رواية صراع العاشقين (الجزء الرابع عشر)

اخاف عليك يا قلبي من حب اخره جرح لك
اخاف عليك يا قلبي فقد جربت لوعة العشق
اخاف عليك يا قلبي من غدر حبيب
صراع حسن مع نفسه

____________________
ارتفعت اصوات المزمار والزغاريد
وقف الشباب يرقصون بالعصي فهي رقصة صعيدي معروفة في الافراح
تعالت اصوات المباركة للعروسين

____________________
جلست تتأمله من بعيد هو بالفعل جذاب وخاصة بعد ارتدائه لهذه الملابس التي خطفت نظرها منذ ان رأته ولكن مهلا من هذه المجنونة التي تجرأت وسلمت عليه اظن ان والدتها قد دعت عليها
___:باشا مصر سليم باشا
سليم :اهلا استاذه مريم
مريم :عاش من شافك يا باشا من اخر قضية مشفتكش
سليم :انت اللي شكل مستواكي قل عشان كده الناس مبقتش توكلك

مريم:عيب يا باشا انت بس اللي شكل القسم بتاعك مبقاش يمسك قضايا كبيرة عشان كده مش بتشوفني
سليم : هههههههه لسه مبعرفش اغلبك
احست هي بخطر كبير خصوصا بعد ضحكته هذه فتدخلت سريعا
عهد بتضحك من غير نفس :ههههههههه بتضحك على ايه ضحكني معاك
سليم :حاجة متخصكيش انا نفسي مخصكيش مش ده كلامك
عهد :وقد اوشكت على البكاء :اه صح بعد اذنك
تركته بل تركت القاعة باكملها لتشم الهواء فقد احست بالاختناق

مريم :سليم باشا هي الصنارة غمزت والا ايه يا باشا دا انت دوخت نص بنات البلد ده
سليم وقد كان تركيزه مع التي تركته الان :هاه بقولك ايه خديلك جوله كده يمكن تلاقيلك قضية و الا خلع ما انت خرابت بيوت ليتركها ويرحل
مريم :ماشي يا سليم باشا بس افتكرها

______________________
خارج القاعة كانت تبكي وتبكي بحرقة فلقد جرحها امام تلك المشعوذة كما لقبتها
وجدت من يضع يده على كتفها ويلفها له يكفكف دموعها والتي تسبب هو بها
سليم بحنان : اسف
لم ترد عليه بل ظلت تبكي
سليم :طب اسف
لم ترد
سليم : طب بحبك
صدمت وصدمت وصدمت 😂😂😂😂التالته تابته

سليم :ايه يا بنتي احوليتي ليه ههههههه
عهد : هاه
سليم :هاه ايه بقولك بحبك بحب جنانك بحب رجولتك لتنظر له نظرة تحذير
ليقول اللي اختفت انهارده طبعا بعد الفستان اللي ممنوع يتلبس تاني ده
عهد وقد اكل لسانها القط :ها اانا انا لازم ادخل جوه حالا اصل الجو حر لالالا حر ايه الجو برد
سليم :ولم يتمالك نفسه فضحك بشدة على خجلها طب بقولك ايه المأذون لسه جوه ايه رايك نكتب كتابنا انهارده
عهد :وبتقول اني مجنونة روح يا جدع دورلك على حد تاني انا مش فاضية

سليم :طب مادام ده رايك في واحده كانت لسه طلباني للجواز اروح الحقها وهم للرحيل
عهد : وهي تمسكه من ياقته تروح فين يا باشا اثبت مكانك انا معايا شهادة معاملة اطفال
سليم :هههههههههه اه ما انا عارف
عهد ممكن تقبلي الهدية ده مني
عهد :هدية ايه
سليم :افتحيها وشوفيها
همت عهد لفتح الهدية
عهد : واااااااااو كاميرا الله ده حديثة جدا شكرا شكرا اوي يا سولي

سليم : سولي مين يا امي
عهد : سولي انت يا حبيبي
سليم : بصي عشان خاطر حبيبي ده سولي ده تبقى مبنا انما ادام الناس اديني برستيجي يا حبيبتي
عهد: وهي تتفقد الكاميرا طيب
سليم : طيب انت هتسبيني وتنشغلي بالكاميرا تصدقي اني غلطان اني اديتهالك دلوقتي
عهد : اه غلطان بااااااااي
سليم : ماانا عارف اخرتي يا روحي بس مش هدخلها لوحدي والله لاخدك معايا اهو نتعالج من الجنان انا وانت هههههههههههه

____________________________
بداخل القاعة
فهد : ها ايه رايك في الفرح زي اللي شوفتيه في التليفزيون
وعد : ده احلى بجد حاجة روعة
فهد : كنت عايز افاتحك في موضوع كده
وعد : اتفضل
فهد : بصي انا سمعت ابويا وابوكي وجدي بيتكلموا ان انا وانت يعني يعني
وعد : في ايه يا فهد متتكلم
فهد :اننا نتجوز

وعد : نعم ازاي يعني انا مخطوبة اصلا هو بس جاسر مسافر و هيرجع وهنتجوز على طول
فهد بضيق : اه ما انا عارف كده عشان كده اعترضت بس هما كانوا مصممين وعمي كمان تعب فاضطريت اسكت
وعد : طب هنتصرف ازاي دلوقتي ده حتى جاسر مش بيرد عليه
فهد بحسره على حالها ولكن قد زاد تصميما فهي له وسيعمل على هذا : بصي انا فكرت في موضوع كده
وعد : قول
فهد: احنا ننفذ اللي هما عايزينه
وعد : انت بتقول ايه وانا اللي قلت هتقف جنبي
فهد : انت فهمتيني غلط انا كمان على فكرة بحب ومش مستعد اخسر اللي بحبها

وعد : بجد طب ايه الحل
فهد: زي ما قلت نتجوز فترة لحد مايرجع جاسر نتطلق انت تتجوزي اللي بيحبك  وفي نفسه اللي هو انا طبعا ههه وانا اتجوز اللي بحبهت
وعد بعد تفكير : طب سيبني افكر واصلي استخارة وارد عليك
فهد : خدي وقتك انا مسافر بكرة مع الشباب عندي شغل وكمان توفيق رايح للدكتور هكون معاه
وعد : ترجعوا بالسلامة

__________________________
في مكان اخر بالقاعة
حسن : بصي مدام طلعتي جدعة معايا كده انا هطلب منك طلب
ريم : طلباتك كترت اتفضل
حسن : بصي عشان سندس تصدق اننا هنتجوز وتبعد عني لازم اخطبك
ريم : نعم انا اتجوزك انت
حسن : انت تطولي اصلا بس اعمل ايه انت اللي ادامي
ريم : دبش كلامك دبش
حسن : اتلمي شويه وبعدين انا قلت هنتخطب  بس مش جواز وبعدين متخافيش انا اصلا مش عايز اتجوز
ريم : وانا ايه اللي يجبرني

حسن : بنفاذ صبر اطلبي اللي انت عايزاه
ريم : سبني افكر
حسن : في الخطوبة
ريم : لا في المقابل اللي هطلبه
حسن : يعني موافقة
ريم : يلا كله بثوابه
حسن : طب انا هطلبك انهارده من عمي لاني بكرة مسافر في شغل مهم
ريم : ماشي

_____________________،
اتى الليل وذهب بقلوب العاشقين الى مكان بعيد حيث النجوم والقمر منهم من نام حزينا على ما فات ولكن لا تعلم عزيزي بتدبير الله لك ومنهم من نام على امل وثقة في رب كريم

______________________
في صبح يوم جديد جلست الاسرة على مائدة الطعام
حسين : والله اللمة حلوة يا ولاد بس الشباب كانوا مديين البيت حيوية ونشاط
عهد : تقصد ايه بقى يا عم جدو احنا منكدين عليكوا
حسين : عم جدو يعني ابجى بالنسبة لك ايه يا بنتي
نغم : متاخدش على كلامها يا جدو هي كده بتجيب من الشرق والغرب
ريم : كلي يا جنة مش عايزه دلع لازم تخلصي اكلك كله
جنة : لا انا عايزه انام
نادية : سيبيها يا بتي هي كده متعبه

جنة : ماشي يا تيته انا متعبه انت بتتكلمي بس عشان انا مش فايقه
ناديه : كل ده ومش فايقة ماشي يا بت حسن
زينب : سيبيها يا بتي تدلع لو مش هتدلع علينا هتدلع على مين
جنة : اه سيبها يا ناديه
نادية : ربنا يعوض يارب
جميلة : والله انت عسل يا نونو

جنة : انت اللي عسل يا تيته
حسين : الشباب هيرجعوا كمان يومين  عايزين نجهز كل حاجه للخطوبة يا ولاد مش عايز حاجة نجصه
عصام : اللي تشوفه يا ابوي
ابراهيم : ربنا يكملهم على خير
الجميع : امين

_____________________
بالقاهرة بقر شركة الهواري
وتحديدا بمكتب مازن
مازن : اعدي يا عزة عايز اتكلم معاكي مانت من ساعة ما اتخطبنا وانت مبترديش تخرجي معايا في مكان محسساني اني جربان
عزة : معلش يا استاذ رامز مش فاضيه
رامز : حفظتها الكلمة ده حفظتها من ساعة الخطوبة مش فاضيه مش فاضية وبعدين ايه حكاية استاذ ده دا احنا قبل الخطوبة كنت بتقولي رامز دلوقتي بقت استاذ رامز

عزة : مش انت عملت اللي في دماغك واتخطبنا مع انك عارف اني رافضة
رامز : انا بعمل كده عشان احميكي
عزة : وانا مطلبتش حمايتك انا اقدر احمي نفسي
رامز : الكلام خلص واللي قلته هيتنفذ انهارده هنخرج بعد الشغل يلا اتفضلي على مكتبك
خرجت من مكتبه متاففه كلاطفال وما ان خرجت حت اتصلت بحماتها
فاطمة : هاه البرود عمل نتيجة

عزة : يعني
فاطمة : استمري على كده ومفيش خروج فاهمه
عزة : حاضر يا طنط
اما عذبتك يا ابن طنط فاطمة
فاطمة : ايوه كده عايزاكي تربيه الواد ده

______________________
اوصل فهد توفيق لمنزله حيث المكان الذي كان مقر اقامته هو وزوجته
ما ان دخل المنزل عادت له كل ذكرياته لقد كانت زوجة مثالية بكل ما للكلمة من معنى ولكنها كانت غيورة جدا ولذلك خضع لارادتها وترك عمله وعمل مع فهد بالشركة  قادته قدماه الى غرفتهم
بداخل الغرفة توجه الى خزانة الملابس حيث صندوق الذكريات فقد كان يحتوي على الكثير من الصور لهم فلقد حرصت على تسجيل كل لحظة بينهم

اخرج الصندوق تامله قليلا ثم فتحه هو لم يتفقده منذ وقت كبير من قبل وفاة زوجته فمنذ وفاتها في هذا المنزل وهو لم ياتي اليه حيث اصرت هي على الخروج من المشفى وقضاء باقي ايامها بالبيت
جلس يقلب في صورهم ولكن ما هذا الظرف هو لم يراه من قبل اخذه وذهب بكرسيه الى احد اركان الغرفة
فتحه وإذا بصدمة عمره حياة مليئة بالخداع والخيانة والكذب والعذاب
جلس يقرأ هذا الجواب

( توفيق حبيبي انا عارفة اني مش موجودة معاك دلوقتي وعارفة انك بعد ما تقرا الجواب ده هتكرهني  ممكن حتى شوية المعزة اللي في قلبك ليه تروح انا عارفة انك مقدرتش تحبني عارفة وكنت بتعذب مش عشان انت مبتحبنيش بس لا عشان عارفة ان حبك اللي كنت بطلبه منك كان المفروض لغيري ايوه لغيري عشان مش انا اللي كنت بكتبلك الجوابات مش انا حبك الاول كتير كنت عايزه احرق الجوبات ده عشان عارفة انك وانت بتقراها بيزيد حبك بس للاسف مش ليه ليها هي نغم نغم صاحبتي اللي خنتها واخدت منها حبها مش عارفه انا عملت كده ازاي بس صدقني يومها كنت مدمرة كنت عامله اشعه وعرفت اني عندي كانسر وروحت لنغم يومها كنت عايزه اعيط على ضدرها كان نفسي تاخدني في حضنها بس لاقتها فرحانه اوي وبتحضر نفسها عشان خلاص هتقابلك يومها غيرت منها ليه هي تاخد كل حاجه طلبت مني اني اخد الجواب اوديه لك صدقني انا يومها كنت محطمة جدا معرفتش انا بعمل ايه بس صدقني بعد ما اتجوزنا حبيتك وطمعت انك تكون ليه خصوصا لما الدكتور قالي ان الاشعة بتاعتي غلط واني مش مريضة بش كان قدر ربنا اقوى ان الحادثة ده تحصل واعرف ان المرض عندي وفي مرحلة متاخره سامحني يا توفيق سامحني ولو قدرت توصل لنغم خليها تسامحني )

اااااااااااااااأاااااااه
ليييييييييييييه
ليه عملتي كده
مش قادر اصدق مش قادر ياررررررررررررب يارب وجلس يبكي على ماذا وعلى من ماذا سيفعل الان هل يسامحها لماذا فعبتي بي هذا لماذا تخدعيني يارب يارب ارحمها واغفرلها يارب