رواية جسد بلا روح (الجزء الثامن)

*وتكون ملك مبسوطة انها اخيرا شافت قرايبها وكانت واثقة انها هتبتدى حياه سعيدة وتقفل الصفحة القديمة م حياتها والوقت ال تكون مبسوطة وواقفة ف البلكونة تبص جمبها تلاقى شاب واقف بيراقب تحركتها وبيبصلها*
ملك*اول ما شافته بصت عليه واضايقت اووى م نظرته ليها وحست بخوف وبسرعة دخلت م البلكونة ووقفت شوية*
رحمة*جت م برة*:انتى لسه مالبستيش

ملك*اتخضت وبصتلها*
رحمة*بستغراب*:ف ايه ياملك ايه الحصل
ملك*بضيق*:فيه شاب لقيته واقف ف البلكونة الجامبينا وبيبص ناحيتى ,مين ده وعايز ايه!
رحمة*ابتسمت*:اهدى يابنتى ده تلاقيه على!
ملك:على مين؟
رحمة:ده اخوه نهى

ملك*بصتلها*:هى مين نهى دى انا فاكرة ان يوم ماكنت باجى هنا عمرى ما شوفتها او قابلتها
رحمة:اة فعلا هما سكنوا عندنا ف الوقت الـ بطلتى تيجى فيه هنا ,بصى ياستى انا هحكيلك م البداية ازاى عرفناهم
ملك*وقفت تسمعها بتركيز*

رحمة:ف يوم محمد كان جى م برة لاقى ناس بتنزل العزال بتاعها والوقت ده كان على شايل التليفزيون بتاعهم وغصبن عنه كان هيقع محمد جرى ولحقوا ووقفوا قصاد بعض وشال معاه وبدأ يساعدهم م الوقت ده بدأوا يتعرفوا ع بعض ويخرجوا سوى ,وانا لما عرفت ان ف ناس جديدة سكنت جمبينا جريت وقفت ف البلكونة عشان اشوفهم ولقيت نهى كمان واقفة واتعرفت عليها وبرده م ساعتها بقينا اصحاب اوى وقريبيين م بعض
ملك:هما اهليهم موجوديين عايشيين معاهم؟

رحمة:للاسف لا ,الوقت الجم يعيشوا فيه عندنا كانت مامتهم مش معاهم كانت ميتة عرفنة بعدين انها كان عندها مرض خطير وفترة ومقدرتش تتحمل التعب وماتت وبعديها سابوا بيتهم واجروا بيت تانى الـ هو ده ,اما باباهم بقى ف الله يرحمه مات م سنتين
ملك*بستغراب*:سنتين!!

رحمة:اة كان زى كل يوم رايح الشغل وبيعدى جت عربية خبطته وصاحب العربية خدها وجرى موقفش دقيقة حتى يطمن عليه كان يمكن انقذه ف الوقت ده وقعد فترة ف الانعاش وبعديها مات ,ماكنوش عارفيين يوصلوا للعربية لحد ما واحد قال انه كان بيتصور وجت العربية ف الصورة ولحظ صاحب العربية جه رقمها طبعا عرفوا يجيبوا الرقم واتحبس طبعا عشان كان وقتها تحت تأثير المخدر
ملك*اضايقت اول ما جابت السيرة دى وافتكرت خالد*

رحمة:وم ساعتها بقى بابا هو المتولى رعايتهم زى ما بيقولوا عشان الفترة الكانوا عايشيين فيها معانا بابا وعمو عامر بقوا اصحاب وبصراحة كان بنى ادم طيب جدا ,وم وقتها البيتين قصاد بعض بقوا واحد نهى ساعات كانت بتبات معانا وطبعا ساعتها كان محمد بيبات مع على وقربنا م بعض كعيلة وبقينا عيلة واحدة
ملك*بحزن*:ربنا يرحمهم

رحمة:بس لعلمك على بنى ادم كويس جدا ومش وحش
ملك*لنفسها:اة ما انا عارفة كلهم بيتقال عليهم كدا عشان بيبقوا ملايكة ومحترمين وسط الناس بس اول مابيبقوا لوحدهم بيبقوا شياطين*
رحمة:مالك ياملك سرحانة ف ايه!!
ملك*ركزت معاها*:لا مفيش
رحمة:طب يلا بقى غيرى هدومك عايزين نقعد مع بعض

ملك*ابتسمت*:حاضر *وخرجت رحمة عشان ملك تاخد راحتها ,وقعدت ملك تفكر ف الكلام القالتهولها وبدأت تحس بقلق م ناحيته ومش مطمنة لى ,بس كانت واثقة ومتأكدا انه حتى لو طلع مش كويس مش هيقدر يقرب ناحيتها عشان كل قرايبها حواليها وهى كانت مطمنة بوجودهم اوى وحاسة بحب حقيقى وسطهم ,وبعد شوية تخرج ملك تلاقى الكل متجمع*
رحمة:اخيـــــرا خرجتى ,كل ده مستنيينك

منى:يابت سبيها براحتها ,يلا ياملك عشان تتغدى عملالك اكل بتحبيه
ملك:تسلم ايديكى ياطنط م قبل ما اكل
رحمة:ابتدت بكش م اولها بقى
ملك*ابتسمت*:لعلمك انا فاكرة ان اكل طنط كان حلو زمان وانا م صغرى وكان عجبنى
رحمة:اة ياحبيبتى ده كان زمان بقى
رؤوف:هدى اللعب شوية يارحمة احسن تحرمك وتنزلى تاكلى ف الشارع
نهى:كل مرة بتعملى كدا اخر مرة بجد ممكن تطردى فيها
محمد:وانا مش هجبلك اكل ماعييش فلوس

رحمة:كلكوا عليا وهتسبيونى *وقالت بهزار*:كل حُلفائــك خانوك ياريتشارد
ملك*ضحكت اوى ع كلامها*
منى*خارجة م المطبخ وبتحط الاكل ع السفرة*:سيبكوا م البت دى ويلا عشان ناكل
*وقاعدوا كلهم عشان ياكلوا وشوية والباب خبط ودخل على*
على:بتاكلوا م غيرى طب ده ينفع
محمد:انا نادلهلك بقالى ساعة ع فكرة مش عارف كنت بتعمل ايه كل ده
على:بشرب السيجارة ف البلكونة *وبص لملك*
رؤوف:دى ملك بنت اختى ياعلى

على*بصلها جامد وقرب ايديه عشان يسلم عليها*:أة طبعا دى مش نورت اسكندرية بس دى نورت الدنيا كلها
ملك*بصت لي واتحرجت انها وسط الناس ماتسلمش فسلمت عليه وبصتلوا لقت نظرة غريبة,بدأت تحس انها مش مطمنة لى وخايفة منه بعدت ايديها بسرعة ومردتش عليه*
رحمة:يلا بقى انا جعانة عايزة اكل
منى:انتى مش كنتى بتقولى اكلى وحش مش مأكلاكى يارحمة
رحمة:ياختااى ,هى سمعتنى ازاى
نهى:شكلها مركبالك مايك ,ده انتى شكلك هتباتى برة كمان

*قاعدوا يهزروا ويضحكوا بس محدش لاحظ قلق وخوف ملك م على وقعدت معاهم وحاولت تتجنب النظر لى ,,وبعد الغداء قاعدوا كلهم سوى*
رؤوف:اومال انتى هتدخلى كلية ايه ياملك
ملك:اداب قسم علم نفس
نهى:ايه ده بصرة *وقامت قعدت جمبها*:ده احنا هنبقى مع بعضينا بقى
رحمة:اة يا اندال وهتسيبونى لوحدى
نهى:تعالى معانا ياختى وسيبك م تربية دى

رحمة:مقدرشى دى العشق
على*كان مركز اوى مع ملك وعمال يبصلها وخرج م الحوار ده*:اشمعنى علم نفس
ملك*اول ما سمعت انه بيتكلم بصتله وسكتت*
نهى:اة صحيح ياملك اشمعنى
ملك:عشان كان نفسى ادخل طب نفسى وابقى دكتورة بــــــــس *وسكتت*

رحمة:تعرفى ياملك انا م واحنا صغيرين قولت انك هتطلعى دكتورة ,فاكرة ياماما كانت شاطرة اوى وهى صغيرة وديما بتطلع الاولى ولما كنا هنا بيعملولنا اختبار كنتى ديما انتى بتجيبى درجات اعلى منى وتاخدى الهدية ,يابختك
نهى*بهزار*:ماهو قرك ده الجاب البت لواره
رحمة:لا والله العظيم انا عمرى ما اضايقت انا كنت بجد بحاول ابقى زيها مش احسن منها
منى:اكيد موت عليا قصر فيكى ياملك

*اول ما منى قالت كدا ملك كانت وقتها بتيجى ف بالها اللحظات الـ مرت بيها والدموع ف عنيها*
محمد*وهو عايز يغير الحوار*:ايه ياماما ده اومال فين حلاوياتك وكمان ده كويس انها هتكون مع نهى ف نفس الكلية عشان نبقى مطمنين عليها *وبص لنهى*:ولا ايه يانهى
نهى:اة طبعا هى هتبقى ف ايد امينة ,محدش يقدر يقربلك هاكلوا بسنانى
رحمة:اة طبعا جه عند المبيرحمش

*وقعدوا يهزروا بس برده كانت طول القاعدة معاهم حاسة ان ف نظرات غريبة على بيبصهلها وماكنتش مرتاحة ليها ومحدش كان فاهم النظرات دى غيرها*
محمد:طيب يلا ياعلى بقى عشان عندنا شغل ولا ايه مش ناوى تروح
على*بص لملك*:طب ما ناخد اجازة عشان خاطر ملك النهاردة
نهى:ياسلام ياخويا ما نخليها اجازة رسمية احسن ,ده كله عشان مكسل تروح الشغل

رحمة:يلا يابابا انت وهو م هنا احنا اصلا هنقعد قاعدة بنات كمان شوية ونرغى لحد الصبح ده خلاص كلها ايام والدراسة هتبدأ ومش هنعرف نسهر براحتنا
محمد:يلا ياعم قبل ما نضرب
على:ادخل انت غير هدومك انا جاهز
*ودخل محمد الاوضة وشوية وقاموا نهى ورحمة دخلوا المطبخ ,ومنى ورؤوف كانوا ف الاوضة التانية بيتكلملوا*
ملك*اتضايقت اوى اول ما لقت نفسها بقت لوحدها مرة واحدة وهو معاها*

على*قرب ناحيتها شوية ,ملك ساعتها كانت قلقانة*:انا مبسوط جدا بمعرفتك
ملك*بصتله وهى مضايقة وسكتت*
على:هو انتى مش بتردى عليا ليه لما بكلمك ,شكلك اضايقتى م حوار البلكونة ده انا كنت ببص عليكى عشان مستغرب بس انتى مين وكان عندى حب استطلاع انى اشوفك عشان م امبارح هنا الكل بيتكلم عليكى
ملك*كانت سامعة الكلام بتاعه ومخنوقة اوى زماكنتش حابة تتعامل معاه ولا حابة اسلوبه معاها*
على:ع فكرة انتى طلعتى.. *ولسه هيتكلم*
محمد:يلا انا خلصت

على*قرب منها ومد ايده عشان يلمس ايديها*:هشوفك تانى اكيد
ملك*سلمت عليه وبعدت ايديها بسرعة وبرده مردتش اكتفت بأبتسامة صغيرة*واول ما خرج م الباب هو ومحمد خدت نفسها بعمق وقررت انها تتجنبوا خالص ومتتعملش مع البنى ادم ده ومتدلوش فرصة يمثل عليها انه كويس وهو عكس كدا تماما*
رؤوف*خرج م الاوضة*:ايه ياملك واقفة كدا ليه!
ملك:مفيش ياخالو

رؤوف:طب اقعدى يلا عايز اتكلم معاكى ,ملك انتى م النهاردة مسئولة منى متتكسفيش لو احتاجتى اى حاجة ,اى حاجة اطلبيها وانا ان شاء الله هقدر انفذها ده انتى بنت الغالية ,تعرفى ياملك انتى فيكى كتير منها م هدوئها وطيبيتها وحنيتها وكانت ديما بتتكسف تطلب منى اى طلب,عشان كدا انا عارف انك لو احتاجتى حاجة هتتكسفى تقولى فمتكسفيش ولو ياستى حسيتى بأحراج ولو بسيط قولى لرحمة وتقولى ,بس صدقينى اى حاجة هتطلبيها هعملهالك
ملك*بصتله وابتسمت*:شكرا جدا ياخالو انا كنت كل الــ انا عيزاه انى كنت اشوفكوا واقعد معاكوا كنتوا وحشنى اوى ووحشتنى القاعدة معاكوا انت مش متصور كنت بتحايل ع بابا قد ايه عشان اجى هنا وديما كان بيرفض كان نفسى اشوفك اوى ياخالو

رؤوف:انا عارف ياملك انى قصرت معاكى يابنتى بس الظروف والشغل والحياه وكان كل يوم العيال بتكبر وماكنتش عارف اعمل حاجة غير انى اشتغل عشان اوفرلهم اكلهم واحتياجتهم وكمان كنت اوقات اسأل عليكى مجدى يقولى مش موجودة او نايمة ,بس خلاص انتى دلوقتى معانا ع طول
ملك*ابتسمت*:مش ع طول اوى ياخالو هما الاربع سنين بس
منى*خرجت م الاوضة*:ايه قطعت كلامكوا

ملك:لا خالص ياطنط *وبصت حواليها*:هو فين رحمة ونهى
منى:اكيد بيعملوا المواعيين
ملك:طب انا هروحلهم *ودخلت ليهم*:سايبنى لوحدى ليه
رحمة:ما احنا اكيد ماكنش ينفع نقولك تعالى اعملى معانا المواعين
ملك:ليه يعنى!! هو انتى فكرانى ضيفة ولا ايه ,انا زى زيكم ع فكرة وهعمل معاكوا كل حاجة ولو عايزنى اعمل اكل ونمسح ونكنس واعمل كل حاجة واى حاجة انا اصلا متعلمة شغل البيت ده م صغيرى
نهى:يـــــــاه ايوه كدا اخيــــــــــــرا اى حاجة هنعملها هتخلص بسرعة عشان هتتقسم ع 3

رحمة:بصراحة ياملك انا عايزة اسألك سؤال
ملك:اسألى يارحمة!
رحمة:هو انتى كنتى عندكوا ف البيت بتعملى الحاجات دى مش قصدى حاجة بس يعنى مرات باباكى مش هى الكانت بتعمل ده
ملك: فعلا هى الكانت بتعمل ف الاول بس بدأت شوية شوية بتعلمنى وبعد كدا بقيت انا اعمل معظم الحاجات عشان هى كانت اوقات بتروح الكوافير او بتخرج مع ناس اصحابها

رحمة*بصدمة*:ياسلام هى كانت تخرج وتتفسح وانتى طالع عينك ف شغل البيت
نهى:واضح انك بتهدى النفوس
رحمة*بهزار*:لا بجد ياحرام دى كانت بتعاملك معاملة مرات الاب بقى وتدلق عليكى ماية ساقعة وانتى بتنضفى وتطفى السجاير ف جسمك وتعلقك م رجليكى

ملك*ع قد ما كانت سامعة كلام رحمة بهزار لكن كانت بتفتكر رغم ان صفاء معملتش فيها كدا لكن كانت فعلا بتعاملها معاملة وحشة اوى وعمرها ماكانت حنينة عليها وديما كانت بتظلمها وتجرحها وتخليها هى الشايلة كل حاجة فوق دمغها*
رحمة:ملك انتى اضايقتى ولا ايه انا اسفة
نهى:معلش يابنتى هى هزارها سخيف

ملك*ابتسمت*:لا متضايقتش ولا حاجة ,ويلا بقى حاسبوا كدا عشان عايزة اعمل معاكوا *ووقفوا هما التلاتة يتكلموا ويهزروا ودخلوا الاوضة وقاعده سوى*
رحمة:يابنتى سيبى الموبايل الــ ف ايديكى ده
نهى:بشوف فيديو ع الفيس ده جامد بصى ياملك
ملك*اتفرجت ع الفيديو وضحكت*:حلو اووى
نهى:انتى عندك فيس ياملك

ملك:اة عندى بس مش بقتحوا كتير
رحمة:انا كمان عندى بس مش بقعد عليه 24 ساعة زى نهى, فظيعة
ملك:ع فكرة انا حاولت ابحث عنك م عليه كتير بس معرفتش خالص اوصلك كان نفسى اتكلم معاكى اوى
رحمة:انا كمان والله كنت اوقات برده بدور عليكى ومش بلاقيكى
نهى:ياحبايبى اديكوا مرزوعين ف وش بعض اتكلموا براحتكوا

رحمة*خدت الموب منها*:مرزوعيين ,طب ايه رأيك بقى هتترزعى معانا
نهى:هاتى يارحمة هشوف اخر حاجة بس
رحمة:لآ يلا اقعدى معانا بقى شوية ,كفــاية كدا ارحمى نفسك بقى
نهى*تقوم وتحاول تاخده ويهزره وشوية ويقعوا م ع السرير ملك تضحك عليهم اوى وع شكلهم تقوم رحمة ساحبة ايديها وتوقعها معاهم,ويقعدوا يهزروا ويضحكوا وهما واقعين ع بعض كدا*وتكون ملك مبسوطة اوى بالحياه الجديدة دى بس يمكن كانت حاجة واحدة مخوفها لكن كانت بتحاول تكون مطمنة عشان حواليين قرايبها وشوية وتلاقى موبايلها يرن*

ملك:الو يابابا ازيك
مجدى:الحمد لله عاملة ايه ياحبيبتى
ملك:الحمد لله
مجدى:مرتاحة عندك
ملك*بأنبساط*:جـــــدا يابابا مبسوطة اووى ,ياريت يابابا تيجى بقى نفسى تكون معايا دلوقتى بجد
مجدى*بحزن*:ما انتى المشيتى وسبتينى
ملك:ابدا يابابا انا عمرى ما اسيبك انا *ولسه هتكمل*
مجدى:مش مهم اهم حاجة عندى انى سامع صوتك وانتى مبسوطة كدا مش عايز اى حاجة تانية صدقينى
ملك:بحبك اووى يابابا

مجدى*ابتسم*:خلى بالك ع نفسك ياحبيبتى وانا اكيد ع طول هتصل اطمن عليكى
ملك:وانت كمان يابابا خلى بالك ع نفسك وعشان خاطرى ابقى حاول تيجى
مجدى:مش هينفع اسيب صفاء لوحدها
ملك*اول ما سمعت اسمها اضايقت*:ماشى يابابا
مجدى:يلا انا هقفل وهبقى اكلمك تانى

ملك:ماشى سلام *وقفلت ملك مع باباها وحست انها مهما حاولت تهرب م الماضى وتنساه وراها وراها بس قالت انها هتتماسك ولزما تعيش حياه افضل واحسن م الفاتت ,وتعــــــــدى ايــــــــام وتبتدى اول يوم دراسة وتروح هى ونهى ورحمة الجامعة*
رحمة:طيب هروح انا اشوف بقى دُنيتى ,خلى بالكوا ع نفسكوا يابنات
نهى:وانتى كمان خلى بالك ع نفسك *ومشيوا يدوروا ع المدرج بتاعهم وشوية ولقت نهى ولد وسألته *:لو سمحت فين مدرجات سنة اولى

ماهر*بصلهم هما الاتنين*:مش عارف انا كمان اولى وعمال ادورعليه
نهى:طيب شكرا
*وفضلوا يلفوا لحد ما لقوا المدرج واساميهم وفرحوا اوى انهم طلعوا ف نفس المدرج وقاعدوا وبدأت المحاضرة واتعرفوا ع بنتين كمان ,كانت ملك ونهى متفقين ان علاقتهم بالولاد تكون محدودة لان نهى كمان ماكنتش بتحب التعامل مع ولاد متعرفهومش ,لكن ملك بقى ماكنتش اصلا حابة انها تتعامل معاهم خالص ماكنتش بتطمن منهم كلهم ,وبعد ساعات يروحوا وف الطريق للبيت يقابلوا على*

على:ها عملتوا ايه اول يوم
نهى:الحمد لله تمام ,بس طلع عنينا لحد ما لقينا مدرجنا ,اومال انت رايح فين
على:رايح مشوار كدا *وبص لملك*:ازيك
ملك*بصتله وهى مضايقة*:الحمد لله ,يلا يانهى عشان تعبانة
نهى:طيب احنا ماشيين بقى ,سلام *على*وقف وبص ع ملك وكان بيتابعها بعنيه هى ماشية وروحوا البيت لقوا رحمة*

ملك:تصدقى ان انتى الـ ندلة خلصتى ومشيتى ونستينا خالص
نهى:احنا مش كنا متفقين نتقابل بعد ما نخلص يابت
رحمة:ما انا بصراحة التعرفت عليها كان بيتها ف طريقى فقالتلى يلا نروح فروحنا سوى المهم سيبك عملتوا ايه!!
نهى*بهزار*:تمام بس مافيش حلويين خالص ف المدرج الا الشباب الحلويين اختفوا ولا ايه!
رحمة:يابت انتى راحة تتعلمى ولا تجيبى عريس
نهى:اجيب عريس طبـــــــــعا

رحمة:ايه البت دى يابنتى جواز ايه وبتاع ايه يامحلا الحرية
نهى:ردى عليها انتى ياملك
ملك:ايه ده انتى مش عايزة تتجوزى يارحمة
رحمة:اة انا شايفة ان حريتى احسن م ييجى واحد يتحكم فيا
نهى:لا ياملك الموضوع كبير الهانم م زمان وهى بتقول كدا تعرفى ان كان ف ولاد كتير تحاول تتعامل معاها وهى تصدهم لسانها كان معاهم دبش ,كانت بطفشهم المفترية

ملك*ضحكت اوى*:ياحــرام ليه كدا يارحمة
رحمة:هو كدا!!,ومتصدعوناش بقى كفاية صداع اول يوم ده
*وفضلوا يتكلموا شوية وتحس ملك ان حياتها اتغيرت اوى وكانت مبسوطة بالتغيير ده ومطمنة بى جدا ,وف يوم تحصل حاجة تغير حياة ملك اكتر واكتر ,وتعــدى فترة وف يوم يكونوا ف الكلية و تنزل ملك تشترى حاجة وهى راجعة تلاقى شباب كتير واقفين ع باب المدرج وهى م طبعها كانت خجول وما بتحبش تتكلم مع ولاد او اى ولد يبصلها كانت بتحس ان كلهم نظراتهم ليها مش حلوه وفضلت ملك واقفة ومترددة تتكلم ولا لا وفجأه سمعت صوت جى م وراها*

ماهر*بزعيق*:يا ابنى انت وهو انتوا سادين المكان كدا ليه ف ناس عايزة تدخل
وائل:ما العايز يدخل يدخل ياعم هو احنا قافلين الباب
ماهر:يدخل ازاى يعنى *وبص ع ملك*:يعنى هى واقفة بقالها مده ومحدش فيكم فكر يتحرك
وائل*بتريقة وبيتحرك بعيد عن الباب شوية*:والله بجد احنا اسفين اننا عطلنا البرنسيسة بتاعت سيادتك!
ماهر*اضايق*:احترم نفسك ودى زميلتى ومفيش بينا حاجة ,ايه بتاعتك دى؟
وائل*بزعيق*:انا محترم غصبن عنك وعنها

ملك*كانت بتسمع الحوار وواقفة مزهولة*
ماهر:لم لسانك يالا دى بنت ومينفعش تجيب سيرتها كدا
وائل*بصلها بسخرية*:ليه يعنى! مش عايز حد يغلط ف البرنسيسة بتاعتك ليه ع رجليها نقش الحنة
ماهر*بصلوا بعصبية وقلع الجاكيت واداه لملك الكانت واقفة ومش فاهمة ايه البيحصل بالظبط*:كلامك يبقى معايا انا ومتتوجلهاش اى كلام او تفكر تجيب سيرتها
وائل*قرب ناحيته*:هتعمل ايه يعنى

ماهر:هتشوف*وقاعدوا يضربوا بعض وقامت خناقة كبيرة وطبعا كل الشباب اتحولت وملك م خضتها ماكنتش عارفة تعمل ايه وعيطت حست انها السبب ف كل ده نهى خرجت م المدرج وقربت منها*
نهى: ف ايه ياملك وايه الخناقة دى
ملك:مش عارفة حاجة يانهى انا مرة واحدة لقيت واحد بيتكلم الولاد الكانوا واقفيين عشان يوسعولى وبعد كدا حصلت الخناقة دى

نهى:طب اهدى
*طبعا الامن جه ولموا الشباب ماهر مرضاش يجيب سيرتها وطبعا المشرفين حاولوا هما يهدوا الموضوع وماحبوش يوصلوها للعميد بس نبهوهم بأنظار لو ده حصل هيروحلو للعميد ويتفصلوا عن الكلية ,وشوية والموضوع هدى وكانت ملك ف المدرج وكانوا البنات حواليها والكل كان بيستفسر ع الخناقة*
نهى:ونبى ياجماعة شوية هواء خلاص بقى هه خلص الحوار *وبدأوا يمشوا*
ملك*كانت ماسكة الجاكيت بتاعه*:انا هعمل ايه ف ده

نهى:ايه ده؟
ملك:الجاكيت بتاعه ادهولى
نهى*بهزار*:والله انا م موقعى هذا احب اقولك ان فيه قصة حب هتحصل
ملك*بصتلها بستغراب*:قصة حب ايه دلوقتى ,انا هعمل ايه ف البتاع ده
نهى:الـ بسيه
ملك*كانت بتحاول تمتص غضبها*:نهى انا مبهزرش دلوقتى

نهى:يابنتى بحاول افكك شوية انتى مش شايفة شكلك كان عامل ازاى وكنتى مخضوضة ازاى ,خلاص محصلش حاجة ما بيحصل حاجات كتير ف الجامعات واكتر م كدا كمان ,هو شوية وهييجى ياخده وخلاص
*وفعلا بعد شوية جم وائل وماهر وكل واحد كان حاوليه اصحابه وهما الاتنين كانوا بيبصوا لبعض نظرات نارية وبعد شوية كل حاجة هديت ورجعت زى ما هى وابتدت المحاضرات تبدأ وتخلص وف اخر محاضرة*
نهى:انتى مش هتروحيله؟

ملك:اروح فين!
نهى:تروحى لماهر تديلوا الجاكيت بتاعه وتشكريه
ملك:طب تعالى معايا
نهى:وانا مالى ياستى هو دافع عنى انا!
ملك:يعنى اروحله لوحدى !

نهى:ملك انتى هتجننى هو انتى راحة شقته ده ف البينج الجامبينا
ملك:طيب انا هروح وانتى خلى عينك عليا
نهى:ماتخفيش مش هياكلك

ملك*خدت نفس عميق وراحت كانت مترددة تتكلم معاه لانها عمرها ما اتعملت مع اى ولد بس حبت تتجرء ولو شوية وراحتلوا وكان الوقت ده كان ف حد بيراقبهم ومركز مع كلامهم واول ما ملك قربت ناحيته عشان تتكلم معاه وتديلوا الجاكيت بتاعه حصلت حاجة ايه هى هنعرف الحلقة الجـــاية….

https://www.barabic.com/real-stories/13314