تافه ايه يعنى كنت شارب وسايق العربية بجنون اتحبس ليه انا ,وطلبت م ابنه انه ياخد فلوس ,قالى قال ايه مابقبلش العوض ,اومال بيقبل ايه انى اتحبس واتمرمط ف سجن *وقال والشر ف عنيه*:والله ما هسيبك ياعــــــــــــــــــــلى
ملك*اول ما سمعت اسمه بصتله بصدمه*:على!!
وليد:اة واد كدا م اسكندرية كنت بقضى يومين حلويين هناك ييجى حظى ف اليوم ال اكون مأفور فيها وشارب كتير اخبط راجل كان ماشى ف الشارع انا مالى حد قالوا ينزل م بيتهم ما كان يقعد فيه!
ملك*حاولت تستوعب الاحداث وافتكرت رحمة وهى بتحكلها عن ابوه على ونهى:كان زى كل يوم رايح الشغل وبيعدى جت عربية خبطته وصاحب العربية خدها وجرى موقفش دقيقة حتى يطمن عليه كان يمكن انقذه ف الوقت ده وقعد فترة ف الانعاش وبعديها مات ,ماكنوش عارفيين يوصلوا للعربية لحد ما واحد قال انه كان بيتصور وجت العربية ف الصورة ولحظ صاحب العربية جه رقمها طبعا عرفوا يجيبوا الرقم واتحبس طبعا عشان كان وقتها تحت تأثير المخدر*
وليد*ضحك بسخرية*:قال عم عامر قال ,ما يمووت ايه يعنى هيتولد بداله 1000 واحد ده الواحد مفروض يموت ف اليوم 100 ولا 200 يمكن نخلص بقى وننتهى
ملك*بصتله بستحقار*:انت ازاى بتكلم كدا ,انت مش عارف يعنى ايه تحرم عيال م ابوهم ,انت ليه شايف ان الموضوع سهل لا وكمان مغلط الراجل الغلبان الكان بين الحياه والموت وماهنش عليك تقف دقيقة وتنقيلوا المستشفى *والدموع ف عنيها*:الدقيقة دى كانت ممكن تفرق معاه وكان يمكن يعيش ويطلعك برائة ,لكن انت استخسرت ف البنى ادم دقيقة واحدة بس تنقذه بيها *ولسه ملك هتخرج م البلكونة*
وليد*قام وقف وصقفلها*:لا برافو انتى بتكلمى زى ابنه بالظبط قالى نفس البؤيين دول كان عايزنى اقف انقذ حياته واروح انا ف ستين داهية
ملك*بصتله بأرف*:قال يعنى مروحتش ما ف الاخر اتحبست ,ولعلمك حتى لو كانت الشرطة مش مسكتك وحابستك ,كفاية ان ربنا شاف وكان شاهد ع الـ انت عملته والحكومة يادوب حكمت عليك بالسجن ,لكن الله اعلم حكم ربنا عليك هيكون ايه *وقبل ما يتكلم خرجت بسرعة حست انها مش عايزة تسمع حاجة منه تانى ودخلت اوضتها والدموع نازلة م عنيها وبصت لسما م شباك اوضتها*:ماما انا عارفة ان عمو عامر موجود معاكى فوق خليه يطمن ع اولاده انا بشوفهم نهى طيبة اوى ياماما بتعاملنى كأنى اختها بالظبط ويمكن اكتر وانا بحبها وانتى بتشوفى ده اكيد ,وعــــــــــــــلى *ولسه هتكلم عنه لقت نفسها مش عارفة تقول عنه ايه او حتى توصفه بأيه وف اللحظة دى تلاقيه موبايلها بيرن وتلاقيه اسم على فتتصدم وتستغرب لانها ماسيفتش الرقم قبل كدا*:الــــــو
على:الو ملك معايا
ملك*اول ما سمعت صوته عرفته واتأكدت انه هو فعلا*
على:انا عــــلى ياملك
ملك*سكتت شوية*:اة عارفة قصدى يعنى ,اصل رقمك لقيته عندى
على*بأحراج*:بصراحة مش عارف اقولك ايه بس انا الــ سيفتوا ف اليوم الـ كنت معاكى فيه *ملك تبدأ تفهم قصده ان اليوم ال انقذها فيه*:قولت يعنى عشان لو احتاجتى اى حاجة تلاقينى انا اسف طبعا ماكنش قصدى بجد
ملك*بتسمعوا وسكتت*
على:انا حبيت بس اطمن عليكى عشان انا ماشوفتكيش وقت ما مشيتى فقولت اكلمك ,اعرف بقيتى عاملة ايه دلوقتى
ملك:انا كويسة
على:طيب مش هزعجك بقى وهقفل انا وسلميلى ع عمو مجدى
ملك*بضيق*:طيب سلام *وقفلت معاه واستغربت اوى رغم انه انقذها بس برده مش قادرة انها ترتاح لى او لكلاموا مش فاهمة ياترى الاحساس ده بسبب الصدمة ولا هو فعلا كدا وبدأت تفتكر المكالمة السمعتها ليه وحركاته مع نسمه فماكنتش قادرة تأمن لى وشكة ف تصرفاته معاها برده ,وتقفل موبايلها وترميه ع السرير وتقرر انها تخلص م كل التفكير ده بأنها تنام,,وتصحى ملك تانى يوم وتلاقى كل الكانوا قاعديين مع صفاء مشيوا وانها مرتبة كل الشقة وشايلة الازايز عشان طبعا باباها مايحسش بحاجة ,وقالت تروح تكلمها وتقولها بلاش الشرب ده وتخبط ع باب الاوضة وتفتح تلاقى صفاء نايمة بعرض السرير تفهم طبعا ان ده بسبب الشرب ال هى شربته وانها كدبت عليها ,فمحابتش تتكلم معاها لحد ما تفوء وبعد ساعات تفوء وتخرج م الاوضة*
صفاء:حضرتى الغداء
ملك:اة ,ع السفرة
صفاء*ماسكة دمغها*:اعمليلى قهوه عشان دماغى هتنفجر*وتقوم ملك تعملهالها وتققعد تاكل*
ملك*جهزتلها القهوه قالت تكلمها بطريقة كويسة عشان تقتنع*:هو انا ممكن اقولك حاجة
صفاء:ارغى
ملك:ع فكرة الصداع ال عندك ده م الشرب
صفاء*بصتلها واتريقت*:ده انتى مجربة بقى
ملك*اضايقت*:لا طبعا انا عمرى ما شربت ولا هوشرب حاجة زى كدا وع فكرة لى اضرار كتير وكمان ف الاول والاخر وقبل كل ده ,,ده حــــــــــــــــــــرام انا مرضتش اكلمك ف ده امبارح
صفاء:ماشاء الله ده انتى كمان هتبقى شيخة؟
ملك:انا مش شيخة ,انا بقول الـ ف دين عندنا والـ م ساعة ما انا اتولدت وانا بتعلمه وعرفاه ,الشرب ده حرام لانك بتأذى نفسك وصحتك وبتضريها ,وكمان مالهاش اى استفادة انتى بتشربى ليه اصلا
صفاء*سابت الاكل وبصتلها*:بشرب عشان زى ما انتى شايفة قاعدة معظم الوقت بين اربع حيطان *وبصتلها بأرف*:اكلم نفسى بقى واتجنن واجيلك عشان تعالجينى يا سايكو
ملك*بصتلها*:ف حاجات كتير ممكن تعمليها اللعبى رياضة شوفى اى هواية نفسك تعمليها واعمليها ,وانا واثقة ان بابا مش هيمانع
صفاء*ضحكت بسخرية*:هى دى الهواية العندى
ملك:بس ده غلط
صفاء*رمت الاكل ع الارض ,ملك اتفزعت*:انتى جاية تعلمينى الصح والغلط ولا ايه اوعى تنسى نفسك يابت انا جاية هنا وانتى لسه حتته عيلة ولا راحت ولاجت مش ع اخر الزمن انتى الهتعالمينى ,وياريت تخرسى انا مصدعة اصلا م غير اى حاجة تانية *وبصتلها م فوق لتحت*:وشيلى الاكل ده سديتى نفسى ,بلاوى صحيح
ملك*فضلت مصدومة م السمعته والكلام القالته ده وحست انها مش مصدقة حتى بعد ما مشيت صفاء فضلت واقفة فترة ف مكانها بتحاول تستوعب كل ده ,وبعديها بدأت تشيل الاكل الوقع والاطباق التكسرت وترميهم وقالت يمكن ربنا يهديها وتحاول تبطل ال بتشربه ده ,وتعـــــــــــــدى ايام وتكون هتسافر ملك عشان امتحانتها*
صفاء*بتصطنع الحزن*:هتوحشينى ياملك والله انا مستنية ترجعى تعيشى معانا تانى ع نار
ملك*ماكنتش مصدقة ولا كلمة صفاء بتقولها وبصتلها وسكتت*
مجدى*بأبتسامة*:خلاص هانت كلها سنة ونص وهترجع تنور البيت م تانى ,يلا ياحبيبتى
*وراح مجدى يوصل ملك لمحطة القطر عشان يودعها وخدها ف حضنه*:ابقى طمنينى لما توصلى هستناكى تيجى تانى
ملك:بابا خلى بالك ع نفسك عشان خاطرى ,وخلى بالك ع طنط ركز معاها شوية يا بابا متنشغلش عنها كتير
مجدى*ابتسم*:حاضر ياحبيبتى ,متقلقيش اهم حاجة ركزى وعايز تقدير كويس كدا ماشى
ملك*ابتسمتله*:حاضر
*وركبت ملك القطر واول ما وصلت ركبت تاكسى وراحت بيت خالها ماكنتش قايلة لحد حبت تعملهم مفجأه*
منى*اول ما فتحت الباب*:ملك حمد الله بالسلامة وحشتينا
ملك:وانتى كمان ياطنط
رحمة*خرجت بسرعة*:ملك اخيرا جيتى
ملك:وحشتينى والله
رحمة:وانتى جدا
*وفضلوا قاعديين وشوية وجت نهى ومحمد*
نهى:ايه ده ملك مش مصدقة مقولتيش ليه كنا نجيلك
ملك:حبيت اعملكوا مفجأه
محمد:اهوه ياستى جت طول الوقت تكلمينى عنها ع اساس انها مش قريبتى يعنى ومش عارفها
نهى:ملك هتفضلى معانا ع طول مليش دعوه حتى الاجازة هنقضيها سوى انا بقولك اهوه
ملك*ابتسمت*:حاضر
رؤوف*خرج م الاوضة*:يامرحبا نورتى ياملوكة
ملك:ده نورك ياخالو
رؤوف:لا بس الحمد لله شكلك بقيتى احسن م وانتى مسافرة خالص
ملك*بتنهيدة*:الحمد لله ,هدخل اغير بقى واجى اقعد معاكوا براحتى *ودخلت ملك الاوضة وحست انها فعلا وحشها المكان اوى وفتحت البلكونة ولقت نفسها بتبص ع البلكونة جمبها ملقتش على ,ماهتمتش وخرجت تانى وفضلت قاعدة معاهم والكل يرحب بيها*
نهى*تروح الشقة بعد ما يخلصوا كلام وتدخل الاوضة لعلى*:ملك رجعت
على*قام بسرعة وبصلها*:بجد امتى
نهى:لسه م شوية ,وقالت هتنام شوية عشان بكرة ورانا مزاكرة كتير *وبصت لاخوها*:قولت اقولك يعنى لوحبيت تسلم عليها
على:ان شاء الله هبقى اسلم عليها
نهى:ماشى تصبح ع خير
على:وانتى م اهله *وبعد ما نهى مشيت خرج ع البلكونة وفضل باصص ع البلكونة بتاعتهم كان نفسه تخرج اوى بس للآسف مخرجتش وبعد شوية دخل ينام ,,وتعـــــدى فترة وتبدأ الامتحانات وتنشغل ملك فيها وف يوم تكون خارجة م باب اللجنة تبص تلاقى ماهر*
ملك*تبصله وقلبها يدق بخوف وف نفس الوقت تبصله بأرف*
ماهر*بصلها ببجاحة*:ملك ازيك
ملك:مش كويسة عشان شوفتك وعمرى ما هبقى كويسة عشان انت موجود ف الدنيا دى
ماهر*بيقرب ناحيتها*:تؤتؤتؤتؤ ليه بس كدا ياحبيبتى
ملك:حبيبتك! هو انت عندك قلب اصلا هو انت بتحب زى الناس كدا انا متهايئلى تروح تعمل اشعة عشان ال زيك صدقنى معندوش قلب عنده شئ مؤرف بس م جواه لكن مش قلب خالص
ماهر:الله ده احنا هنغلط بقى
ملك*بصتله جامد*:اوعى تنطق اسم ربنا ع لسانك انت والــ زيك متعرفهوش والله ما تعرفوا الـ يبقى عايز يموت بنى ادم وهو حى ده ميبقاش عارف ربنا انت عارف انا كان نفسى لما اشوفك اضربك بالقلم بس حسيت انه مش كفاية ومش هيكفى كمية الكره الــ م ناحيتى ليك ,انا هسيبك للواثقة انه هيجبلى حقى منك دلوقتى بكرة بعد 100 سنة واثقة انه هيجبهولى *ولسه هتمشى رجعتله تانى وقالت بطريقة فيها قسوه وبكل تحذير*:لعلمك انا عارفة انى للاسف هضطر اشوفك عشان ف مكان واحد بس احسن ليك تحاول تتجنبنى وتحاول تخلينى بقدر الامكان ماشوفكش عشان والله كل ما بشوفك بحس انى مأروفة كدا والجو ملوث بتنتشر ف المكان *ماهر كان واقف ومصدوم م كلامها ماكنش متوقع انها هتكلموا بالطريقة دى خالص كان شايف ان ملك مش الشخصية ال ممكن تتكلم كدا وماكنش عارف يرد عليها , وبصتله بأرف وسابته ومشيت ,وشوية وجت نهى وراها*
نهى:ملك انا شوفتك بتكلمى مع ماهر ف حاجة حصلت قالك حاجة ضايقتك
ملك*بتنهيدة*:لا مفيش ومش عايزة اسمع سيرته تانى خالص
نهى:احسن محدش فينا عايز يسمع السيرة الزفرة دى
*ومشيوا سوى وفعلا م اليوم ده ماكنتش ملك بتهتم بوجودة او بمعنى اصح ماهر كان ديما يختفى مبقاش موجود زى الاول وكانت مرتاحة بكدا جدا وخدت اجازة نص السنة وبعديها بدأ الترم التانى فضلت تهتم بدراستها بس مركزتش ف اى حاجة تانية ولا حتى كان ف بالها ولا كانت عايزة تحب قررت تقفل قلبها خالص وماتفكرش ف اى حاجة تانية ,وتعدى فتـــــــــرة والدراسة تيجى وبعديها الاجازة الكبيرة وف يوم تكون ملك نازلة وقاعدة ع البحر وسرحانة*
على*وهو بيقعد جمبها*:ممكن اقعد
ملك*بصتله وسكتت*
على:يعنى لقيتهم لسه مخلصوش الغداء قولت انزل اقعد ع البحر شوية
ملك*ماردتش عليه*
على:هو انا ممكن اسألك سؤال
ملك*بصتله كأنها بتقولوا اسأل*
على:هو انتى ليه بتعاملينى كدا يعنى شوفتى منى ايه وحش عشان تعاملينى بالطريقة دى
ملك*بتنهيدة*:انت عايزنى اعاملك ازاى
على:ملك انا مش قصدى حاجة بس حاسس م ساعة ما شوفتينى وانتى بتعاملينى معاملة غريبة اوى؟
ملك*بدأت تضايق*:انت عايزنى اعمل ايه اشوفك هيرو يعنى عشان انقذتنى واقول ياسلام ده شخص هايل ومفيش منه اتنين ,ع فكرة انتوا كلكوا كدا بتفضلوا تبينوا انكوا كويسين وهايلين وف الاخر بتبانوا ع حقيقتكوا
على*اضايق م كلامها اوى*:متعامميش مش عشان شوفتى شخص ولا اتنين كدا يبقى الكل كدا
ملك:شخص ولا اتنين انتوا كلكوا كدا اصلا
على*بيمسك اعصابه*:بقولك متعامميش وكمان انتى شوفتى منى ايه وحش اساسا عشان تقوليلى حاجة زى كدا
ملك*بتقوم تقف وتمشى وتسيبه*
على*يقوم بسرعة ويقف قصادها*:لوسمحتى ردى عليا انا عملتلك ايه قولتلك ايه يضايقك شوفتى عليا ايه؟
ملك*اضايقت انه وقف قصادها فجأه*:مش هقول حاجة وسيبنى امشى *ولسه هتمشى*
على*وقف قصادها تانى*:لا مش هسيبك انا لزما افهم ف ايه مش حابب احس بالذنب م ناحية حاجة انا معملتهاش
ملك:معملتهاش عايز تفهمنى انك برئ ,بص هقولك ع حاجة انا شوفت كتيـر مش انت الهتيجى ف الاخر وهتطلع الملاك الـ فيهم ,انا سمعت كل حاجة ع فكرة سمعتك لما كنت بتكلم ف الموبايل وعمالة البنت تتوسل اليك عشان هتتفضح وانت تقولها ده مش ذنبى اتصرفى انتى ماحدش ضربك ع ايديكى كل الحصل كان بمزاجك هو اى حد يقولك كلمتين تسمعى كلاموا *وقالت بزعيق*:ذنبها ايه هه ذنبها ايه تعيش ف الحياه القاسية دى عشان صدقت حبك وكلامك والطفل الهييجى ده ذنبه ايه ييجى مايلقيش اب ,ليه تعمل فيها كدا ليـــــــــه انا بجد مش مصدقة انتوا ازاى قادريين تعيشوا وانتوا جواكوا كمية البشاعة دى وللاسف ف الاخر احنا الــ بنشيل الذنب ونبقى وحشين ,حراام عليكوا بقى حرام
*على كان واقف وبيسمع كلامها ومصدوم اوى م الكلام البتقولوا ده وماكنش عارف امتى سمعت مكالمة الموبايل دى وماكنتش ملك مديالوا فرصة يتكلم او يقول حاجة وبعد ماخلصت كلامها حصلت حاجة ايه هى هنعرف الحلقة الجاية…
يجب أنت تكون مسجل الدخول لتضيف تعليقاً.