رواية تزوجت اختي (الجزء الخامس)

( وفي يوم)
الضابط :الو استاذ احمد معايا
احمد:ايوه مين
الضابط:انا الظابط المسؤل عن الحادث اللي وقع من اسبوع
احمد:ايوه يافندن اهلا بيك في جديد وﻻ ايه

الضابط:ايوه في ناس من الصعيد جم سألو واتعرفو علي الجثه من الاتنين وبيقولو انه ابن عمهم فقاني وعايزين يعرفو كان معاهم طفل وﻻ ﻻ ولما عملت تحريات عنهم عرفت ان والد الطفله كان هربان منهم ﻻنهم كانو عايزين يقتلو البنت فمردتش اقولهم ان في طفله الا لما اسأل حضرتك

احمد:فيك الخير ياحضره الظابط ممكن تديني عنوانهم وانا في وقت اللزوم هروح واقولهم برضو دول اهلها وﻻزم يعرفو بس تكون كبرت شويه يمكن لما يشوفوها كبيره قلبهم يحن ومايعملوش الجنان اللي عايزين يعملو ده
الضابط:تمام العنوان اهه (…..) ومتنساش تجيلي علشان اعرف هتكتب البت ازاي

احمد:تمام يافندم شكره وفعلا كبرتي شويه اختك وقلت انك بنتي واخت مصطفي علشان محدش يشك في حاجه منا ﻻزم اعرف اهلك وسالت علي كبير العيله كنتي عندك سعتها خمس شهور الحمد لله لقيت جدك هو كبيرهم رحت وحكتله

الجد:اهلا وسهلا بيكم نورتو اي خدمه
احمد :انا احمد الدسوقي وده ابني مصطفي ودي بنتي ندي
الجد:اهلا وسهلا ايه خدمه الغدا يا ام محمود
احمد:ﻻ شكرا انا جي في موضوع هحكي وامشي

الجد:شكلك بخيل ياراجل ﻻزم تاكل احنا صعيده خد واجبك ونتحدت بعدين.وفعلا اتغدو وشربو الشاي والجد اخد ندي يلعب معاها فهي شقيه وكانت كثيره الضحك والدم يحن برضو
احمد:انا كنت عايز اكلمك بخصوص محمود ابنك
الجد:ياه ولدي محمود الله يرحمه انا السبب في موته
احمد:ازاي

الجد:انا كتبت ميراثي لي ولدي محمود هو الكبير وكمان وصيت انه يبقي كبير العيله بعدي وده خله عيال عمامه فوقاني يغيرو منه ولما عرفو ان مرته فيها بنت هددو يقتلوها هو خاف علي عيلته وهرب من المشفي وحصل اللي حصل
احمد:طب حضرتك كنت فين

الجد:كنت تعبان في المستشفي وكانو مخابين عليا
احمد: طيب حضرتك الطفل اللي بتقول عليه فين
الجد:ياريتها كانت عايشه كنت عوضتها علي اهلها وخدت ميراث ابوها من بعدي بس للاسف قالو ملقوهاش اكيد ماتت انت ياولدي مجولتليش انت جي بسبب ايه

احمد:البنت اللي حضرتك بتلعب معاها دي بنت ابنك وحكي له ما حدث
الجد:بنت ولدي صحيح انا مبصدجش اي حاجه تتجلي بس مصدقك ياولدي قلبي مفتوحلها وفرح الجدفرح شديد
احمد:ودي الاوراق بتعتها حضرتك ومكتوبه باسمي وكنت عايز اخد اوراق ابوها كمان الظابط اللي كان معانا الله يكرمه هيعدل الاوراق وشهاده ميلادها ولو حضرتك عايز تتاكد في تحاليل بتثبت نعملها
الجد:انا زي مانتا شايف كبير في السن ﻻ هقدر اروح وﻻ اجي هبعت معاك واد عم ابوها ده كويس غير الباجي اعملو المناسب ويجيب البت ويجي

احمد:طب حضرتك مراتي ممكن تموت فيها دي متعلقه بيها اوي خليها عندي وحضرتك ابقي تعاله شوفها ﻻن مش هقدر اجي هنا تاني ﻻن ده خطر عليها
الجد:شكلك راجل طيب وانا مش هلاقي احسن منك استامنه عليها خلي البت عندك وهبعتلك مصاريفها وحسان من الوقت للتاني هيجيلك
احمد :ينور في اي وقت

الجد :طب ياولدي بعد البت ماتكبر هنفهمها ازاي افرض سالت ان اسمها مش زي اسم اخوها
احمد:انا هقولها ان امها بعد ماخلفت مصطفي اتطلقنا واتجوزت واحد تاني خلفتك ورجعنا لبعض وقتها يبقي يحلها الف حلال ولما تبقي عروسه هحكلها الحقيقه وهي حره يلا سلام ياحج علشان منتأخرش
سلام ياولدي واد ياحسان روح مع عمك مصر وهو هيفهمك تعمل ايه وخد الاواق دي معاك
حسان:ماشي ياعمي اتفضل يافندي

مصطفي :يعني ياجدو مش هتاخد ندي
الجد:انت عايزني اخدها
مصطفي:ﻻ انا بس هقولك اني هخلي بالي منها وهتجوزه لما تكبر عشان انا بحبها
الجد:ههههه بس خلي بالك منها دي امانه

مصطفي مع صغر سنه بص للجد بثقه وقال انا ظابط وهخلي بالي منها كويس وهتجوزها برضه
الجد:هههه ابنك صعب ومش ساهل وانا موافق اجوزهالك لما تكبر .وابتسم الطفل وذهبو جميعا (نرجع بقي)
الاب : هو ده يابنتي اللي حصل
دخل عليهم فرحان يابابا ياماما ياندي تعالو انا اترقيت يابشر

يتبع