رواية احببته و تزوجني أخاه (الجزء التاسع)

وانا ببكي وبصرخ وبقول لي لا الا كدا خلاص ماعايزة امشي  💔💔 ولا اشتغل بي ..وهو طالع قال لي دلعك دا تاني ما بنفع وانتي مرتي عرفتي يعني شنو مرتي .. قلت لي انت حقير سااي وانا ثانية ما بقعد هنا . شزت التلفون اتصلت علي مهند اخوي ..

وانا ببكي قلت لي تعال سوقني قال لي روقي الحاصل شنو قلت لي تعال رجعنا ماعايزين نقعد هنا😭😭 قال لي اهدي متشاكل مع وليد؟ قلت بس تعال طلقني منو قال لي خلاص كويس اهدي هسي انتي وروقي كدا انا بجيك ❤ قمتا استحميت واتجهزتا ..

نزلت الشنطة عشان الم حاجاتنا انا ووتين .. بس تعبت قعدتا شوية . جات داخلة ميادة قالت لي انتي كويسة .. قلت ليها عليك الله دخلي لي الحاجات دي في الشنطة . قالت لي ماشة وين قلت ليها مسافرة .قالت لي عشان اتشاكلتي مع وليد تلمي حاجاتك كدا وتقولي مسافرة وبتاع اهدي كدا ..

قلت لي ماعايزة تدخليهم انا دي بدخلهم 💔 قالت لي يا بت حمرت ليها جات  دخلتهم ولملمت لي حاجاتنا كلها .. جات داخلة مشاعل عاينت لشنط قالت لي خلاص واخيرا ❤ ما رديت ليها ميادة قالت ليها مشاعل نهائي ما وقت ارح نمرق ضحكت ضحكة حقت شماتة .. وطلعو .

رجعت لي مهند قلت لي حتجي متين .. قال لي اتصلت لي وليد ما قعد يرد علي . قلت لي ولا حيرد حيقول ليك شنو مثلا .. قلت لي رجاي ويدي مكسورات 😭😭💔 ما حااقدر اجي لسودان براي .. قال لي عليك الله يا هند اصبري شوية لما اتصرف .

قلت لي لو ما جيت بسوق بتي ونطلع محل ما نمشي نمشي 😭 قال لي يابت خلي العوارة واهدي .. قال لي وليد رجع لي اقفلي اتكلم معاه قفلت .. وراسي ضاارب ماعارفة اعمل شنو بس دعيت ربنا يحل مشاكلي دي فكرت ابيع دهبي واسافر بس قلت ماحااقدر براي ومعاي وتين وشنط قلت اصبر بس لما مهند يتصرف ..

جاتني خالتو ماجدة قالت اصبحتي كيف قلت ليها تمام الحمدالله .. قالت لي ميادة كلمتني وعايزاك تعتبريني زي امك مالك الحصل شنو ؟ قلت ليها ماف شي اشتقت لي امي بس .. قالت لي ابدا دي مالمشكلة .. قالت لي عارفة وليد مزعلك هو طبعو قاسي شوية لكن بتتفاهمو مع الايام دي ..

ولو محتاجة شي كلميني عليك الله 😍 ما رديت ليها علي كلامها سالتها من وتين قالت لي طلعت السوبرماركت مع وليد ..طلعت مني . حسيت بصداع قلت انوم شوية 😭 وانا راقدة جات مشاعل قال لي انتي ليه قاعدة لي هسي قالت لي مش وليد طلقك .. 😨 قمت عاينت ليها قلت ليها شنو قالت لي وليد قال لي عايز اطلقها ولملمتي حاجاتك ..

ماشة متين ..قلت ليها مشاعل ما قادرة اتكلم معاك يااخ اطلعي من هنا ..قالت لي ليه انتي عايزة تحطمي حياتي البنيتها لي 10 سنه .قلت ليها انتي الحطمتي لي حياتي لو ما لزيتني ووقعت ما كان دا بقي حالي هسي كان سافرت 💔 قالت لي ياريتك كان متي اليوم داك 😭 بس الباب فتح ووليد جاء اداها كف وقال ليها ما كنت فاكرك بالشر دا قال ليها لمي حاجاتك واطلعي من البيت دا ..

عايزة تتكلم قال ليها كفاية السمعتو 💔طلعت تبكي عاين لي وطلع .. وانا في غرفتي عديت اليوم كلو معاي وتين نتونس ويجيبو لينا الاكل فوق ..

مرا اسبوع ما شفت خلقته وما سالت منه وكل مااتصل لي مهند يقول لي اصبري بعمل في الاجراءت حقت السفر 💔 يدي بقت كويسة بقيت اقدر احركها شوية شوية ورجلي كان عندي مقابلة حيفكو لي الجبص لانو اصلا كان شي بسيط 💔 والمفروض امشي الدكتور وانا ماعارفة الحيوديني منو جاتني ميادة قالت لي وليد قال ليك اجهزي نمشي الدكتور قلت ليها طيب قمت لبست ونزلت تحت ..

لقيته قاعد ومعاه خالتو ماجدة سلمت .. وعاينت ليه .. وهو ولا اتكلم طوالي قام وطلع خالتو ماجدة قالت لي امشي ✋ طلعنا وقاعدين في العربيه ولا كلمة مااتكلمنا وصلنا المستشفي فكو لي رجلي وبقت لي خفيفة قدرت امشي بيها شوية بس في شوية عترة لانو لما اضغط عليها بتوجعني ..

واداني مراهم قال لي ايام وترجعي تمشي عادي ❤ قلت ليه تمام .. نحن في العربية راجعين لقيت وليد نزل وقال لي انزلي قلت لي وين دا ما البيت قال لي انزلي .. قلت لي فهمني قال لي عايزين نتكلم في الحاصل دا ..

طوالي نزلت قلت احسن شي يطلقني وارجع .. طلعنا شقة في عمارة قلت لي مش كان نقعد في مطعم ولا مكان عام قال لي مشاكلنا نحلها برانا 😒 دخلنا قعدنا واي واحد فضل ساكت فضلنا مسافة كدا انا قلت لي طلقني .. عاين لي شوفي قولي اي شي بس فكرة اطلقك دي شيليها من راسك قلت لي والله ماقاادرة استحمل فكرة انو انا مرتك ..

قال لي يا هند عارف انا غلطت وانه من جيتي ماشفتي يوم سمح ومشاعل والسوته فيك ماعارف اقول ليك شنو بس بعتذر ليك عن كل شي . قلت لي مااعايزة اعتزار انا والعملتو فيني واكبر من الحاجات البتقولها دي عليك الله طلقني .. قال لي هند ممكن اعمل ليك اي شي الا دا ..

قلت لي لي ماعايز تطلقني عشان وتين يعني .قلت لي والله مااحرمكم منها وفي اي وقت تشوفوها هسي هي صغيرة حتكون معاي لما تكبر بخليها تجي تقعد معاكم .. 😭😭 قال لي ولا يوم ما تبعد مني قلت لي دي بتي انا .. وانا معاك عيشة مادايرة ..

قال لي ماترفعي صوتك خلينا نتفاهم براحة قال لي من الاخر كدا .. انا وتين بالنسبة لي اي حاجة في حياتي عادي لو عايزة تطلقي وتمشي انتي خلاص .. قلت لي وتين ليها كم من اتولدت من زمان كنت وين ..؟؟ قال لي يا هند انا عقيم ما بلد 💔 وسكت انا بيني وبين نفسي كنت عارفة الشي دا لانو سمعتهم قبل كدا بس انو يقول لي الكلام دا انصدمتا😨قال لي ووتين هي الادتني الاحساس بتاع الابوة دا انا صاح عرستك عشان رضي امي بس لكن لما جيتكم وشفت وتين وانها قالت لي انت بابا جيت من السفر دا 💔لخبطني وحسيت بالجد انه انا ابوها ..

وهسي اتعلقت بيها شديد وهي اتعلقت بي لدرجة اليوم النمت معاكم في السرير انا جبتها نايمة ولما رقدتها جنبك وعايز امشي صحت وقالت لي الا ترقد جنبي😭 قال لي انا عادي ممكن اطلقك وارجعك السودان واخلي وتين هنا .. بس حبي لوتين يخليني اتمسك بيك زي ما متمسك بيها ماعايزها تتربي بدون ام ..

وضحكتها بتكون ناقصة بدونك💔 وهسي بدون اي اوامر وكدا عليك الله انتي خليكم معاي ❤ غلبني اتكلم وانا بسمع فيه وبشوف دموعه جارية دا وليد البهرشني الليلة ببكي حسيت بالعجز والانكسار الفيه بس غلبني اتكلم ..

قال لي اديني فرصة تانية ونبدا من الجديد وماحاااعمل اي شي بدون رضاك ❤ بس مااا عايز حياتنا تكون كدا عايز نكون طبيعين كاي زوجين ❤ قلت لي عندك مشاعل 😒 قال لي طلقتها ..

قلت لي ما برضيني اخرب بيوت هي عملت معاي كدا وانا سامحتها ودا رد فعل طبيعي ليها انه حست انو واحدة حتشيل حاجة ملكها قال لي .. تصرفها غلط دا ما حب دا شر  .قلت لي هي لو ما بتحبك ماكان استحملت انها تنحرم من انها تكون ام وصبرت معاك 😒 عاين لي انا قلت خلاص حيكفتني ..

بس سكت قلت ليه لازم ترجعها .. قال لي حاارجعها بس تشيلي فكرة الطلاق دي .. قلت ليه انا عايزة وقت ابعد وافكر عايزة اسافر .. قال لي طلاق ماف سفر ماف ويلا ارح .. 😒✋