رواية صراع العاشقين (الجزء السابع عشر)

كان يصف سيارته اما البيت يخرج من السيارة يمسك بهاتفه ويستند على باب السيارة ليتصل عليها
سليم: الو ايوه يا حبيبتي جهزتي
عهد : اه دقيقتين واكون عندك تحت
سليم : طيب ماشي متتأخريش
تقفل الهاتف وتنظر خلفها

عهد : يلا يا بنات سليم مستني تحت
البنات : احنا جاهزين
رقية : قمرات يا عيوني
نغم ‘ والله انت اللي قمر يا عمتو
رقية بنظرات حب لابنة اخيها : عقبال ما افرح بيكي يا نن عين عمتك
جميلة : امين يا رب

فوزية : اكيد اتعموا في عنيهم حد يسيب القمر ده
جميلة : والله اتقدملها كتير وهي كل اللي عليها مش عايزه اتجوز مش عايزه اتجوز
نادية : ان شاء الله نصيبها زين
عهد : على فكرة انا هتنفخ لو منزلتش دلوقتي
جميلة : هههههههههه والله انا فرحانة فيكي محدش كان قادر عليكي

عهد : دي تفاريح بس يا حاجه متقلقيش هاخد وضعي
فوزية : ربنا يستر هههههههههه
جنة : يلا بقى يا ليم انا عايزة اجيب احلى فستان عشان انا احلى جنة صح
ريم : صح يا روحي
سندس : خلي بالك منها يا حبيبتي دي هي اللي حيلتي ان وابوها
ريم : متقلقيش عليها ياروحي وبعدين كلها كام شهر وتبقى حلتك لوحدك

سندس وهي تمثل الحزن : ما هو ده اللي انا خايفه منه انك هتفرجي وبنتي هي اللي هتتعب
ريم : ليه يا حبيبتي ومخفتيش عليها لما سبتيها وهي لسه مولودة وعلى فكرة مش عايزاكي تقلقي نونو ده روحي مش كده ياقلبي
جنة : كده يا قلبي

تتدخل عهد : بقولك ايه يا اخت سند اقصد سن دس  ابعدي عننا انت متعرفنيش انا ممكن اعمل فيكي ايه فخديها من قصرها وروحي اترمي في اي ركن هاه وبلاش تلعبي عشان مجبلكيش هارد اتاك طبعا مش فاهمه بس مش مهم اترمي يلا مش فاضيه قالت جملتها خافت سندس قليلا من هذه المفترسة التي تقف امامها تراجعت قليلا ذهبت لمكان جلوس العائلة تهندم من نفسها كأن شيئا لم يكن
سندس لخالتها نادية : بقولك يا خاله اروح معاهم اخلي بالي من جنة
عهد : مفيش مكان في العربية يلا سلام

_____________________
خارج الفيلا كان يقف ينتظرها هي فقد لم يكن يتوقع حضور الجميع
سليم : هما دول الدقيقتين اخيرا شرفتي
عهد : معلش يا بيبي
فجأة تظهر الفتايات وهن يخرجن من باب البيت
سليم : ايه ده هما جايين معانا
عهد : ايوه يا سليم انت ناسي ان خطوبتهم معانا والا ايه

سليم ببكاء مصطنع : انا متفقتش ان فرقة حسبالله هتيجي انا قلت هنخرج انا وانت
نور : اخويا حبيبي يا حتة سكرة شكلك هيبقى وحش لو رجعنا
سليم : ما انا كنت عارف موفقتك بسهولة ده كان لازم وراها حاجة
عهد لنفسها وانت لسه شوفت حاجه
وعد : يلا يا بنات هنقسم نفسنا على عربيتن عربية سليم وانا طلبت من جدو مفاتيح عربية يلا
سليم : اوك

عهد : واشمعنا بقى يا سي سليم يعني تخلي وعد تسوق ومكنتش راضي تخليني اسوق
نور : البس يا معلم
خلود : اضرب كمان خليني اتوب
سليم : عشان وعد عاقلة
عهد: وانا اللي مجنونة طب والله لوريك الجنان على اصوله انا هركب مع وعد

______________________
في مقر شركة الهواري بعد يوم طويل وشاق من العمل
فهد: ايه رايكوا يا شباب في سهرة حلوة من بتوع زمان
رامز : قول للزمان ارجع يا زمان
حسن : انت هتندب بقولك ايه قوم روح
توفيق : هههههههه يا عيني على الحلو لما تذله الايام
انور : ومش اي ذل دا ذل وطرد

حسن : صح هههههههه نسيت ههههههههه انك اطردت
رامز : استنوا عليه افوق بس وانتوا تعرفوا هرد عليكوا ازاي بقولك ايه يا عم فهد انا هتروح الاول تصلح الجو بيني وبين امي وعزة والا بقى انتو عارفين
فهد : على فكرة مبتهددش
رامز برجاء : ابوس ايدك يا فهد
فهد : باشا فهد باشا

سيف : خلاص يا جماعة الراجل اتذل على الاخر
فهد : عشان خاطرك انت يا سيف خلاص روحوا انتوا وانا هعمل المشوار ده واجيلكوا سيف خالد  هتروحوا معاهم
سيف : بس
فهد : مفيش بس نبقى موجودين في مكان واحد وانتوا تعدوا لوحدكوا لا مادام بيت العيلة مفتوح محدش هيعد مننا لوحده
خالد: تسلم يا كبير متقلقش انا راشق مدام فيها سهرة

توفيق : معلش يا فهد خدني معاك
رامز : ياه يا توفيق انت للدرجة ده بتحبني
توفيق : لا
حسن : واحلى قصف جبة  ده والا ايه هههههههه
___________________
في بيت عزة كانت تجلس الحاجه فاطمة بجانب عزة وبجوارهم تجلس سميحة والدتها
فاطمة : برافو عليكي يا بت يا عزة شاطرة
عزة : ده البداية بس يا طنط

سميحة : حاسه اني اعده مع رايا وسكينة الواد رامز  صعبان عليه والله
فاطمة : بقولك ايه يا ام قلب طيب لو معملناش كده الواد ده مش هيتحرك خطوة في حياته ابي وعارفاه
سمحية : مش بالاجبار يا اختي يا فاطمة
فاطمة : ومين قالك انه اجبار ده ابني وانا عارفاه بكرة تشوفي هيعمل ايه
عزة : ربنا يستر انا مش مستريحه وحلمت حلم امبارح مش مريحني
فاطمة : خير يا بنتي

عزة : حلمت اني انا ورامز ماشيين في ارض كلها خضرة وكنا ماسكين ايد بعض ومبسوطين فجأة رامز شاف حد يعرفه بس انا مشفتهوش الحد ده كان هيقع في بئر بس رامز لحقة بس بس هو اللي _____
فاطمة : بس يا بنتي متكمليش ربنا يستر ان شاء الله
سميحة : خير يا بنتي استعيذي بالله من الشيطان
عزة : اعوذ بالله من الشيطان الرجيم
____________________
في منزل مراد منصور

يجلس هشام في غرفته يتحدث على الهاتف
هشام : ندي حبيبتي
ندى : هشام عامل ايه وحشتني
هشام : انت اكتر عامله ايه والواد حبيب بابا ده عامل ايه لسه تاعبك
ندى : كله يهون المهم ان شاء الله يجي الدنيا بخير
هشام : ان شاء الله يا حبيبتي بقولك يا ندى كنت عايز اقولك حاجة
ندى : في ايه يا هشام قلقتني

هشام : خدي كلامي للاخر واعرفي ان كله لمصلحتنا في الاخر
ندى اتكلم يا هشام
هشام : انا قولت لبابا اني هتجوز
ندى : اخيرا يا هشام هتواجهه
هشام : بصي يا ندى انا قلتله اني هتجوز واحده على ذوقه زي ما طلب مني
ندى : يعني ايه يا هشام

هشام : بصي يا ندى انا مش هتجوز ولا حاجه انا بس هخطب واحده وهو لما يشوف كده هيكتبلي نصيبي من الميراث زي ما وعدني وبعد كده افشكل الجوازة
ندى : هاه انت بتضحك على مين يا هشام وبعدين ذنبها ايه اللي هتعمل فيها كده
هشام : لا ما انا هفهمها كل حاجه
ندى : بص يا هشام انا صبرت كتير بس المرة ده لا انا مش هقبل اللي هتعمله ده طلقني يا هشام واغلقت الهاتف
هشام : انا عارف انك مضايقه دلوقتي لكن هعرف اوصلك ازاي ان كل ده لمصلحتنا

________________________________
باحد اهم متاجر الفساتين
كانت تقف باحد الاركان بعيدا عنهم تتحدث على الهاتف
وعد : ايوه يا فهد اتصلت عليا كتير معلش كنت بشوق ما انا قلتلك رايحين نشتري الفساتين
فهد:اه عارف يحاول فهد التقرب منها شوفتي رامز عمل ايه
وعد : عمل ايه تاني البلوة ده ههههههههههه
فهد وقد قص عليها ماحدث مع صديقه

وعد : هههههههه هههههههه صاحبك ده فظيع بس يستاهل هههههههه
فهد: بس طيب والله وقلبه ابيض
وعد : والله انت اللي طيب واديك متورط اهه و رايح تصلح اللي عمله
فهد : مش ورطة ولا حاجة دا اخويا و مادمت قادر اساعده هساعده
وعد: ربنا معاك
فهد : ادعيلي يا وعد ادعي كمان ربنا يجمعني باللي بحبها وتكون من نصيبي بعد بعد ما خطتنا تنجح
وعد : ها اه اه ان شاء الله

فهد : انا سامع صوت عالي جنبك في حاجه والا ايه
وعد : لالا متقلقش دا باين عهد وسليم هيطلقوا قبل ما يتجوزوا باي دلوقتي
فهد: سلام
كانت تختار لنفسها فستان لخطوبتها وهو يقف فوق راسها ليقول لا لا مينفعش
عهد : لقيته هو ده انا هاخد ده
سليم : اه يا امي ما انا عارف هتبقى ليله سودة على دماغي اسود يا عهد اسود ليه هتحضري جنازة يا روحي
عهد : عاجبني

سليم : انت شكلك بتعندي وخلاص ماهو انا مش هوافق ولو حكمت هطلقك
عهد : اتنيل مش لما نتجوز الاول
سليم : لمي لسانك يا عهد  مش هناخده يعني مش هناخده
وعد ؛ خلاص يا سليم انا هقنعها
سليم : يارب عدي اليوم ده على خير

____________________
الحلقة قصيرة عارفة بس والله لسه تعبانه
رايكوا بقى في الحلقة
ربنا يستر على رامز الحلم مش مطمني هههههههههه