قصة سارة الجزء الثالث عشر
بالعربي / صرت خبط على الباب و نادي نظيرة و الخدامة ام وفيق
سارة : افتحولي الباب
فاق ليث على اصواتي و صار يبكي , بقيت 3 ساعات محبوسة جوا بالحمام , حاولت كسر الباب بس ما قدرت , صرت نادي ام وفيق من طاقة الشباك بس ما سمعتني او يمكن عملت حالي ما سامعتني ,فرطت اعصابي من تاني ساعة و بكيت على بكا ليث يلي فحم قلبو من البكا و الجوع ,تعبت وقعدت بأرض الحمام انا و عم ابكي وادعي على نظيرة و ليث برا عم يبكي لراح صوتو , لسمعت صوت حدا برا حملو ل ليث
سعيد:يا روحو لبابا ليش عم تبكي … سارة وينك انت
قمت وقفت و خبطت على الباب
سارة : انا جوا افتحلي الباب
فتح الباب و طلعت
سعيد: شبك
سارة : بعد هيك
طلعت من غرفتي و رحت بسرعة على غرفة نظيرة و انا حاطة الشر بعيوني , فتحت الباب , كانت عم اطعمي ابنا
سارة:تعي لهون , بدي عرفك مع مين علقانة
هجمت عليا و مسكتا من شعرا و اضاربت انا و اياها , صارت تصرخ و تعمل حالا مظلومة , حاول سعيد يفصل بيناتنا بدون ما يفهم القصة ,بس كان ماسك ليث بايدو عم يبكي , حطو على التخت و صار يبعدنا عن بعض اجت اميررةو حماتي من زيارتن و طلعو لفوق فورا على اصواتنا و فصلو بيناتنا , وقعت منشفتي على الارض , لقطتا من الارض و لفيت حالي فيا
ام سعيد: شو و القصة ؟
سارة /تبكي/:ولله اذا بتقربي علي ولا على ابني لاكلك باسناني لاقتلك
نظيرة: ولله ليجي عمي لقلو و حدة مجنونة , ما عملتلك شي
سارة : قفلت علي باب الحمام 3 ساعات و ابني فحم قلبو من البكا
نظيرة : كذابة ما تصدقوا و اسالو ام وفيق ما طلعت من غرفتي من وقت ما طلعتو لهلا
سارة : ما انت شااريتيا لام وفيق
اخدت ليث من سعيد و رجعت على غرفتي و قفلت الباب و قعدت رضع ابني , اجا سعيد و صار يفتح بالباب
سعيد: سارة افتحي الباب
سارة : ما رح افتح و انت السبب , انت يلي جبتني لهون انا و ابنك , ادا بصير علي ولا على ابني شي رح بقتلك يا سعيد , سارة الضعيفة الهبلة دفنتا قبل ما اجي لهون
سعيد: ماشي يا سارة اعملي و كتري
ما نزلت لتحت الا المسا اكلت بالمطبخ و طلعت على غرفتي , نام سعيد هديك الليلة عند نظيرة , بعد يومين كانت حماتي بدا تروح زيارة عند مرة شريكو لعمي , خيرتني يا انا يا نظيرة بروح معا حتى ما نعلق سوا اذا بقينا بالبيت متل هديك المرةو قلتلا انا بروح معك , طلعت لبست و نزلت و رحت انا و اياها و اميرة يلي بتاخدا معا حماتي وين ما راحت متل رفيقتا لانو وحدانية و ما عندا اولاد , كان بيتا لام حسن فيلا افخم بكتير من بيت حمايي ,اول ما فتنا و قعدنا , سالت ام حسن حماتي عنا
ام سعيد: هاي مرتو لسعيد
ام حسن : ليش سعيد ما اخد بنت عمو ؟
ام سعيد: أي ,بس سارة مرتو الاولى
ام حسن : اهلا و سهلا فيكي حبيبتي , ولله انا ما طقتا لضرتك
سارة : ولا انا طقتا هههههه
ام حسن :هههههه
من ضمن الحديث يلي دار بين ام سسعيد و ام حسن
ام حسن : سمعتي يا حرام ماتت مرتو لجمال الباشا بهداك المرض كش برا و بعيد , مع اني يا حرام صغيرة بالعمر
ام سعيد: الله يرحما
ام حسن : قلي ابو حسن بدك تروحي تاخدي بالخاطر , قلت بقلك لتروحي معي , ما بحب روح لحالي
ام سعيد: أي برروح
ام حسن : منروح بكرا الصبح شو رايك ؟
سارة : مرة عمي انا كمان بدي روح معكن
اطلعت ام سعيد و ام حسن فيني
ام حسن : ليش انت بعرفيا لمرتو لجمال الباشا ؟
سارة : لا بس انا كنت اشتغل بشركة جمال الباشا بس انت خالتو ام حسن من وين بتعرفي مرتو ؟
ام حسن : انا ما بعرفا بس عمك ابو حسن صحبة مع جمال و كان بيناتن شغل لهيك بدو يبعتني قوم بالواجب ما حلوة
سارة : وين فاتحين التعزية ؟
ام حسن :عندو بالفيلا
رجعنا المسا من عند ام حسن , كان سعيد و ابوه و زوج اميرة قاعدين بحديقة االبيت , قعدو معن حماتي و اميرة و انا طلعت على غرفتي لنيم ليث بتختو , حطيت ليث على تختو , و فتت على الحمام لغسل وجهي من المكياج , انا طالعة و عم اشلح بلوزتي لمحت شي طويل و رفيع عم يتحرك جنب باب الغرفة و كانت افعى كبيرة طولا بحدود المتر و نص ,صرخت صوت قوي بلمقلوب من منظرا
سارة :سعيد ….سعيد ..الحقني
كان بدي اوصل لليث اخدو و اهرب من الغرفة , بس كانت على الباب , لا بقدر اطلع من الغرفة و لا بقدر اقطعا و اوصل لتخت ليث , وقفت صرخ و ابكي و ارجف و نادي سعيد حتى سمعت صوتو عم يطلع ركض على الدرج , فتح الباب بسرعة , و زحفت الافعى تحت تخت ليث
سعيد: شبك ليش عم تصرخي
سارة: هون …تحت …..في افعى كبيرة ….تحت تختو ل ليث …جيب الولد بسرعة
سعيد: خدي و اطلعي لبرا
سارة : الله ياخدك يا نظيرة
نزلت اانا و حاملة ليث و عم ارجف و خبرتن لبيت حمايي تحت , طلع عمي و زوجا لاميرة قاسم فورا على غرفتي و اخدو معن شبكة ليلقطو فيه الافعى و فأس, و نحن وقفنا برا الغرفة وقفت نظيرة عاملة حالا ما معا خبر بشي
نظيرة :شوفي مرة عمي شو هالاصوات
سارة : لسا الك عين تسالي , انت يلي حاطتيا بغرفتي , بدك تقتليني و تقتلي ابني
نظيرة : كل شي بصير معك بتحطيه بضهري , رحت و ما خلصنا منك
سارة /تبكي/: افهمي يا غبية ما بدي اياه , خديه الك , انا جيت لهون غصب عني و عايفتلك اياه , بس اتركيني عيش بسلام انا و ابني
طلع سعيد و حاملة للافعى ميتة بايدو ,اطلع بنظيرة
سعيد: هاي شو فوتا لهون ؟
نظيرة : شو دخلني؟ ليس عم تسالني الي؟/تبكي/ انا يلي حطيتا يعني , هديك المرة لقيت حردون كبير بغرفتي ليش ما اتهمت حدا يكون حاطتلي اياه , عم تتبلوني كذب
ابو سعيد: خلص عمي ما تبكي , ما حدا قال انو انت , عادي بتصير و انت ست سارة يبقى اقفلي باب غرفتك بعد ما تطلعي منا حتى ما تشكي بحدا مرة تانية
ما فتت على غرفتي الا لرجع سعيد و تفحص الغرفة منيح تحت التخت و بقلب الخزانات ادا نظيرة حاطتلي شي تاني
سارة : انا خايفة ابقى لحالي بالغرفة , نام عندي الليلة
سعيد: لانو انا على كيفك ,يوم بتفتحي الباب و يوم بتسكريه بوجهي , نامي لحالك
طلع من الغرفة هو ومعصب ,رجعت نكشت الغرفة حتى اطمن و ارتاح اكتر , وبقيت طول الليل عم احلم انو نظيرة ماسكة الافعى و عم تركض وراي تخوفني فيا وهي عم تضحك , فقت مرعوبة كدا مرة حتى طلع الصبح علي , تاني يوم جهزت حالي لروح مع حماتي و ام حسن , لبست بنطلون اسود و بلوزة بيضا و فوقا جاكيت اسود سبور ذيك و عملت تسريحة ناعمة لشعري و حطيت ليث عند اميرة و حطتلو كام حفوضة و ببرونة حليب و نزلنا بسيارة ام حسن , كنت متوترة انو شوف نتالي او فادي او حسام بس حسيت حالي انو لازم روح ,فتنا على الفيلا و كان عجاة كتير الصالون , نسوان كتير لابسة اسود و شي عم يقرا قران و شي عم يسبح , فتنا قعدنا باخر الصالون , ما كنت بعرف حدا من الموجودين حتى اجت مرة سلمت على ام حسن و حماتي و قربت على حماتي و سالتا من هاي
ام سعيد: هاي اختو لجمال
و هي عم تحكي معنا ,اجت نتالي لعند المرة و هي عم تناديلا ماما , اطلعت فيا كانت هيئة وحدة حامل و وجها مرتاح عن اخر مرة شفتا فيا
ام نتالي:هاي بنتي نتالي
ام حسن : اهلين خالتو
سلمت نتالي على ام حسن و على ام سعيد و وقت وصلت لعندي و مدت ايدا هي و عم ادقق فيني كانو ما متاكدة
سارة : كيفك نتالي؟
نتالي: سارة ..
سارة : البقية بحياتك
نتالي: و حياتك الباقية
ام نتالي: نتالي حبيبتي هديك الطاولة خلصت فيا القهوة المرة , قليلا لام عصام تجيب غيرا
نتالي: يلا
راحت نتالي هي و عقلا مشغول , بعد ربع ساعة رجعت قعدت جنبي
نتالي:ما توقعت ارجع شوفك مرة تانية
سارة : ولا انا و بس جيت اخد بالخاطر مع حماتي ,كيفك انت و فادي؟
نتالي: لحمدلله , حياتي معو انقلبت من فوق لتحت للافضل
سارة : كانك حامل ؟
نتالي: أي بالشهر السادس و معي بنوتة
سارة : الله يتمملك على خير
نتالي :شو اخبارك انت ؟
سارة : لحمدلله , انا تزوجت و صار عندي ولد
نتالي: مين تزوجتي؟
سارة: سعيد يلي كنت استغل معو بالمول قبل ما تقلعيني هههههه
نتالي:هههههه بس بتستاهلي
سارة : هاي انت ما رح تتغيري بس برافو عليكي و يا ريت فيني كون بقوتك , وينو خالك ؟
نتالي: فوق قاعد بمكتبو تركتو قاعد لحالو و عم يدخن
سارة : طيب فيكي تاخديني لعندو لاخد بخاطرو قبل ما روح
نتالي: قومي
استاذنت من حماتي و رحت مع نتالي
نتالي :فوتي هو جوا
سارة : ما بدك تفوتي معي
نتالي: لا انا بدي انزل اوقف جنب امي اا
دقيت الباب و فتت , كان قاعد على الكرسي و ماسك صور بايديه
سارة : صباح الخير انالله كون ما قاطعتك عن سي
رفع عيونو و اطلع فيني و حسيتو ما عرفني او يمكن نسيني
سارة : انا سارة …تذكرتني
جمال :ايه
سارة : البقية بحياتك
جمال : و حياتك الباقية
بقيت واقفة و متلبكة , ما عرفت احكي لاول مرة او كيف بواسو حدا بهيك ظرف
جمال : تفضلي ارتاحي , شو اخبارك ؟
سارة : انا منيحة لحمدلله
جمال : ليس تركتي الشغل عند ابو فؤاد
سارة : انا ما تركتو , اخدت اجازة اكام يوم و صار معي ظرف و اضطريت مدد الاجازة و وقت رجعت كان مسلم محلي لبنت رفيقو
جمال : اممم ما خبرني هيك , كيف امورك ؟
سارة : منيحة لحمدلله ,مبارح سمعت بالصدفة انو مرتك ماتت الله يرحما
جمال : تعيشي
سارة : حسيت حالي انو لازم اجي
جمال :شكرا لزيارتك , التقيتي بنتالي تحت ؟
سارة : ايه , هي يلي طلعتني لهون بعد ما سالتا عنك
جمال : سمعت انك تزوجتي
سارة : أي صح , سعيد ما غيرو
جمال : اممم تدكرتو ,باينتو ساب كويس , انسالله تكوني مبسوطة معو
سارة : …….ما بعرف , هو كويس بس ظروفو ما كويسة
جمال : اذا احتجتي لاي شي , انا موجود , و فيكي ترجعي على شغلك
سارة : لا , المادية منيحة لحمدلله
جمال : ما تخرجتي لسا ؟
سارة : لسا ,حبلت بابني ليث …
جمال : صار عندك ولد
سارة : ايه
جمال :الله يخليلك اياه و بس هالشي ما بيمنع انك تكفي دراستك
سارة: اكيد لتتحسني ظروفي رح تابع
اندق الباب و فاتت نتالي
نتالي: سارة حماتك و ام حسن بدن يروحو و عم يسالو عنك
سارة : يلا نازلة
جمال : جاي مع حدا ؟
سارة : أي , انت بتعرفو لزوجا لام حسن …عندو مكتب تعهدات بضيعة الجوزة
جمال : اه عرفتو
سارة : أي بكونو جيران بيت عمي اهلو لسعيد و جيت مع مرتو انا و حماتي
جمال : ايوا بس هاي ما بقا ضيعة , صارت كلها منتجعات
سارة : أي صح بس انا بقلا ضيعة لانو السكان الاصلين بعدن محافظين على عاداتن و تقاليدن , يلا انا لازم امشي
قام وقف و وصلني على الباب
جمال : الله معك و ادا احتجتي أي شي ما ترددي تحكيني ابدا
سارة : اكيد
جمال :شكرا على زيارتك
سارة : بيباي
نزلت انا و نتالي لتحت , كانت ام حسن و حماتي ناطريني بالسيارة , طلعت معن و مشي السوفير فينا , مرت ام حسن اشترت كام غرض من المول لبيتا و رجعنا على الضيعة , مريت اخدت ليث من عند اميرة و رجعنا على البيت , كان سعيد عم يتغدى هو و ابوه و نظيرة , فتنا و قلنا السلام عليكم
سعيد: وين كاينين يا لطيف حتى لابسين هالاسود؟
ام سعيد: رحنا مع ام حسن اخدنا بالخاطر
سعيد: خاطر مين؟
ام سعيد: مرتو لجمال الباشا
ترك الملعقة من ايدو
سعيد:جمال الباسا ؟ما غيرو تبع الاستيراد و التصدير
ام سعيد: ما بعرف شو بشتغل انا رحت مع ام حسن و راحت سارة معنا طلعت بتعرف بنت اختو
اطلع فيني سعيد و انا كنت عم رضع ليث
سعيد:شو سارة , شو عم اسمع انا ؟
سارة : ايه
سعيد: شو اخدك لهنيك ؟ انا رجل كرسي هون , كيف بتروحي بدون ما تاخديني اذني
ابو سعيد: راحت مع امك , ما بدا كل هالقد عصبية
نظيرة : لا عمي ما بصير , بقولو عنا بالضيعة عن هيك مرة سش ة و زوجا ما معبي عينا
سارة : انت اسكتي و ما تدخلي ,و انا كيف بدي اخد ادنك و انت ساحب مني الموبايل
قام عن الطاولة و مسكني من ايدي و سحبني على الغرفة
سارة : اترك ايدي…
ام سعيد: سعيد طول بالك ,االولد رح يوقع
اعطى ليث لامو و دفشني لجوا الغرفة و فات و سكر الباب
سعيد: شفتيه لجمال الباشا ؟
سارة : ايه شفتو
سعيد: و شو قلتيلو ؟ قلتيلو انا ندمانة اني ما تزوجتك و انا ما مبسوطة مع زوجي و زوجي تزوج علي
سارة : ما لحقت قلو كل هالحكي لانو كانت امك مستعجلة
مسكني و ثبتي بالحيط
سعيد: لك بكل وقاحة عم تقوليا ا,نت وحدة ما مرباية , اصلا ما حدا رباكي , امك ما كانت فاضية تربيكي , رحتي لعندو برجليكي
سارة: رحت لاخد بالخاطر ما كرمال شي تاني , تركتني سنة ليش ما خفت روح عندو مع اني كنت بحاجة أي حدا يعبي محلك الفاضي
سعيد: لانو كنت واثق فيكي بس هلا وصلت فيكي ما بقا تسالي عني , كيف بتروحي لعندو و انت بتعرفي انو كان بدو ياكي , ولا بدك تشوفي فادي, شفتيه لفادي؟
سارة : بعد عني …انت بهالقعدة يلي قعدتا بالضيعة تغيرت كتير , صار عقلك حجر , و انا ما بقدر على العيشة معك و ما بقا بتناسبني
سعيد: اكيد هلا جمال الباشا بعد ما توفت مرتو , فضيلك الجو و رجعت تندحشي بهالعيلة باي طريقة
سكتت شوي و انا عم اخد نفس و حاول استوعب لهجة حكيو لسعيد الجديدة يلي انقلب كليا بعد قعدتو هون
سعيد: سكتي ….معناها كلامي مزبوط
سارة : شو حابب تسمع اني انا ندمت اني تزوجتك و ما تزوجتو, اييييه ندمت و كل يوم عم ندم , كل ساعة بتمر علي بهالبيت عم بندم
سعيد: يلعن ….
ضرب ايدو بالحيط
سعيد: هادا الحكي بدك تندمي عليه , خليكي هون
طلع من الغرفة و طلعت نظيرة بوجهو كانت واقفة عم تتسمع على الحكي , قفل الباب علي و نزل
سارة : طلعلي ابني ليث
نفخت و رجعت تسطحت على التخت انا و عم اتذكر ذكرياتي مع سعيدة كيف كان و كيف صار , قمت غيرت تيابي و رجعت خبطت على الباب , كان بدي ابني بس ,ما حدا رد علي , بقيت للمسا و سعيد مقفل الباب علي لطلعت حماتي و فتحتلي الباب و اعطتني ليث لرضعو لانو كان جوعان , رضعتو و نيمتو , و نزلت على المطبخ ميتة جوع و كانت نظيرة قاعدة مع ام توفيق عم يتوتو مع بعض , حسني قلبي انو كل الحكي علي , اطلعت فيني نظرة و هي تضحك ضحكة صفراوية شمتانة , سكبت صحن رز بفاصوليا , اكلتو قدامن و هن عم يتغامزو و يتلامذو علي , و انا و طالعة طلع سعيد بوجهي فايت على البيت , اول ماشفتو , خفت و طلعت ركض على غرفتي و قفلتا ,تاني يوم ما نزلت على الفطور حتى امنت انو سعيد طلع من البيت , نزلت انا و مرتاحة , شفت حماتي عم تسقي الشتلات برا
سارة : مرة عمي انا بدي تياب ل ليث , كل تيابو صارو صغار عليه و هو كبران
ام سعيد: أي نزلي اشتري, بس الله يرضى عليكي , خدي راي زوجك , ما دخلني , بس ما بظن يخليكي هلا و انتظري ليروق بعدين اطلبي منو , بس دبري حالك من عند ضرتك
سارة : لا دخيل الله , خلص بنطر يومين و بقلو متل ما قلتي
نطرت سعيد لاجا المسا , فات على الغرفة ليشوف ابنو
سارة : انا بدي انزل اشتري تياب لليث و بدي مر على الجامعة فعل تسجيلي لا ني وقفتو وقت كنت حامل
سعيد: على شو ؟ على مناحتك , ما الي ثقة فيكي بقا تطلعي خطوة برا البيت
سارة : سعيد انت ابو ابني افهم , مانك زوجي و عم قلك كرمال تعطيني مصاري ما كرمال اخد ادنك
سعيد: سو صايرلك انت ؟ جانة؟
سارة : لا انت يلي سو صايرلك ؟ عم تعمل حالك سي السيد ,ما نا قص غير تقلي انقعلك رجليك بالمي اول ما ترجع من الغل , مفكرني جارية عندك و مفكر حالك سلطان ,ليلة عندي و ليلة عند ضرتي و نتقاتل كرمالك و نحبك خطط حتى نكسبك ب ليلة زيادة , انت وقت حبيتك حبيت رفيقي سعيد يلي فيك , حبيت تفكيرك المتحرر او يلي ادعيت انو متحرر بس هلا كل سي تبخر , و بلست اعرف وجهك الحقيقي
سعيد: طيب هيدا الوجه الحقيقي و مضطرة تقبلي فيه , ما بكيفك و روحة على الجامعة و نزلة على السوق ما في بهالوقت الحالي.
طلع من الغرفة ,قعدت على التخت و حسيت حالي مخنوقة و محبوسة بين ربع حيطان و كان سعيد عم تتغير معاملتو معي للااسوا بعد ما عرف اني رحت على بيت جمال الباشا , و صار يقضي وقتو مع اهلو تحت و ينام بغرفة ضرتي , بس انا كنت مرتاحة من بلاء نظيرة يلي حست حالا انو ربحت سعيد, مرة نزلت لتحت , شفتا قاعدة جنب سعيد , بس شافتني , قربت عليه اكتر و حطت راسا على صدرو , انتبه سعيد على حركتا المفاجئة و انتبه على وجودي , لفا اكتر حتى يجاكرني , و ركز عيونو بالتلفزيون , اطلعت فيني نظيرة و حطت ايدي فوق بعضن لتقلي طقي موتي ,مدتلا لساني و انا عم اضحك و اشرتلا بايدي بمعنى الله يهنيكي فيه ,,اجت حماتي و مسكتو ل ليث و صارت تلعبو و تجاكرت نظيرة
ام سعيد: يا روحي يلي كبران و تيابو صغرانين عليه , انزلي انت و اميرة استرولو تياب
نظيرة : و رافت كمان لازمو كام قطعة
ام سعيد: أي روحي معن
سارة : نظيرة روحي بكرا انت و اميرة و انا معلش بروح لحالي
اطلع فيني سعيد
نظيرة : أي روحي نظنوظتي مع اميرة و بطريقكن اشترو ل ليث على ذوقك
سارة : ما بحب لبس ابني الا على دوقي , انا امو و انا بشتريلو وخلي نظنظ تلبس ابنا على دوقا
سعي/مبتسم/: هيدا الموجود او خدي من تياب ضرتك و لبسيه ل ليث
سارة :ما بلبسو مستعمل , و بلا اصلا , هيدا بضل ابنكن و محسوب عليكن
تاني يوم راحت اميرة و نظيرة و انا بقيت بالبيت , استرو تياب لرافت و ل ليث و تياب الن بعد ما دليتا لاميرة على المحلات يلي بستري منا تياب الي ,رجعت اميرة و اعطتني كيس
ايرة :هيدا الك
اميرة : استحليتك فيه و فستان
سارة : عنجد يسلم ايديكي
اميرة : و شسترينالو ل ليث كام قطعة بس ضلو مع نظيرة
نزلت من غرفتا نظيرة
نظيرة : هدول ل ليث , تياب رافت طلعو عليه تمام
اخدت الكيس و فتحتو و تفرجت على الطقوم يلي شارينا ل ليث
اميرة : هدول على ذوقي ,شو رايك؟
سارة : كتير حلوين يسلم ايديكي
اميرة : يهرين بالهنا حبيب قلب عمتو , كل ما بشوفو بحسو عم يحلى , شو عم تاكل حلو حتى عم تحلى
سارة : ع يرضع حليب من امو هههههه
اطلعت بنظيرة انا و عم اضحك , قلبت شفايفا و ما عجبا حكيي
سارة : رح اطلع لبسو هالبجامة و قيس الفستان انا
طلع على غرفتي و قست الفستان يلي جابتلي ياه اميرة و كان لونو نهدي ضيق من فوق و فلو من تحت , لبستو البجامة لليث و نزلت لتحت
اميرة : واو طلع حلو كتير القالب غالب مشالله و هاتي لشوف ليث كيف طلعت البجامة عليه حبيب عمتو
فجاة صار يبكي ليث و يحرك رجليه و ايديه
اميرة : بسم الله على قلبو شو صرلو
اخدتو منا لسكتو , جيت لرضعو ما قبل و هو غشيان من البكا و عم يتحرك ,اخدتو مني اميرة و طلعت فيه لبرا بس ما سكت
ام سعيد: بجوز ممغوص , لانو مبين في سي عم يوجعو , رح اعملو زهورات
جيت لسربو زهورات ما قبل
سارة : مرة عمي انا قلقت عليه و ما بالعادة هيك بيبكي , ما في دكتور قريب من هون يفحصو
ام سعيد: أي فيه الدكتور خالد قريب
اميرة : رح حكي سعيد يجي
سارة : ما رح انطرو ليجي
اعطيت الولد لاميرة و طلعت لبست و رحت انا و حماتي , دخلنا بسرعة اول ما عرفنا انو نحن من عيلة ابو سعيد , حطو الدكتور على طاولة الفحص و صار يسالني عدة اسئلة , شلحو تيابو و هون كانت الكارثة و كل جسمو كان مبقع احمر
دكتور : ما تخافي هيدا تحسس , سو مطمعتيه ؟
سارة : ولاشي مرضعتو من حليبي و لامرة صار معو هيك
دكتور : طيب ممكن من التياب ما غاسلتين منيح من دوا الغسيل
سارة : تياب ؟ هدول التياب جداد … الله ياخدك يا نظيرة
طلعت من عند الدكتور انا و عم ابكي و ادعي على نظيرة
ام سعيد:عم تظلميا , بجوز التياب تخزينن سيئ , بعدين اشترتن هي و اميرة ايمت لحقت تحطلن سي
سارة :لحقت , وقت سالتا عن التياب , قالتلي اميرة التياب مع نظيرة و طلعت فين على الغرفة و نزلت , هاي وحدة مجرمة بدا تقتلني و تقتل ابني و انا لهلا ساكتلا , على كل حال مرة عمي ما تجيبيلا سيرة ابدا انا بعرف كيف اتصرف معا
رجعنا على البيت و كانت اميرة و نظيرة ناطرين ليطمنو على ليث
سارة : تحسس سطحي , كنت لازم اغسل التياب قبل ما لبسو اياهن
طلعت على غرفتي , حممتو ل ليث و دهنتلو جسمو بالمرهم يلي اعاطاني اياه الدكتور, نطرت لسمعت صوت خبطة باب نظيرة , تركت كل شي من ايدي ,و رحت لعندا , فتحت الباب بدون ما دق و فتت
سارة /تبكي/: قليلي شو بدك مني , قفلتي علي الحمام و حاولتي تقتليني بالافعى و هلا هيك عملتي بابني , و ما تحاولي تنكري , انا ما لهل الدرجة غبية , سعيد انا ما بقا عم خليه يقرب علي و قاعدة هون غصب عني و لو بكيفي ما كنت بقيت , كنت اطلقت
ضلت قاعدة على الكرسي و عم تسرح شعرا ببرود اعصاب و كاني ما واقفة وراها و عم احكي هالحكي الها
سارة :دخلتيني بحرب معك على رجال , ما عاد بهمني امرو , بس ادا بدك اضلي مستمرة هيك و رح تطلعي خسرانة لانو رح صير عنجد ضرتك
فتلت وجهها لعندي و هي قالبة شفايفا بغيظ
نظيرة : انا ما بدي شي غير سعيد يكون الي وحدي , انا هون بنت البيت و بنت العيلة و بنت الضيعة و انت دخيلة و غريبة و لو ما حملتي من سعيد , ما بحياتك فتي على هالبيت
سارة : طيب و حملت و هلا شو المطلوب مني حتى تكفي بلاكي عني و عن ابني و تتركيني عيش بسلام
نظيرة : حلو هالحكي كتير , هلا هيك منقعد و منتفاوض
سارة : قولي
نظيرة : بدي سعيد يكرهك و يطلقك و يرجعك لمحل ما جيتي
سارة : كيف بخليه يكرهني و يطلقني ؟
نظيرة : ولو بسيطة ,ما في اسهل منا , ايمت الرجال بطلق مرتو و بيكرها و بتطلع من نفسو ؟
سارة :ايمت ؟
نظيرة : وقت تخونو
سارة : بدك اياني خونو لسعيد ؟مجنونة انت ؟
نظيرة : اوهميه انك عم تخونيه و خاصة انك بقيت بعيدة عنو سنة , يعني رح يصدقك فورا و يمكن يشك انو الولد ما ابنو كمان هيك بطلقك و بتخلصي مني و بتاخدي ابنك معك, شو رايك؟
سارة : انت وحدة شيطانة , مستحيل اعمل هيك مستحيل لانو رح يقتلني و يقتل ابني و هيدا انت يلي بدك اياه
رجعت على غرفتي و مسكت ليث كان عم يبكي و هدهدتلو لنام , كنت مقهورة من جوا و مخنوقة حتى على العسا ما نزلت لانو ما كان الي نفس اكل , وقت طلع سعيد ليسوف ليث
سارة : نايم و ما تفيقو , ما صدقت ايمت نام
سعيد: عم تقلي امي انو متحسس و بكي كتير
سارة : ايه , عن اذنك كمان انا تعبانة و بدي نام
سعيد:طيب, ماشي
طلع من الغرفة و سكر الضو , بعد اسبوع كنت حاطة ليث بالعرباية و عم مشيه بالحديقة , شفت سعيد من بعيد , جاي بكير على غير موعدتو , نادالي بصوت عالي و بعصبية و اشرلي بايدو لاجي لعندو , رحت لعندو بسرعة , سحبني من ايدي بقوة
سارة :شوفي ….لوين اخدني …ليث بقي بالعرباية برا
سعيد: مشي معي لسوف
لحقتنا امو و نظيرة
سعيد: افتحي الباب
قمت المفتاح من جيبتي و فتحت باب غرفتي , دفشني لجوا الغرفة و فات و سكر الباب و وقفت نظيرة و امو ورا الباب
سعيد:وينو طالعيه ؟
سارة :شو هيدا ؟
سعيد: الموبايل
سارة : أي موبايل , انت اخدتو لموبايلي
سعيد: عم تتخوتي علي , معك واحد تاني
سارة : انا ؟ من وين …
فتح الخزانات و بلش يدور بين تياب , يمسك التياب و يزتن على الارض و فتح الدروج و نكشن , قلب المخدات و طالع موبايل
سعيد:و هيدا شو ؟هيدا ما موبايل ؟
سارة : ايه بس ما الي , اكيد حاطتو الكلبة نظيرة
سعيد: بالله و كيف بدا تحطو نظيرة و انت عم تقفلي غرفتك كل ما تطلعي منا , نظيرة قلبت سوبرومن و عندا قوة خارقة و ايديا بتفوت من ورا الباب …
صار يكبس بالموبايل
سعيد: مقفلتيه بكلمة مرور …خدي افتحيه
سارة : ما بعرف …قلتلك ما الي
مسكني من شعري و اعطاني الموبايل
سعيد: افتحيه
سارة /تبكي/:ما الي ….ولله ما الي
تركني من شعري و زتني على التخت و قعد جنبي و صار يحاول يفتحو هو و يخمن كلمات مرور , جلست قعدتي و سندت ضهري على ضهر التخت
سعيد: ها …فتح …حاطتيه باسم ليث ….لنشوف مع مين كنت عم تحكي
سعيد :جمولة ….مين جمولة
فتل وجهو لعندي ,و عيونو حمر و شعرو منكوس , عرفت انو نظيرة ملفقتلي تهمة خيانة بعد ما رفضت انا مثلا
سعيد: جمال الباشاا …عم تحكي مع جمال الباشا من ورا ضهري …عم تخونيني مع جمال الباشا ..كان حاسسني قلبي
سارة : لو كنت عم خونك معو كنت شفتني قاعدة هون لسا , هيدا كلو شغل نظيرة
بقي عم يفتس بالموبايل حتى قام فجاة متل المجنون , سحبني من رجلي , و مسكني من راسي
سعيد: شو هادا…
سارة : شو هادا
سعيد : هدول صور ليث باعتين لجمال عم تقليلو شوف ابنك اديش كبران
حطيت ايدي على تمي
سارة : ولله كلو تلفيق
يجب أنت تكون مسجل الدخول لتضيف تعليقاً.