رواية احببته و تزوجني أخاه (الجزء الخامس)

قالت لي انا مرته 💔 طبعا مع اني عارفة انه متزوج وما كانت فارقة معاي بس ما عارفة ليهه اضايقت و زعلت 💔 وهي ماشاء الله عليها قوومر ياخ ❤😂 شكلها سعودية اصلو الجمال دا ما حقنا 😂 عاينت ليها وطلعت والله زاتو اغلبني اقول شنو .

طلعت مشيت عشان اغير وارجع اكل كنت جعانة 💔المشكلة كانت لما فتحت الشنطة😨😨 ما ملابسي الانا رتبتها دي ملابس واحدة ماااشة شهر عسل وااي سلمي عملتها فيني 💔شي قصير و شي بتاع عولاق شديد .. مع مروان ما لبست زي ديل 💔💔 قلبت الشنطة كلها لقيت جلباابين بس ديل ممكن البسهم .. ❤ شلت تلفوني قلت اتصل علي سلمي اشاكلها ..

اتزكرت ماعندي شريحة سعودي قلت البيت دا بكون فيه واي فاي .. فتحت لقيته بي كلمة سر 💔💔 قلت اتاخرت احسن انزل ليهم تحت 😣نزلت لقيت ميادة وخالتو ماجدة ❤ حلوين وبتونسو مع بعض قعدت معاهم . قالت يا مشاعل جيبي الاكل هنا ❤ قلت لي وتين شكلك مبسوطة هنا ما راجعة لي حبوبة فاطمة (امي) قالت لي لا هنا 😂😂 طبعا خالتو ماجدة اتبسطتت منها شديد 😂يلا جات مرت وليد شايلة الصينية .

وختها لي 😂انا قلبي دا طار قلت سم يعني سم اصلي ماباكل . 😂✋ خالتو قالت ليها اكلي معاها يامشاعل مااكلتي انتي .. هه انا قلت في سري اسمها مشاعل انا قايلة خالتو كوركت لشغالة 😂قالت ليها اكلت هسي في المطبخ وعايزة تمشي .. قامت خالتو قالت ليها اقيفي عايزاك .

قالت ليها اقعد عاايزة اتكلم معاكم انتي وهند .. قالت لينا اوعكم في يوم تفكرو انكم ضراير وبتاع اعتبرو نفسكم اخوات .. ❤ واتعاملو مع بعض كويس طوالي مشاعل قامت قبل ماخالتو تكمل كلامها 😒 قلت قليلة ادب وانا باكل .. اصلا الموضوع ما يخصني خالتو ماجدة قالت لي هي طيبة لكن عصبية ..

وكفاية العملو فيها وليد 💔 قلت ليها انا ماعندي معاها اي شي وكلام ما بلمني معاها 😂 قالت لي عاايشين في بيت واحد كيف ما بلمكم 😂 اثناء ما انا باكل وليد جاء داخل 😒 قال السلام عليكم وتين جرت ليه وتكورك عمو عمو ❤ شالها قال ليها ياروح عمك انتي وادها شوكلاتة ❤ انا طوالي اتزكرت موقف ( جاااااية جاااية وفتحت الباب مروان مالك 😨😨😨 ..

مافي شي بس بجرب جرس بيتنا بعد اول يوم شغل بعد الزواج .. ضربتو قلت ليه الباب عنده مفتاح قال لي لا تفتحي لي انتي .. وتستقبليني .. وبتاع 😘💓 قلت ليه الكريه دا 😒 وماشة منو حضني قال لي والله اشتقت ليك انتي مااشتقتي لي ❤ قلت ليه لا ..

قال لي بحبك .❤ قلت ليه ثقيل ياااخ فكني قام طلع شوكلاتة قال لي دي باكلها براي 😂😂 قلت ليه والله بمووت فيك قال لي ما سامع قلت ليه بمووووووت فيك اغسسسسسسم ❤) سمعت خالتو ماجدة بتكورك لي قلت ليها ايوة .. قالت لي سرحتي وين يابت قلت ليها ولا شي وعيوني اتملو دموع قالت لي مالك يابت ..

وليد زاتو واقف بعاين لي قلت ليها اشتقت لامي .. ضحكت قالت لي بس كدا اتصلي عليها ❤ قلت ليها ماعندي شريحة .. طوالي قالت لي وليد اتصل ليها علي ناس امها ..

طوالي فرحت .. قال ليها طيب بعد شوية قال لي خلصي اكلي 😒 وطلع وشايل معاه وتين فوق انا بعد شفته اكل تاني ما بتبلع لي 💔 طوالي قمت خالتو قالت اي يابت ما اكلتي .. قلت ليها شبعت 💔 شلت الصينية ودخلتها المطبخ قلت ليها ياخالتو انتي ماجدة قبيل طلعت وين قالت لي عندها صحبتها بيتهم جنبنا مشت ليها ❤ قلت ليها خلاص لما تجي انا عايزاها 💔 وطلعت فوق علي غرفتنا سمعت صوت مشاعل هايجة مع وليد قالت لي ..

تعرس فيني دي .. وتقول لي عشان بت اخوي 😒 قالت ليه انا صابرة عليك عمري كلو .. وعارفاك عقيم وبرضو قاعدة معاك ..انا اتخلعتا عديل 😨😨😨 سمعتا صوت كف 😨 ومشاعل تبكي .في زول طلع وانا لسه واقفة في السلم طوالي عملت نفسي طالعة وزي الماسمعت شي 💔دخلت غرفتي ولا عاين ليه في وشو خفتا علي نفسي لقيت وتين قاعدة براها ..

طوالي دخل وراي الغرفة في كنبة طويلة كدا ولا اتكلم معاي رقد فيها وتين مشت ليه ورقدت في بطنه باسها وقال ليه حبيبي عايزة تنومي ❤ انسان تاني كانو هسي ما عمل حاجة 😨 انا اتفاجاءت عديل كدا .. 😨 قالت لي اي .. قال لي اعملي لي قهوة .. قلت لي انا ..

ياخ اتلفت حمر لي تحميرة 😨😨 انا لما جاتني رعشة من الخوف .. طوالي قمت . نزلت تحت ودخلت المطبخ قلت دا متخلف بس شكلو مجنون جاتني خالتو ماجدة قالت لي عايز قهوة قلت ليها اي 💔 قالت لي دي وحدة من عوايدو انه اول من يجي بشرب قهوة قلت ليها طيب ..

قالت لي اقعدي انا بسويها ليه وانتي شيليها قلت ليها بسويها ماعندي مشككلة 💓 قمت طلعت لي البن و السكر والحاجات وطلعت ..

انا قلت يشرب السم قهوة شنو ليه كمان 😒 انا والله عملتها ليه خوفة ساي 💔 قلت يضربني زي مشاعل .. عملتها وشلتها ليه دخلت لقيته نايم ووتين زاتها نايمة عايزة اشيلها فتح قال لي خليها يااخ قالها بحنان كدا كانو خايف تفارقو ❤ انا اكتشفت انه بحبها شديد ❤ وهي زاتها بتحبه ❤ قلت لي ارقدها في السرير ❤ قال لي خلاص شلتها ورقدتها وجيت ختيت ليه القهوة قدامه . قال لي اخد دش واجي ..

فتح الدولاب شال ليه بنطلون وتيشيرت .. انا استغربت قلت ليه عنده ملابس هنا .. المفروض غرفته هو ومشاعل سوا 💔 قلت يمكن دي غرفتو القديمة ولا حاجة .. في حمام في الغرفة .. انا جاني فضول قمت اشوف تاني في شنو في دولاب 😂 فيه 5 ضلفة 2 مليانات ملابسه واحده كلها جلاليب معلقة والتانية بناطلين و قمصان .

😂 والباقي فاضيات . قام طالع انا لما اتخلعت . قال لي عايزة شنو من دولابي قلت ليه ولا شي 😂😂 قال لي لما ترتبي ملابسك انتي وتين ما تجي علي ضلفي 😒 باقي هادي ومسكين زي الطالع من كورس يوغا 😂😂😂 مشي كبي القهوة وشرب الفنجان الاول وانا بعاين ليه ..

قلت لو كعبة الليلة بتكفت😂😂 ولا قال لي اي حاجة 😂😂 قلت مدام ما علق معناها كويسة 💔 قال لي اتصل ليك علي مهند ولا في رقم امك ❤ قلت لي اتصل لي مهند ..

بكون في البيت . يلا اتصل لي وسلم عليه .. وبقي يتونس ويضحك معاه يااخ ضحكتو فيها حاجة غريبة❤❤ وعنده غمازة مع اللحية ماظاهرة الا لما يضحك شديد 😂😂 انتبهت لنفسي اني بعاين ليه 💔 قلت لي اديني ليه .. قال لي معاك هند ..

قلت لي يا سجم 😭مالكم ما بتسالو مني ..قال لي نحن ما صدقنا ارتحنا منك قلت لي كدا مش 😒😒 قال بهظر يااخ والله فرقتي معانا اها ناس بيتكم الجديد كيف .. قلت لي كويسين 😂😂 اديني امي . قال لي انا طلعت لكن لما ارجع بتصل ليك .. قلت لي طيب هي كيف ..قال لي كويسة والله قال لي افتحي نت قلت لي عايز ترسل لي شنو قال لي 😂😂 اتونس معاك هسي عارف راجلك جنبك ..

قلت لي اي والله قال لي خلاص مع السلامة قلت لي في امان الله ❤ اديته التلفون الباب دقا .. قال اتفضل ..طلعت ميادة قالت لينا ازيكم قلت لي اهلين .. قالت البت دي جنها نوم ياااخ .. قرصت وتين ..

وليد نهرها قال ليها ماشايفاها نايمة وتين فتحت عيونها مشي رقد جنبها قال ليها ارح نرجع ننوم تاني ❤❤ قلت لي ميادة ارح نطلع عايزاك .. طلعت .معاها قالت لي تعالي نقعد هنا نحضر لينا فلم عندهم جلسة قدام الغرف فيها جلسة وشاشة ومكتبة مليانة افلام ..

قالت لي وليد عامل دي مخصوص جنو افلام❤ اتونسنا شوية كدا ..قلت ليها عايزة امشي السوق ..قالت لي عايزة شنو .. قلت لي عايزة اشتري لبس بيت قعدت تضحك قالت لي اول مرة عروس تشتري ملابس تاني يوم عرسها😂 قلت ليها تقولي شنو بس حتمشي معاي ..

قالت لي كلمي وليد هو البوديني السوق ..قلت ليها قولي لي انتي وانا نظام ماشة معاك قالت لي خلاص بشوف لو اقتنع 💔💔 قلت ليها خلاص .. الوقت كان مساء .. خالتو ماجدة قالت لينا تعالو كلكم العشاء .انا قلت ليهم ماعايزة .. نزلو كلهم الا مشاعل .. اصلا من وقت سمعتها تاني ما شفتها ..

قااعدة بحضر في التلفزيون سمعت الباب فتح .. عاينت لقيت مشاعل جاية علي بدون اي مقدمات قالت لي انتي فاكرة انك حتخلي وليد يطلقني وتبقي انتي بس انسي ..

انا حبيبته طوالي قمت قلت احسن انزل تحت عشان ما اتكلم معاها قالت لي اقيفي انا بكلمك 😒 انا اصلا ما وقفت ليها ✋ وانا نازلة بالسلم حسيت بي زول لزاني من ورا 💔💔