رواية كبرياء الحب (الجزء الثاني)

ام احمد: ولك فشرتي تضحكي عليه بفنجان قهوه وتصحبيني شوفي انتي غريبه عني بتفوتي البيت ضيفه وبتطلعي ضيفه ممنوع تمسكي شي بالاكل ممنوع تعملي القهوه انا ست البيت فهمتي ست غنى ولا مفكره حالك اذا اخدتي ابني بدك تاخدي بيتي كمان لا يا حبيبتي وهلاء انقلعي اطلعي فوق ..
غنى : حاضر مرتعمو
طلعت على بيتي وبكيت كتير بكيت ٣ ساعات عينيا تورمو

على ٣ظهر انفتح باب بيتي واجا احمد بس سمعت صوتو ركضت على الحمام غسلت وجهي وحطيت شويه مكياج لاخفي ورم عيوني ..
احمد : غنى انتي هون
غنى : اهلين يعطيك العافيه
احمد: لك ليش هيك عينيك شو مالك
غنى :مافي شي
احمد: احنا شو تفقنا

غنى : حكتلو كل الي صار وحلفتلو انو ما حطيت اشي بالقهوه ..
احمد: حقك عليه معلش بكره بتعرف وبتفهم كل اشي ما تهتمي ولا تزعلي اولها صعب
مسحلي دموعي ونزلنا نتغدا انا وياه تحت قعد جمبي احمد وكان يطعميني بايدو ويحط بصحني الاكل ….
عمي : الحمدالله انكم مبسوطين يا ولاد انا هلاء واللهي انبسطت انشالله دايمه
غنى : صحه وهنا عمي
قام عمي ينام بعد الغدا

وبقينا على السفره مرتعمي وانا واحمد وسلافي التلاته
مرتعمي :شو احمد بدك اغضب عليك انت وعدتني انك تتجوز منار بنت خالك شو غرقت بالعسل ونسيت الوعد
حسيت حالي اختنقت وحسيت قلبي صار متل الجمر
احمد: امي شو هالحكي انتي عرضيتها عليه وانا اخترت بنت عمي.. ومسك ايدي
ايمن سلفي :شو امي عندو غزال يبدلو بقرد
اسعد سلفي : امي ادعي الله يستر عليها لمنار اي نمروضه وشايفه حالها على شو ما بعرف

كريم سلفي لصغير : زنخه
نطرت حالها مرتعمي وقاامت
لملمت السفره وجليت الجلي وزبطت المطبخ وطلعت على بيتي
كان احمد قاعد على لاب توب اول ما شافني طفااه مشيت على الغرفه …
احمد :غنى تعالي نحكي شوي
غنى :معلش تعبانه كتير وبدي انام
احمد:خلص على راحتك رح انزل شوي وبس ارجع بنحكي

بكيت كتير لحتى قدرت نام ….
صحيت على ايد حنونه عم تلعب بشعراتي …
احمد: اناا…طولتي وانتي نايمه فيكي شي بيجعك شي
غنى : تعبانه بدي امي
احمد : شو بيجعك
غنى : بدي امي
احمد :الساعه هلاء ١١ونص حرام هلاء اكيد بتكون نايمه

احكيلي انا شو بيجعك
غنى : جسمي بجعني عيوني بجعوني قلبي عقلي كل اشي بجعني انا تعبت احمد ليش هيك بصير معي انا شو ذنبي لك بشو انا غلطت …
احمد: خلص روقي قومي البسي نطلع شوي ونلف عالبحر ناكل بوظه…
غنى :عنجد
احمد :اي يلا البسي وانا ناطرك تحت …
البست بسرعه ونزلت بس اول ما نزلت ع درج لقيت مرتعمي بخلقتي
ام احمد : شو يا بعدي لوين رايحه

غنى :انااا…احمد ناطرني تحت
ام احمد : عم تكذبي كمان شو يا فاجره طالعه لحالك على ل١٢ بالليل بتتسحبي
غنى : والله يا مرتعمي احمد قلي البسي وانزلي ..
احمد : شوفي امي خير
ام احمد: شوف مرتك الفاجره لوين رايحه على١٢ بالليل وبسالها بتكذبي
احمد : امي شو هالحكي انا مرتي مافي منها انا كنت ناطره بالسياره ولما تاخرت نزلت شوفها
ام احمد : ولوين رايحيين

احمد : بدنا نروح ناكل بوظه
ام احمد : اي خلص رح البس واجي معكم انا واخوك اسعد
استنا ٥ دقايق ..
طبعا طلعنا كلنا سوا وانا كنت كاني مو موجوده مرتعمي تحكي وتضحك وتبرم عليه وتسب على امي وانا ساكته ودمعتي حبستها وروحنا على البيت
احمد : غنى تعالي نحكي
غنى : انا تعبانه وبدي نام
تصبح على خير
الصبح كان يوم الجمعه ..

وكان احمد اجازه
صحيت لقيت لفطور ع تخت …
احمد : يسعد صباحو الزعلان
غنى : وصباحك
احمد : جهزتلك لفطور على تخت شو رايك بالدلال بيطلعلي كون عريس …..
غنى : اي صح بيطلعلك نيالها فيك منار
احمد :وشو دخل منار
غنى: ما رح تصير مرتك بس نطلق

احمد : انتي شو عمتحكي ولك انا منار ما بطيقها ولو بدي اتجوزتها لتحديت الدنيا واخدتها
غنى : طيب كان اتحديت الدنيا وما اخدتني
احمد: خلصي فطورك عشان نطلع يلا
غنى : لا لا انا اطلع معك بعد امبارح مستحيل
احمد: حتى لو بدنا نروح عند اهلك
غنى :شوووووو
احمد : افطري والبسي بسرعه قبل ما امي تصحا انا مادخلني

اجريت على احمد وحضنتو وبستو على خدو
حسيت قلبي وقف و خجلت كتير بس عنجد كان انسان بجنن طيب حنون ما شفت منو اشي عاطل
كان حضني احمد بقوه وما بدو يتركني ….
غنى : شو رح نتاخر
احمد : في وقت خليكي فحضني
غنى : احمد
احمد : ريحتك حلوه كتير متل ريحة المسك
باسني على جبيني وتركني …

لبست ع سريع وقلبي بيدق بسرعه وجسمي بيرتعش نزلنا ع درج ومسكلي ايدي وفوتنا صبحنا على عمي ومرتعمي وخبرهم احمد انو رايحين عند اهلي وطلعنا
وصلت عند اهلي ..
امي :لك يا مية اهلا وسهلا بالعرسان
غنى : حضنتها ونزلو دموعي كنت كتير مشتاقلها
ابي : اهلا وسهلا بالحلوين

غمرتو بقوه لاني كنت بعيده عنو اخر فتره وكنت حاسه انو رماني كرماال النفوذ ولفلوس
قضينا نهار بجنن عند اهلي كنت مبسوطه كتير احمد كان طول الوقت ماسك ايدي وبطعميني وبغزلني قدامهم
امي :ديري بالك ع جوزك والله مافي منه عيونه عما تلمع لمع
غنى : في عيوني امي
طلعنا من عند اهلي ورحنا قعدنا على البحر
احمد : بتتذكري لما كنا نروح على بيت جدو ونلعب سوا
غنى : اي بتذكر كنت حب العب مع ابن خالتي محمد وانت كنت تخانقني

احمد : كان دمو تقيل واحنا صغار
غنى : اي ولهلاء دمو تقيل
احمد: يعني ما بتحبيه انتي
غنى : اناا لا طبعاا نمرود وشايف حالو عشانو دكتور
احمد: طيب وانا
غنى : …..
احمد: غنى اسمعي لو انا ما بدي ياكي كان ما اخدتك

غنى : شو عم تحكي انت انا بعرف انك مغصوب على الجيزه وانك كنت بدك بنت خالك منار
احمد: كنت بعرف اني رح اخدك انتي وما كنت احب منار

انا حبيت وانا بعمر ال٦ سنين عروسه حلوه بتشبه الشمس اجت ع دنيا نورت عمي الي كان بيستنا الخلفه ١٠ سنين اجيتي انتي بعد ١٠ سنين نورتي كل العماره كان الكل فرحان فيكي وحتى انا مع اني كنت صغير بس بتذكر كيف وانتي صغيره وقت الي حملتك ومسكت ايديك ضليتك ماسكها وما تركتيها وكبرتي يوم بيوم قدام عيني كنت اعشق ضحكتك وقت ما كان ايمن اخي يضربك كنت اضربو وتزعل امي مني وتقلي هادا اخوك كنت دافع عنك ……..